Professor-müəllim heyətinin fəaliyyətinin qiymətləndirilməsi üçün komissiya yaradılıb qoşa bayram seviNCİLƏ yadda qalan söZLÜ
Yüklə 9,38 Mb. Pdf görüntüsü
|
- Bu səhifədəki naviqasiya:
- S öz - ən təsirli dərman, ən əhəmiyyətli müalicə vasitəsidir. Hələ qədim za
- “Qısa sözdə olar dərin mənalar”.
- Sözün ən gözəli söyləyənin doğru söylədiyi, dinləyənin də faydalandığı sözdür.
- SÖZ – İNSAN QÜDRƏTİNİN SƏRKƏRDƏSİDİR
- Türkiyənin Yeditepe Universitetinin dekanı ATU-nun qonağı olub
http://www.amu.edu.az 30 dekabr 2016-cı il 6
u günlərdə Nəsimi Rayon İcra Hakimiyyəti və Yeni Azərbaycan Partiyası Nəsimi rayon təşkilatının gənclər arasında birgə keçirdiyi “Unudulmaz Lider” və “Mənim Prezidentim “layihələrinin yekununa həsr edilmiş mərasim baş tutub. Tədbirdə mükafatlandırılan tələbələr arasında Azərbaycan Tibb Universitetinin nümayəndələri də olub. “55 Adda - 55 Qalib” adlı tədbirdə Nəsimi rayon İcra Hakimiyyətinin baş- çısı Asif Əsgərov çıxış edərək son illərdə gənclərimizin ölkənin ictimai-siyasi, iqti- sadi və mədəni həyatında fəal iştirakından söz açıb. Qeyd edib ki, hazırda Azərbaycan gəncləri çox saylı uğurlarla yeni ilə və yeni hədəflərə doğru addımlayır. Yeni Azərbaycan Partiyası Nəsimi rayon təşkilatının sədri, Millət vəkili Məlahət İb- rahimqızı da tədbirdə çıxış edərək ölkədə və Nəsimi rayonunda gənclərlə bağlı görülən işlərdən danışmış, gənclərimizi qazandıqları uğurlar münasibəti ilə təbrik edərək onlara yeni-yeni nailiyyətlər arzulayıb. Mərasimdə ilin yekunlarına və müxtəlif layihələrdə fəal iştirakına gorə 55 gənc mü- kafatlandırılıb. Qaliblər 55 nominasiya üzrə keçirilən müsabiqələrin yrkunların əsasən müəyyənləşdirilib. Qaliblər arasında ATU-nun Müalicə- Profilaktika-2 fakültəsinin V kurs tələbəsi Sərxan Həsənli və həmin fakültənin VI kurs tələbəsi Malik Şükürlü də var. Bu gənclər müxtəlif layihə tşəbübsləri ilə çıxış etdiklərinə görə qalib elan olunublar. Belə ki, Sərxan Həsənli ATU-nun Tələbə Həmkarlar İttifaqları Komitəsinin nəzdində yaradı- lan xarici dillər üzrə Conversation klubu- nun rəhbəridir. Malik Şükürlü isə ATU-da tələbələrin müxtəlif flashmoblarının təşkili ilə məşğul olur. Tədbirdə iştirak edənlər ölkəmizfə gənclərə olan etimada, qayğıya və verilən dəyərə görə ölkə rəhbərliyinə və dövlət baş- çısına təşəkkürlərini çatdırıblar. Mərasimin sonunda YAP Nəsimi rayon təşkilatının Gənclər Birliyi tərəfindən ha- zırlanmış “Gənclər öz Liderini təbrik edir” video filminin və “Ulu Öndər Nişanəsi” mahnısının təqdimatı da keçirilib. Tədbirdə millət vəkilləri, gənclər təşkiltlarının rəhbərləri, tələbələr və ra- yon ictimaiyyətinin nümayəndələri iştirak ediblər.
