114
temperaturun miqdarına görə üzüm sortlarının seçilməsi qəbul olunmuşdur.
Ayrı-ayrı veqetasiya fazalarının normal keçməsi üçün müəyyən miqdar fəal
temperatur tələb olunur.
Rayonun və ilin istilik şəraiti mütləq minimum və mütləq maksimum
göstərilməklə orta aylıq temperetur ilə xarakterizə olunur.
Məşhur iqlimşünas F.F Davitayaya görə şimal rayonlarında müxtəlif
vaxtlarda yetişən üzüm sortları üçün veqetasiya müddətində müxtəlif miqdarda
fəal temperatur tələb olunur. Məsələn, tezyetişən sortlar üçün 2500º C , orta
yetişənlər üçün 2900 ºC, gec yetişən sortlar üçün 3300º C.
Üzüm bitkisində yazda tumurcuqlar müsbət 10º C –də açılmağa başlayır,
payızda da +10º C –də zoğların böyüməsi dayanır.
İlk yazda gözcüklər şişən vaxtı temperatur -3-4º C -ə endikdə onlar zədələnir.
Yeni əmələ gəlmiş cavan zoğlar aşağı temperatura daha həssasdır, o-(-0,6) ºC –də
yeni əmələ gəlmiş yarpaq , zoğ və çiçək qruplarının toxumaları zədələnir. Yazda
uzun müddətli isti havalardan sonra qəflətən temperatur -5-6º C -ə endikdə
çoxillik hissələrin oduncağı zədələnə bilir.
Payızda tənəyin yarpaqları -1-2ºC temperatura tab gətirə bilir. Yaxşı
yetişməmiş gilələr -3 C-dən aşağı , yetişmiş gilələr isə -4ºC-dən aşağı
temperaturda zədələnir.Yetişmiş gilələr şaxta ilə zədələndikdə qonur və qırmızıya
çalan rəng alır və yumşalaraq xoşa gəlməyən dada malik olur.
Bioloji sıfırdan aşağı temperaturda kolda böyümə dayanır, təbəxxür və
tənəffüs, maddələrin çevrilməsi və yerdəyişməsi, həmçinin zoğların yetişməsi
prosesləri zəifləyir.
Aşağı temperaturun bitkiyə təsirində üç anlayışı fərqləndirmək lazımdır,
şaxtaya davamlılıq – bitkinin şaxtalara davamlılığı; soyuğa davamlılıq – bitkinin
aşağı müsbət temperaturaya davamlılığı; qısa davamlılıq – qışın bütün amillərinə
(gözcüklərin torpağın altında çürüməsi bura daxil deyildir) bitkinin davamlılığı.
F.F.Davitaya və başqaları şaxtalı iqlim qurşaqlarını 3 yerə bölür: 1. şaxtaları-
15-16º C olan yerlər, burada üzüm bitkisi xüsusi üsulla şaxtadan qorunmur; 2.
şaxtaları -15-16º C –dən aşağı olan yerlər- burada üzüm kolu torpağa basdırılır;
3.şaxtaları -35º C dən aşağı olan yerlər- burada kollar xüsusi üsulla şaxtadan
qorunur ( oranjereya ).
Yaz şaxtaları iki tipdə olur advektiv və radiasiya. Advektiv şaxtalar soyuq
arktik hava axımının daxil olması nəticəsində baş verir və havanın temperaturunu
gecələr -6 ºC endirə bilir. Bu şaxtalar daha qorxuludur. Radiasiya şaxtaları
gecələr torpağın soyuması nəticəsində baş verir. Bu şaxtalar yerli xarakter daşıyır
və qış şaxtalarına nisbətən az soyudur.
Qış vaxtı torpağın səthindən yuxarıya qalxdıqca temperatur yüksəlir.Belə ki,
iki metr hündürlükdə torpağın səthinə nisbətən+4 ºC-ə qədər temperatur artıq
115
olur.
