310
Dördüncü fəsil
Tə`vil
“Möhkəm və mütəşabih” hissəsində axırıncı bəhsimiz “Tə`vil” mövzusudur.
“ﻞﻳِﻭْﺄَﺗ” (tə`vil) sözü “ﻞﻴِﻌْﻔَﺗ” (təf`il) babının məsdəridir və sözün kökü “ﻝْﻭﺃ” olub
“müraciət etmək, qayıtmaq” mənasını bildirir.
Bu söz təfsir və Quran elmlərinin əsas terminlərindən biridir və qədimdən bəri
quranşünasların, müfəssirlərin diqqət nəzərində olmuş, onun barəsində müxtəlif
fikirlər irəli sürülmüşdür. “Tə`vil” sözü Qurani-Kərimdə 17 dəfə işlənmişdir və
bunlardan biri “Ali-İmran” surəsinin 7-ci ayəsidir. Bu ayədə bəyan olunur ki,
Quran ayələri “möhkəm” və “mütəşabih” ayələrə ayrılır. Yolunu azmış kəslər
fitnə-fəsad törətməkdən ötrü mütəşabih ayələrin axtarışındadırlar və onları tə`vil
etməyə səy göstərirlər. Burada iki mühüm məsələ mövcuddur: 1) Tə`vil nədir? 2)
Tə`vili bilmək Allaha aiddirmi?
Birinci məsələ: Tə`vil nədir?
Əllamə Təbatəbai deyir:
“Qədim alimlər arasında məşhur fikir bu olmuşdur ki, “tə`vil” elə təfsir və
kəlamda nəzərdə tutulan mənadır. Halbuki, son dövrün alimləri deyirlər: Tə`vil,
sözün zahirinin ziddinə olan mənadır. Bu əqidə o qədər geniş yayılmışdır ki, leksik
mənası “müraciət etmək və ya müraciət yeri” olan “tə`vil” sözü özünə ikinci bir
məna – “ sözün zahirinin ziddinə olan məna” tapmışdır.”
1
Əllamə Təbatəbai müxtəlif fikirləri qeyd etdikdən və onların qeyri-məqbul
olduğunu sübuta yetirdikdən sonra belə bir nəticəyə gəlir:
““Tə`vil”in izahında bunu demək doğru olardı: “Tə`vil” bir həqiqət və
gerçəklikdir ki, Quranın bəyanları – istər dini hökmlər olsun, istər hikmət olsun,
istərsə də moizə və öyüd-nəsihət – bu gerçəkliyə söykənir. Tə`vil, Quranın bütün
ayələri – istər möhkəm, istərsə də mütəşabih ayələr – üçün mövcuddur. Bu,
məfhum və məna qismindən deyildir ki, sözlər bu məfhum və mənaya dəlalət
etsin. Əksinə, tə`vil “eyni həqiqətlər”dir (yəni zehindən xaric fenomenlərdir) və
söz qəlibinə sığmaqdan ucadır. Bizim zehnimizdə təsəvvür yaratmaqdan ötrü
bu “eyni həqiqətlər”, söz və kəlmə qəlibinə salınmışdır. Bu söz və kəlmələr, bir
növ çəkilən misallara bənzəyir ki, insanı nəzərdə tutulan mənaya yaxınlaşdırır.
1
əl-Mizan, c.3, s.44.
311
Quranda “tə`vil” sözünün işləndiyi hər bir yerdə həmin “eyni həqiqətlər” nəzərdə
tutulmuşdur.”
1
“Tə`vil” kəlməsinin işləndiyi məqamlar, o cümlədən, Həzrət Musa (ə) ilə
Həzrət Xızırın (ə) əhvalatı
2
, Həzrət Yusufin (ə) əhvalatı və s. bu iddiaya şahidlik
edir.
