127
Dünyada belə yerlər çoxdur. Ancaq ultra-bənövşəyi şüaların ən çox olduğu
məkan Krımın cənub hissəsidir. Burada dörd tərəfdən üzümlüklərə ultra-
bənövşəyi şüalar daxil olur (üç tərəfdən Krımın amfiteatrı, bir tərəfdən isə Qara
dəniz).
Respublikamızda Böyük Qafqaz və Kiçik Qafqazın yamacları və ətəkləri
keyfiyyətli şərabçılıq üçün çox əlverişlidir. 200 ilə yaxındır ki, bu yerlərdə sənaye
üzümçülüyü müvəffəqiyyətlə inkişaf etdirilir. Bir problem qalır ki, bu yerlərin
təbii şəraitinə uyğun sortların seçilməsində müəyyən tamamlama işləri
aparılmalıdır. Kiçik Qafqazın ətəklərinin şampan şərab materialı və süfrə
şərabları üçün yararlı olması bəllidir. Ancaq muskat üzümlərinin bu yerlər üçün
yararlığı barədə tədqiqat işlərinin aparılmasına böyük ehtiyac vardır.
Vegetasiya fazalarına günəş şüası çox güclü təsir göstərir (günəş şüası istilik
yaratdığına görə).
Aydın, buludsuz və isti hava gilənin yetişməsini tezləşdirdiyi kimi oduncağın
da yetişməsini yaxşılaşdırır. İnterkalyar mərhələdə işıq zoğun böyüməsini
ləngidir. Şüanın təsiri altında hüceyrənin diferensləşməsi hesabına zoğda eninə
böyümə baş verir.
İşığın təsiri altında zoğ antosianla daha intensiv rəng alır.
Yarpaq ayasının böyüməsi işıqdan asılıdır. İşıq olmadıqda yarpaq ayası kiçik
qalır, saplaq isə xeyli uzanmış olur.
İşığın olmaması gilənin böyüməsinə təsir etmir, ancaq xlorofili itirir və muma
çalan ağ rəng alır, havadan CO
2
assimilyasiya etməsi dayanır.
Mülayim temperaturda məhsulun keyfiyyətinə işıq müsbət təsir göstərir.
Yaxşı işıqlanan salxımlar daha yaxşı görkəm alır və keyfiyyətinə görə daha yaxşı
məhsul verir. Buna görədir ki, mədəni becərilən üzümlüklərdə bir çox tədbirlər
kola yaxşı işıq düşməsinə yönəldilir.
Dağ və dağətəyi rayonlarda üzüm bitkisinə işığın yaxşı düşməsi üçün
yamaclar seçilməlidir. Cənub, cənub-şərq və cənub-qərb yamaclarda düzən
yerlərə nisbətən işıq yaxşı düşür. Prof. P. T. Bolqarev belə hesab edir ki, düzən
yerlərə nisbətən mailliyi 20-25° olan yamaclarda şüa 20-25 % artıq düşür.
Havanın karbon qazı
Üzüm bitkisinin üzvü maddələri əsasən karbohidratları və zülalı maddələri
birləşdirən karbonlu birləşmələrdir. Bitkilər karbon qazından fotosintez
prosesində istifadə edir. Ona görə də karbon qazı da ekoloji amil kimi
qiymətləndirilir. Havada 0, 03% olan karbon qazının üzümlükdə həmişə bu
səviyyədə olması üzümçüləri düşündürən məsələdir.
Günəş şüasının təsirindən xlorofildəki karbon qazı oksigenə və karbona
128
parçalanır. Karbon qazı su ilə birləşərək şəkərə və yaxud nişastaya çevrilir.
Yayda günorta vaxtı küləksiz havada üzümlükdə karbon qazının miqdarı 0,
03%-dən, 0, 02% -ə enir. Üzümlükdə karbon qazının mənbəyini artırmaq üçün
mikrobioloji proseslərin gücləndirilməsi lazım gəlir. Torpaqdan ayrılan karbon
qazı yarpaqların ətrafına toplanır və assimilyasiyaya şərait yaradır. İri su
hövzələrinin, dənizlərin,çayların, göllərin sahillərində yerləşən üzümlüklər
karbon qazı ilə yaxşı təmin edilir (külək karbon qazını sahilə qovur)
Havada karbon qazının çox olmasının fotosintez prosesinə təsiri təcrübələrlə
öyrənilmişdir və məlum olmuşdur ki, havada karbon qazının miqdarı 3 %-ə qədər
olduqda onun fotosintezə təsiri çoxalır, lakin 3%-dən çox olduqda onun mənfi
təsiri müşahidə edilir. Məşhur tərəvəzçi alim Edelşteynə görə torpaq 15 sm
dərinlikdə yumşaldıqda karbon qazı 6 sm dərin yumşaldığından 1,3-2 dəfə çox
əmələ gəlir. Üzümlükdə CO
2
ehtiyatını artırmaq üçün torpağa kifayət qədər
çürümüş peyin və kompost verilməlidir. Torpaq tez-tez yumşaldılmalıdır.
Havanın oksigeni bitkinin tənəffüsü üçün lazımdır. Bitkinin oksigenə ən çox
tələbatı intensiv böyümə vaxtı, məsələn boy konusunda hüceyrələrin bölünməsi,
kambinin fəaliyyətində və kallyusun əmələ gəlməsində müşahidə edilir. Havada
oksigenin miqdarı bitkinin tam tələbatı qədərdir. Bundan başqa fotosintez
prosesində ayrılan oksigen tənəffüsə sərf olunandan çoxdur.
Üzüm bitkisinin qaz mübadiləsi asanlıqla gedir, oksigen çatışmazlığı az
hallarda, məs: calağın stratifikasiyasında müşahidə edilə bilər.
Kök sistemi üçün oksigenin əhəmiyyəti böyükdür, torpaq mühitində onun
miqdarı azdır. Torpaq səthindən aşağıya endikcə onun miqdarı azalır. Üzvi
maddələrlə zəngin torpaqlarda oksigen çatışmazlığı köklərin budaqlanmasına və
qələmlərin kök verməsinə mənfi təsir göstərir. Bu anaerob prosesinin
oksidləşməmiş məhsullarının yığılıb qalması ilə izah olunur.
Üzümlükdə havada karbon qazının artırılması üçün dövri olaraq torpağa üzvi
gübrələr verilməli və üzümlük torpağı siderat altında saxlanmalıdır. Torpağa
verilmiş üzvi gübrələr və torpağın altına çevrilmiş siderat otları mikroorqanizmlər
vasitəsi ilə tədricən parçalanaraq karbon qazı, su və mineral maddələrə çevrilir.
Su, mineral maddələr və karbon qazının bir qismi yenidən bitki tərəfindən istifadə
olunur və torpaq becərilərkən karbon qazının bir qismi ayrılıb havaya uçaraq
havanın aşağı təbəqəsini karbon qazı ilə zənginləşdirir.
Torpaq və qida maddələri
Ekoloji ami kimi torpaq üzüm bitkisi üçün çox əhəmiyyətlidir. Üzüm bitkisi
torpaq şəraitinə yüksək tələbkarlıq göstərmir, ancaq bununla belə müvafiq torpaq-
iqlim şəraiti torpağın fiziki-kimyəvi xüsusiyyətləri ilə birlikdə üzüm bitkisinin