118
edilə bilər. Hətta 2-ci və 3-cü dərəcəli bic zoğlarından istifadə edərək kolun tam
formalaşmasını birinci ildə də başa çatdırmaq mümkündür.
Dördüncü qrup zədələnmədə kolun yerüstü hissəsi tamamilə məhv olur. Onun
bərpası üçün ştamb kök boğazından 15-sm aşağıdan kəsilir (mişarlanır).Salamat
qalan ( zədələnməmiş ) yeraltı ştambdan yazda çoxlu miqdarda haramı zoğlar
çıxır. 20-25 sm böyüdükdən sonra onlar nizamlanır, yəni gələcək ştamb üçün
münasib zoğ seçilib saxlanılır. Bu cür haramı zoğlar çox sürətlə böyüyən olur.
Külək və hər hansı mexaniki zədədən onlar tezliklə zədələnə bilir. Bu baxımdan
onlar nizamlanarkən iki ədədi saxlanır və dayağa bağlanır. Onlar adi üsulla
böyüdüldükdə 3-cü ili bara düşür, ancaq sürətli üsulla 2-ci ili bara salmaq
mümkündür. Bu halda birinci məqsəd kolun itmiş formasının bərpa edilməsidir.
Çoxillik təcrübələrimizdə bu kimi hallarda çox üzləşmişik. Yerüstü hissəsi
tamamilə itmiş kolu sürətli üsulla 2-ci ili həm tam formalaşdırmaq, həm də
məhsula salmaq mümkündür.
Üzüm bitkisinin şaxtaya davamlılığı üzrə aparılan təcrübələrdə soyuducu
kameraya müxtəlif növ və sortlardan qoyulan tənəklərdən v.vinifera mənsublu
sortların kökləri -7ºC-də 24 saat müddətində məhv olmuşdur. Amerikan
tənəklərin ( Ripariya x Rupestris 3309, 101-14, eləcə də Ripariya ) kökləri daha
aşağı temperatura dözümlü olmuşdur. Bir neçə avropa sortlarının çubuqları -
20ºC-də 24 saat müddətində salamat qalmışdır. Söz yox ki, 24 saatdan artıq
qaldıqda onlar da zədələnmişdir. Ancaq Rislinq sortu həmin müddətdə -22ºC-də
zədələnməmiş qalmışdır.
Bu təcrübədə avropa üzümlərinin kökü -6ºC-də məhv olmuşdur. Amerikan
üzümlərinin kökləri -10ºC-də salamat qalmışdır.
Qış şaxtaları ilə mübarizə tədbirləri 3 qrupa bölünür:
1)
sortların
seçilməsi;
2)
aqrotexniki tədbirlərlə üzüm bitkisinin bilavasitə özünə təsir
göstərilməsi;
3)
aqrotexniki tədbirlərlə üzüm bitkisinin yerləşdiyi mühitə təsir
göstərilməsi.
Azərbaycanda qış şaxtaları üzüm bitkisinə hər il ziyan vurmur. 1972 –ci
ildən bəri cəmi 5-6 dəfə qış şaxtaları üzümlüklərə müəyyən qədər ziyan
vurmuşdur. 1972 –ci ildə dəniz səviyyəsindən ən aşağı rayon olan Kürdəmirdə
şpalerdə olan üzümlüklər tamamilə məhv olmuşdur ( -30ºC -ə qədər şaxta
olmuşdur ). Kürdəmirdə şpalerdə olan üzümlüklərdən başqa o vaxtlar səyyari
becərilən üzümlərə az ziyan dəymişdir. Həmin ili Respublikanın əksər üzümçülük
rayonlarında üzümlüklərə 50-60% ziyan dəymişdir. Üzümlüklərdə becərilən Ağ
şam, Bayanşirə, Təbrizi, Keçiəmcəyi, Riş-baba kimi sortlar çox zərər çəkmişdir.
