88
dövrü; 2. Vegetasiya dövrü.
Nisbi istirahət dövrü passiv, vegetasiya dövrü fəaldır. Nisbi sükunət dövründə üzüm
bitkisində həyat prosesləri zəif gedir və nəzərə çarpacaq heç bir dəyişkənlik baş vermir.
Yuxarıda qeyd edildiyi kimi transpirasiya, tənəffüs, maddələrin çevrilmələri və
yerdəyişmələri davam edir. Vegetasiya dövründə tənəkdə nəinki ayrı-ayrı fazalarda,
hətta hər gün dəyişiklik baş verir. Ona görə də vegetasiya dövrü fəal dövr adlanır.
Nisbi sükunət dövrü 3 fazadan ibarətdir: 1. Hazırlıq; 2. Fizioloji (üzvi) və yaxud
dərin yuxu; 3. Məcburi (qış yuxusu) yuxu.
Nisbi istirahətin hazırlıq fazasında birillik zoğların uzunu boyu yetişmə qurtarır,
normal yetişmiş zoğlar sorta məxsus rəng alır. Zoğun ucunun yetişməyən hissəsi yaşıl
qalır, qışa doğru onlar bozarır və nəhayət ilk payız şaxtalarının təsirindən quruyub
düşür. Zoğun özəyində oduncağın və özək şüalarının sərhəddində mantar qatı əmələ
gəlir. Beləliklə, özək oduncaqdan ayrılır, tədricən onun toxumaları ölür. Əvvəlcə boz,
sonralar qəhvəyi rəng alır.
Birillik və çoxillik oduncağın qabığında mantar qatı əmələ gəlir.
Köklərdə böyümə dayanır. Kök üsküyünə qədər bütün uzunu boyu mantar qatı
əmələr gəlir. Uducu zona və qurtaracaq hissəsi ötürücü zonaya çevrilir və boz rəng
əmələ gəlir. Beləliklə, hazırlıq fazasında zoğun və kökün bütün canlı hissəsi
oduncaqlaşdıqdan sonra mantar qatı ilə örtülür. Bu qat bitkinin canlı toxumalarını
əlverişsiz mühitin təsirindən qoruyur.
Fizioloji istirahət dövrünə keçid vaxtı sortdan, rayonun təbii və ilin meteoroli
şəraitindən asılıdır. Məsələn, gün ərzində fasiləsiz günəş inolyasiyasiyası (işıqlanması)
fizioloji istirahətə keçidi ləngidir. Il ərzində əlverişli iqlim və qısa gün şəraitində
fizioloji istirahət öz vaxtında başlayır. Fizioloji istirahət dövründə kolun yuxarı
hissələrindəki qida maddələri aşağı hissələrə doğru, xüsusən çoxillik, o cümlədən
çoxillik qollara, ştamba və qola doğru axmağa və ehtiyat halında toplanmağa başlayır.
Ehtiyat qida maddələri həmin orqanları bir növ soyuqdan qoruyur. Fizioloji istirahət 60-
75 gün davam edir (dekabrın əvvəli, yaxud ortalarına qədər). Fizioloji istirahətin də
müddəti sortdan və iqlim şəraitindən asılıdır. Bu dövrdə köklər istirahət etmir. Torpağın
temperaturu və nəmliyi tənək üçün əlverişli olduqda onun köklərinin hamısı bütün qış
dövrü torpaqdan rütubət alıb yeraltı və yerüstü hissələrdən buxarlanan suyun yerini
ödəyir. Sükunət dövründə tənəkdə mürəkkəb fizioloji proseslər gedir. Nişastanın,
hemisellülozanın və karbohidratların hidrolizi, transpirasiya, tənəffüs və s. proseslər
gedir, ancaq tənəkdəki bu proseslərin sürəti az olur. Deməli, sükunət dövründə tənəkdə
həyat prosesləri zəif də olsa gedir, ona görə də tənəkdəki ―istirahət‖ sözünün qabağına ―
nisbi‖ sözü də əlavə edilir. Belə çıxır ki, üzüm bitkisinin istirahəti nisbidir.
Nisbi sükunət dövründə zoğlarda gizli yetişmə, xüsusilə tumurcuqlarda embrional
inkişaf tamamlanır. Məşhur üzümçü alım İ.N.Kondoya görə qışlayan tumurcuqlarda ən
uzun sükunət dövrü Bolqar, Senso, Rkasiteli, Kaberne Sovinyon; qısa sükunətli isə
Hüseyni, Ağ kişmişi, Fetyaska, Aliqote və s. sortlarda olur.
Fizioloji sükunət fazasında tənək üçün yaradılan hər hansı süni şəraitdə o oyanmır.
Buna görə də fizioloji sükunət eyni zamanda ― dərin yuxu‖ adlanır.
