134
çarpışdıqlarını xatırladım. Sonra , yenə də Bobun öldürdüyü
ilan gözümün önündə canlandı. Axırda belə qərara gəldim ki,
belə şeylər haqqında fikirləşmək mənim üçün ağılsızlıqdır.
Bu səhər mən atamla çox erkən yataqdan qalxdıq. Atam
deyir ki, hər kim yerindən erkən durursa, o qazanır, həmin
günün işlərini vaxtında görmüş olur.
Biz bel, balta, kərki, külüng və ölçü götürüb, çəpərlənməmiş
tarlaya yola düşdük. Bob bu gün bizimlə getmədi.
Zəmi şehli idi. Atam çiynində bel arxadan gəlirdi, mən isə
qabaqda gedirdim. Həzin səhər mehi əsirdi. Səhərin bu təmiz
mehini ciyərlərə çəkəndə adamda bir yüngüllük hiss olunurdu
və istəyirdin ki, addımları daha da yeyinlədəsən. Mən dünən
günorta vaxtı olduğumuz yerə getdim. Qarşıda gözümə nə isə
sataşdı. Bir az diqqətlə baxdım, gördüm ki, nə isə hərəkət edir.
Onun hərəkəti bucurqadın kəndirinə oxşayırdı.
- Ehtiyatlı ol!- Atamı xəbərdar etdim.
- Erkək, qara ilandır.
Atam mənə tərəf bir addım atıb dayandı. Onun gözləri
təəccübdən böyümüşdü.
- Bunun haqqında nə deyə bilərsən? - atam soruşdu.
- Sən indi bu erkək ilanı görürsən. Ona yaxşı nəzər sal! O,
ölmüş yoldaşının yanında uzanıb. Ola bilsin ki, bu ilan dünən
ölən yoldaşının iziylə buraya gəlib,- deyə atama izah etdim.
Bəli, bu ilan yoldaşının izi ilə gəlmişdir. O, buraya gecə, ay
işığında, buludlar səmada hərəkət edən zaman gəlmişdi. O,
sevgilisini burada ölü halda tapmışdır. İlan ölmüş sevgilisinin
ətrafına məftil kimi sarılmışdı. O bizi görən kimi başını dik
qaldırdı. İndi o, ölənə qədər bizimlə vuruşmağa hazır idi. Bəli,
indi bu ilan son nəfəsinə kimi ölmüş sevgilisinin uğrunda
Bobla vuruşardı.
- Ağac götür,- atam mənə dedi, - onu təpənin üstünə apar ki,
Bob görə bilməsin.
- Siz heç bundan da dəhşətlisini görmüsünüzmü?
Eşitmişdim, ancaq birinci dəfə idi ki, bunu gözlərimlə
görürdüm.
135
Mən bir ağac götürüb, erkək qara ilanı qayadakı yaşıl, şehli
otların arasına gətirdim.
Alar kəndi, 1981 - ci il.
136
Uilyam Saroyan
-------------------------------------------------
/Amerika/
Filippinli və sərxoş
Oklanda (
Kaliforniyanın qərbində, San-Fransiskonun şərqində
yerləşən şəhərdir)
gedən gəmini gözləyənlər arasında qırmızı
rəngli palto geyinmiş, səhərdən bəri ara vermədən çərənləyən,
ətrafdakıları fərqinə varmadan nəlayiq söyüşlər söyən,
ucaboylu bir kişi hamının nəzər diqqətini cəlb etmişdi. Onun
belə yersiz danışmasından sərxoş olduğu aydınca hiss
olunurdu. Buna görə də adamların heç birisi ona əhəmiyyət
vermək istəmirdi. Hamı gəminin gəlməsini gözləyirdi. Birdən
sərxoşun gözü adamlar arasında səliqə ilə geyinmiş alçaqboylu
filippinli oğlana sataşdı. O, oğlana yaxınlaşdı və ona bu
adamlar arasında dayanmamağı əmr etdi. Sərxoş dedi ki, oğlan
ağların olduğu yerdə durmamalıdır. İndiyə kimi adamların
onların yanında dayanmış filippinlini elə bil ki, görmürmüşlər.
