Həmin prosesi qüvvətləndirən və sürətləndirən amillərdən
biri də bədii ədəbiyyat, xüsusilə aşıq yaradıcılığının inkişafı olur.
Məhz aşıq yaradıcılığı poeziyada heca vəzninin geniş yayılmasına
qüvvətli təsir göstərir. Azərbaycan aşıqlarının babası xalq danışıq
sözlərini şerə gətirməklə bədii üslubu daha da sadələşdirir.
Şübhəsiz, belə sözlər içərisində alınmalar, arxaizmlər, dia-
lektizmlər də var idi. Lakin onlar ümumişlək səciyyə daşıyır və
Qurbani dövründə xalqın əksər təbəqələri tərəfindən başa
düşülürdü.
Kitabda milliləşməni təsdiq edən xüsusi dil amili kimi leksik
və morfoloji vahidlərin təhlili ön plana çəkiilir.
Diqqəti çəkən məsələlərdən biri də budur ki, millilik
Qurbani dilinin təkcə leksik və qrammatik qatlarında deyil, həm
də obrazlılıq vasitələrində, məcazlar sistemində izlənilir.
Sözlərin çoxmənalılığı, ümumişlək leksikanın böyük üstünlüyü,
cinas qafiyələr, incə və zərif yumor, epitetlər, mübaliğələr, meta-
foralar, frazeoloji vahidlər, atalar sözləri və məsəllər, hətta
intonasiya, ritm, ölçü, ahəngdarlıq kimi xalis forma elementləri
də Qurbani poeziyasının millilik keyfiyyətləri kimi
predmetləşdirilir və izah edilir.
Bütün bu keyfiyyətlər tanınmış dilşünas alim Qəzənfər
Kazımovu həm də məsuliyyətli bir folklor-aşıq şeri tədqiqatçısı
saymağa əsas verir. Onun «Qurbani və poetikası» kitabı XV-
XVI əsrlərdə yaşamış Azərbaycan aşığının – böyük el
sənətkarının həyat və yaradıcılığından bəhs edən ilk, lakin san-
ballı bir monoqrafiyadır. O, gələcəkdə də Azərbaycan milli ədəbi
dilinin təşəkkül dövrünü və aşıq şerinin problemlərini öyrənən
tədqiqatçılar üçün istinad yeri, etibarlı elmi mənbə olacaqdır.
***
Qəzənfər Kazımov elmi fəaliyyətini tədris-pedaqoji işlə,
müəllimliklə vəhdətdə davam etdirən, filoloji fikrin yeni
qənaətlərini auditoriyalarda tə- ləbələrə çatdıran yorulmaz bir
müəllim – ziyalıdır. İki il orta məktəbdə, qırx ildən artıq ali təhsil
ocaqlarında müəllim, dosent, professor, fakültə dekanı, kafedra
müdiri vəzifələrində çalışan bu müdrik, təvazökar insan doğma
49
Azərbaycan dilinin yalnız tədqiqatçısı yox, həm də böyük
təbliğatçısı və təəssübkeşidir.
Əsas ünsiyyət vasitəsi kimi ana dilinin bütün gözəlliklərini
xalqa duydurmaq, sevdirmək, onun ictimai-siyasi statusunu
yüksəltmək, bu işi gələcəkdə vicdanla yerinə yetirəcək
vətəndaşlar yetişdirmək! Onun alim-pedaqoq amalının başlıca
məzmunu budur və Qəzənfər müəllim həmin amala çatmaq
üçün, demək olar, əlindən gələni etmişdir: mühazirə oxumuş,
seminar aparmış, proqram tərtib etmiş, dərslik yazmış, xüsusi
seminarlar üçün tədris vəsaiti hazırlamışdır.
Q.Kazımovun pedaqoji fikir və mülahizələrinin bir qismi
Azərbaycan dili fənninin ali məktəblərdə tədrisi problemi ilə
bağlıdır. Alim bu işin keyfiyyətinin yüksəldilməsində xüsusi
seminar məşğələlərini əhəmiyyətli sayır: «Xüsusi seminar
məşğələləri nəzəriyyə ilə praktikanın birləşdiyi nöqtədir. Məş-
ğələlər nəzəri biliyi dərinləşdirmək və möhkəmləndirmək
məqsədi daşıyır, elmi-nəzəri fikirləri təcrübi yolla yoxlamağa
imkan verir. Tələbələr bu prosesdə elmi tədqiqat üçün lazım olan
material və avadanlıqla tanış olur, onları öyrənir… Xüsusi
seminar məşğələlərinin düzgün elmi əsaslarla, pedaqoji tələb və
prinsiplərə uyğun şəkildə aparılması tələbələrin ayrı-ayrı konkret
problemlərlə əlaqədar biliyini artırır, bacarıq və vərdişlərini,
mühakimə qabiliyyətini inkişaf etdirir, elmi və ictimai-siyasi
dünyagörüşünün formalaşmasında mühüm rol oynayır».
