[20]
etdiyi hədsdir. Bu cür hədislərə ilahi və ya rəbbani hədislər də deyilir” kimi tərif
etmişlər.
73
Məşhur alim Mövli əl-Kirmani “Kitabüs-saum” adlı əsərinin əvvəlində yazır:
“Quran ecazkar bir kəlmədir və Cəbrayılın (ə) vasitəsiylə nazil olmuşdur, Qüdsi hədis
isə ecazkar deyildir və vasitəsiz bildirilib. Buna görə də ilahi, rəbbani və ya qüdsi
adlandırılmışdır.”
Həmçinin digər bir alim Şeyx Məhəmməd Əli əl-Faruqi “Kəşfu istilahatil-
fünun” adlı əsərində yazır: “Hədis həm nəbəvi (peyğəmbərə məxsus), həm də ilahi
olur və qüdsi hədis adlanır. Qüdsi hədis Nəbinin (s) öz Rəbbindən rəvayətetdiyi
hədisdir. Nəbəvi hədis isə belə deyildir.”
İbn əl-Hələbi “Haşiyətüt-təlvih” adlı əsərində yazır: “Hədisi-qüdsi Allahın
Peyğəmbərə merac gecəsi vəhyi (gecə vəhyi) adlanır.”
İbn Həcər isə “əl-Fəthül-mübin” əsərində qeyd edir: “Oxunan vəhy (vəhyül-
mətluvv) olan Quranla rəvayət olunan vəhy (vəhyül-mərviyy) olan hədisi-qüdsi
arasında fərqin olması labüddür. Qüdsi hədisləri Nəbi (s) öz Rəbbindən
rəvayətetmişdir və onların sayı yüzdən artıqdır. Bilki, Allaha aid edilən kəlmələr bir
neçə qismdir:
Birincisi, Qurandır. O ən şərəfli və öz ecazkarlığı ilə əbədi qalan, zamanlar
keçdikdə onun ecazkarlığı əbədiləşir, dəyişiklik və təhriflərdən qorunur, təmiz
olmayanın ona toxunması qadağan olunur, oxunması pak olmayanlar üçün haramdır,
mənası ilə deyilir və namazda ondan istifadə olunur. Onun adı Qurandır. Hər bir
hərfində on savab vardır, satışı qadağandır, cümlələri isə ayə və surə adlanır.”
İkincisi, bundan başqa yerdə qalan kitablarda əvvəldə göstərilənlərin heç biri
bunlara məxsus deyil, bu kitablara təmiz olmayan halda toxunmaq və oxumaq olar,
namazda oxumaq olmaz hətta oxunsa batil edər, onların sözləri nə ayə nə də surə
adlanmaz.”
Allaha aid edilən kəlmələrin üçüncüsü, isə qüdsi hədislərdir. Onun kəlməsi
Allahındır və ona isnadla Nəbi (s) rəvayət edir. Qurana məxsus özəlliklər ona aid
deyil.”
Məşhur alimlərdən biri olan Əmir Həmudiddin “Fəvaid” adlı əsərində Quranla
qüdsi hədis arasında altı fərqin olduğunu gəstərir:
1).Quran möcuzədir, hədisi-qüdsi isə möcuzə deyil.
2).Namazı Quransız qılmaq olmaz, namazda isə qüdsi hədis oxumaq olmaz.
3).Quranı inkar edən kafirdir, qüdsi hədisi isə inkar edən kafir olmaz.
4).Quran Cəbrayılın (ə) vasitəsi ilə nazil olub, qüdsi hədislər isə vasitəsiz xəbər
verilib.
5).Quran ləfzən Allahdan göndərilib, qüdsi hədisin ləfzi isə Peyğəmbərə(s)
məxsusdur.
6).Qurana pak olmayanlar toxuna bilməz, onu oxuya bilməz, qüdsi hədisə isə
pak olmayanlar da toxuna bilərlər.
73
İsmayıl Çakan, Hədis üsulu, səh. 114
[21]
Təriflərdən göründüyü kimi qüdsi hədislər Allah tərəfindən heç bir vasitə
olmadan öz peyğəmbərinə və imamlarına ilham və ya yuxu vasitəsiylə bildirdiyi
xəbərlərdir. Əlbətdə ki, qüdsi hədislərə heç vaxt Quran ayələri deyilə bilməz.
Məlumdur ki, Quranın sözlərinin həm mənası həm də ləfzi Allaha məxsusdur. Hədisi-
qüdsinin isə mənası Allaha məxsus olsa da, ləfzi Peyğəmbər (s) və ya digər Məsuma
(ə) xasdır.
Göründüyü kimi, Quran həm məna həm də ləfzən olduğu kimi rəvayət edilir.
Amma hədisi-qüdsinin mənası Allahdan gəlsə də, Peyğəmbərin (s) sözləri ilə rəvayət
edilir. Həmçinin qüdsi hədis mənasına görə də rəvayət edilə bilər.
Ümumiyyətlə Peyğəmbər (s) qüdsi hədisləri rəvayət edən zaman onun Allaha
aid olduğunu açıq-aşkar şəkildə göstərmişdir. Şübhəsiz ki, qüdsi hədislər Qurandan
fərqlənsələr də, onların mənalarında qeyb aləminin heybəti duyulmaqdadır. Əlbəttə
ki, Quranla hədisi-qüdsi arasında fərqlər çoxdur və bütün bu fərqlikləri alimlər tam
surəti ilə açıb göstərmişlər.
Qüdsi hədislər mənalardan da başa düşüldüyü kimi sənədində də qeyd edilən
rəvayətformulundan fərqlənirlər.
