1
“Təsdiq edilmişdir”
Əmanətlərin Sığortalanması Fondunun
Himayəçilik Şurasının 13 mart 2009-cu il tarixli
(12 saylı protokol) qərarı ilə
Əmanətlərin Sığortalanması Fondunun
möhür və ştamplarının istifadəsi və saxlanmasına dair
QAYDALAR
Bakı - 2009
I. Ümumi müddəalar
Maddə 1.
Bu Qaydalar Əmanətlərin Sığortalanması Fondunun (bundan sonra – Fond)
möhür və ştamplarının dəqiq sayını və onların istifadə edilməsinin,
saxlanılmasının və mühafizəsinin üsul və qaydalarını müəyyən edir.
2
II. Fondun ştampları
Maddə 2.
2.1.
Fond uzunluğu 63mm, eni 43mm olan, yuxarı hissəsində “Əmanətlərin
Sığortalanması Fondu” sözləri yazılmış, orta hissəsində istifadə olunma
təyinatı və “№____” işarəsi göstərilmiş və aşağı hissəsində tarix qrafası olan
dördkünc ştamplara (bundan sonra – böyük ştamp) malik olmalıdır.
2.2.
Böyük ştampların sayı Fondun fəaliyyət dairəsinə uyğun olaraq İcraçı
Direktor tərəfindən müəyyən olunur.
2.3.
Böyük ştamplar onların məzmununa və təyinatına uyğun hazırlanmalıdır və
hər bir ştamp rəqəmlərlə nömrələnməlidir.
Maddə 3.
3.1.
Fond uzunluğu 65mm, eni 25mm olan, yuxarı hissəsində “MƏXFİ” sözü
yazılmış, orta hissəsində “Qeydiyyat №____” və aşağı hissəsində tarix qrafası
olan dörkünc ştampa (bundan sonra – məxfi ştamp) malik olmalıdır.
3.2.
Məxfi ştampların sayı İcraçı Direktor tərəfindən müəyyən olunur.
3.3.
Məxfi ştampların sayı iki və ya daha artıq olduqda hər bir ştamp rəqəmlərlə
nömrələnməlidir.
Maddə 4.
4.1.
Fond həmçinin diametri 39mm olan, qoşa çevrə içərisində bir-birinə
simmetrik olan yarım dairəvi “Əmanətlərin Sığortalanması Fondu” və
ingiliscə “Deposit Insurance Fund” sözləri yazılmış və orta hissəsində təyinatı
göstərilmiş dairəvi ştampa (bundan sonra – dairəvi ştamp) və uzunluğu
56mm, eni 33mm olan, yuxarı hissəsində Fondun abbreviaturası olan “ƏSF”
yazılmış, orta hissəsində istifadə olunma təyinatı və “№____” işarəsi
göstərilmiş və aşağı hissəsində tarix qrafası olan kiçik ştamplara (bundan
sonra- kiçik ştamp) malik olmalıdır.
4.2.
Sığorta hadisəsi baş verdikdə və Fond tərəfindən və ya Fondun seçdiyi Agent
bank tərəfindən əmanətçilərə kompensasiya ödənişi həyata keçirildikdə,
3
əmanətçilərdən ərizələrin qəbulu və kompensasiyanın ödənişi üçün istifadə
olunacaq kiçik ştamplarda əlavə olaraq, ərizə qəbulu və kompensasiyaların
ödənişini həyata keçirəcək işçilərin eyniləşdirmə nömrəsi də göstərilməlidir.
4.3.
Kiçik ştampların sayı Fondun fəaliyyət dairəsinə uyğun olaraq İcraçı Direktor
tərəfindən müəyyən olunur.
4.4.
Kiçik ştamplar onların məzmununa uyğun olaraq hazırlanmalıdır və hər bir
ştamp rəqəmlərlə nömrələnməlidir.
Maddə 5.
5.1.
Ştamplar rezindən və ya oxşar məmulatlardan hazırlanmalıdır.
5.2.
Ştamplar ştamp və möhürlərin hazırlanması üçün müvafiq icra hakimiyyəti
orqanından xüsusi icazə (lisenziya) almış təşkilatlar tərəfindən
hazırlanmalıdır.
5.3.
Fond ştampların forma/şablonlarını qoruyub saxlaya bilər və ya onlar İcraçı
Direktor tərəfindən təyin edilmiş komissiya tərəfindən məhv edilməlidir.
III. Ştampların istifadəsi və saxlanması
Maddə 6.
6.1.
İcraçı Direktor ştampların istifadəsi və mühafizəsi ilə səlahiyyətli olan
işçilərin dairəsini müəyyən etməli və onlara ştamplardan sərbəst istifadə etmə
və onları mühafizə etmə səlahiyyətləri verməlidir.
6.2.
