4.
ELMİ FƏALİYYƏT
4.1.
Ali Məktəbdə mütəxəssis hazırlığı elmlə təhsilin vəhdəti əsasında həyata keçirilir.
4.2.
Ali təhsil pilləsində elmi araşdırmalar təhsili idarəetmə orqanlarının tabeliyində
fəaliyyət göstərən elmi tədqiqat strukturlarında, Ali Məktəbdə və onun müvafiq
qurumlarında və ya bölmələrində (elmi tədqiqat institutları, mərkəzlər, kafedralar,
laboratoriyalar və s.) aparılır.
4.3.
Ali Məktəbin elm sahəsində fəaliyyəti onun profilinə uyğun elmin müvafiq
sahələrinin inkişafına, elmi tədqiqatların nəticələrinin tədris prosesinə tətbiqinə
yönəldilir.
4.4.
Təhsil sistemində aparılan elmi tədqiqat işləri fundamental və tətbiqi xarakter daşıyır.
4.5.
Elmi fəaliyyət professor-müəllim heyətinin işinin tərkib hissəsidir. Ali Məktəbdə
elmi tədqiqat işlərinin aparılması və təşkili qaydaları bu Nizamnamə ilə müəyyənləşir.
4.6.
Ali Məktəbdə aparılan elmi tədqiqat işlərinin nəticələrinin istehsalata və tədris
prosesinə (mühazirə, məşğələ, seminar, laboratoriya dərslərinə, kurs layihələrinə, kurs və
buraxılış işlərinə, magistr və doktorluq dissertasiyalarına) tətbiq olunmasını və
monoqrafiyalar, elmi məqalələr, dərsliklər, dərs vəsaitləri, metodik vəsaitlər şəklində dərc
olunmaqla və elmi forumlarda məruzə edilərək yayılmasını təşkil edirlər.
4.7.
Ali Məktəbdə aparılan elmi tədqiqat işlərinin nəticələri professor-müəllim heyətinin
müəyyən vəzifələrə seçkisi və təyin olunması zamanı nəzərə alınır.
4.8.
Ali Məktəbdə aparılan elmi araşdırmalar Azərbaycan Respublikası Dövlət Neft
Şirkətinin hesabı, müxtəlif fondlar, Ali Məktəbin büdcədənkənar və sifarişlər əsasında daxil
olan vəsaitləri, eləcə də qrantlar hesabına həyata keçirilir.
4.9.
Təhsilin inkişaf problemləri ilə bağlı elmi araşdırmalar innovasiya xarakteri
daşımaqla, elmin inkişafına, təhsil tarixinin öyrənilməsinə, təhsilin təşkilinin və idarə
olunmasının təkmilləşdirilməsinə, tədris prosesinin müasir metodlarla qurulmasına, tədrisin
yeni texnologiyalarının və digər istiqamətlər üzrə pedaqoji innovasiyaların hazırlanmasına
və tətbiqinə yönəldilir.
5.
ALİ MƏKTƏBİNİN İDARƏ OLUNMASI
5.1.
Ali Məktəbin idarə olunmasında demokratikliyi və şəffaflığı təmin etmək məqsədi ilə
orada idarə və özünüidarə orqanları (ümumi yığıncaq, himayəçilər, elmi, elmi- metodiki,
pedaqoji, təhsilalanlar, qəyyumlar şuraları və s.) yaradıla bilər. Həmin qurumların
yaradılması qaydaları və səlahiyyətləri bu Nizamnaməyə uyğun olaraq xüsusi qaydalar
əsasında müəyyənləşdirilir.
5.2.
Ali Məktəbin ali idarəetmə orqanı Elmi Şuradır. Elmi Şura seçkili orqandır, onun
yaradılması və fəaliyyəti Azərbaycan Respublikasının Təhsil Nazirliyi tərəfindən təsdiq
edilən "Ali təhsil müəssisəsinin Elmi Şurası haqqında Əsasnamə", Azərbaycan
Respublikası Nazirlər Kabinetinin təsdiq etdiyi “Ali təhsil müəssisəsinin Nümunəvi
Nizamnaməsi” və Azərbaycan Respublikası Dövlət Neft Şirkətinin Prezidentinin müəyyən
etdiyi qaydada tənzimlənir.