S öz - ən təsirli dərman, ən əhəmiyyətli müalicə vasitəsidir. Hələ qədim za- manlarda Hippokrat sözlə müali- cəyə böyük əhəmiyyət verirdi. Sözü yerində işlətmək, düzgün tərzdə ifadə etmək bacarığı həkim üçün baş- lıca keyfiyyətdir. Həkimin ən böyük ləyaqəti yalnız deyilməsi lazım gələn fikri demək deyil, həm də deyilməsi lazım gəlməyən şeyi deməməkdir. Həqiqi sözlər gözəl deyildir, gözəl sözlər də həqiqət deyildir. Söz dünyadı - harayı var, hayı var, Fikirləş de, bişmişi var, çiyi var. Söz bir oxdur, tarım duran yayı var, Ölçüb-biçib sonra çəkək bu yayı, Ağzımızdan söz çıxmasın havayı. Həkim fəlsəfəni, kimyanı, biologi- yanı, tarixi, incəsənəti bilməklə yana- şı, həm də natiq olmalı, yüksək nitq mədəniyyətinə malik olmalıdır. Sözlərlə ehtiyatlı olmaq - gözəl danışmaqdan va- cibdir. Həkim xəstə ilə söhbət edərkən şair kimi söz seçməli, təsirli vasitələrə əl atmalı, artist olub xəstənin səsinə, hərəkətinə, mimikasına fikir verməli, məharətlə danışmağı bacarmalıdır. Corc Eliot deyir: “Sözlərimizin qanadları var, lakin çox vaxt onlar biz istədiyimiz yerə uçmurlar”. Söz 4 cürdür: Birincisi, nə bilərlər, nə deyərlər - dinə, insanlığa zi- yan söz. İkincisi, həm bilərlər, həm də deyərlər - lazım olan söz. Üçüncüsü, deyərlər, lakin bilməzlər – haqq-təalanın kitablarında, hədislərdə, elmi, üləma kitablarında olan sözlər - belə sözlərin şərhi yalnız təqliddən ibarət olar. Dör- düncüsü, bilərlər, lakin deməzlər - dos- tun, xəstənin və ya yaxınının sirrini və ya eyibini açan söz. Bir dəfə Y.Qaqarin kosmosa öz tarixi uçuşundan danışdıqdan sonra çıxış edən İ.Kassirski ona çətin olacağını deyir və sonra təbabətin uğurlarından elə gözəl danışır ki, heyrətini gizlədə bilməyən Qaqarin mühazirədən sonra alimə ya- xınlaşaraq deyir: “Ağır xəstələrə şəfa vermək, ölümün pəncəsindən qurtarmaq kosmosun fəthindən əhəmiyyətli və va- cibdir”.
Həkimliyə bundan yüksək necə qiymət vermək olar? Nitqin gücü az sözlə çox şey demək bacarığındadır. Həzrət Əli de- yib: “Söz dərman kimidir: az xeyirli, çox ziyan”. Sözlər də yarpaqlara bənzəyir, çoxlu yarpağı olan ağac az bəhrə verər. Hikmətə bax, gör nə demiş atalar:
Çox danışmaq insanın gözdən düşməsi üçün ən qısa və ən etibarlı yoldur.
Həkimin sözü ney kimi sevinc artıran olmalıdır ki, ürəklər ona rəğbət göstərsin. Həqiqət o qədər qiymətlidir ki, onu gərək yalan eskadronu qorusun. Görkəmli rus cərrahı İ.Piroqovun üst çənəsində şiş əmələ gəlir. O, əvvəllər buna əhəmiyyət vermir. Sonralar məşhur cərrahlar onda bəd xassəli şiş olduğunu bildirirlər və cərrahi müdaxiləni məsləhət görürlər. Bu xəbərdən cərrahın əhvalı pozulur və bədbinləşir. Yaxınlarının məsləhəti ilə o, T.Bilrotun klinikasına gedir. Bilrot onu müayinə edərək qəti bil- dirir ki, əhəmiyyətsiz yaradır, cərrahi əməliyyat lazım deyil. Bu söz minlərlə ümidsiz xəstələri həyata qaytarmış, gün yarım ərzində 600-ədək əməliyyat edən, 3 dəqiqəyə sidik daşı çıxaran Piroqov kimi mahir bir cərrahın əhvalını dəyişdirir, o,gümrahlaşır, öz işinə qayıdır. Lakin az sonra Piroqov ölür. Həkimlər Bilrotu səriştəsizlikdə, yanlış diaqnoz qoymaq- da günahlandırırlar. Əlbəttə, həkimlər yanılırlar. Bilrot Piroqovun kimliyini, yaşını, zəifliyini, xəstəliyin gecikdiril- diyini nəzərə almış, onun ömrünün son günlərini ümid və sevinclə yaşamasına müvəffəq olmaq üçün “müqəddəs” ya- lan demiş, belə humanist, düzgün qərar qəbul etmişdir. Necə deyərlər, qəlb ağ- rıdan həqiqətdənsə, könül açan yalan yaxşıdır. Doğrudan da, doğruya oxşayan yalan yalana oxşayan doğrudan yaxşıdır, çünki ona tez inanırlar. Üç şey: atılmış ox, deyilmiş söz və keçmiş günlər heç vaxt qayıtmır. Söz ilə öldürmək də olar, xilas etmək də. Söz ilə kütləni arxanca aparmaq da olar, təklikdə qalmaq da. Misirdən Hindistana səfər zamanı general Jüno Napoleona deyir ki, arvadı Jozefina ona xəyanət edir. Bu söz sərkərdəni sarsıdır, o döyüşü yaxşı təşkil edə bilmir və məğlubiyyətə uğrayır. Xəstəyə dava-dərmanla yanaşı, sözün şəfası da lazımdır. Həkimlikdə çaşqınlı- ğa, tələsməyə yol verilməməlidir. Ehti- yatsızlıq- fəlakətin anasıdır,-demişlər. Dil əql xəzinəsinin qılıncıdır. Xəqani yazır:
