94
formalaşmasının fəallığı artdıığından oduncaqdan o asanlıqla ayrılır. Bu vaxt zoğda
həlqələmə aparmaq olar. İkinci fazanın sonunda təqribi məhsuldarlığı hesablamaq olar.
İkinci faza dövründə aqrotexnika üçün vacib olan aşağıdakı bioloji mərhələləri qeyd
etmək olar: zoğda birinci çiçək qrupunun görünməsi haramı zoğların vurulmasının
vaxtını göstərir. Yaşıl zoğda çiçək qrupu əvəzinə (birinci simpodial budaqlanmada)
bığcıq görünürsə, həmin zoğun barsız olacağı şübhəsizdir. Barlı və barsız zoğlar bir-
birindən seçildikdə haramı zoğların ikinci dəfə vurulmasının vaxtını göstərir.
Ikinci fazada üzümlükdə torpağa qulluq işləri: suvarma, xəstəlik və zərərvericilərə
qarşı mübarizə tədbirləri həyata keçirilməlidir. Çiçəkləməyə az qalmış zoğların ucu
qoparılmalıdır. Bu fazada və sonrakı fazalarda aparılan yaşıl əməliyyatdan ayrıca bəhs
ediləcəkdir.
Üçüncü faza çiçək topasında 2-3qönçənin açılması ilə başlayır. Davam etmə
müddətinə görə fazaların ən qısa müddətlisidir. Üzümlükdə çiçəkləmə bərabər getmir.
Nəinki müxtəlif sortlarda, həm də eyni kolda çiçəkləmə eyni vaxtda getmir. Bir kolda
çiçəkləmənin başlanğıcı gözcüklərin açılmasından asılıdır. Gözcüklər nə qədər tez
oyansa çiçəklər də o qədər tez açılar. Çiçəkləmənin başlanmasına temperaturun böyük
təsiri vardır. Bir çox tədqiqatçılara görə gözcüklərin açılmağa başlamasından
çiçəkləməyə qədər təqribən 400
0
C fəal temperatur tələb olunur. Göstərilən miqdar
temperatur toplanması çıçəkləmənin vaxtını göstərir.
Temperatur artdıqca çiçəkləmə də yaxınlaşır. Bunu onda görmək olur ki, torpağa
yaxın çiçək qruplarında və basmalarda çıçəkləmə tez başlayır. Temperatur nə qədər
yüksək olursa olsun yenə də çiçəklərin hamısı eyni vaxtda açmır. Bir çiçək topasında
çiçəkləmə 4-9 gün çəkir. Bir sortdan olan üzümlükdə əlverişli iqlim şəraitində 8-14 gün,
müxtəlif sortdan olan və müxtəlif torpaq səthində bitən üzümlükdə çiçəkləmə 22 gün
çəkir. Çiçəkləmə nə qədər gec başlasa bir o qədər də intensiv gedir. Gün ərzində
çiçəkləmə aşağıdakı kimi olur. Çiçəklər səhər tezdən (6-7 arasında) açılır və saat 11-ə
yaxın azalır. Az sonra tamamilə dayanır. Çiçəyin ömrü dişiciyin ömrü ilə ölçülür.
Erkəkciyin ömrü 5 gün, dişiciyin ömrü 7 gündür. Deməli 1 çiçəyin ömrü 7 gündür.
Çiçəkləmə əvvəlcə yavaş,3-4-cü gündən etibarən sürətlənir və kütləvi xarakter alır.
Bu baxımdan çiçəkləmə fazası başlanğıc, kütləvi və azalmaqdan ibarət
yarımmərhələlərə bölünür buna görə süni tozlama da üç mərhələdə aparılır: çiçəklər
25%, 50% və 75% açanda tozlama aparılır.
Çiçəkləmənin və mayalanmanın fiziologiyası bir çox alimlər tərəfindən
öyrənilmişdir ( bir çox bitkilərdə). Ancaq üzüm bitkisinin müxtəlif tip çiçəklərinin
kimyəvi təhlili haqqında bu məlumatlar azdır.
R.A.Kozmanın (Bolqar) məlumatlarına görə çiçəkləmə vaxtı çiçək qrupunda 81,19 -
85,20 % su olur. Anamologiyaya uğramış çiçəklərdə su daha çox olur. NPK-nın miqdarı
müxtəlif cins çiçəklərdə müxtəlifdir.
Üzüm çiçəyində amin turşularının 15 növü aşkar edilmişdir. Ancaq çiçəyin tipindən
asılı olaraq onların miqdarı dəyişir.
Mayalanma nöqteyi-nəzərindən ağızcıq sapının və sütuncuq kanalının ötürücü kanal
toxumalarının fizioloji amil kimi fiziki-kimyəvi və biokimyəvi xüsusiyyətlərinin
əhəmiyyəti qeyd edilməlidir. Ağızcıq tükcüyünün tərkibində dabbaq maddələri olduğu
halda sütuncuq kanalı saplarında bu maddələr yoxdur.
Erkəkcik tozcuğunun pH(6,8-7,5) ağızcığın pH-dan (5,5-6,5) çoxdur .