Rkasiteli, Rislinq, Tavkveri, Şal üzümü, Mədrəsə, Xindqnı kimi sortlar şaxtadan
119
az ziyan çəkmişdir.
Bu baxımdan şaxta təhlükəsi tez-tez olan ərazilərdə şaxtaya nisbətən davamlı
sortlara üstünlük verilməlidir.
1988-ci ildə qış şaxtaları üzümlüklərə xeyli ziyan vurmuşdur. Masallı
rayonunun Bakı – Lənkəran yolu boyunca əkilən palıd ağacından ibarət olan
meşə zolağı boyu, təqribən 25-30 m enindəki zolaqda üzüm kolları şaxtadan
zədələnməmişdir .Deməli, şaxta təhlükəsinin təsirinin azaldılmasında üzümlüklər
küləkdən qorunan sahələrdə əkilməlidir. Bu yerlərin özündə belə şaxtaya davamlı
sortlar əkilməlidir.
Aqrotexniki tədbirlərlə bilavasitə üzüm bitkisinin özünə təsir etməklə onun
şaxtaya davamlılığını artırmaq mümkündür. Tənəkdə oduncağın yetişməsi
məqamında normal fizioloji nəmlik yaratmaqla assimilyatların miqdarının
artırılması bitkinin şaxtaya davamlılığını artırır.
Yaşıl zoğların vaxtında və diqqətlə bağlanması yarpaq və zoğlara günəş şüası
yaxşı düşməsini təmin edir ki, bu da oduncaqda assimilyatların toplanmasını
artırır.Bic vurma və zoğların ucunun vaxtında vurulması, xəstəlik və
zərərvericilərə qarşı mübarizə tənəkdə ehtiyat qida maddələrinin artmasına
kömək edir.
Üzüm bitkisinin yerləşdiyi mühit şəraitinə aqrotexniki təsir edilməsi onun
şaxtaya davamlılığını və bilavasitə şaxtanın təsirindən qoruyur.Bu məqsədlə
kaliuma üstünlük verməklə üzümlüyə lazımı miqdarda üzvi və mineral kübrələr
verilməlidir. Müəlliflərin yazdığı kimi mineral kübrələr içərisində azot və fosfora
üstünlük verilməsi bitkinin şaxtaya davamlılığının artırılmasında xüsusi
əhəmiyyət kəsb edir. Azot kübrəsinin gec verilməsi və suvarmanın gecikdirilməsi
kolun əlverişsiz mühit şəraitinə davamlılığını artırır.
Qışda kolların torpağa basdırılması da onların şaxtadan qorunmasını təmin
edir. Naxçıvan Muxtar Respublikasında, xüsusilə Sədərək və Şərur rayonlarında
bəzi illərdə şaxtalar -40ºC -ə endiyinə görə qışda orada kollar torpağa basdırılır.
Kolun üstünə yığılan torpağın qalınlığı gözlənilən şaxtaların dərəcəsindən
asılıdır. Bu məsələ əsasən qabaqcadan verilən proqnozla müəyyən edilir.
Belə yerlərdə kolların qışda torpağa basdırılması və ilk yazda açılması ağır
əməliyyatdır. Bu məqsədlə payızın sonunda kolun bütün zoğları məftildən azad
edilib cərgədə ( cərgə arasında yox ) torpağın sətinə uzadılır. İlk yazda torpaqdan
çıxardıqda xüsusi kompessorlarla kolun üstündəki torpaq sovrulur və kol
torpaqdan azad edilir. Onu qeyd etmək yerində olardı ki, torpağa basdırılmazdan
əvvəl kolda yüngül kəsmə aparılır. Qəti kəsmə isə torpaqdan çıxarıldıqdan sonra
aparılır.
Naxçıvanda ilk yazda kolların üstü açılan vaxtı torpaq çox nəm olduğundan
kompressorla torpaq sovrulmur. Açma işi primitiv alətlərlə (bel, yaba, dırmıq və