90
Dördlük tarixində era yaradan şair
Hüseyn Kürdoğlu müxtəlif janrlarda yaratdığı
əsərləri ilə Azərbaycan poetik ənənələrini
yaşatmaq kimi müqəddəs bir amala xidmət
etmişdir. Buraya şairin cinaslı və cinassız
dördlükləri,
cinaslı
bayatıları,
təcnisləri,
qoşmaları, gəraylıları, rübailəri, ağıları, təsnifləri,
ithafları və s. daxildir.
Şairin poetik aləminə daxil olanda sanki
möcü-zələr aləminə düşdüm. Bütün vücudumla
hiss etdim ki, bu böyük şairin poeziya gülzarında
insan qəlbinə məlhəm olan, sevincinə, kədərinə
həyan olan hər şey var. Dərk etdim ki, istedadlı
şair sözün in-təhasız imkanlarından istifadə
edərək poeziyadan bir aləm yaratmışdır. Onun
Azərbaycan ədəbiy-yatın-da əhəmiyyətli yer tutan
cinaslı və cinassız dördlük-ləri bir kitaba sığmaz.
Akademik Bəkir Nəbiyev bir az şərti də olsa, belə
bir bölgü aparmışdır:
“Çağdaş ədəbiyyatımızda qəzəl Ə.Vahidin,
91
süjetli lirika Ə.Cəmilin, sonet A.Babayevin,
səkkizliklər T.Bayramın, rübai Qabilin, mənzum
təmsil H.Ziyanın, bayatı isə H.Kürdoğlunun adı
və yaradıcılığı ilə qırılmaz tellərlə bağlıdır”.
Görkəmli alimin bu qiymətli fikrinə onu da
əla-və etmək olar ki, çağdaş poeziyamızda cinaslı
və cinassız dördlüklər də H.Kürdoğlunun adı ilə
bağlıdır. O, ədəbiyyatımızda ilk olaraq bir kitab
dördlük yaradan və “Qaya çiçəkləri” (Bakı, 1970)
adı altında çap etdirən ilk şairimizdir. Aramsız
poetik
axtarışların,
bədii
təfəkkürün
gəzişmələrinin nəticəsi olan dördlüklər bir janr
kimi Hüseyn Kürdoğlunun yaradıcılığında
sabitləşmişdir. Şairin dördlüklərində diqqəti
təzə-tər, orijinal bənzətmələr, mət-ləb, poetik fikir
tapıntısı çəkir. Təsadüfi deyildir ki, şairin
dördlüklərinə şair-alim Qasım Qasımzadə və
ədəbiyyatşünaslıq elmimizin iftixarı Yaşar
Qarayev ayrı-ayrılıqda məqalələr həsr etmişlər.
Yaşar Qarayev yazır: “Hüseyn Kürdoğlunun
dördlükləri klassik rübai, bayatı, təcnis, qoşma və
gəraylı zəminində yaransa da, bugünki şeir
təcrübəmizin hadisəsi kimi müasir çalar kəsb
92
edir”.
Aşağıdakı dördlük alimin sözlərinə şübhə yeri
qoymur:
Göy çəmənə yaraşıqdır ağ davar,
Hər nə varsa, qırmızıda, ağda var.
Üç rəngdədir yurdumuzun qızılı –
Qara da var, sarı da var, ağ da var.
Göründüyü kimi, şair cinaslardan məharətlə
istifadə edərək vətənimizin var-dövlətindən: “qara
qızıl”ından – neftindən, “ağ qızıl”ından –
pambığından,
“sarı
qızılı”ndan
–
taxıl
zəmilərindən söz açmışdır.
Şair klassik janrlara yenilik gətirməyi ilə özü
də qürurlanırdı:
Saz tutub, dərdimi saza deyirəm,
Sözü şax deyirəm, üzə deyirəm.
Şeirimin əynində öz donumuz var,
Bu donda hər şeyi təzə deyirəm.