Çünki oğlan hamı kimi sakit bir guşədə dayanıb gəminin
gəlməsini gözləyirdi. O, heç bir hərəkəti ilə başqalarından
fərqlənmirdi. Filippinli oğlan sərxoşun bu hərəkətindən
qorxmuş kimi oldu.
O, sərxoşun dediklərinə əhəmiyyət vermədən adamların
arasına girdi. Sərxoş ondan əl çəkmədi:
- Sənə deyirəm, rədd ol burdan! Bura sənin kimilərin yeri
deyildir. Mən iyirmi dörd ay Fransada vuruşmuşam. Mən əsl
Amerikalıyam. Mən istəmərəm ki, sən ağların içərisində
gəzəsən, - deyə sərxoş lovğalandı.
Oğlan əsəblərini cilovlamağa çalışdı və özünü adamların
arasına saldı. O, sərxoşa heç bir söz demədi. Sərxoş bununla
özünün təhqir olunduğunu duydu və oğlanın arxasınca qaçdı.
Hamı bu səhnədən zövq alırmış kimi dayanıb baxırdılar.
137
Sərxoş:
- Sənin belə gözəl paltarlar geyinməyinə ixtiyarın yoxdur.
O, söyüşləri ilə elə bil ki, oğlanı nəyə görəsə müka-
fatlandırırdı. Buradakı qadınlar isə bu söyüşləri sanki
eşitmirdilər.
Giriş qapısı açılan kimi gənc oğlan özünü hamıdan əvvəl
gəmiyə saldı. O, küncdə qoyulmuş skamyada bir anlıq oturdu
və yenidən ayağa qalxdı, gizlənmək üçün etibarlı yer axtardı.
Oğlan artıq sərxoşun söyüşlərini eşitmək istəmirdi. O baxanda
Sərxoşun qabaq tərəfdən ona tərəf gəldiyini gördü. Onun
əlindən qaçıb harada gizlənsin?
Oğlan yanındakı tualetin qapısını açdı.
- Bundan etibarlı yer ola bilməz, - deyə o, cəld qərara gəldi. O.
içəri girib arxadan qapını bağladı.
Sərxoş qarşısına çıxan hər bir adamdan filippinli oğlanı
soruşurdu. Hamıya da özünün əsl Amerikalı olduğunu sübut
etməyə çalışırdı. O, müharibədə iki dəfə yaralandığını da
deməyi unutmurdu.
İndi o, əvvəlkindən daha artıq söyməyə başladı. Birdən o,
bağlı qpını görüb ayaq saxladı. Necə oldusa, başqa birisi oraya
girmək istəyərkən sərxoş oğlanı gördü. O, oğlanı söyə-söyə
dərhal oradan çıxmasını əmr etdi:
- Sən mənim əlimdən qaça bilməzsən. – Sərxoş oğlanı
hədələdi. - Sən ağların istifadə etdiyi yerlərdən istifadə etməyə
səlahiyyətin çatmır, gəl çıx bayıra, yoxsa qapını sındıracağam!
- deyə sərxoş daha da qəzəbləndi.
- Çıxın, gedin! - oğlan dilləndi.
Sərxoş qapını silkələməyə başladı.
-Onsuz
da
sən
buradan çıxacaqsan. Səni buradaca
gözləyəcəyəm, - deyə sərxoş razı halda dedi.
- Deyin görüm, mən sizə nə etmişəm? Məni niyə sakit
buraxmırsınız? - Oğlan qapı arxasından yalvarıcı tərzdə
soruşdu.
138
Oğlan düşünürdü ki, bəlkə başqaları bunu görüb sərxoşu
buradan apararlar. Amma deyəsən burada heç kəs yox idi.
- Çıxın, gedin! -Oğlan yenidən təkrar etdi.