Ştamplar onlardan istifadə etmə və mühafizə etmə səlahiyyətləri verilmiş
işçilərə təhvil-təslim aktı əsasında təhkim edilir və həmin işçilərin
ştamplardan istifadə etmə səlahiyyətlərinə xitam verildikdə, akt tərtib
edilməklə geri alınır.
6.3.
Fondun “Kompensasiya proseduruna” dair Qaydalarına uyğun olaraq
kompensasiyaların ödənilməsi üçün seçilmiş Agent banka ştampların
verilməsi və təhvil alınması təhvil-təslim aktı əsasında həyata keçirilir və
4
həmin aktda Agent bankın kompensasiyaların ödənişinə cəlb olunacaq
işçilərinin eyniləşdirmə nömrələri göstərilməlidir.
6.4.
Ştampların təhvil-təslimi İcraçı Direktorun səlahiyyət verdiyi şəxs tərəfindən
aparılır və tərtib edilmiş təhvil-təslim aktı İcraçı Direktor tərəfindən təsdiq
edilməlidir.
6.5.
Ştampların istifadəsi və mühafizəsi üzrə səlahiyyətli işçilər ştampların qeyri-
qanuni və səlahiyyətsiz şəxslər tərəfindən istifadəsinin qarşısını almalıdırlar.
6.6.
Səlahiyyətli işçilər ştampların qanuni və təyinatı üzrə istifadəsinə görə
qanunvericiliklə müəyyən olunmuş qaydada məsuliyyət daşıyırlar.
Maddə 7.
7.1.
Böyük ştamplar Fondun digər qurumlarla rəsmi münasibətləri və yazışmalar
zamanı istifadə etdiyi sənədlər və aktlara tətbiq olunur və böyük ştampın
həmin sənədlərə tətbiq edilməsi bu sənədlərin və aktların həqiqiliyini təsdiq
edir.
7.2.
Kiçik və dairəvi ştamplar ödəniş tapşırıqları, iş hesabatları və uçot kitabları,
eyniləşdirmə sənədləri, ezamiyyə vərəqələri və oxşar sənədləri təsdiq etmək,
arxivləşdirmə, dərkənar, viza, kompensasiyaların ödənilməsi üçün ərizələrin
qəbulu, kompensasiya ödənişlərinin həyata keçirilməsi, Fonddaxili sənədlərin
surətlərinin təsdiqi üçün, o cümlədən dəvətnamələr, yazışmalar, zərflər və
Fondun fəaliyyəti ilə bağlı digər məqsədlər üçün istifadə oluna bilər.
7.3.
Məxfi ştampı Fondun “Məxfilik və məsuliyyətə dair” Qaydalarında nəzərdə
tutulmuş məxfi məlumatların daşıyıcısı olan sənədlərə, habelə Himayəçilik
Şurasının məxfi hesab etdiyi digər sənədlərə tətbiq olunur və həmin
sənədlərin məxfiliyini təsdiq edir.
Maddə 8.
8.1.
Ştamplar Fondun fəaliyyət göstərdiyi iş yerində istifadə olunmalıdır və iş
yerindən kənara çıxarıla bilməz.
5
8.2.
Müstəsna hallarda Fondun fəaliyyət göstərdiyi iş yerindən kənarda xüsusi
tapşırıqların yerinə yetirilməsi zərurəti yarandıqda, ştamplar iş yerindən
kənara çıxarıla bilər.
8.3.
Ştampların iş yerindən kənara çıxarılmasına İcraçı Direktorun razılığı ilə
yol verilir.
Maddə 9.
9.1.
Ştampların istifadəsi və mühafizəsi üzrə səlahiyyətli işçilər xüsusilə
aşağıdakı vəzifələri daşıyırlar:
9.1.1.
Ştamplardan qeyri-qanuni və təyinatına uyğun olmayan hər hansı istifadənin
qarşısını almaq;
9.1.2.
Ştamplardan bu Qaydalarda göstərilmiş şərtlər çərçivəsində istifadə etmək;
9.1.3.
Ştampları səlahiyyəti olmayan şəxslərin əldə edə bilməyəcəyi şəkildə
saxlamaq;
9.1.4.
Səlahiyyətli şəxslər tərəfindən imzalandıqdan sonra sənədlərə ştamp
vurmaq;
9.1.5.
Məxfi sənədlərə və ya məxfi məlumatların daşıyıcısı olan sənədlərə ştamp
vurduqda, Fondun “Məxfilik və məsuliyyətə dair” Qaydalarının tələbləri
çərçivəsində hərəkət etmək;
9.1.6.
Ştampın itməsi barədə dərhal İcraçı Direktora və ya tabe olduğu şəxsə
məlumat vermək.
9.2.
Bu maddənin 1-ci bəndində göstərilmiş işçinin istifadəsinə verilməyən
ştamplar İcraçı Direktorun səlahiyyət verdiyi şəxsdə saxlanılır.