Yaz şaxtalarına qarşı aşağıdakı mübarizə tədbirləri həyata keçirilir:
1)
sortların seçilməsi; 2) aqrotexniki tədbirlərlə bilavasitə tənəyin özünə təsir
göstərilməsi; 3) aqrotexniki tədbirlərlə tənəyi əhatə edən mühitə təsir
göstərilməsi.
Üzüm sortlarının yaz şaxtalarına davamlılığı eyni deyildir. Üzüm sortlarının
yaz şaxtalarına davamlılığı onların iki xüsusiyyətindən asılıdır gözcüklərin gec
açılması və əvəzedici tumurcuqların məhsul verməsi. Ona görə də yaz şaxtaları
təhlükəsi olan yerlərdə gözcükləri gec açan və əvəzedici tumurcuqları məhsuldar
olan üzüm sortları əkilməlidir.
Aqrotexniki tədbirlərlə bilavasitə tənəyi özünə aşağıdakı qaydada təsir
göstərilir: gözcüklərin açılmasını ləngitməklə. Bu məqsədlə qişda tənəyin dibinə
qar-buz yığılması, yazda (1-ci fazadan əvvəl ) tənəyin yerüstü hissəsinin
ağardılması və quru budama aparılarkən bic zoğlarından kötük saxlanması. Bu
üsulları tədbiq etməklə tənəyin oyanmasını bir həftədən çox ləngitmək oiar. Bu
müddətdə də yaz şaxtaları sovuşub getməsə də ciddi təhlükə də gözləmək olmaz.
Tənəyə verilən formalarda ştambı qaldırmaqla da onun oyanmasını ləngitmək
olar.
Tənəyi əhatə edən mühit şəraitinə aşağıdakı üsullarla təsir göstərilə bilər.
Bunlardan biri alaq otlarının qalıqlarının məhv edilməsi, üzümlüyün su ilə
basdırılması və tüstü əmələ gətirilməsi. Üzümlükdə tüstü yaradılması üçün bir
hektarda 40-60 peyin koması düzəldilməlidir. Üzümlükdə tüstü yaradılmasında
tüstüləndirici şaşkilərdən də istifadə edilə bilər.
Qışın başlanğıcında tənəkdə su təqribən 50% azalır. Ehtiyat maddələrin
tənəffüsə sərf olunması az miqdarda olsa da davam edir. Bu proses hətta
temperatur 0°C-dən aşağı düşdükdə də davam edir. Bu baxımdan calaq üçün
material qışın başlanğıcında tədarük edilməlidir. Azərbaycan Respublikasının
ərazisində, xüsusilə Gəncə ətrafında çox az hallarda yaz şaxtaları üzüm bitkisinə
ziyan vurur. 2004-cü il aprelin 4-dən 5-nə keçən gecə Gəncədə temperatur -5º C-ə
enmiş və xeyli ziyanla nəticələnmişdir. Gəncə Şərab -2 ASC-nin həmin ildə yeni
üzümlüyündə belə mənzərə müşahidə edilmişdir. Yeni əkilmiş tinqlərdə 4-5 sm
uzunluğunda olan cavan zoğlar tamamilə məhv olmuşdur. Bu vəziyyət çox
qorxulu hesab edilə bilməz, çünki məhv olan əsas tumurcuqdan çıxan zoğlardır.
Bir həftə keçmiş əvəzedici tumurcuqlar oyanıb zoğ verdi. Böyümə prosesi bir
həftə ləngidi, ancaq yeni zoğlar əsas zoğları əvəz etdi.
Bu məsələ də bir qanunauyğunluq təhlil edirdi:
O tinglər ki, zəif idi, onlarda yeni zoğ gec əmələ gəldi və sonrakı mərhələdə
onlar zəif böyüdü. O tingdə zoğ əmələ gəldi və güclü böyüməyə başladı. Buradan
bir daha belə nəticəyə gəlinir ki, əkin materialı - istər ting, istərsə də çubuq