141
torpaqda 10 q, gillicəli torpaqda 35 q, gilli torpaqda 50 qrama qədər su olur.
Torpaqdakı suyun hamısı üzümün kökü tərəfindən mənimsənilmir. Suyun bir
qismi torpağa elə bərk yapışır ki, kök onu uda bilmir. Torpaqla bərk yaışan su
pərdə suyu adlanır. Ümumi su ilə (bunun çoxu bitki tərəfindən mənimsənilir)
pərdə suyu arasındakı torpağın xeyirli su tutumu qabiliyyəti adlanır. Gillicəli
torpaqlarda pərdə suyunun miqdarı çox olur. Məlum olduğu kimi gillicəli
torpaqların xeyirli su tutumu yüksək olur. Torpaqda suyun miqdarı artdıqca onun
qızdırılmasına daha çox istilik lazım olur. Əksinə, üzüm bitkisinin su rejimi üçün
bitki tərəfindən mənimsənilə bilən su daha vacibdir.
Üzüm bitkisinin ixtiyarında nə qədər suyun olması üç amildən asılıdır:
yağıntıların ümumi miqdarından və onun mövsüm üzrə paylanması, torpağın
xeyirli su tutumundan və köklərin yerləşdiyi torpağın həcmindən. Çox nəmli, pis
havalanan və əhəngi çox olan torpaqlarda üzüm bitkisi tez-tez xloroz xəstəliyinə
tutulur.
Torpaqdakı ən axırıncı su ehtiyatından istifadə etdiyinə görə üzüm bitkisi
təəccüblü xüsusiyyətə malikdir. Üzüm kökünün sorma qüvvəsi o qədər güclüdür
ki, həmin qüvvə ilə suyu 100 m hündürlüyə qaldıra bilir. Torpağın saxladığı su o
qədər möhkəm yapışır ki, göstərilən sorma qüvvəsi ilə köklər onu torpaqdan uda
bilmir.
Torpağın qida maddələri Torpaqda xırda dənəvərlik və gillicəli-çürüntülü
maddələr artdıqca torpaqlarda kalium möhkəm yapışıqlı olduğundan köklər onun
bir qismini uda bilmir. Çox yüngül və az tutumlu torpaqlarda mineral azot tez
yuyulur. İsti və yaxşı havalanan torpaqların bioloji fəallığı artıq olur. Çürüntülü
maddələr torpaq mikroorqanizmləri tərəfindən tezliklə parçalanır və çürüntüdən
alınan qida maddələri bitkinin mənimsəyə biləcəyi formaya düşür. Nəm və pis
havalanan əhəngli torpaqlar xloroz xəstəliyi üçün əlverişlidir.
Torpağın turş və qələvi mühiti torpaqdakı qida maddələrinin üzümün kökləri
vasitəsilə udulmasına və mənimsənilməsinə şərait yaradır. Soyuq və sıxılmış
torpaqlar torpaq mikroorqanizmlərinin inkişafına və çürüntü maddələrinin
parçalanmasına maneçilik törədir. Çox turş torpaqlarda zoğun aşağı yarpaqlarının
kənarları qonurlaşır. Calaqaltılar seçilərkən torpağın tipi və onun əhəngi nəzərə
alınmalıdır.
Torpaq mikroorqanizmləri. Torpaqda bakteriyalara kiflərə və göbələklərə
aid müxtəlif mikroorqanizmlər vardır. Onların arasında bitki üçün zərərli və
xeyirliləri vardır. Mikroorqanizmlər həyat tərzinə görə fərqlənirlər: onlardan
bəziləri havanın oksigeni olmadan sərbəst yaşayır, bəziləri isə normal həyat
fəaliyyəti üçün oksigenin olması vacibdir. Mikroorqanizmlərin xüsusi qrupu
vardır ki, oksigenli və oksigensiz mühitdə yaşaya bilirlər.