Sərxoş söyə-söyə qapını əvvəlkindən daha bərk silkələməyə
başladı. Oğlan qapının arxasında qəzəbindən titrəməyə başladı.
Artıq onun əsəbləri gərilmişdi. O, nə qədər çalışdısa, bu dəfə
əsəblərini cilovlaya bilmədi. Daxili iztirab oğlana üstün gəldi.
O, cibindən iti tiyəli bıçağını çıxartdı.
- Çıxın, gedin! Məndə bıçaq var! Mən kiməsə xəsarət yetirmək
istəmirəm! - Filippinli sərxoşu yenidən xəbərdar etdi.
Sərxoş özünün Amerikalı olduğunu bir də xatırlatdı:
- İyirmi dörd ay Fransada vuruşmuşam. İki dəfə yaralanmışam.
Bir dəfə qıçımdan, bir dəfə də ombamdan. Əgər qorxmursan,
çıx bayıra, - deyə sərxoş oğlanı yenə hədələdi.
- Səni öldürərəm. Get buradan! Mən heç kəsi öldürmək
fikrində deyiləm. Sən sərxoşsan. Çıx get, yalvarıram sənə, get.
Yoxsa, əlimdən xata çıxar, - deyə oğlan son dəfə xahiş etdi.
Oğlan gəminin mühərrikinin saldığı səsi eşitdikcə, elə bil bu
səs onun əsəblərini daha da qıcıqlandırırdı. O bu səsdən istifadə
edərək yavaşca qapını açdı və iti addımlarla adamların arasına
girmək istədi. Bu sərxoşun gözündən yayınmadı. O, cəld əlini
arxadan atıb oğlanın paltosundan tutdu və özünə tərəf çəkdi.
Sərxoş paltonu elə bərk dartdı ki, paltonun cırılmış qolu onun
əlində qaldı. Oğlan geri döndü və var gücü ilə əlindəki bıçağı
onun böyrünə sancdı. Sərxoş qışqırdı və oğlanın boğazından
yapışdı. Oğlan isə bıçağı ara vermədən bir neçə dəfə sərxoşun
böyrünə vurdu, elə bil ki, rinqdə boksçu əldən düşmüş rəqibinə
zərbələr endirirdi.
Sərxoş yerə yıxılan kimi filippinli onu tərk etdi. O,
adamların yanına gəldi. Tiyəsindən qan damcılayan bıçaq hələ
də onun əlində idi. Onun tükləri qarışmış, paltosunun qolu
cırılmış, əvvəlki səliqəsindən heç bir əsər-əlamət qalmamışdı.
Hamı nə baş verdiyini dərhal anlamışdı. Buna görə də adamlar
sakitcə dayanıb əlləri titrəyən oğlana baxırdılar. Oğlan özünü
itirmişdi. O əvvəlcə gəminin qarşı tərəfinə qaçdı, getməyə yer
139
axtarırdı. Sonra geri dönüb gəminin bir küncündə dayandı.
Ancaq heç cürə bir yerdə qərar tuta bilmirdi. Onun cinayət
işlətdiyini görən adamların heç birisi onunla danışmırdılar.
Getməyə bir yeri yox idi onun. Qarşıda “haqqı”, “ədaləti”
müdafiə edən polislər, arxada isə hər yerdə özlərini əsl
“centlmen” kimi göstərməyə çalışan adamlar dayanmışdılar.
Oğlan üzünü adamlara tutub qışqırdı:
- Mən onu öldürmək fikrində deyildim. Siz onu niyə
saxlamadınız? Niyə ona mane olmadınız? Adamı da siçovul
kimi doğramaq olarmı? Axı, siz bilirdiniz ki, o, sərxoşdur. Mən
onu vurmaq istəmirdim, amma o mənə getməyə yol vermədi. O
məni boğmaq istəyirdi. Mən onu xəbərdar etmişdim ki, bir də
qarşımı kəssə öldürəcəyəm. Bu mənim günahım deyil. Mən
Oklanda qardaşımı görməyə gedirəm. O, xəstədir. Mən onu
görməliyəm! Axı, siz onu niyə dayandırmadınız?!