95
Alçaq ştamblı kollarda çiçəkləmə tez başlayır, xırda çiçək qruplarına nisbətən iri
çiçək qruplarında da çiçəkləmə tez başlayır.
Çiçəkləmənin başlanğıcında çiçəklərin 4-5 %-i, kütləvi çıçəkləmədə 60-75%-i açmış
olur. Çiçəkləmənin başlanğıc və sonu bir qədər ləngimiş olur.
Çiçək tacı çiçəkdən düşəndən dərhal sonra erkəkcik saplağı yuxarıya doğru
dartılaraq uzanır və erkəkcik tozcuğunu dişiciyin ağzcığından 45
0
-li bucaq altında
aralayır. Tac atılan vaxtı və yaxud ondan bir qədər sonra toz kisəsi partlayır. Çiçəkləmə
prosesi uzandıqda (sərin və yağışlı havada tac düşən məqamda və yaxud azca ondan
sonra erkəkcik tozcuğu partlayır). Sürətli çiçəkləmədə isə tac düşəndən 1-60 dəqiqə
ərzində bu proses baş verir.
Erkəkcik saplağı toz kisəsi partlayandan təqribən bir gün sonra soluxur və quruyub
düşür. Qönçə açıldıqdan az sonra dişiciyin ağızcığında sekresiya məhlulu adlanan bir
damcı toplanır. Bu damcının vəzifəsi ora düşən erkəkcik tozcuğunu cücərtməkdən
ibarətdir. Sekresiya damcısının əmələ gəlməsi çiçəkləmədə olduğu kimi özünə məxsus
daxili endogen ritmə malikdir. Bir qayda olaraq sekresiya məhlulu erkən səhər
saatlarında, bir də axşam üstü (saat 17-18-də) görünməyə başlayır. Ağızcıqda məhlul
əmələ gəlməsi mayalanma gedənə qədər və yaxud ağızcıq qonurlaşana qədər davam
edir. Çiçəklər açıldıqdan 10-12 gün sonra qocalıb məhv olur. Sekresiya məhlulunun
əmələ gəlməsi dayandıqdan sonra çiçək saplağında ayırıcı hüceyrə qatı əmələ gəlir(
mayalanmamış çiçəklərdə) və çiçəklər tökülməyə başlayır.
Üzüm istixana şəraitində becərildikdə o qədər sekresiya məhlulu əmələ gəlir ki, o
ağızcıqdan axmağa başlayır və özü ilə ora düşmüş erkəkcik tozcuğunu da aparır.
Mayalanma prosesində toz borusunun əmələ gəlməsində sekresiya məhlulunun
əhəmiyyəti bir çox tədqiqatçılar tərəfindən qeyd edilmişdir. Quru havada sekresiya
məhlulu quruyur və erkəkcik tozcuğu boru əmələ gətirə bilmir. Bu məhlulu yalnız öz-
özünü tozlaya bilən və funksional dişi tipli çiçəklər ifraz edə bilir. Xarici və daxili
şəraitdən asılı olaraq məhlulun qatılığı müxtəlif ola bilər. Məhlulun olmaması isə
çiçəyin tökülməsi ilə nəticələnir. Funksional dişi tipli çiçəklərin sekresiya fəaliyyəti
daha güclüdür.
V .Vinifera Silvestrisin (yabanı üzüm) müxtəlif cinsli çiçəkləri və mədəni üzümün
öz-özünü tozlayan bəzi sortlarında çiçəkləmə prosesi tac düşmədən mayalanma fertil
tozcuğu olan sortlarda gedir. Funksional dişi tipli çiçəklərdə bu cür mayalanma yalnız
toxumsuz gilələr verə bilir. Bu cür öz-özünü tozlayan sortlar (məs. Qara medok, Əsgəri,
Muskat matyaş yanoş) kleystoqamiyaya meyllidirlər. Bəzən xəstə çiçəklərdə də bu cür
mayalanma gedir.
Yabanı üzüm küləklə tozlanan (anemofil) bitkidir. Ikicinsli çiçəklərin kasa yarpağı
zəif inkişaflıdır, ləçəkləri sadə və yaşıldır, çiçəkləmə vaxtı çiçəkdən düşür, dişicik
nəzərə çarpan rəngli deyil, erkəkcik tozcuqlarının səthi hamar və qurudur. Funksional
dişi tipli çiçəklər küləyin və həşəratın gətirdiyi tozcuqla tozlanır.
Çiçəklərdə tozlanma və mayalanma kimi mürəkkəb fizioloji proseslərin gedişində
iqlim şəraitinin, xüsusilə temperaturun olduqca böyük əhəmiyyəti vardır. 15
0
C
temperaturda çiçəkləmə gedir, ancaq mayalanma getmir. 17-19
0
C
temperaturda
mayalanma gedir, ancaq onun intensivliyi zəif olur. Çiçəkləmə və mayalanmanın
getməsi üçün 25-35
0
C optimal hesab edilir. 35
0
C-də çiçəkləmənin sürəti artır, ancaq
mayalanmanın keyfiyyəti azalır. Bu halda çiçəklər və mayalanmış yumurtalıqlar çox