Qüdsi hədislər hədisşünaslar tərəfindən ya ayrı-ayrı əsərlər formasında, yaxud
da digər hədis kitablarında ayrıca bölüm altında toplanmışdır. Həmin əsərlərdən
aşağıdakıları qeyd etmək olar:
1).Məhəmməd ibn Hüseyn ibn Əli Hürr əl-Amilinin (h/q.1033-1104) “əl-
Ənvarül-səniyyə fi əhadisil-qüdsiyyə” adlı əsəri. Bu əsər Azərbaycan dilinə tərcümə
edilib.
2).Əbdürrauf əl-Münavinin (öl.1031/1622) “əl-İthafatüs-səniyyə bil-hədisil-
qüdsiyyə” adlı əsəri.
3). Məhəmməd əl-Mədəninin “əl-İthafatüs-səniyyə fil-hədisil-qüdsiyyə” əsəri.
4). Əli əl-Qarinin “əl-Əhadisül-qüdsiyyə” əsəri.
Həmçinin Buxarinin “Səhih” əsərinin “kitabüt-tovhid”inin bir babinda qüdsi
hədislər toplanmışdır. Bundan başqa Süyutinin (öl. 911/1505) “əl-Cameus-səğir” adlı
əsərinin I cildində də qüdsi hədislər toplanmışdır.
II FƏSİL
HƏDİSLƏRİN YAZILMASI PROBLEMİ
2.1.HƏDİSLƏRİN YAZILMASI
(Kitabətül-hədis)
[22]
Hədislərin yazıya köçürülməsi bu elmin əsasını təşkil etməkdədir. Buna bəzən
“Təqyidül-elm”, “Kitabətül-elm” də deyilmişdir.
74
Hədis tarixçiləri bu mövzuya
toxunan zaman aşağıdakıbəzi məsələləri izah etməyə çalışmışlar:
A).Cahiliyyə dövründə ərəblərin yazıb oxuması
Məlumdur ki, Məhəmməd peyğəmbər (s) miladi tarixlə 610-cu ildə
peyğəmbərliyə yetişmişdir. Həzrət Peyğəmbər (s) bu məqama yetişən zaman
Ərəbistan yarımadasında vəziyyət insanlıq baxımından ürəkaçan deyildi. Həmçinin
besətdən əvvəlki dövrlərin ictimai-siyasi və mənəvi durumu yaxşı olmadığı kimi,
onların elmi dünyagörüşləri də bir o qədər zəngin deyildi.
Bildiyimiz kimi, sami xalqlar qrupuna mənsub olan ərəblərin əsil vətəni
Ərəbistan yarımadasıdır. Hər tərəfdən su ilə əhatə olunmuş yarımadaya ərəblər
Cəzirətül-ərəb demişlər.
Bəzi məlumatlara görə “ərəb” kəlməsi çöl, səhra adamı deməkdir və onlar iki
böyük qrupa bölünürlər:
1)Baidə, itib-batmış ərəblər. Onlara Ad, Səmud və digər tayfalar daxildir.
2)Ərəbül-baqiyə, mövcud ərəblər. Bunlar da iki böyük qola ayrılırlar:
a)əl-Ərəbül-aribə. Bunlar əsil ərəblərdir. Bu ərəblərin ulu babaları Qəhtan
olduğuna görə bəzən bunlara Qəhtanilər də deyilmişdir.
b)əl-Ərəbül-müstəribə.Bunlar isə ərəbləşmiş ərəblərdir. Əsil ərəblər cənubda
yaşadıqları halda, ərəbləşmiş ərəblər isə şimalda yaşamış və ulu babalarının adı
Ədnan olduğu üçün Ədnanilər adlanmışlar. Bu qola mənsub ərəblər sonradan əsil
ərəblərə qaynayıb-qarışmış və onların dillərini qəbul etmişlər.
75
Ərəblərin İslamdan əvvəlki dövrləri mənəvi və elmi baxımdan çox acınacaqlı
olduğu üçün bu dövrə “cahiliyyə-nadanlıq” dövrü deyilmişdir. Çünki bu dövrlərdə
ərəblər tayfa və qəbilələr halında yaşayır, daim bir-birləri ilə müharibələr aparır, yeni
doğulan qız uşaqlarını diri-diri basdırır, zina edirdilər. Peyğəmbərin (s)
peyğəmbərliyə vəzifələndirilməsindən sonra ərəblərin nəinki mənəviyyatlarında, həm
də elmi dünyagörüşlərində də təsəvvürolunmaz səviyyədə dönüşlər oldu. Belə ki,
cahiliyyət dönəmində heç bir yazı-pozu bilməyən ərəblər artıqİslamın zühurundan
sonra Peyğəmbərin (s) elmə təşviqi sayəsində dünya xalqlarının ən mədəni ünsürünə
çevrildilər.
Əlbəttə ki, ərəblərdə yazı çox qədim zamanlardamövcud olmuş, lakin onlar
hafizəyə çox üstünlük verdiklərinə görə VIII əsrədək onlarda ədəbi-bədii nümunələr
yazıya köçürülməmişdir.
76
Görkəmli tarixçilər əl-Bəlaziri və İbn Nədim İslamdan öncə yazının ərəblər
arasında yayılmadığını demiş və bu dövrdə yalniz on yeddi kişinin yazıb-oxuma
bildiyini qeyd etmişlər. Mədinədə isə belə insanların sayının daha da az olduğu
bildirilir.Yazıb-oxuma bilən insanların adları aşağıdakılardır:
74
İsmayıl Çakan, Hədis Ədəbiyyatı, səh. 7
75
M. R. Mahmudov, Klassik ərəb ədəbiyyatı, Bakı, 2001, səh. 12
76
həmin mənbə, səh. 14
Dostları ilə paylaş: |