QəRİBƏ adam



Yüklə 2,24 Kb.

səhifə17/23
tarix27.10.2018
ölçüsü2,24 Kb.
1   ...   13   14   15   16   17   18   19   20   ...   23

_________________________________________Eşqə doğru    
 
 
 
119 
 
 
 
 
 
         ƏLÇATMAZ ARZU 
 
Könlümə bir səfeh güman düşübdü, 
Bilmirəm hayandan, haçan  düşübdü, 
İnsanlıq gözümdən yaman düşübdü
Hərdən Allah olmaq keçir könlümdən. 
 
Qəlbimdə yurd salan bu müdhiş sözü, 
Deməkçün tapmıram cəsarət, dözüm. 
Açıb ağartmağa qorxuram düzü, 
Hərdən Allah olmaq keçir könlümdən. 
 
 Sinəmdə neçə dağ bezdirir məni, 
 Yalan, böhtan, nahaq bezdirir məni. 
 Hərdən adam olmaq bezdirir məni
 Hərdən Allah olmaq keçir könlümdən. 
 
 Dolaşıq kələfin ucun görməyə, 
 Hər kəsin savabın, suçun görməyə, 
 Bəzi ürəklərin için görməyə, 
 Hərdən Allah olmaq keçir könlümdən. 
 


Elşad Ərşadoğlu ____________________________________ 
 
 
120 
 
 
 
     
     
      Sevgiyə bürünüb qəlbə dolmağa, 
      Ürəkdə qalmağa, ruhda qalmağa, 
      Yaxşı adamlara yaxın olmağa, 
      Hərdən Allah olmaq keçir könlümdən. 
 
      Kiminsə haqqını yemirəm ki mən, 
      Allah yoxdu filan, demirəm ki mən, 
      Allahı o qədər sevirəm ki mən, 
      Hərdən Allah olmaq keçir könlümdən. 
                                                               
  
 
 
 
 
 
 
 
 
 
 
 


_________________________________________Eşqə doğru    
 
 
 
121 
 
 
 
 
 
 SİLKƏLƏ  BU  DÜNYANI 
 
 Ey çürük insanlarla dolu  
 dünyanın bağbanı 
 hərdən 
 zəlzələnlə silkələ bu dünyanı, 
 çürükləri tökülsün, 
 yatanları oyansın. 
 Silkələ, 
 yerinə düşsün 
 öz yerindən çıxanlar -  
 yolunu azanlar... 
 Yaxşılar, 
 yamanlar, 
 çətinlər, 
 asanlar 
 yerbəyer olsun, 
 düzəlsin halı dünyanın... 
 Yaxşı-yaxşı silkələ, 
 elə silkələ ki, 
 dəymişi dura-dura, 
 tökülsün kalı dünyanın... 


Elşad Ərşadoğlu ____________________________________ 
 
 
122 
 
 
 
 
                       TANIŞ GƏLİR  
 
    Dünya mənə tanış gəlir... 
                                   Ramiz RÖVŞƏN
Ram 
                  Elə şeylər var dünyada, 
      Bir az mənə tanış gəlir. 
      Dərin mənlik deyil qəti, 
      Dayaz mənə tanış gəlir. 
 
      Nə  kökə qalıb, nə kökə, 
      Həsrəti özündən yekə. 
      Nə vaxtsa sevmişəm bəlkə, 
      Bu qız mənə tanış gəlir. 
 
      İllərmi əlimdən alıb? 
      Mən verməzdim, kimdən alıb? 
      Əvvəllər mənimmi olub, 
      Bu üz mənə tanış gəlir? 
 
      Ruhum bütövə can atır, 
      İllərdi ayrılıqdadır... 
      Suları ayrılıq dadır, 
                 Araz mənə tanış gəlir... 


_________________________________________Eşqə doğru    
 
 
 
123 
 
 
 
 
 
            DÜNYA 
 
Yenə də göy guruldayır, 
dünyanın öskürəyi tutub... 
               
Soyuqdəyməsi çıxmır 
canından bu dünyanın. 
İl boyu xəstə olur. 
Gah göy guruldayır –  
öskürür, 
gah da külək əsir –  
canına üşütmə, 
əsməcə dolur. 
Allah üz döndərib elə bil ondan
üzünə baxmır. 
Üstündə nə qədər evlər tikilir –  
kürəyinə bankalar qoyulur, 
yenə soyuqdəyməsi  
canından çıxmır. 
Ağrıları azalmır. 
Üç ay qışı qalın, 
 


Elşad Ərşadoğlu ____________________________________ 
 
 
124 
 
 
 
 
              
                       ağ yorğana bürünüb, 
                       nə qədər tərləsə də
                       sağalmır. 
                       Bilmirəm niyə? 
                       Yenə yaz gələn kimi 
                       başlayır öskürməyə. 
                       Yayda da  
 
           qızdırma bürüyür canın. 
                       Təngi-nəfəs olur, 
                       havası çatmır,  
 
           nədənsə, bu dünyanın... 
 
     
 
                                                                 
 
 
 
 
 
 
 
 


_________________________________________Eşqə doğru    
 
 
 
125 
 
 
 
 
 
BİR QARIŞLIQ DÜNYA 
                           
 
Yenə qarşılaşdıq 
Dünya böyük deyil ki,
 
əvvəlindən sonuna cəmi bircə qarışdı. 
Uzağı bircə addım... 
 
Bu dünyanın harası, 
nəyi böyükdü  axı? 
Sevinci də,  
kədəri də, 
bir ömürlük. 
Qızları bir sevgilik, 
bir həvəslik, 
gözəlliyi bir baxım. 
Havası bir nəfəslik, 
suyu da ki bir udum. 
Dünya böyük deyil ki, 
əvvəlindən sonuna cəmi bircə qarışdı. 
Uzağı bircə addım... 
Guya kamil yaradıb, 
bizi böyük Yaradan. 
 




Dostları ilə paylaş:
1   ...   13   14   15   16   17   18   19   20   ...   23


Verilənlər bazası müəlliflik hüququ ilə müdafiə olunur ©genderi.org 2019
rəhbərliyinə müraciət

    Ana səhifə