Alar kəndi, 1980 - ci il.
140
Villi Bredel
-------------------------------------
/Almaniya/
Qırmızı general
Bu hekayənin qəhrəmanı Ernest Telmanın dostu və silahdaşı,
Hamburq qırmızı cəbhəçilər ittifaqının rəhbəri Edqar Andredir.
1933-cü ildə Hitler hakimiyyət başına gələn kimi Edqar
Andre həbc edildi. O, 1936-cı il noyabrın 4-də faşistlər
tərəfindən güllələndi. Aşağıdakı epizoddda siz 1933- cü ildə
alman faşistlərinin hakimiyyət başına gəlmələrindən ötrü necə
canfəşanlıq etdiklərinin qısa şahidi olacaqsınız. Belə bir
zamanda kommunistlər hər yerdə faşistlər əleyhinə böyük
təbliğatlar aparırdılar. Onlar mətbuatlarda, yığıncaqlarda
faşizmə böyük nifrət bəslədiklərini bildirir və xalqa həqiqəti
açıb göstərməkdə əllərindən gələni edirdilər. Buna görə
milyonlarla kommunist alçaq niyyətli faşizmin qurbanı oldular.
Bir gün faşistlər Edqar Andreni görmək üçün yığıncaq təşkil
etdilər. Onlar hər yerdən qışqırırdılar: “ Qırmızı kommuna
generalı gəlsin!”. Amma onlar inanmırdılar ki, Edqar bu
yığıncaqda iştirak etsin. Edqar meydanda görünəndə faşistlər
həyəcan
içərisində idilər. Dənizçilər Edqar Andreni
alqışladılar.
Andre söz alıb danışmağa başlayanda faşistlər stulları ona
tərəf atmağa başladılar. Bu vaxt dənizçilər Edqarı dairəyə
aldılar və bu qarmaqarışıqlıqdan küçəyə çıxmaq üçün ona yol
verdilər. Buna görə faşistlər burada möhkəmcə əzişdirildi.
141
Ertəsi gün onlar Edqar Andreyə yeni hücüm etmək üçün
cəhd göstərdilər. Onlar Edqarın yaşadığı binanı mühasirəyə
aldılar və giriş qapısında oturub onu gözləməyə başladılar.
Andre mənzilinin qapısını möhkəmləndirirdi. Bir nəfər
almanların evə girmək haqqındakı söhbətlərini eşitdi və dərhal
kömək üçün yoldaşlarının yanına qaçdı. Andrenin silah
yoldaşları bacardıqca tez ona kömək etməliydilər.
Bu vaxt Andre özünü müdafiə etmək üçün yaxşı bir plan
hazırladı. Almanlar qapını sındırmaq istəyəndə Andre otaqda
öz-özünə bərkdən danışırdı ki, qapının arxasında onlar da
eşitsinlər: “Nə gözləyirsən? İkinci tapançanı götür! Dedim ki,
ikinci tapançanı da götür! Onları stolun üstünə qoy! Ora yox,
mənim əlimin altına. Onda daha tez götürə bilərəm!”
Faşistlər bu sözlərin hamısını eşidirdilər, buna görə də daha
səslərini çıxartmadılar.
Andre otaqdan qışqırdı: “Get qapını aç, sevimli qonaqları
qarşıla, bir də belə hirslənməsinlər... ”
Bir göz qırpımında qapı yerindən çıxdı. Faşistlər otaqda
göründülər.
Edqar Andre
pəncərənin qarşısında qoyulmuş yazı stolunun
arxasında oturmuşdu. Koridordan düşən işıq şüaları qapını
işıqlandırırdı, otaq isə qaranlıq idi. Andre sağ əlini qaldırdı, elə
bil ki, tapançanı əlində yaxşı tutmaq istəyirdi.
O, istehza ilə dedi:
- Sizi çox gözləməyəcəyəm! - Sonra o qışqırdı:- Bir addım da
atsanız, atəş açacağam!