Payızda torpaqda nəmlik azlıq etdikdə zoğlarda əksinə təzyiq əmələ gəlir. Bunu
sübut etmək üçün zoğun uc hissəsində təzə kəsik aparıb qabda olan suya qoysaq, həmin
suyun azaldığını görərik. Belə vəziyyət ona görə yaranır ki, yayın axırında və payızın
89
əvvəlinə tənək çoxlu miqdarda su ixrac edir (xüsusilə yığılan məhsulla çoxlu su
çıxarılır). Bəzi tədqiqatların məlumatına görə sutka ərzində 0,2-2.0 l su uda bilir. Bu,
zoğ daxili toxumaların və əsasən qolların oduncaq borularının yaratdığı əks təzyiq
nəticəsində baş verir.
Nisbi sükunət dövrünün hazırlıq fazası Şirvanşahı sortunda 50-54 gün, Bəndidə 62-
64 gün, Təbrizidə 70-72 gün, Ağ şanıda 74-76 gün, Rkasitelidə 80-81 gün davam edir.
Üzüm bitkisinin müxtəlif həyat şəraitində nisbi sükunət və vegetasiya müddəti dəyişir.
Fizioloji istirahət qurtardıqda hava şəraiti əlverişli olsa tumurcuqlar oyana bilər.
Lakin fizioloji və yaxud üzvi yuxunun qurtarması dekabrın ortalarına və yaxud
axırlarına düşür. Bu vaxt hava şəraiti əlverişli olmadığına görə bitki məcburən yatır,
daha doğrusu məcburən istirahət etməli olur. Ona görə də tənəyin bu istirahəti məcburi
yuxu və yaxud qış yuxusu adlanır. Meteoroloji şəraitin bu fazanın davametmə
müddətinə təsiri daha çoxdur. Bu faza bilavasitə meteoroloji şəraitin təsiri altında olur.
Azərbaycan şəraitində davamlı 8-10
0
C temperatur olduqda üçüncü istirahət fazası öz
vaxtını qurtarır.
Respublikamız şəraitində bu vəziyyət adətən fevral-mart aylarında olur.
Ümumilikdə nisbi istirahət dövrü 4 ay və daha çox davam edir.
Nisbi istirahət dövründə üzümlükdə aşağıdakı işlər görülməlidir: məhsul yığımından
dərhal sonra üzümlük suvarılmalıdır (üzümlük suvarılandırsa). Suvarılmayan
üzümlüklərdə şum aparıldıqda kotanın arxasında kəltən yumşaldan qurğu olmalıdır ki,
kəltən əzilsin. Kollarda quru kəsmə işi başa çatmalıdır. Üzümlükdə seyrəklik aradan
qaldırılmalı, şpaler təmir olunmalı və qurulmalıdır. Tinglik üçün material (çubuq)
tədarük edilməlidir.
Payız-qış aylarında cərgədə bitki arası məsafə traktor və əl ilə şumlanır. Son vaxtlar
bu kimi vacib tədbir mexaniki qüvvə ilə deyil, əl ilə aparılır. Suvarılan və suvarılmayan
üzümlüklərdə qış belləməsinin texnikası fərqlidir. Suvarılmayan şəraitdə açmaq qaydası
deyilən qayda ilə, yəni belləmə aparılarkən cərgədə bitki aralarında torpaq bir qədər
kənara qoyulur ki, arxa bənzər şırım açılır ki, yağan yağış və qar suyu torpağa hopsun.
Xəstəlik və zərərvericilərə qarşı profilaktiki mübarizə məqsədi ilə 1%-li DNOK
məhlulu ilə çiləmə aparılmalıdır. Yazda və yayda xəstəlik və zərərverici müşahidə
olunan üzümlüklərdə bu iş daha diqqətlə aparılmalıdır.
Vegetasiya dövrü 6 inkişaf fazasından ibarətdir.
1)
Şirə hərəkəti və yaxud ―ağlama‖- şirə hərəkətindən tumurcuqların şişməsinə
qədər davam edir.
2)
Tumurcuqların açılması və zoğların əmələ gəlməsi- tumurcuqların şişməsindən
çiçəkləməyə qədər;
3)
Çiçəkləmə- çiçəkləmənin əvvəlindən sonunadək;
4)
Gilənin əmələ gəlməsi və böyüməsi- gilənin əmələ gəlməsindən yetişmənin
başlanmasına qədər;
5)
Gilənin yetişməsi- gilənin yetişməyə başlamasından tam yetişməyə qədər;
6)
Yarpaqların tökülməsi- gilənin tam yetişməsindən yarpaqların tökülməsinə
qədər.
Birinci faza tənəkdə birillik və çoxillik hissələrdəki yaraların yaşarması ilə başlayır.
Yaralardan intensiv şirə axımı kök sisteminin oyanıb torpaqdan su alması ilə
əlaqədardır. Şirə axımı başladıqdan sonra meteoroloji şərait əlverişli olmazsa onda