Qədimdə deyirdilər ki, həkimin üç dərmanı var: otlar, minerallar və söz. Sözlə adama həm kömək etmək, həm də ölümcül yara vurmaq olar. Mənə belə gəlir ki, kobud adamın həkim olmağa mənəvi haqqı yoxdur. Həkimin sözü, davranışı xəstə üçün ən təsirli müalicə vasitəsidir. Böyük alim və həkim B.Bexterev demiş- dir: “Həkimlə söhbətdən sonra xəstənin halı yüngülləşmirsə, o həkim deyil. ”Həkimlə təmasda olan gülümsəməli, onunla ünsiyyət quranlar isə az da olsa xoşbəxt olmalıdır. Həkimin qəbuluna fəhlə də, alim də, çoban da gələ bilər. Hamı ilə “eyni dildə” danışmaq həkimi gözdən salar. Təsirsiz söz yağışsız ildı- rım kimidir. Nizami deyir: Elə söz vardır ki, yaramaz demək, Başqa bir dil ilə söyləmək gərək. Onu incə-incə söylərkən bir-bir, Ondan hər eşidən alar bir təsir. Xətai isə belə deyir: Söz vardır, kəsdirər başı, Söz vardır, kəsər savaşı. Həkimlikdə sözün müalicəvi təsirindən bacarıqla istifadə etmək ən mühüm məharət sayılır. Elə xəstələr var ki, onlara kömək etmək mümkün deyil, amma elə xəstə yoxdur ki, ona zərər yetirmək müm- kün olmasın.
Ən ağır xəstələri müayinə və müalicə edərkən həkim özünün sakitliyi- ni, nikbinliyini saxlamağı bacarmalıdır. Bu böyük iradə, dözüm və mətanət tələb edir. Başqalarını xoşbəxt etmək üçün öz səhhətini, səadətini qurban verən adam- lar - həkimlər xoşbəxtdirlər.
Türkiyənin Yeditepe Universitetinin Tibb fakültəsinin dekanı , sinə cərrahı, professor, doktor Sina Ercan Azərbaycan Tibb Universitetinin (ATU) qonağı olub. B eynəlxalq işlər üzrə prorektor Nadir
Zeynalov qona-
ğa ATU haqqında geniş məlumat verib. Onun sözlərinə görə, bu ali təhsil ocağı 1919–cu ildə Bakı Dövlət Universiteti- nin tərkibində fakültə kimi yaradılıb. 1930-cu ildən isə müstəqil ali məktəb kimi fəaliyyət göstərməyə başlayb: “Universitetimiz bu il müstəqil uni- versitet kimi 86 yaşını, fakültə kimi isə 97-ci yaşını qeyd edib”. N.Zeynalov həmçinin onu da bildirib ki, 6 fakültəsi olan bu ali təhsil ocağında 7000-dən çox tələbə və rezident, 1000- dən çox xarici ölkə vətəndaşı təhsil alır. Onlar arasında Türkiyədən olan tələbələr üstünlük təşkil edir. N.Zeynalov qonaqlara ATU-nun imta- han sessiyası, tədris prosesi, reziden- tura təhsili və xarici ölkələrlə olan qar- şılıqlı əlaqələrindən də söz açıb: “Bizim universitet ilə 18 ölkə ilə arasında qar- şılıqlı memorandium imzalanıb. Qarşı- lıqlı tələbə və həkim mübadiləsinə çox geniş yer veririk. Türkiyənin də bir çox universitetləri ilə dostluq əlaqələrimiz var”.
Sina Ercan ilk dəfə Bakıda olduğunu və şəhərimizi çox bəyəndiyini qeyd edib: “Bu, bizim üçün çox böyük üstünlükdür. Bu il biz artıq 20 illiyimizi qeyd edəcəyik. Bizdə 50-yə yaxın tibb tədris proqram- ları var. Təhsil ocağımızda 13 fakültə fəaliyyət göstərir, 24 minə yaxın tələbə təhsil alır”. ATU-nun rəhbəri, professor Gəray Gəraybəylinin adından qonağa təşəkkür edən rektorun müşaviri Zülfüqar Musabəyov səslənən bütün fikirlərin qeydə alındığını bildirib. Görüş zamanı tezliklə tərəflər arasın- da müqavilənin hazırlanıb, imzalanması haqqında danışıqlar aparılıb. Qeyd edək ki, görüşdə ATU-nun ağız və üz çənə cərrahiyyəsi kafedrasının müdiri Çingiz Rəhimov, I müalicə-profilaktika fakültəsinin dekanı Qorxmaz Əhmədov da iştirak ediblər.
Yüklə 9,38 Mb. Dostları ilə paylaş:
|