Spinozanın konsepsiyalarında inkişaf etmişdir, klassik alman fəlsəfəsində isə onlar Kant,
Şellinq, Hegel tərəfindən tədqiq edilmişdir. Irəli sürülməsi təbiətşünaslıq və fəlsəfənin tarixi
tərəfindən hazırlanmış sistemlilik prinsipi XX əsrdə müxtəlif elm sahələrində getdikcə daha
çox tərəfdar tapır. 30-40-cı illərdə Avstriya alimi L.fon Bertalanfi bioloji proseslərin
öyrənilməsində sistem yanaşmasını müvəffəqiyyətlə tətbiq etdi, İkinci Dünya
müharibəsindən sonra isə o, ümumi sistem nəzəriyyəsinin hazırlanması konsepsiyasını
təklif etdi. Ümumi və sistem nəzəriyyəsinin qurulması proqramında Bertalanfi onun əsas
məsələlərini belə qeyd edirdi:
1. Onlarıntərkibində olan elementlərin təbiətindən və onların arasındakı
münasibətlərdən asılı olmayaraq sistemlərin hərəkətinin ümumi prinsip və qanunlarını
aşkara çıxarılması; 2. Bioloji və sosial obyektlərə sistemli yanaşma nəticəsində
təbiətşünaslıq qanunlarına analoji olan qanunların müəyyən edilməsi; 3. Müxtəlif fəaliyyət
sahələrinə aid qanunların izomorfizminin aşkara çıxarılması əsasında müair elmi biliklərin
sintezinin yaradılması.
Belə nəzəriyyənin yaradılmasının ilk proqramını təklif edən Bertalanfinin fikrinə
görə ümumi sistem nəzəriyyəsi hər cür tipli sistemlər haqqında bir növ ümumi bir elm
olmalıydı. Amma, bu və buna bənzər ambisiyalı proqramların konkret reallaşdırılması çox
böyük çətinliklərlə üzləşdi, əsas çətinlik ondan ibarətdir ki, sistem anlayışı ümumiliyi
konkret məzmunun itməsinə səbəb olur. Hal-hazırda sistemlərin bir neçə riyazi modeli
yaradılmışdır ki, onlarda cəbr və çoxluqlar nəzəriyyəsinin aparatından istifadə olunur.
Amma, bu nəzəriyyələrin tətbiqi nailiyyətləri hələlik çox cuzidir. Eyni zamanda sistemli
təfəkkürdən demək olar ki, bütün elm sahələrinin nümayəndələri tərəfindən (coğrafiya,
politologiya, psixologiya və s.) daha tez-tez istifadə olunur. Sosial sistemlərin analizi
zamanı da sistemli yanaşmadan getdikcə daha geniş istifadə olunur.
Konkret tətbiqi problemlərin analizində sistem yanaşmasının anlayışlarının tətbiqi
analizi adını almışdır.
V.N.Sadovskinin qeyd etdiyi kimi, ―tarixən sistem analizi 50-60-cı illərdə gurultulu
müvəffəqiyyət qazanmış sistomexanika və əməliyyatlar üzrə tədqiqatların sonrakı
inkişafından ibarətdir. Sistem analizi (və ya analiz sistemi) öz sələfləri kimi hər şeydən
əvvəl mürəkkəb və olduqca mürəkkəb obyektlərin tədqiqi və təşkil edilməsi üçün zəruri
olan elmi-texniki fəaliyyətin müəyyən tipidir... Bu anlamda sistem analizi elmi-texniki
bacarığın xüsusi bir tipidir, hansı ki, təcrübəli ustanın əlində əhəmiyyətli nəticələr verir,
amma onun sırf mexaniki, qeyri-yaradıcı tətbiq etdikdə isə tamamilə faydasız olur‖ (31,
s.45).
Sistem analizi təkcə hər hansı bir obyektin (hadisənin, prosesin) öyrənilməsi ilə
məşğul olmur, başlıca olaraq onunla bağlı olan problemli situasiyanın tədqiqi ilə, yəni
məsələnin qoyuluşu ilə məşğul olur.
Bəs, indiki zamanda sistem analizi nəyi ifadə edir? Əgər dərsliyin (27)
mündəricatına baxsaq görərik ki, onun tərkib hissəsinə kibernetika, informasiya
nəzəriyyəsi, oyunlar və qərarların qəbulu nəzəriyyəsi, səsvermə sisteminin analizi və s.
daxildir. Belə bir fikir ortaya çıxır ki, adı çəkilən və onlara yaxın elm sahələrində çalışan
alimlərin yeni bir elm sahəsinin yaradılmasına tələbatı vardır...‖ Buna görə də bu qeyri-
ənənəvi istiqamətlərdə daha çox məhsuldar işləyən alimlərin çoxunun daim onların əlindən
sürüşüb qaçan bir şeyi ələ keçirmək üçün təkrar-təkrar cəhd etməsi və bu ―nə isə‖ üçün
daha çox uyğun gələn bir bayraqdar tapmaq istəməsi heç də təəccüblü deyildir. Sırağa gün
bu ―bayraqdar‖ rolunda kibernetika və ya əməliyyatların tədqiqi, dünən idarəetmə haqqında
elm, bu gün sistem analizi, sabah isə çox güman ki, yeni elmi istiqamət ola bilər‖ (25, s.58).
