Ö
mrümüzdən bir il də keçdi,
daha bir ilə əlvida dedik. Yeni
ilin ilk günlərində ixtiyarsız arxaya
baxır, yaddaşımızı vərəqləyir, tarixə
çevrilən ilin əlamətdar hadisələrini
yada salırıq. Möhtərəm Prezidentimiz
İlham Əliyev tərəfindən “Multikul-
turalizm ili” elan edilən 2016-cı ildə
də üzümüzdə təbəssüm, gözümüzdə
sevinclə müşayət olunan əlamətdar
hadisələr, aylara, illərə dəyən xoş
günlərimiz az olmadı.
Hələ ötən il yanvarın 10-da 2015-
ci ilin sosial-iqtisadi inkişafının yekun-
larına və qarşıda duran vəzifələrə həsr
olunmuş iclasında Prezident İlham Əli-
yev 2016-cı il haqqında demişdi: “Biz
2016-cı ildə iqtisadi inkişaf templərini
təmin etməliyik. Bu, asan məsələ de-
yil. Ümumiyyətlə, keçən il müşahidə
olunan mənzərə deməyə əsas vermir
ki, 2016-cı ildə dünyada iqtisadi böh-
ran başa çatacaq. Belə olan halda biz
daha da səmərəli işləməliyik və iqtisadi
inkişaf templərini daxili resurslar hesa-
bına, düşünülmüş siyasət, islahatlar, o
cümlədən struktur islahatları nəticəsin-
də təmin etməliyik. Xüsusilə qeyri-neft
sektorunun inkişafı böyük əhəmiyyət
daşıyır. Son illər ərzində bu istiqamət-
də böyük işlər aparılmışdır. Əgər biz
vaxtilə qeyri-neft sektorunun inkişafı
ilə məşğul olmasaydıq, bu gün iqtisadi
inkişafımız o qədər də uğurlu olmazdı.
İqtisadi şaxələndirmə, qeyri-neft sek-
torunun inkişafı 2016-cı ildə iqtisadi
sahədə əsas prioritet olacaqdır. Əminəm
ki, biz bu il ərzində bu istiqamətdə daha
da böyük uğurlara nail olacağıq”.
Bəli, dünyada iqtisadi böhranın
davam etməsinə baxmayaraq, yola sal-
dığımız ildə də ölkəmizin inkişafı tə-
min edildi. Mühüm uğurlara imza atan
gənc, müstəqil Azərbaycanın siyasi və
beynəlxalq mövqeləri daha da möh-
kəmləndi. Prezident İlham Əliyevin
Azərbaycan Respublikasının milli iq-
tisadiyyat perspektivi üzrə Strateji Yol
Xəritəsini təsdiq etməsi də, qeyri-neft
sektorunun şaxələndirilməsi də, sənaye
parklarının yaradılması da... əhəmiy-
yətli məsələlərdir. Bundan başqa, Azər-
baycan Konstitusiyasına təklif olunan
əlavə və dəyişikliklərlə bağlı referendu-
mun keçirilməsi, Avropanın enerji təh-
lükəsizliyində mühüm rol oynayacaq
Trans-Adriatik boru kəməri - TAP-ın
təməlinin qoyulmasını da ötən ilin ən
yaddaqalan hadisələrindən hesab etmək
olar. Keçən il qəbul edilən bir çox qə-
rarların, xüsusilə ölkə iqtisadiyyatının
şaxələndirilməsi istiqamətində atılmış
mühüm addımların daha gözəl nəti-
cələrini isə yaxın illərdə görəcəyik. Xü-
susən, neftin qiymətinin aşağı düşməsi
nəticəsində valyuta gəlirlərimizdəki
azalmaların qeyri-neft ixracının inkişafı
ilə bərpa ediləcəyinə şübhə yoxdur.