Həqiqətən də şairin dördlükləri möcüzədir.
Sən də Od yurdunun bir vətəndaşı,
Ərzi gəz, qəlbində bir vətən daşı!
93
Xoşbəxt deyilikmi, sinəmiz üstə
Öləndə qoyalar bir vətən daşı?!
Akademik Tofiq Hacıyev yazır ki, Kürdoğlu
dördlük tarixində era yaratdı. Onlar anadilli
poeziyamızın ən saf milli nümunələridir. Onu da
deyək ki, rübai və dördlüklər bir-birinə yaxın
olsalar da, Kürdoğlunun dördlükləri, əsasən,
cinaslı olduğundan tamamilə yenidir. Şairin
dördlüklərində sanki xalı üzərində Azərbaycanın
xəritəsi çəkilib. Burada təbiətin əsrarəngizliyi,
dağlar, çəmənlər, meşələr, çaylar, şəlalələr və s.
tərənnüm edilir.
Yaz yerə kilim də, xalı da çəkir,
Lalənin bağrına xalı da çəkir.
Anam da rəssamdır, ilk bahar kimi
Vətən gülzarını xalıda çəkir.
və ya:
Dön igid başına, dön ər başına,
Anamın gəlini, dön ər başına.
Qartallar qayanın, bülbüllər gülün,
Şairlər vətənin dönər başına.
94
Xalq şeirinin sirlərini yaxşı bilən şair
Məmməd Aslan haqlı yazırdı: “Hüseyn Kürdoğlu
ayrı heç nə yazmamış olsaydı belə, təkcə “Qaya
çiçəkləri” silsiləsinə görə uzun bir dövrün ən qabil
şairidir, dilimizin heyrət ediləcək əzəməti
böyüklükdə
bili-ci-sidir”.
(M.Aslan.
Qaya
çiçəklərindən biri. “Ekran-Efir” qəzeti, 12 iyun,
2004)
Şairin cinas yaratmaq qabiliyyətinə, dilinin
şirinliyinə heyran olmamaq mümkün deyil.
Haradan qaynaqlanırdı şairin dilinin şirinliyi,
zənginliyi, sözdən mum kimi istifadə etmək
qabiliyyəti?! Buna cavabı da şairin dördlüklərində
tapırıq:
Ömrümün beşiyi Əhmədli kəndi,
Səndə şahə qalxdı könül kəməndi.
Anamın bal kimi şirin dilində
Yarandı şeirimin şəkəri-qəndi.
Alman alimi Leybnisin bütün zamanlar və
xalqlar üçün gərəkli olan bir kəlamı var: “Mənə
mükəmməl dil verin, sizə mükəmməl mədəniyyət
verim”.
95
Bu baxımdan Kürdoğlunun yaradıcılığına
nə-zər salsaq, görərik ki, şairin heyrət doğuran dili
zəngin xalq dilini yaşadan bir örnəkdir. Dilimizin
saf, təmiz, duzlu, şirin olmasında şairin zəhməti
az deyildir. Bu isə ümumilikdə, mədəniyyətimizə
xidmətdir – desək, həqiqətdən kənar olmaz.
Şairin gəraylı və qoşma dördlükləri çoxdur.
Kürdoğlunun
gəraylı
dördlükləri
cinassız
dördlüklərdir.
Adətən
gəraylı
şən-şux
olur.
Lakin
Kürdoğ-lu-nun gəraylı dördlüklərində zəmanədən
şikayət, qəm, qüssə, kədər motivləri üstünlük
təşkil edir:
Çox yaralar sarımışam,
Çox kimsələr qorumuşam.
Nə cahandan kam almışam,
Nə canımdan yarımışam.
***
Yolum yoxuşlandı mənim,
Alnım naxışlandı mənim.
Qar tutdu qara saçlarım,
Gözüm yağışlandı mənim.
Dostları ilə paylaş: |