Protokolu



Yüklə 20 Kb.
tarix24.02.2018
ölçüsü20 Kb.


E1827

V2

“Abşeron yarımadasında bərk məişət tullantılarının kompleks idarə edilməsi”



“Ətraf mühitə təsirin qiymələndirilməsi”

“Yenidən məskunlaşma siyasətinin çərçivə sənədi”layihələrinin ictimai müzakirəsinin


Protokolu
Bakı şəhəri, 20 fevral 2008-ci il
İştirakçılar:


  1. Fuad Əhmədov – XİTYƏ Şöbəsinin Xarici investisiya müqavilələri və investisiya layihələri sektorunun müdiri

  2. Könül Alıyeva – XİTYƏ Şöbəsinin Xarici investisiya müqavilələri və investisiya layihələri sektorunun baş məsləhətçisi

  3. Hamlet İsmayılov – XİTYƏ Şöbəsinin Xarici investisiya müqavilələri və investisiya layihələri sektorunun aparıcı məsləhətçisi

  4. Pərviz Yusifov – XİTYƏŞ yardım GTZ layihəsinin məsləhətçisi;

  5. Səidə Bağırov - Dünya Bankının nümayəndəsi

  6. Bəhram Həsənov – AMEA-nın nümayəndəsi

  7. Elbəy Abdullayev - UP İnternatinal şirkətinin nümayəndəsi

  8. Rauf Muradov -Currie & Brown şirkəti, layihə meneceri

  9. Fuad Mirkişiyev – Sinergetiks şirkəti, Direktor

  10. Yulya Adilova – Sinergetiks şirkəti, sosioloq

  11. Tofiq Həsənov – Ekoteks şirkətinin nümayəndəsi

  12. Abbas Məlik-Yeyanov – Sabunçu rayonu icra hakimiyyətinin nümayəndəsi

  13. Cavanşir Məmmədov – Balaxanı bələdiyyə nümayəndəsi

  14. Fərhad Qurbanov – Balaxanı qəsəbə nümayəndəsi

  15. Yuri Vəliyev – QHT

  16. Fuad Axundzadə - Milli QHT forumu

  17. Çimnaz Şabanova – Ekoskope QHT

  18. Elvina Alişina – Fineko/abc.az (müxbir)

Tədbiri giriş sözü ilə açan İİN-nin XİTYƏ Şöbəsinin Xarici investisiya müqavilələri və investisiya layihələri sektorunun müdiri F.Əhmədov müzakirəsi nəzərdə tutulan layihə sənədləri və bu sənədlərin əsaslandığı dövlət proqramları və sərəncamları barədə qısa məlumat verdi. Daha sonra söz XİTYƏŞ yardım GTZ layihəsinin məsləhətçisi P.Yusifova verildi.

P.Yusifov məişət tullantılarının yığılması, daşınması və yerləşdirilməsi proseslərinin mövcud vəziyyətini özündə əks etdirən təqdimatı iştirakçılara nümayiş etdirdi. Təqdimatda Bakı şəhərinin 10 rayonunun məişət tullantılarnın daşındığı Balaxanı poliqonunun mövcud vəziyyəti və bu problemin həlli yollarını əks etdirən slaydlar da iştirakçıların diqqətinə çatdırıldı. Təqdimatın sonunda Dünya Bankının “Abşeronun Ekoloji Bərpası proqramı” çərçivəsində həyata keçiriləcək “Abşeron Yarımadasında məişət tullantılarının idarəetməsi üzrə vahid sistem” layihəsi üzrə həyata keçiriləcək işlər haqqında məlumat verildi.

Bərk məişət tullantılarnın idarə edilməsi sahəsində məsləhətçi şirkət qismində cəlb edilmiş Currie & Brown şirkəti ilə əməkdşlıqdan söhbət açan P.Yusifov daha sonra sözü Currie &Brown şirkətinin məruzəçisi R.Muradova verdi.

R.Muradov “Ətraf mühitə təsirin çərçivə sənədi”ni iştirakçıların diqqətinə çatdırdı, aparılmış təhlillərin və analizlərin nəticələrini açıqladı. Qeyd etdi ki, Balaxanı poliqonunun bugünkü vəziyyətinin ekoloji təhlilini aparmaq üçün havadan, yeraltı qrunt sularından və yaxınlıqdakı Böyük Şor Gölündən nümunələr götürülərək analizləri aparılmışdır və hər üç analzin nəticəsi zərərli maddələrin normadan yüksək olduğunu göstərmişdi. R.Muradov problemdən çıxış yolu kimi ən optimal variantın poliqonun üstünün tədricən örtülməsi, sonradan quyular qazılaraq yaranmış metan qazının yığılması olduğunu vurğuladı.

R.Muradov podratçı şirkətlərə təqdim edilmiş Təkliflər Sorğusundan söhbət açdı və qeyd etdiki Təkliflər Sorğusu Ekologiya və Təbii Sərvətlər Nazirliyi tərəfindən qoyulmuş tələbləri özündə tam əks etdirir.

Daha sonra söz Synergetiks QHT-nin nümayəndəsi xanım Yulya Adilova verildi. Xanım Adilova “Yenidən məskunlaşma siyasətinin çərçivə sənədi”nin layihəsini təqdim etdi. Xanım Adilova poliqon işçilərinin və yaxınlıqda məskunlaşmış ailələrin mövcud sosial-iqtisadi vəziyyəti barədə aparılmış təhlillərdən danışdı. Qeyd olundu ki, sosial iqtisadi qiymətləndirmə zamanı poliqon yaxınlığında yerləşən 6 ailə və 51 poliqon işçisi sorğuda iştirak etmişdir.