Faşistlər hərəkətsiz dayandılar. Bu vaxt Andre ucadan
bağırdı: - Rədd olun burdan!
Aşağıdan üç dəfə fit səsi eşidildi. Faşistlər bunu eşidən kimi
cəld pilləkənlərlə aşağı düşüb küçəyə qaçdılar.
142
Bir neçə dəqiqədən sonra Andrenin yoldaşları otağa daxil
oldular. Bu vaxt Andre divanda oturub qəlyanını tüstülədirdi.
Ertəsi gün bütün Hamburq bu hadisə haqqında danışırdı.
Faşistlər isə bu barədə susurdular...
Alar kəndi, 1980 -ci il.
143
Mündəricat
1.Aqata Kristi. “Baş nazirin oğurlanması”.........................5
2. Aqata Kristi. “Bir milyon dollarlıq istiqrazın
oğurlanması”.........................................................................26
3. Aqata Kristi. “Mavi kuzənin sirri”...............................37
4. A.K.Doyl. “Brilyant tac” ...............................................60
5. A.K.Doyl. “Göy yaqut” .................................................71
6. Oskar Uayld. “Nümunəvi milyonçu” ...........................84
7. A.C. Kronin. “İki veronalı” ..........................................94
8. Cek London. “Meksikalı” .............................................99
9. Ernest Heminquey. “Qatillər” ....................................110
10. S. Moem. “Muzdlu tərəfdaşlar”..................................123
11. Cessi Stuart. “Məhəbbət” ...........................................130
12. Uilyam Saroyan. “Filippinli və sərxoş”......................135
13. Villi Bredel: “Qırmızı general”..................................139
144
Aqata Kristi
:
“Baş nazirin oğurlanması”
(Tərcümələr toplusu kitabı)
İngiliscədən çevirəni: Camal Zeynaloğlu
Bakı, “Yazıçı” nəşriyyatı – 2012, - 144 səh.
Nəşriyyatın baş direktoru: Şəmsi Mirzəyev
Rəssam: Süleyman Mustafaoğlu
Operator: Turan Camalqızı
Korrektorlar: Nərmin Zeynalova,
Yeganə Balamədova
---------------------------------------------------------------
Yığılmağa verilmişdir: 12.10.2012
Çapa imzalanmışdır: 05.11.2012
Kağız formatı: 60x84 1/16
Fiziki çap vərəqi: 9.3
Sayı: 500
Sifariş: № 39
Müqavilə qiyməti ilə
-----------------------------------------------------------------
“Uni Print”
mətbəəsində çap edilmişdir.
145
Zeynalov Camal Zeynal oğlu (Camal Zeynaloğlu) – 1958-
ci ildə Cəlilabad rayonunda anadan olub. O, 1975-ci ildə
Cəlilabad rayonunun Alar kənd orta məktəbini, 1980-ci ildə isə
Azərbaycan Pedaqoji Xarici Dillər İnstitutunun ingilis-alman
dilləri fakültəsini bitirib.
C.Zeynaloğlu “Uğursuz nikah” (1998), “Məni qınamayın”
(1998), “Qanlı fevral gecəsi” (1999), “Ölümlə üz-üzə” (2000),
“Tanrı cəzası” (2010), “Həqiqət işığında” (2012) kitablarının
müəllifidir.
2000 - ci ildə jurnalistika sahəsində və ədəbi fəaliyyətinə
görə Аз.KИВİЩИ - нин «Нурлу гялям устасы» дипломуна
лайиг эюрцлüb.
Bundan başqa, 2010-cu ildə “Qafqaz-Media” İctimai Birliyi
tərəfindən “Cəsarətli Qələm”, 2011-ci ildə “Vicdanlı Qələm”
və 2012 –ci ildə isə, “Reytinqli jurnalist” media mükafatlarına
layiq görülüb.
O, Azərbaycan Yazıçılar və JurnalistlərBirliyinin üzvüdür.
Dostları ilə paylaş: |