3
Nümunə olaraq, “Yusuf” surəsinin başlanğıcında Həzrət Yusufin (ə) yuxusu
əhvalatı bu şəkildə bəyan olunur:
.ﻦﻳِﺪِﺟﺎَﺳ ﻰِﻟ ْﻢُﻬُﺘْﻳَﺃَﺭ َﺮَﻤَﻘْﻟﺍ َﻭ َﺲْﻤﱠﺸﻟﺍ َﻭ ﺎًﺒَﻛْﻮَﻛ َﺮَﺸَﻋ َﺪَﺣَﺃ ُﺖْﻳَﺃَﺭ ِﻰﱢﻧِﺇ ِﺖَﺑَﺄٰﻳ ِﻪﻴِﺑَ ِﻷ ُﻒُﺳﻮُﻳ َﻝﺎَﻗ ْﺫِﺇ
“(Xatırla) o zamanı ki, Yusif öz atasına (Yəquba) dedi: “Atacan, həqiqətən mən
(yuxuda) on bir ulduz, günəş və ay gördüm; onları mənə səcdə edən gör düm.””
4
İllər ötdükdən və çoxlu hadisələr baş verdikdən sonra bu yuxunun tə`vili həmin
surənin axırında belə çatdırılır:
.ﺎًّﻘَﺣ ﻰﱢﺑَﺭ ﺎَﻬَﻠَﻌَﺟ ْﺪَﻗ ُﻞْﺒَﻗ ﻦِﻣ َﻯﺎَﻳْءُﺭ ُﻞﻳِﻭْﺄَﺗ ﺍَﺬٰﻫ ِﺖَﺑَﺄٰﻳ َﻝﺎَﻗ َﻭ ﺍًﺪﱠﺠُﺳ ُﻪَﻟ ﺍﻭﱡﺮَﺧ َﻭ ِﺵْﺮَﻌْﻟﺍ ﻰَﻠَﻋ ِﻪْﻳَﻮَﺑَﺃ َﻊَﻓَﺭ َﻭ
“Və ata-anasını öz taxtına çıxartdı və (o, daxil olan zaman hamısı) onun qar-
şısında səcdəyə düşdülər. Və (Yusif) dedi: “Ey ata, (bu səcdələr) mənim əvvəlki
yuxumun təvilidir ki, Allah onu gerçəkləşdirdi.””
5
Burada Yusifin yuxuda gördükləri ata, ana və qardaşların səcdəsinə qayıdır.
Bu tə`vil və müraciət, “misal”ın “muməssəl”ə və “eyni həqiqət”ə qayıtması
qismindəndir.
Əllamə Təbatəbainin nəzərinin müqabilində Ustad Mərifət bu əqidədədir ki,
terminoloji “tə`vil” 2 mənada işlənir:
1) “Mütəşabih”in izahı: istər bu mütəşabih “mütəşabih kəlam” olsun, istərsə
də, şəkk-şübhə yaradan bir əməl olsun. Tə`vilin bu qismi mütəşabih ayələrə aiddir.
2) Kəlamın ikinci mənası: bu məna “kəlamın zahiri” kimi ifadə olunan birinci
mənanın müqabilində dayanır və “kəlamın bətni” kimi də ifadə olunur. Bu mənada
“tə`vil” təkcə mütəşabih ayələrə aid olmur, bütün Qurana kölgə salır.
Ustad Mərifətin əqidəsinə görə əgər tə`vili “eyni həqiqət” kimi götürsək,
“misdaq”ı “tə`vil” ilə qarışdırmış olarıq. Quranda “tə`vil” kəlməsinin işləndiyi
ayələri üç qrupda cəmləmək olar ki, yuxarıdakı iki mənadan birinə dəlalət edir:
1) Yuxunun tə`vili: bu, səkkiz yerdə işlənmiş və “kəlamın ikinci mənası”, yəni
“kəlamın batini” anlamını daşıyır.
2) İşin müraciət və istinad yeri: bu, beş yerdə işlənib.
3) Mütəşabihin izahı: bu, dörd yerdə işlənib.
6
1
Öncəki qaynaq, s.49.
2
Kəhf surəsi, ayə: 78.
3
Müraciət edin: əl-Mizan, s.25-26.
4
Yusuf surəsi, ayə: 4.
5
Yusuf surəsi, ayə: 100.
6
Müraciət edin: ət-Təmhid, c.3, s.28-34.
312
İkinci məsələ: Tə`vili bilmək Allaha aiddirmi?
