21
çəkdiyi daxili əzablar aydınca hiss olunurdu. Mən özüm isə
saatlar ötdükcə darıxmağa başladım.
Nəhayət, ayağa qalxdım, bacardıqca səssiz pəncərəyə
yaxınlaşdım və içərisində Britaniya əsgərləri olan, Fransadan
İngiltərəyə üzən gəminin arxasınca baxdım.
Birdən Puaronun səsinə diksindim.
- Dostlar, gəlin yola düşək!
Mən geri döndüm. Dostumu qeyri-adi vəziyyətdə gördüm.
Onun gözləri həyəcandan od tutub yanırdı. Sinəsi körük kimi
qalxıb-enirdi.
- Mən yüngül ağıllı olmuşam, dostlar! Ancaq deyəsən, işıq ucu
görürəm.
Mayor Norman qapıya tərəf tələsdi.
- Maşın çağırım.
- Lazım deyil, mən ondan istifadə etməyəcəyəm. Allaha şükür
ki, külək dayanıb.
- Ser, piyada getmək fikrindəsiniz?
- Xeyr, dostum, mən müqəddəs Pyotr deyiləm. Mən dənizi
qayıqla üstün tuturam.
- Dənizi keçmək?
- Bəli, metodla işləmək üçün işi əvvəldən başlamaq lazımdır.
Bu işin başlanğıcı isə İngiltərədədir. Buna görə də biz
İngiltərəyə qayıdırıq.
Saat üçdə biz yenidən Çarinq Kross platformasında dayan-
mışdıq. Puaroya göstərdiyimiz öyüd-nəsihətlər hamısı boşa
çıxmışdı. Dediyimiz sözləri, o, bu qulağından alıb, o biri
qulağından buraxırdı. Puaro öz dediyindən dönən deyildi. O,
vaxtı itirmədən işin başlanğıcına doğru tələsirdi.
Yolda o, Normana yavaşcadan bildirmişdi ki, Doverdən
teleqram göndərsin. Normana xüsusi tapşırıq veriləndən sonra
biz lazim olan yerə vaxtında çatdıq. Londonda bizi böyük bir
polis maşını gözləyirdi. Onlardan biri dostuma bir vərəq yazılı
teleqram verdi. O, mənim sualedici baxışlarımı dərhal sezdi və
dedi:
23
Qız ona kiçicik bir nəzər saldı. Bu zaman onun arxasından
hündürboylu, orta yaşlı, şux görkəmli bir qadın göründü.
- Qapını ört, Elis. Onlar oğrudular.
Ancaq Puaro cəld hərəkətlə ayağını qapıya söykəyərək fit
verdi. Dərhal onu gözləyən xəfiyyələr içəri doluşdular, qapı
onların arxasınca bağlandı.
Norman və mən beş dəqiqəyə kimi gərgin vəziyyət keçirdik.
Nəhayət, qapı açıldı və üç məhbus- bir qadın və iki kişi
göründü. Qadın və kişilərdən birini ikinci maşına mindirdilər.
O biri kişini isə Puaro özü ilə bizim maşına gətirdi.
- Dostum, mən o biri maşınla getməliyəm. Ancaq bu
centlmendən muğayat ol. Sən onu tanımırsan? Yox? Yaxşı, onu
sənə təqdim edərəm, Müsye O” Marfi!
O”Marfi! Heyrətdən ağzım açıla qalmışdı. Biz yenidən yola
düşdük. Onun əli qandallı deyildi, ancaq onun aradan çıxmağı
möcüzə olardı. O heyrətlənmiş və pörtmüş halda, gözünü
çəkmədən bizə baxırdı. Hər halda Norman və mən onun üçün
barıt çəlləyini odlayan kibritdən də artıq olardıq.
Bizim hələ şimala doğru getməyimiz məni təəccübləndirirdi.
Bəs, biz Londona qayıtmırıq? Çox tutulmuşdum. Birdən maşın
yavaşıdı, mən Hendon aerodromunu dərhal tanıdım. Dərhal da
Puaronun fikrini anladım. O, Fransaya təyyarə ilə uçmağa
qərara almışdı.
Bu bir idmançı fikrini xatırladırdı, ancaq onun üzündən hiss
olunurdu ki, bu işin hələ tam hissəsi deyildir. Teleqram daha
tez ola bilərdi. Vaxt isə gözləmirdi. O, Baş Naziri xilas etmək
üçün şəxsən özü getməlidir.
Biz dayanan kimi Mayor Norman maşından yerə hoppandı,
onun yerini sadə geyimli bir adam tutdu. O, Puaro ilə bir neçə
dəqiqə məşvərət etdi, sonra cəld çıxıb getdi. Mən maşından
yerə düşdüm və Puaronun qolundan tutdum.
- Səni təbrik edirəm, qoca! Onlar sənə gizlənmə yerini
söylədilər? Ancaq, bura bax , sən dərhal Fransaya teleqram
vurmalısan.
Əgər sən özün getsən, gecikə bilərsən.
Puaro qəribə bir tərzdə, bir-iki dəqiqə mənə baxdı.