KIġI - Nəyə əsib-coçursan, yalan demişəm? Yeməyibsən? Onda mənim
qozumu yeyənin ataba- atasına lənət!
KAPITAN ADIGÖZƏLOV -
(Qıçqırır.) Yemışəm, yemişəm. Ancaq qoz, qoz yemişəm.
Başa düşürsən?
KIġI - Bəs mən nə demişəm? Demişəm ki, qozumu yeyib də.
Balqabağımı yeyib deməmişəm ki.
KAPITAN ADIGÖZƏLOV - Tfu! Yenə deyir, qozumu yeyib! Daş düşəydi sənin
metroya gəldiyin günə! Sən mənim arvadımı tanımırsan, ona haqqımda nə
desələr inanır. Gedək bizə, arvada başa sal ki, mən adicə qoz yemişəm. Yoxsa
başqa şey yemək-filan nədi, heç gözümün ucuyla da sənin kimi murdar
məxluqun iyrənc əzalarına baxmaram. Gedək, sonra sənə üç manat səksən
qəpik nədi, lap iki dənə yüzlük dollar verərəm. Təki arvad mənimlə barışsın.
Sən də dərhal bu iyrənc vücudunla şəhəri yaraşıqdan salmağa son verərsən,
çıxıb gedərsən öz xarabana. Sən gələni, inan ki, Bakının havası da dəyişib,
bu boyda şəhəri salmısan vəlvələyə: qozumu yeyib-qozumu yeyib... Tfu səni,
abırsız!
KIġI - Təhqirə keçmə. Vallahi, mən də sənə elə sözlər deyərəm ki, lap
yeddi qatından keçər. Polisimə bax... A kişi, sənin ağlın yerində deyil, deməli
metro qalıb Allah ümidinə. Sən ağılda adam metro-filan qoruya bilməz. Sənin
özünü qoruyan lazımdı. Arvadına necə var, elə də demişəm.
Yəni, demişəm ki, ərin qozumu yeyib, adicə qozumn. Heyva, alma, xiyar adı
tutmuşamsa, atama lənət.
KAPITAN ADIGÖZƏLOV - A kişi, bəsdi, hədyan-hədyan az danış.
KIġI - Nədi, xoşuna gəlmir? Gəlməz də. Çünki, sən təmiz adam deyilsən.
Ancaq səndən fərqli olaraq arvadın ağıllı adama oxşayırdı. Bəlkə də başa
salacaqdım onu. Yəni nəyimi yediyini izah eləyəcəkdim. Amma əbləh oğlun
imkan vermədi, quduz it kimi cumdu üstümə.
KAPITAN ADIGÖZƏLOV -
(Bibioğlunun qolundan tutub qapıya tərəf çəkir.)
Deyəsən, siz bu kişinin yaxınlarındansınız. Bir bəri baxın.
Kapitan Adıgözəlov qapı ağzında Bibioğluna nəsə baĢa salmağa çalıĢır.
Cibindən çıxardıb ona pul uzadır. Əliynən kiĢini göstərir, nəsə deyir.
YEDDINCI FRAQMENT
Tibb bacısı əlində telefon qaça-qaça gəlir.
13
TIBB BACISI - Dayıcan, sizi istəyirlər. Rayondandı, deyəsən arvadınızdı.
KIġI -
(Dəstəyi qulağına tutub bərkdən.) Əlo! Hə, nə oldu?
ARVAD - Qonşuya dedim. Qonşu cöngəni satmaqdan boyun qaçırdı. Deyir ki,
ələmə and içmişəm, ocağa gedib daş üstə daş qoymuşam, özümü söymüşəm,
onun üçün nəinki cöngə, heç toyuq da satmaram. Demişdim də, başa salmışdım
da, canı çıxaydı, metroya girməyəydi. Nə qanmaz adammış.
Metroda nə azarı vardı onun? Basabasda özünü mamlı-matan arvadlara
sürtməkdən ötrü girib ora. Yoxsa başqa nə işi varmış ki, o xarabada? Öz
cəzasıdı, özü də çəksin indi.
KIġI - Ağzını bir saxla görək! Dilinə gələni üyüdüb tökmə. Qonşu satmır,
cəhənnəmə satsın. Qardaşlarını çağır, qoy kömək etsinlər. Elə hey qopartmaq
bilirlər, bir dəfə də kara gəlsinlər də.
ARVAD - Sənin ağlın çaşmışdı, nəydi, niyə metroya minirdin? Indi buna
qardaşlarım neyləsinlər? Onlar sənə demişdilər ki, get metroya min? Nə tez
yadından çıxıb, evi tikəndə səninlə çiyin-çiyinə işləyənlər kim idi? Yadındadımı,
qışda odunumuz qurtarmışdı, qağam...
KIġI -
(Özündən çıxır.) Arvad, boş-boşuna danışma! Sənə əlim çatmır
deyə, ağzına gələni çərənliyirsən sən. Qısası, cöngəni satdır, pulunu göndər.
Sonrasına baxarıq. (Əsəbi halda telefonun düyməsini basır.)
Kapitan Adıgözəlovu yola salıb, gəlib dayısıoğlunun telefon danıĢığına qulaq
asan Bibioğlu maraqla baxır.
BIBIOĞLU - Hə, nə xəbər var?
KIġI - Görmürsən, arvaddı, deyir, qonşu bildirib ki, ondan ötrü nəinki
cöngə, heç toyuq da satmaram. Xəbərdarlıq etmişdim də, girmiyeydi metroya...
Ancaq heç bilmir ki, onun acığına düşdüm metroya. Yoxsa metroda mənim nə
azarım vardı. Zalım balasılnın ayağı eşşək ayağı imiş, donuz ayağı imiş.
Qabağıma çıxmasaydı, o sözləri mənə deməsəydi, dünyasında metroya girəsi
deyildim ee... Onun acığına getdim ora... Ağzı nədi, gülə-gülə satacaq cöngəni,
pulunu da göndərəcək. Burda yatıb qalası deyiləm ki! Gedib onların payını
vermək mənə borc olsun.
BIBIOĞLU - Dayıoğlu, heç bildin kapitan Adıgözəlov məni kənara çəkib nə
deyirdi? Dedi ki, bu əlli manatı ver ona, səsi kəsilsin. Bir daha aləmə car çəkib
qışqırmasın ki, kapitan Adıgözəlov mənim qozumu yeyib. (Pulu uzadır.) Sən
cəmi iki şirvan istəyirdin, bu kişi öz ayağı ilə gəlib gör neçə şirvan verir ki, daha
səsin çıxmasın. Götür pulu. Bir dərdinə-sərinə verərsən.
KIġI -
(Tərs-tərs Bibioğluna baxır.) Kapitan Adıgözəlovun pulunu sən
niyə gətirirsən? Özü ölmüşdü məgər? Yanımdaykən niyə üzü gəlib vermədi? Işə
bax ha... Mənim qozumu sən yemisıən ki, pulunu da sən verəsən? Necə
14