(
Qəzənfər Kazımov. Dil, tarix, poeziya, 2005, s.571
)
Lakin xüsusi seminar məşğələlərinin əhəmiyyəti
deyilənlərlə məhdudlaşmır. Belə məşğələlər həmçinin
Azərbaycan dilinə dair biliklərin daha yaxşı mənimsənilməsi üçün
stimul yaradır. Q.Kazımov yazır: «Seminar məşğələləri dilçilik
elminin bu və ya digər sahəsinə dair mühüm bir problemin də-
rindən və hərtərəfli təhlili üzərində qurulur. Eyni zamanda
burada əsas məqsəd tələbələrin fərdi nitq və mühakimə
qabiliyyətini, onların müstəqil fikir söyləmə və tədqiqatçılıq vər-
dişlərini inkişaf etdirməkdir. Odur ki xüsusi seminarların keyfiy-
yətli və müasir tələblərə müvafiq təşkili – hazırlıqlı mütəxəssis
kadrların yetişdirilməsi işinə ciddi köməkdir».
Hər hansı fənnin tədrisində uğurları təmin edən şərtlərdən
50
biri həmin fənnin mündəricəsini şərh edən proqramdır. Yaxşı
tərtib olunmuş proqram fənni tədris edən müəllim üçün son
məqsədə aparan işıqlı yoldur. Proqram nə qədər əhatəli və
sistemli qurulsa, aid olduğu sahələrdə bir o qədər çox fayda ve-
rər. Buna görə Q.Kazımov da dilçiliyə dair proqramların tərtibinə
vacib işlərdən biri kimi baxır. Hələ 1970-ci ildə yazdığı «Dilçilik
proqramları» adlı resenziyasında APİ-nin Dilçilik kafedrasında
hazırlanmış müxtəlif fənn proqramlarının elmi məziyyətləri və
çatışmazlıqları haqqında söhbət açan gənc müəllim sonralar özü
də müəyyən proqramların hazırlanmasında ya müəllif, ya elmi
redaktor, ya da məsləhətçi kimi yaxından iştirak edir; Pedaqoji
İnstitutların filologiya fakültələri üçün «Azərbaycan dilindən
praktik məşğələlər» (1973), «Komizmin dil vasitələri və komizm
üsulları» (1983), «Müasir Azərbaycan ədəbi dili» (1988) və
s.proqramlarını hazırlayıb çap etdirir. 1990-cı illərdə respublikada
həyata keçirilən təhsil islahatları bir sıra yeni vəzifələr irəli sürür,
başqa fənlərlə yanaşı, Azərbaycan dilinin də yeni məzmunu ha-
zırlanır və Q.Kazımov bu proqramın işlənməsində müəllif kimi
iştirak edir.
Q.Kazımov orta məktəb və universitetlər üçün
«Azərbaycan dili» dərsliklərinin hazırlanmasında ardıcıl şəkildə,
həm də fəal iştirak edən pedaqoqdur. Bu işin mahiyyətini və
məsuliyyətini dərindən bilən alim yazır: «Orta məktəb üçün
dərslik tərtibi zərgər işidir. Yüzlərcə sözdən, ifadədən, cümlədən,
çalışma formasından biri seçilir. Ən mürəkkəb qaydalar ən sadə
misallarla izah edilir. Bu hal müəllifdən müdriklik tələb edir.
Dionisin verdiyi tərif iki min ildən artıqdır ki, hökm sürür,
cümlənin müasir təriflərinin əsasında durur. Şagird üçün dərslik
hazırlamaq monoqrafiya yazmaqdan çətin və mürəkkəbdir».
(
Qəzənfər Kazımov. Dil, tarix, poeziya, s.575.
)
«Monoqrafiya yazmaqdan çətin və mürəkkəb iş» olan
dərslik yazmaqdan Q.Kazımov zövq alır. O, 1977-ci ildə təlim rus
dilində olan məktəblərin 2-ci sinfi üçün «Azərbaycan dili» dərsliyi
hazırlamış, 1983-cü ildən ümumtəhsil məktəblərinin 7-8 sinifləri
üçün «Azərbaycan dili» dərsliyinin həmmüəllifi (akademik
M.Şirəliyev və professor M.Hüseynzadə ilə) olmuşdur. 1930-cu
illərdən məktəblilərin istifadəsində olan bu dərslik Q.Kazımovun
51
Dostları ilə paylaş: |