92
hər şey optimaldırsa və şirə hərəkətinin sonuna bu işin qurtarması proqnozlaşdırılsa ya
işçi qüvvəsi artırılmalıdır və yaxud mövsümi olaraq iş vaxtı uzadılmalıdır.
Ancaq müəyyən səbəbdən tumurcuqların şişməsinə qədər bağlanma işi
qurtarmayıbsa onda müvəqqəti olaraq bu iş dayandırılmalıdır ki, zoğlar əmələ gəlsin, bir
qədər möhkəmlənsin (bərkisin). Birinci yaşıl bağlama ilə birlikdə aparılmalıdır. Yadda
saxlamaq lazımdır ki, bir vaxtda iki iş növü yerinə yetirilir. Bu işin əmək haqqısı və
yüksək diqqət tələb etməsi nəzərə alınmalıdır.
İkinci faza gözcüklərin şişməsi ilə başlayır. Gözcüklər şişir, həcmcə böyüyür,
pulcuqlar aralanır, sıx tükcüklər arasından böyüməkdə olan müxtəlif rəngli tacı görünür.
Gözcüyün açılma sürəti də temperaturdan asılıdır. Temperatur 4-5 gün müddətində
ardıcıl olaraq hər gün 11-12
0
C olduqda koldakı gözcüklər təxminən bərabər açır. Bir
kolda 3-5 gözcükdə bu mənzərə müşahidə edildikdə bu fazanın başlanğıcı hesab edilir.
Gözcüklərin şişməsi ayrı-ayrı tumurcuqların hüceyrə və toxumalarının turqor
vəziyyəti alması hesabına baş verir. Eyni zamanda tənəffüs güclənir. Tumurcuqlara su
axımı onların həyat fəaliyyətini artırır. Bu vaxt tumurcuqlarda boy stimulyatorlarının
miqdarı, ferment və hormonların fəallığı artır.
Tumurcuqların açılma vaxtı onların embrional inkişafından da asılıdır. Tumurcuq nə
qədər yaxşı inkişaflı olsa bir o qədər də böyüməyə tez başlayır.
Tumurcuqların açılması çox məhsuldar dövrdür, belə ki, onlar açılmağa başladıqda
çiçək qrupu axırıncı diferensasiya-formalaşma mərhələsini keçirir. Tumurcuqların eyni
vaxtda sürətlə açması torpaqda və tənəkdə nəmliyin normal olmasından da asılıdır. Ona
görə də 1-ci faza qurtaran kimi üzümlük suvarılmalıdır.
Faza müddətində yarpaq, zoğ, çiçək qrupu, bığcıq və biclər sürətlə böyüyür.
Formanın sonuna yaxın zoğların böyümə sürəti maksimuma çatır, yəni sutkada 8-10sm-
ə çatır.30
0
C temperaturda zoğların sutkalıq artımı maksimuma çatır.
Ikinci fazanın başlanğıcında tənəyin şaxtaya davamlılığı xeyli azalır. Yuxarıda qeyd
etmişdik ki, +2
0
C-dən aşağı temperaturda cavan yarpaq, zoğ və yetişmiş gilə zədələnir.
Ilk yazda havanın belə soyuması respublika ərazisində vaxtaşırı baş verir. 2004-cü il
aprel ayının 4-dən 5-ə kecən gecə Gəncədə -5
0
C şaxta olmuş və yeni salınan
üzümlüklərdə kollara müəyyən qədər ziyan dəymişdir. Yeni salınan üzümlüyü xüsusi
olaraq vurğuladıq, ona görə ki, şpalerdəki üzümlüyə o qədər ziyan dəyməmişdir. eBlə
yerlərdə tumurcuqların açılmasını iki üsulla ləngitmək mümkündür: 1) sortların
seçilməsi,2) gözcüklərin açılmasını ləngidən tədbirlərin görülməsi.
Yaşıl zoğlarda yarpaq, çiçək qrupu və bığcıq əmələ gəlir. İlk vaxtlar təpəcik
şəklində görünən çiçək topası getdikcə böyüyür, seyrəlir və salxımın formasına
yaxınlaşır. Zoğlar yeni əmələ gəldikdə 1,2 və 3- cü buğum araları çox qısa olur,
getdikcə onlar uzanır və sorta məxsus ölçüyə çatır. Buğum aralarında bir də zoğlarda
böyümə zəiflədikdə qısalma gedir. Bu vəziyyət yarpaqlarda da müşahidə edilir. Belə ki,
3-4-cü buğuma qədər yarpaqlar xırda olur, sonra isə böyüməyə başlayır.18-19-cu
buğumlarda, respublikamız şəraitində hətta 25-30-cu buğumlarda yarpaqlar sorta
məxsus irilikdə olur. Zoğun ucuna doğru onlar yenidən kiçilməyə başlayır. Ona görə də
üzüm sortları təyin və təsvir olunduqda orta yarpaqlardan istifadə edilməlidir.
Tənək torpağın altında (qışda üzümlükləri basdırılan yerlərdə) qaldıqda və onlara
dəmir kuporosu məhlulu çiləndikdə gözcüklərin açılması ləngiyir. 2-ci fazada zoğların
və çiçək qrupunun böyüməsində kolda morfoloji və fizioloji dəyişikliklər baş verir.
