proqramları müvafiq tədris-metodiki sənədlər əsasında həyata keçirilir.
Bu sənədlərin formaları səlahiyyətləri çərçivəsində Azərbaycan Respublikasının
Təhsil Nazirliyi və Ali Məktəb tərəfindən müəyyənləşdirilir.
3.6.
İxtisaslar üzrə təhsil proqramlarında normativ təhsil müddətləri dövlət təhsil standartı
ilə müəyyən edilir.
3.7.
Ali Məktəbdə ixtisaslar üzrə tədris prosesinin təşkili ali təhsil pilləsinin dövlət təhsil
standartına uyğun hazırlanmış və Ali Məktəbin rəhbəri tərəfindən təsdiq edilmiş tədris planı
əsasında həyata keçirilir.
Ali Məktəbin bakalavr pilləsində tələbələrin həftəlik maksimal tədris yükünün həcmi
45 saatdır (auditoriya və auditoriyadankənar məşğələlər nəzərə alınmaqla).
Auditoriya dərsləri həftədə bakalavriat səviyyəsində 30 saatdan, magistratura
səviyyəsində isə 16 saatdan çox olmamalıdır.
Tədris planında tədris işinin həcmi kredit vahidləri ilə müəyyənləşdirilir və bir kredit
30 (15 saat auditoriya və 15 saat tələbənin sərbəst işi) saata bərabərdir. Ali Məktəbdə kredit
sistemi ilə tədrisin təşkili Azərbaycan Respublikasının Təhsil Nazirliyi tərəfindən təsdiq
edilmiş qaydada həyata keçirilir.
Əyani forma üzrə məcburi auditoriya dərslərinin maksimal həcmi ayrı-ayrı ixtisaslar
üzrə təhsil proqramları ilə müəyyənləşdirilir.
Qiyabi forma üzrə isə tələbələrin auditoriya dərslərinin həcmi ildə bakalavriat
səviyyəsində 180-240 saata, magistraturada isə 120-160 saata qədər nəzərdə tutulur.
Hər tədris ilində təlim müddəti sentyabrın 15-dən başlanır və, ixtisas üzrə tədris
planına müvafiq olaraq yekunlaşır.
Tədris ili iki semestrdən (payız və yaz) ibarətdir. Bundan əlavə yay tətili müddətində 6
(altı) həftədən çox olmayaraq yay semestri də təşkil oluna bilər.
Tədris ilinin müddəti 40 həftədir. Hər semestr 20 həftədən (5 həftə imtahan sessiyası)
ibarətdir.
Bütün təlim müddətində istehsalat təcrübəsi üçün nəzərdə tutulan müddət bakalavriat
səviyyəsində 8-18, magistratura səviyyəsində isə 8-10 həftədir.
Hər tədris ilində tətil müddəti 8-12 həftədir (o cümlədən, qış tətili müddəti 2 həftədən
az olmayaraq).
Ali Məktəbdə dərs növlərinə mühazirə, seminar, nəzəri, praktiki və laboratoriya
məşğələləri, yoxlama işləri, elmi tədqiqat işləri, kurs işi (layihəsi), tələbələrin sərbəst işləri
və s. daxildir.
Akademik saat - 45 dəqiqədir. Bütün növ dərslər üçün 2 akademik saat
müəyyənləşdirilir. Akademik saatlararası fasilə 5 dəqiqədən az olmamalıdır.
Ali Məktəbdə ali təhsilin bakalavriat və magistratura səviyyələrinin proqramları
təhsilalanların dövlət attestasiyası ilə yekunlaşır. Dövlət attestasiyası bütün təhsilalanlar
üçün məcburidir, onun hazırlanmasına və təşkilinə ayrılan müddət 6 həftədir.
Təhsilalanların yekun attestasiyası Dövlət Attestasiya Komissiyası tərəfindən həyata
keçirilir. Aralıq attestasiya imtahan formasında həyata keçirilir, hər semestr üzrə
imtahanların siyahısı təhsilalanların nəzərinə çatdırılır.