Layihələrin təqdimatı başa çatdıqdan sonra söz ictimaiyyət nümayəndələrinə verildi.

İlk olaraq Ekoteks şirkətinin nümayəndəsi T.Həsənov söz aldı. Balaxanı poliqonunun örtülməsi və metan qazının yığılası fikrini dəstəklədiyni bildirdi. T.Həsənov məsələ ilə əlaqədar olaraq tikintisi nəzərdə tutulan zibilyandırma zavodu ilə bağlı bir neçə sual verdi. Keçmiş zibilyandırma zavodundan danışaraq onun mənfi nəticələrini vurğuladı. Bildirdi ki, zibilin yandırılması nəticəsində 30% zola əmələ gələcək ki, bunun da basdırılması problem olacaqdır. Cavab olaraq R.Muradov bildirdi ki, müasir texnologiya nəticəsində zibillərin yandırılması zamanı cəmi 7% zola əmələ gəlir.

Daha sonra Ekoskop təşkilatının nümayəndəsi Ç.Şabanova söz aldı və zibilyandırma zavodu ilə bağlı öz fikirlərini bildirdi. Zibillərin yandırılmasının ekoloji təsirindən danışdi və qeyd etdi ki, sözügedən zavodlar üçün nəzərdə tutulan təmizləyici qurğular zavodun özündən baha başa gəlir, odur ki, zibillərin növləşdirilməsi və yenidən emalı daha yaxşı seçim olardı. P. Yusifov cavab olaraq bildirdi ki, müzakirə olunan layihələr ancaq Balaxanı poliqonundakı yığılıb qalmış tullantıları əhatə edir və zibilyandırma zavodunun fəaliyyəti ilə bağlı məsələləri bu gün ki müzakirəyə daxil etməməyimiz məqsədəuyğun olardı.

Balaxanı qəsəbə nümayəndəsi F.Qurbanov nəzərdə tutulmuş layihələrin qəsəbə əhalisi üçün nə kimi faydası olacağını, səhiyyə qurumları tərəfindən əhaliyə hansı köməkliyin göstəriləcəyi, yerli əhalinin işlə təmin olunmasında hansı köməkliklərin olacağı barədə suallar verdi. Həmçinin gələcəkdə burda işlərin aparılması ilə əlaqədar qəsəbədə hərəkət edən texnikanın çoxalması səs-küyün artmasına və müvafiq olaraq yollar çirklənməsinə səbəb olacağını bildirdi. Bununla əlaqədar hökumət hər hansı addımlar atmaq fikrindədirmi?

F. Əhmədov qeyd etdi ki, yerli əhali üçün ən böyük fayda ekoloji fayda olacaqdır, poliqonun idarə etmənin normallaşması və bağlanması qəsəbə əhalisinin sağlamlığına birbaşa təsir edən amildir. Bundan başqa həm zavodun tikilməsi, həmçinin poliqondakı işlər zamanı yerli əhalinin işə cəlb edilməsi isə layihədə nəzərə alınacaqdır. Həmçinin hal-hazırda müzakirələr olduğu üçün biz Sizin təklifləri nəzərə alaraq danışıqlar zamanı bu məsələlərə qayıda bilərik.

Dünya Bankının nümayəndəsi S.Bağırova söz alaraq bildirdi ki, təxminən 47 mln.$ qiymətində olan bu layihə aprel ayının ortalarında hökumətlə danışıqlara çıxarılacaqdır. İyul ayında isə Direktorlar Şurasında təsdiqlənməsi nəzərdə tutulur. Hazırda aparılan bu müzakirələrin məqsədi hesabatda nəzərdən qaçan məsələlərin müəyyən ediləsi və qiymətləndirmə sənədləri hazırlanarkən onların da nəzərə alınmasıdır.

Sonra UP İnternational şirkətinin nümayəndəsi E.Abdullayev söz aldı və layihə ilə bağlı iki məsələyə etirazını bildirdi. Birinci qeyd etdi ki, tullantı sahəsində məşğul olan işçilərin strukturu və sayı hesabatda düzgün əks etdirilməmişdir. İkincisi, Poliqonun ərazisindən keçən neft (Bakı-Novorosiysk) və qaz kəməri barədə hesabatda məlumat verilməmişdir. E.Abdullayev eyni zamanda layihə ilə bağlı TİƏ-nin hazırlanmasında, düzgün məlumatlara istinad edilməli və tullantı sahəsində çalışan insanlar haqqında pis düşünülməməlidir.



Bu fikrə cənab Əhmədov fikir bildirərək qeyd etdi ki, hal-hazırda bizim əsas problemimizin statistik rəqəmlərlə olduğunu bildirdi. Bakı şəhərinin əhalisi dəqiq heç bir mənbədə yoxdur, buna müvafiq olaraq tullantıların həcmini də bilmək mümkün deyil. Balaxanı poliqonuna da gələn tullantı həcmi isə rəsmi olaraq daşınan zibilin həcmini əks etdirir.

Bununla da, cənab Əhmədov qarşılıqlı fikir mübadiləsi şəraitdə keçən İctimai müzakirələri başa çatdığını iştirakçıların nəzərinə çatdırdı.


Dostları ilə paylaş:


Verilənlər bazası müəlliflik hüququ ilə müdafiə olunur ©genderi.org 2017
rəhbərliyinə müraciət

    Ana səhifə