9.3.
Bu maddənin 1-ci bəndinə uyğun olaraq məsuliyyət daşıyan işçilər tərəfindən
bu Qaydaların tələblərinin pozulması kobud intizam pozuntusu hesab olunur.
Maddə 10.
10.1.
Ştamplar haqqında məlumatlara seriya nömrələri verilməklə, onların
qeydiyyat kitabında qeydiyyatı aparılır və İcraçı Direktorun səlahiyyət verdiyi
şəxs tərəfindən təsdiq edilir.
10.2.
Bu maddənin 1-ci abzasında göstərilmiş məlumatlara xüsusilə ştampın
nömrəsi və ştampın hazırlanması üçün sifariş tarixi, ştampın ölçüsü, eskizi,
hər bir ştamp nüsxəsinin sayı, ştampın markası, ştampdan istifadəyə xitam
6
verilməsi səbəbi və tarixi, ştampın məhv edilməsi tarixi, müvafiq əmrlərin
nömrələri, habelə ştampların istifadəsi və saxlanması üzrə məsul olan işçinin
imzası daxildir.
10.3.
Fond ştampların itməsi və oğurlanması barədə ştampın eskizini təqdim
etməklə, Azərbaycan Respublikası Daxili İşlər Nazirliyinə məlumat
verməlidir.
10.4.
Oğurlanmış və itmiş ştampların etibarsız hesab edilməsi barədə dövlət
qəzetlərinin birində elan verilməli və ştampın eskizi göstərilməlidir. Ştamplar
elanın dərc olunduğu gündən etibarsız hesab edilir.
10.5.
Vaxtından gec aşkar olunmuş ştamplar komissiyanın iştirakı ilə məhv edilir.
Maddə 11.
Ştampların istifadəsi və saxlanmasına səlahiyyətli işçinin əmək müqaviləsinə
xitam verildikdə və ya işçi ştampın istifadəsi və saxlanması ilə məsul olmayan
başqa işə keçirildikdə, həmin işçi istifadəsində olan ştampı ştamplar üzrə
məlumatların saxlanması üzrə məsul şəxsə təhvil verməlidir.
Maddə 12.
12.1.
Korlanması, adı dəyişdirilməsi və ya hər hansı digər səbəbdən istifadəsi qeyri-
mükün olan ştamplar məhv edilməlidir.
12.2.
Ştampın eskizində göstərilmiş yazılar aydın şəkildə oxunaqlı olmadıqda,
ştamp korlanmış hesab edilir.
Maddə 13.
13.1.
Ştampın məhv edilməsi İcraçı Direktorun əmri ilə və onun tərəfindən təyin
edilmiş komissiya tərəfindən həyata keçirilir.
13.2.
Komissiya ştampın məhv edilməsi ilə bağlı akt tərtib etməli və həmin aktda
xüsusi ilə tarix, ştampın nömrəsi və eskizi, qeydiyyat kitabında ştampın seriya
nömrəsi və ştampın məhv edilməsi səbəbi öz əksini tapmalıdır.
7
13.3.
Komissiya tərəfindən tərtib edilmiş akt İcraçı Direktor və komissiya üzvləri
tərəfindən imzalanmalıdır.
IV. Fondun möhürü
Maddə 14.
14.1.
Fondun möhürü müqavilələrə, protokollara, əmrlərə, Himayəçilik Şurasının
qərarlarına, ödəniş sənədlərinə, hesabatlara və digər rəsmi sənədlərə vurulur
və bu sənədlərin həqiqiliyini təsdiq edir.
14.2.
Fondun möhürü dairəvi formada olmalı və qoşa çevrə içərisində bir-birinə
simmetrik olan yarım dairəvi “Əmanətlərin Sığortalanması Fondu” və
ingiliscə “Deposit Insurance Fund” və mərkəzində Fondun abbreviaturası
olan “ƏSF” sözləri yazılmalıdır.
14.3.
Fondun möhrünün diametri 39mm təşkil edir.
Maddə 15.
15.1.
Fondun möhürünün istifadəsi və saxlanması üzrə məsul şəxs Fondun İcraçı
Direktorudur. Fondun İcraçı Direktoru ezamiyyətdə, məzuniyyətdə olduqda
və ya hər hansı səbəbdən işə çıxmadıqda, möhürün müvəqqəti olaraq
istifadəsi və saxlanması üzrə məsul şəxs Baş hüquqşünas-İcraçı Direktorun
müavinidir.
15.2.
Fondun möhürünün istifadə və saxlanması şərtləri ştampların istifadəsi və
saxlanması ilə eyni qaydada həyata keçirilir.
V. Yekun müddəalar
Maddə 16.
Bu Qaydalar təsdiq edildikdən 14 gün sonra qüvvəyə minir.
Dostları ilə paylaş: |