Təhsilalanların cari, aralıq və dövlət attestasiyası zamanı biliyinin qiymətləndirilməsi
çoxballı (100 ballı) sistemlə həyata keçirilir və bu sistemdə A (əla), B (çox yaxşı), C (yaxşı),
D (kafi), E (qənaətbəxş) və F (qeyri-kafi) qiymətləri müəyyənləşdirilir. Balların göstərilən
qiymətlər üzrə bölgüsü Azərbaycan Respublikasının Təhsil Nazirliyi tərəfindən müəyyən
edilir.
İmtahan sessiyalarının təşkili, tələbələrin biliyinin cari və aralıq qiymətləndirilməsi,
dövlət attestasiyasının keçirilməsi qaydaları səlahiyyətləri çərçivəsində Azərbaycan
Respublikasının Nazirlər Kabineti, Azərbaycan Respublikasının Təhsil Nazirliyi tərəfindən
və Ali Məktəbin Nizamnaməsi ilə müəyyənləşdirilir.
3.8.
Ali Məktəbdə əyani forma üzrə dövlət hesabına təhsilalanların fəaliyyətini
stimullaşdırmaq məqsədi ilə onlara qanunvericiliklə müəyyən edilmiş qaydada təqaüdlər (o
cümlədən, adlı təqaüdlər) və yardımlar verilir.
3.9.
Ali Məktəbdə təhsilalanların bir təhsil proqramından digərinə keçirilməsi və ya digər
ali təhsil müəssisəsinə köçürülməsi, Ali Məktəbdən xaric edilməsi, akademik məzuniyyət
verilməsi və təhsilə bərpa olunması məsələləri Azərbaycan Respublikasının Təhsil Nazirliyi
tərəfindən müəyyənləşdirilmiş qaydalarla tənzimlənir.
3.10.
Ali təhisilin bakalavriat və magistratura təhsil proqramlarını başa vurmuş və yekun
dövlət attestasiyasından keçmiş tələbələrə Ali Məktəbin bitirməsi barədə dövlət nümunəli
sənəd (diplom) verilir. Həmin diploma əlavədə təhsilalanlar tərəfindən mənimsənilmiş
fənlər, onların kreditlə həcmi və qiymətlər göstərilir. Doktoranturada təhsilini başa vurmuş
və müvafiq elmi dərəcə almış şəxslərə Azərbaycan Respublikası Nazirlər Kabinetinin
2010-cu il 29 aprel tarixli 82 nömrəli qərarı ilə təsdiq edilmiş "Təhsil haqqında dövlət
sənədlərinin nümunələri və onların verilməsi Qaydalan"na əsasən həmin elmi dərəcəni
təsdiq edən vahid formada dövlət nümunəli sənəd - diplom verilir. Ali Məktəbdə
rezidenturanı müvəffəqiyyətlə bitirənlərə müvafiq dövlət nümunəli diplom verilir.
Ali Məktəbin bakalavriat və magistratura səviyyələrinin məzunlarına onların arzusu
ilə Avropa Komissiyası, Avropa Şurası və YUNESCO/CEPES-in və ona müvafiq
Azərbaycan Respublikası Təhsil Nazirliyinin nümunəsinə uyğun hazırlanmış diploma əlavə
də verilə bilər.
Ali təhsilin müvafiq səviyyələrini bu və ya digər səbəbdən başa vurmayan
təhsilalanlara Azərbaycan Respublikası Nazirlər Kabinetinin 2010-cu il 21 yanvar tarixli 12
nömrəli qərarı ilə təsdiq edilmiş "Müxtəlif səbəblərdən təhsilin hər hansı pilləsini və
səviyyəsini başa vurmayan şəxslərə arayışın verilməsi Qaydasfna uyğun olaraq arayış
verilir.