Elşad Ərşadoğlu ____________________________________
150
Bu nəğməkar cırcırama, kim bilir,
Təbiətin Xalq Artistidi, bəlkə.
Metr-metr, çiçək-çiçək atlanıb,
Yermi ölçür bələdiyyə çəyirtkə.
Payızda soyuğun gəlişin duyub,
Xəzəldənmi paltar geyir torpaqlar?
Payızda budaqdan qopan meyvənin,
Həsrətindən saralırmı yarpaqlar?
Bir güllərdə adətə bax hələ sən,
Öyrəşiblər ağlı başdan etməyə.
Bulaqlara kim haqq verib görəsən,
Gözəllərin dodağından öpməyə?
Yordu məni bu cavabsız suallar,
Yetər artıq, day bu qədər bəs eylər.
Tanrı vurub düyününü anladım,
Mən baş açan sirlər deyil bu sirlər.
_________________________________________Eşqə doğru
151
Baş tutmadı bu arzum, bu istəyim,
Erkən soldu, çiçək ömrü yaşadı.
Allah bilən məsləhətdi neyləyim,
Bəlkə elə bilməməyim yaxşıdı...
Elşad Ərşadoğlu ____________________________________
152
AY ELƏ YAXINDI
MƏNƏ BU AXŞAM
Kəndimizin kənarında, dağın başında,
sakit bir gecənin içində oturub, dünyaya ta-
maşa etməklə məşğulam...
(Məncə, gecənin qaranlığından baxanda dün-
ya daha aydın görünür.) Dünya elə gözəldir
ki... (Sonra da bəzi şairlər durub dünyadan
gileyli şeirlər yazırlar.) Ulduzlar mənə o qə-
dər yaxındır, elə bil indicə üstümə töküləcək-
lər... Bəlkə də, dünyanı yaxşıca bir silkələyən
olsa, göydə bir dənə də ulduz qalmaz. Dəymiş
tut kimi hamısı tökülər...
Bu gözəl ulduzlardan bir ovuc dərib,
sənə göndərmək keçir könlümdən. Ancaq,
ayağa qalxmağa qorxuram ki, başım
aya toxunar...
Bu gecə ah çəksəm ahım dincəlir,
Ürəyim dincəlir, ruhum dincəlir.
Bu sirli-sehrli gözəl gecənin,
Sirrinə, sehrinə batmağım gəlir.
_________________________________________Eşqə doğru
153
Bu gecə bir sevinc çöküb içimə,
Almayıb kədəri, qəmi vecimə,
Dərib ulduzları yığıb ovcuma,
Oynadıb başımı qatmağım gəlir.
Bu gecə ulduz bol, səmalar sonsuz,
Bir-bir hamısını dərəcəm onsuz.
Yoxsa, məndən qaçır o axan ulduz?
Qaçıb arxasınca çatmağım gəlir.
Nələr düşünürəm, nələr bu axşam,
Qəlbimdə arzular dinər bu axşam.
Ay elə yaxındı mənə bu axşam,
Əlimi uzadıb tutmağım gəlir.
Zülmətdə uyuyum deyə rahatca,
Götürüb səmadan ayı rahatca,
Başımın altına qoyub rahatca,
Sonra şirin-şirin yatmağım gəlir...
Elşad Ərşadoğlu ____________________________________
154
ƏTRİNİ DƏR ÇİÇƏKLƏRİN
Gecə yuyunubdu şehdə o ki var,
Günəşin altında parlayır par-par.
İncə əlləriylə o gözəl “Zərgər”,
Düzübdü üstünə zər, çiçəklərin.
Arıya can verər, sevənə həvəs,
Onu doğma bilər ruhuna hər kəs.
Kimsəni incidib kefinə dəyməz,
Nə gözəl qəlbi var gör, çiçəklərin.
Qoymaz öz qoynundan uzaq anası,
Qalar qayğısına hər vaxt anası.
Bulud atasıdı, torpaq anası,
Qəddar düşmənidi qar, çiçəklərin.
Bax, onda min məna taparsan, gülüm!
Ağlayar, sızlayar qoparsan, gülüm!
Toxunma, günaha batarsan, gülüm!
Gəl gözəl ətrini dər, çiçəklərin.
_________________________________________Eşqə doğru
155
Dolan çəmənləri, dolan gəzsənə,
Yox, bu gözəllikdə dəyməz göz sənə.
Necə qohumsunuz? Gözəl qız, sənə
Yaman bənzəri var, tər çiçəklərin...
Elşad Ərşadoğlu ____________________________________
156
ARI VƏ ÇİÇƏK
Arılarla çiçəklərin
qəribə sevgisi var.
Ətirli çiçəkləri
sonsuz bir məhəbbətlə sevən
vampir arılar,
yaman qısqanc olurlar.
Sonra
başqa birinə
könül verməsin deyə,
öz sevgililərinin
qanlarını sorurlar...
Dostları ilə paylaş: |