Qeyd eək ki, adı çəkilən elm sahələrində çalışan alimlərin heç də hamısı ―bayraqdarın‖ bu
cür dəyişməsi ilə razılaşmırlar. Onların bir qismi ümumi sistem nəzəriyyəsini və sistem
analizini və sistem nəzəriyyəsi üzrə mütəxəssislər tədqiqat obyektlərinin yeni sinfinin
yoxluğunu öz elmlərinin əsas nöqsanı kimi görürlər. Göründüyü kimi, obyekt-sistemlərin
sayı hətta həddindən ziyadədir. Amma elmin daha köhnə sahələrindən, tətbiqi riyaziyyat,
kibernetika, əməliyyatların tədqiqindən konkret əlavələrlə birlikdə mənimsənilmiş deyil,
sistem yanaşması çərçivəsində hazırlanmış özəl tədqiqat metodları, instrumentləri çox azdır.
Qeyd etmək lazımdır ki, elmin inkişaf prosesində tənqidin rolunun konstruktiv və
faydalı olması şübhəsizdir, belə ki, əsas anlayışları və fərziyyələri dəqiqləşdirməyə və
aydınlaşdırmağa, qeyri-konket mühakimələrə yeni şəkil verməyə, biliyin başqa sahələri ilə
qarşılıqlı əlaqə yaratmağa imkan verir.
1.2. Sistem analizinin əsas anlayışları
Ədəbiyyatda sistem anlayışına mənaca yaxın təriflərdən və onunla bağlı bir sıra
terminlərdən istifadə olunur. Sistem analizinin əsas motivlərini daha müfəssəl nəzərdən
keçirməkdən qabaq əsas tərifləri təqdim edək.
Bir tam kimi nəzərdən keçirilən sistem bir-biriləri ilə bağlı olan çoxlu miqdarda
elementlərdən ibarətdir. Element – mürəkkəb obyektlərin, hadisələrin, proseslərin daha
sonrakı mərhələdə (adı gedən sistemdə, istifadə olunan analiz və nəzərdən keçirmə
üsulunda) bölünməyən komponentdir.
Struktur – sistemin elementləri arasındakı əlaqələrin nisbətən sabit fiksasiyasıdır.
Sistemin tamlığı – bu, onun mühitdən və digər analoji sistemlərdən olan nisbi
müstəqilliyidir.
Emercentlik – sistemin xüsusiyyətlərinin sistemin elementlərinin xüsusiyyətlərinə
bərabərləşdirilməməsidir (bərabərləşdirilməmə dərəcəsi).
Qeyd edək ki, göstərilmiş təriflər daha çox izah etmə, başa salma xarakterindədirlər.
Onların hamısı qarşılıqlı əlaqədədirlər, biri digərinin mənasını dəqiqləşdirir, öz
müştərəklikləri ilə isə sistem yanaşmasının konsepsiyası haqqında ilkin təsəvvür
yaradırlar.
Gündəlik danışıqda geniş istifadə olunan ―sistem‖ sözü çox zaman istilik sistemi,
idmanda birinciliyi qazanmaq sistemi və s. kimi anlayışların tərkib hissəsinə daxildir.
―Sistem‖ termininin elmi mənasını kənar assosiasiyalardan ayırmaq üçün ingilis dilli
ədəbiyyatda org, holon, integron – kimi müxtəlif neologizmlərdən istifadə etməsi
təklif olunur ki, bunlar öz növbəsində sistem anlayışına xas olan bütövlüyü,
inteqrallığı qeyd edirlər. Amma bu neologizmlər baş tutmamalıdırlar.
Yuxarıda göstərilən tərifdən göründüyü kimi sistem bəzi əlavə xarakteristikaları
olan çoxluqdan ibarətdir. Çoxluğun riyazi anlayışı əsaslılıqdır. ―Çoxluq dedikdə biz
bizim qavrayışımızın və ya fikrimizin kifayət qədər fərqləndirdiyi müxtəlif, müəyyən
obyektlərin (hansılar ki, M elementləri adlandırılırlar) tam olan M-də hər hansı bir
şəkildə birləşməsini baş düşürük‖ (13, səh.15). Biz deyəndə ki, çoxluq bir dəstdir və
ya məcmudur, onda anlayışın mənasını sinonimlərin köməyi ilə sadəcə olaraq izah
edirik.
Element anlayışı da çoxluq anlayışı kimi əsasdır, baxmayaraq ki, eyni bir obyekt
həm çoxluq ola bilər və eyni zamanda başqa bir çoxluğun elementi olaraq nəzərdən
keçirilə bilər (bu həm də ―sistem‖ anlayışına aiddir).
Etimoloji cəhətdən ―sistem‖ sözü latınca ―kompozisiya‖ sözünün yunan
ekvivalentidir.
Deməli, ―sistem‖ anlayışı eyni zamanda bir neçə komponentin, hissənin,
sistemaltının mövcudluğunu nəzərdə tutur. Çoxluqdan fərqli olaraq sistem müstəqil
elementlərin sadə dəstindən ibarət deyil. ―Sistem‖ termini tərkibindəki elementlərin
qarşılıqlı əlaqəsini nəzərdə tutur, bununla belə sistem bir tam kimi tərkib hissələrində
olmayan xüsusiyyələrə malikdir. ―Sistem anlayışını izah edən xrestomatik bir misal
gətirən xüsusi olaraq yonulmuş daşlardan tağ tikilməsi prosesini nəzərdən keçirək:
yonulmuş daşları bir-birinin üstünə yığırıq. Tağı birləşdirən mərkəzi daş yerinə
Dostları ilə paylaş: |