Bu sual da “Ali-İmran” surəsinin 7-ci ayəsinin axırında işlənən cümlə ilə
əlaqədar ortaya çıxmışdır. Hətta bu ayənin qiraəti barədə ciddi fikirayrılıqları
mövcuddur ki, bəzilərinin dediyinə görə, bütün Quranda qiraət xüsusunda ən
ciddi fikirayrılığı bu məqamdadır. Fikirayrılığı “ُﷲ ﱠﻻِﺇ ُﻪَﻠﻳِﻭْﺄَﺗ ُﻢَﻠْﻌَﻳ ﺎَﻣ َﻭ” cümləsində
“ﷲ” (Allah) kəlməsinin üzərində vəqf etmək və ya etməmək üzərindədir.
1
Burada “vəqf”i qəbul edənlər “tə`vil” elminin Allaha aid olduğunu bildirirlər.
“Ətf”i (yəni vəqf etməməyi, dayanmamağı) qəbul edənlər isə “tə`vil” elminin
yalnız Allaha aid olmadığını bildirir, “elmdə qüvvətli olanlar”ın da “tə`vil”i
bildiklərini qəbul edirlər.
Baxmayaraq ki, bu məsələ qədimdən indiyədək mübahisə mövzusu olmuşdur,
lakin onun “əməli səmərəsi”ndən çox “elmi tərəfi” nəzərdə tutulmuşdur. Çünki
ərəb qrammatikası baxımından hər iki nəzəriyyə - həm “vəqf”ə, həm də “ətf”ə
icazə verilir, qrammatik baxımından heç bir nəzəriyyənin iradı yoxdur. Bu mətləbə
ən yaxşı şahid, hər iki nəzəriyyənin tərəfdarlarının olmasıdır, onların arasında da
tanınmış filoloqlar və dilçilər vardır.
Demək olar ki, əhli-sünnə alimlərinin böyük əksəriyyəti “vəqf” ilə qiraəti
qəbul edirlər. O cümlədən, Ubəyy ibn Kə`b, İbn Məs`ud, Həsən Bəsri, Malik,
Fərra, Əxfəş, Cəbayi Mötəzili, Təbəri, Meybudi, İmam Fəxr Razi və b. “Ətf” ilə
qiraəti qəbul edənlər arasında əhli-sünnə alimləri də vardır, lakin şiə alimlərinin
böyük əksəriyyəti bu nəzəriyyənin tərəfdarıdır. Əhli-sünnə alimlərindən Mücahid,
Nəhhas Nəhvi, Ukbəri Nəhvi, Qazi Əbdul-Cəbbar, Zəməxşəri, İbn Əbil-Hədid,
Bəyzavi, Zərkeşi, Alusi, Şeyx Məhəmməd Əbduh və b adını çəkmək olar.
2
Bu məsələnin əməli səmərəsinin olmadığı bu səbəbdəndir ki, bəzi alimlərin,
o cümlədən, Əllamə Təbatəbainin nəzərinə görə sözügedən ayədən “ətf” ilə
qiraət əldə olunmasa da, lakin eyni zamanda o, bu əqidədədir ki, tə`vil elminin
yalnız Allaha aid olmadığı başqa dəlillərlə, o cümlədən, başqa ayələr və hədislər
vasitəsilə əldə olunur.
“Elmdə qüvvətli olanlar”ın mütəşabih ayələrin “tə`vil”ini bildiklərinə dair ən
aydın əqli dəlil budur ki, Quran insanların dilində və onların hidayəti üçün nazil
olmuşdur. Əgər Quranın tə`vilini bilmək alimlər və “elmdə qüvvətli olanlar” üçün
müyəssər olmazsa, Quran cavabı məlum olmayan müəmmaya çevrilər. Halbuki,
Quranın özü ayələr üzərində düşünüb-daşınmağı göstəriş verir.
Təəccüblüsü budur ki, əgər “tə`vil”i bilmək yalnız Allaha aid olarsa, onda
Həzrət Peyğəmbər (s) və Məsum İmamlar (ə) da bunu bilməkdən məhrum
qalacaqlar. Yəni vəhyi alan və çatdıran Peyğəmbər (s) ayələrin tə`vilini bilmir!
1
“Qətrei əz dərya” kitabında Bəhauddin Xurrəmşahinin kəlamı, s.77.
2
Öncəki qaynaq, s.79-80.
Dostları ilə paylaş: |