2016-cı ildə də Azərbaycan bir sıra
mötəbər beynəlxalq tədbirlərə uğurla
ev sahibliyi etdi. Bu sırada Formula-1
Avropa Qran-prisini, 42-ci Ümumdün-
ya Şahmat Olimpiadasını, IV Qlobal
Bakı Forumunu, Dünya Xəbər Agent-
liklərinin V Konqresini və Asiya və Sa-
kit Okean Ölkələri Xəbər Agentlikləri
Təşkilatının XVI Baş Assambleyasını
və digər tədbirləri qeyd etmək olar.
Beynəlxalq aləmdə gedən icti-
mai-siyasi proseslər, xüsusən, maliyyə
böhranı və iqtisadi tənəzzül keçən il
dünyanın əksər, hətta bəzi güclü iqtisa-
diyyata malik dövlətlərini belə sosial
layihələri arxa plana keçirməyə məcbur
etdi. Azərbaycanda isə sosial sahədəki
bütün proqramlar əvvəlki qaydada icra
edildi.
Daim
diqqətdə
saxlanılan
məsələlərdən biri əhalinin sosial müda-
fiəsinin lazımi səviyyədə təmin edilmə-
si idi. 2016-cı ildə əhalinin pul gəlirləri
7 faiz, orta əməkhaqqı isə 9 faiz artdı.
Vətəndaşların rifah halını yüksəltmək
məqsədilə Prezident İlham Əliyev tərə-
findən sosial xarakterli bir sıra fərman
və sərəncamlar imzalandı. Nazirlər Ka-
bineti yanında İcbari Tibbi Sığorta üzrə
Dövlət Agentliyi yaradıldı.
Prezident İlham Əliyevin “Əhalinin
özünəməşğulluğunun təmin olunma-
sı sahəsində əlavə tədbirlər haqqında”
2016-cı il 7 aprel tarixli Sərəncamının
icrası istiqamətində məqsədyönlü işlər
uğurla davam etdirildi. Rəqabətqabi-
liyyətli ailə təsərrüfatlarının formalaş-
dırılmasına, kiçik və orta sahibkarlığı
dəstəkləməyə yönələn sosialyönlü la-
yihələri reallaşdıracaq “ABAD” (Ailə
Biznesinə Asan Dəstək) publik hüquqi
şəxs yaradıldı.
Devalvasiyanın təsirlərindən əha-
linin müdafiəsi məqsədilə tammiqyaslı
tədbirlər həyata keçirildi. “Azərbaycan
Respublikasında 2017-ci il üçün yaşa-
yış minimumu haqqında” qanun layihə-
si qəbul edildi. Bu qanuna görə, 2017-ci
ildə Azərbaycanda yaşayış minimumu
155 manat müəyyən edilib ki, bu da
2016-cı illə müqayisədə 13,97 faiz çox-
dur. Əhalinin əsas sosial-demoqrafik
qrupları üzrə yaşayış minimumu əmək
qabiliyyətli əhali üçün 164,5 manat,
pensiyaçılar üçün 130,2 manat, uşaqlar
üçün 136,6 manat nəzərdə tutulub.
Sosial sahədə büdcə vəsaitlərinin
ildən-ilə artırılması əhalinin sosial baxı-
mından aztəminatlı təbəqəsinə dövlətin
qayğısını bir daha təsdiq edir. Hazırda
sosial təminat sistemi 2,5 milyon adamı
və ya respublika əhalisinin 26 faizini
təşkil edir. Əmək və Əhalinin Sosial
Müdafiəsi Nazirliyi tərəfindən 1 milyon
312 min nəfərə əmək pensiyası, 506,1
min nəfərə müxtəlif növ müavinətlər və
Azərbaycan Respublikası Prezidentinin
aylıq təqaüdləri ödənilir. 2016-cı ildə
dövlət hesabına xaricə müalicəyə 128
əlil, o cümlədən 58 uşaq göndərilib,
regionlarda 1015 əlilin istirahəti təşkil
edilib. Qarabağ müharibəsi əlillərinə və
şəhid ailələrinə Bakıda və regionlarda
yaşayış binaları tikilir, onlar minik av-
tomobili ilə təmin edilirlər.