Xeyirli mikroorqanizmlər bitki həyatında mühüm rol oynayır. Fasiləsiz olaraq
142
onlar heyvanların və bitkilərin üzvi maddələrini parçalayıb mineral maddələrə
çevirirlər. Üzvi maddələrin parçalanmasından alınan azot, fosfor, kalium,
maqnezium və dəmirlə torpaq zənginləşdirilir. Torpaq mikroorqanizmləri nəinki
torpağı mineral maddələri ilə zənginləşdirir, həm də torpağın fiziki
xüsusiyyətlərini yaxşılaşdıraraq onun torpağın strukturunun əmələ gəlməsində
iştirak edir. Mikroorqanizmlərin miqdarı nə qədər çox olarsa bir o qədər də
torpaq məhsuldar olar. Xeyirli mikroorqanizmlər ən çox kök sisteminin yayıldığı
zonada-rizostera adlanan yerdə inkişaf edir.
Mikroorqanizmlərin xeyirli forması ilə yanaşı qida maddələrinin ehtiyyatını
azaldan zərərli mikroorqanizmlər də vardır ki bunlar torpaqda azotu parçalatır və
kök sistemini sirayətləndirir.
Mikroorqanizm inkişafının fəallığı torpaqdakı üzvi qalıqların olmasından,
torpağın temperaturu və nəmliyindən, havanın oksigenindən və başqa amillərdən
asılıdır.
Torpaqların hamısında böyük miqdar mikroorqanizmlər olmur. Bəzi
torpaqlarda mikroorqanizmlərin miqdarı o qədər azdır ki, məhsuldarlığın
artırılması üçün bakterial gübrələrdən-azobakterial, fosforobakterin və silikat
bakteriyalarından istifadə olunur. Azotobakterin kök sistemi zonasında yaşayaraq
havadan azotu alır və torpağı onunla zənginləşdirir. Fosforobakterində olan
bakteriyalar çətin həll olan bakteriyalar fosfor alır. Silikat bakteriyaları kaliumun
torpaqdan yaxşı udulmasına kömək edir.
Bitkilərin qidalanmasında mikroorqanizmlərin böyük rolunu nəzərə alaraq
torpaqda elə süni şərait yaratmaq lazımdır ki, həmin mikroorqanizmlərin
çoxalmasını təmin edə bilsin.
Üzümlük torpaqları və onların xüsusiyyətləri. Üzüm bitkisinin böyümə
gücü və inkişaf xarakteri, alınan məhsulun keyfiyyət və kəmiyyəti torpaq
şəraitindən çox asılıdır. Bir çox çoxillik bitkilərdən fərqli olaraq üzüm bitkisinin
kökləri bir neçə metr dərinə gedə bilən, torpağın dərin qatlarından (horizontlar)
nəmlik və qida maddələri toplaya bilən kök sisteminə malikdir. Bu xüsusiyyətlər
üzüm bitkisinin ən müxtəlif torpaq şəraitində becərilməsinə imkan verir. Bu
məsələdə duzlu və bataqlıq torpaqları, eləcə də yeraltı suları üzdə ( 1m-dən az)
torpaqlar istisna olunur. Yüksək keyfiyyətli bol məhsul alınması üçün hər bir
üzüm sortu müəyyən torpaq tipi tələb edir.
Nəzərə alınsa ki, üzüm bitkisi bir üzümlükdə 60-80 il bitir, yeni üzümlük
üçün torpaq sahələri düşünülərək seçilməlidir. Çox əsrlik becərilmə
təcrübəsindən məlumdur ki, üzüm bitkisinin yaxşı böyüməsi, bol və yüksək
keyfiyyətli məhsulu üçün sortların hamısı çox qida maddəli yüngül torpaqlar
tələb edir. Bu torpaqlarda kök sistemi tənəffüs üçün lazımı mineral maddələrin
toplanmasını təmin edir. Süxurların parçalanmasından əmələ gəlmiş bütün