Ali Məktəbin fəaliyyətinə bilavasitə rəhbərlik rektor tərəfindən həyata keçirilir. Ali
Məktəbin rektoru qanunvericiliyə uyğun qaydada təyin olunur və ya vəzifəsindən azad
edilir.
Rektor əvəzçiliklə təyin oluna bilməz.
Ali Məktəbin prorektorları (tədris, elm, təlim-tərbiyə, təsərrüfat işləri və beynəlxalq
əlaqələr üzrə) Ali Məktəbin rektorunun təqdimatı əsasında Azərbaycan Respublikası Dövlət
Neft Şirkəti tərəfindən təyin olunurlar.
Rektor mütəxəssis hazırlığının keyfiyyətinə, ali təhsil müəssisəsində tədris, elm,
tərbiyə, maliyyə-təsərrüfat işlərinin təşkilinə və büdcənin icrasına görə məsuliyyət daşıyır.
Rektor ali təhsil müəssisəsinin inzibati-funksional idarəetmə strukturunu və ştat
cədvəlini təsdiq edir.
Rektorun səlahiyyətləri bu Nizamnamə ilə müəyyənləşdirilir. Ali Məktəbin idarə
edilməsi ilə bağlı məsələlərə təhsili idarəetmə orqanları (5.1 -ci bənddə yaradılması nəzərdə
tutulan orqanlar) istisna olmaqla, dövlət və yerli özünüidarəetmə orqanlarının və digər
təşkilatların müdaxiləsinə yol verilmir.
5.4.
Fakültə Ali Məktəbin tədris elm və inzibati bölməsi olub, eyni sahə və istiqamət
daxilindəki bir və ya bir-birinə yaxın olan bir neçə ixtisas üzrə bakalavr, magistr və
doktorların hazırlanmasını, müvafiq sahə üzrə mütəxəssislərin (kadrların) ixtisasının
artırılması (və yenidən hazırlanması) işini həyata keçirir, eləcə də elmi tədqiqat və tərbiyə
işlərinə rəhbərlik edir.
Ali Məktəbin fakültələrinə ümumi rəhbərlik fakültə elmi şurası tərəfindən həyata
keçirilir. Fakültə elmi şurası Ali Məktəbin rektorunun əmrinə əsasən 3 il müddətinə seçilir.
Fakültə elmi şurasının sədri - dekandır. Fakültə elmi şurasının vaxtından əvvəl yenidən
seçilməsi onun üzvlərinin ən azı 2/3 hissəsinin tələbi ilə, həmçinin müstəsna hallarda Ali
Məktəbin rektorunun təqdimatına görə həyata keçirilə bilər. Fakültə elmi şurasının tərkibi
rektor tərəfindən təsdiq edilir. Fakültə elmi şurasının tərkibi və səlahiyyətləri Azərbaycan
Respublikasının Təhsil Nazirliyi tərəfindən təsdiq edilmiş qaydalarla tənzimlənir.
5.5.
Ali Məktəbin fakültələrinə qanunvericiliklə müəyyən edilmiş qaydada bu vəzifəyə
seçilmiş və ya təyin olunmuş dekan rəhbərlik edir.
Dekan:
-
fakültədə tədris prosesinə, tərbiyə işlərinə və elmi tədqiqatların yerinə yetirilməsinə
bilavasitə rəhbərlik edir;
-
təhsil proqramlarının və tədris planlarının dövlət təhsil standartının tələblərinə uyğun
olaraq həyata keçirilməsini təmin edir;
-
tələbələrin dərslərdə iştirakını təmin edir;
-
tələbələrin elmi, pedaqoji və istehsalat təcrübəsinin həyata keçirilməsi üçün şərait
yaradır və onu nəzarətdə saxlayır;
-
fakültə üzrə dərs cədvəllərinin tərtibinə rəhbərlik edir, onun optimal variantlarının
təmin olunması üçün məsuliyyət daşıyır və həyata keçirilməsinə nəzarət edir;
-
tələbələrin müstəqil işlərinə nəzarəti təşkil edir və onların elmi fəaliyyətləri üçün
şərait yaradılmasını təmin edir;
-
tələbələrin imtahanlarının keçirilməsinə nəzarəti təşkil edir, bütün imtahan
sessiyalarının normal, mövcud tələblərə uyğun keçirilməsinə birbaşa cavabdehlik
daşıyır;
Dostları ilə paylaş: |