93
Yaşıl zoğların, yarpaqların, çiçək qruplarının, bığcıq və biclərin böyüməsində ciddi
dəyişikliklər baş verir. 2-ci fazanın başlanğıcına yaxın köklər böyüməyə başlayır, uzun
köklərin ucunda uducu zona əmələ gəlir və budaqlanma nəticəsində çox kiçik kökcüklər
görünməyə başlayır. Fazanın axırına yaxın kiçik kökcüklərin sayı artır.
2-ci fazanın başlanğıcında hələ ―ağlama‖ müşahidə edilməkdədir, ancaq yarpaqlar
əmələ gəldikcə və böyüdükcə şirə axımı dayanır. Fasiləsiz olaraq transpirasiyanın
gücləməsi nəticəsində borularda əks təzyiq əmələ gəlir. Uzun müddətli yağmurlar
olduqda və yağış yağdıqda təzyiq azalır. Havada və torpaqda yüksək nəmlik olduqda
―ağlama‖ zəif də olsa davam edir və cavan yaşıl zoğlarda açıq sarı rəngli vəzciklər
(kauçuka bənzər) görünməyə başlayır.
2-ci faza müddətində kolun bütün orqanları öz funksiyasını yüksək dərəcədə yerinə
yetirir: fotosintez, transpirasiya, müxtəlif üzvi birləşmələrin sintezi, qidalanma və
maddələrin yerdəyişmələri.
Üzüm kolunun orqanlarının formalaşmasına çoxlu miqdarda qida maddələri sərf
olunur. Bu vaxtda kolun çoxillik hissələrində ehtiyat qida maddələri xeyli azalır. Çiçək
qruplarında çoxlu miqdarda şəkər toplanır.
Fazanın sonunda və yaxud çiçəkləmənin başlanğıcında zoğlarda böyümə maksimum
həddə çatır. Ümumiyyətlə, illik yaşıl kütlənin 60%-i bu fazada əmələ gəlir. Zoğun
böyümə dinamikası koordinat oxlarında əyri ilə göstərilsə onun maksimum nöqtəsi 2-ci
fazanın sonuna, çiçəkləmənin əvvəlinə və yaxud çiçəkləmə vaxtına düşə bilər. Zoğun
böyümə intensivliyi sutka ərzində gecəyə nisbətən gündüz ( saat12-16 arası) daha artıq
olur. Bunun səbəbi gecə saatlarında temperaturun nisbətən aşağı olmasıdır. Fazanın
sonunda zoğun böyümə intensivliyində gecə ilə gündüzün müqayisəsində vəziyyət
gecənin xeyrinə dəyişə bilər. Bu halda işıq amilinə nisbətən temperatur amili daha üstün
əhəmiyyət kəsb edir. Zoğların böyümə intensivliyində sort məsələsi xüsusi əhəmiyyət
kəsb etmir. Burada temperatur rejimini üstünlüyü daha açıq şəkildə özünü göstərir.
Zoğun normal böyüməsi üçün 25-30
0
C optimal hesab edilir. Zoğun böyümə
intensivliyinə onun kök sisteminə yaxınlığı da təsir göstərir. Zoğ torpağa nə qədər yaxın
olsa bir o qədər də onun böyümə intensivliyi artıq olar.
Zoğların böyümə intensivliyinə polyarlığın da əhəmiyyəti vardır. Bar barmağının
aşağı hissəsindəki zoğlar daha intensiv böyüyür. Zoğun intensiv böyüməsində
calaqaltının da müəyyən qədər əhəmiyyəti vardır. Güclü böyüyən calaqaltılara calanmış
kollarda zoğlar intensiv böyüyür. Bic zoğlarının böyüməsi onların yerləşmə yerindən
asılıdır. əsas zoğun aşağısından yuxarı 3-5-ci buğumlardakı bic zoğları digərlərinə
nisbətən daha intensiv böyüyən olur. Bu fazada çiçək qrupları tam formalaşır, zoğun
uzunu boyu yarpaq qoltuğunda tezyetişən bic tumurcuqları və qışlayan gözcüklər əmələ
gəlir. zoğun aşağı buğumlarındakı tumurcuqlar qida azlığından zəif inkişaflı olur.
Onların formalaşması fazanın başlanğıcına düşür, bu vaxtlar yarpaqlar hələ oz optimal
iriliyinə çatmadığından onların fotosintez fəaliyyəti də lazımi həddə olmur. Ən inkişaflı
tumurcuqlar zoğun intensiv böyüyən vaxtlarında olur (zoğun orta hissəsi). Zoğun
intensiv böyüyən vaxtlarındakı yarpaqlar maksimum iriliyə çatdıqda onların fəaliyyəti
də yüksək olur.
Cavan zoğlarda çiçək qruplarının görünməsi yaşıl əməliyyatın başlanmasını göstərir.
Zoğlar 40-50 sm-ə çatdıqda onlar bağlamalıdır. Ancaq əvvəlcə artıq zoğlar (lazımsız)
qoparıldıqdan sonra bağlama aparılmalıdır. Ikinci fazanın sonunda kambi qatının