Sosial təminat sisteminin mühüm
bir istiqaməti də aztəminatlı ailələrin
yoxsulluğun doğurduğu çətinliklərdən
müdafiəsi üçün onların ünvanlı dövlət
sosial yardımı proqramı ilə əhatə olun-
masıdır. Ölkəmizdə 162 min ailənin
707 min nəfər üzvü ünvanlı dövlət so-
sial yardımı ilə təmin edilir.
Bütün bunlar göstərir ki, güclü iq-
tisadi və sosial siyasət Azərbaycanda
dövlət siyasətinin əsas istiqamətlə-
rindən biridir. Sosial sahədə uğurlar,
xalqın ildən-ilə yüksələn rifahı dövlə-
timizin başçısının uzaqgörən siyasətini
əyani olaraq bir daha təsdiq edir.
Prezident İlham Əliyev Dünya
Azərbaycanlılarının Həmrəyliyi Günü
və Yeni il münasibətilə Azərbaycan
xalqına təbrikində 2016-cı ildə keçi-
rilən referendumun nəticələrini xalqın
dövlət tərəfindən yürüdülən siyasətə
böyük dəstəyi kimi qiymətləndirib və
bu dəstək və inama görə Azərbaycan
xalqına minnətdarlığını bildirib. “Bir
daha Azərbaycan xalqını əmin etmək
istəyirəm, bütün səylərimi qoyacağam
ki, bundan sonra da dövlətimizin, xalqı-
mızın maraqları layiqincə qorunsun”,
- deyə dövlətimizin başçısı vurğulayıb.
2016-cı ildə nəqliyyat təhlükəsiz-
liyi istiqamətində də çox işlər görüldü.
“Şərq-Qərb” nəqliyyat dəhlizinin icrası
artıq başa çatır və “Şimal-Cənub” nəq-
liyyat dəhlizinin istifadəyə verilməsi
istiqamətində Azərbaycan çox önəmli
addımlar atıb.
“Şərq-Qərb” və “Şimal-Cənub”
nəqliyyat dəhlizlərinin Azərbaycan
tərəfinə düşən payı üzrə görüləcək işlə-
rin başa çatdırıldığını qeyd edən dövlə-
timizin başçısı deyib: “Biz qısa müddət
ərzində bütün işləri başa çatdırdıq və
beləliklə, gələcəkdə əlavə səylər qoya-
raq çalışacağıq ki, bu iki önəmli magist-
ral tezliklə işə düşsün”.
Dünya Azərbaycanlılarının Həm-
rəyliyi Günü və Yeni il münasibətilə
Azərbaycan xalqına təbrikində Prezi-
dent İlham Əliyev 2016-cı ildə ener-
ji təhlükəsizliyi istiqamətində atılmış
önəmli addımlardan da bəhs edib.
“Cənub Qaz Dəhlizi” layihəsinin
uğurla icra edildiyini diqqətə çatdıran
dövlətimizin başçısı deyib: “Bu ilin
əvvəlində ölkəmizin təşəbbüsü ilə artıq
ikinci dəfə idi ki, Cənub Qaz Dəhlizinin
Məşvərət Şurası Bakıda keçirilmişdir
və iştirak edən bütün ölkələr və bey-
nəlxalq təşkilatlar qəbul edilmiş yekun
qətnamədə Azərbaycanın liderlik rolu-
nu bir daha vurğulamışlar. “Cənub Qaz
Dəhlizi” Azərbaycanın təşəbbüsü və
böyük maliyyə dəstəyi ilə icra edilən
qlobal, beynəlxalq enerji layihəsidir”.
Prezident İlham Əliyev vurğulayıb
ki, “Cənub Qaz Dəhlizi” tarixi layihə-
dir. Layihə icra olunandan, bütün işlər
başa çatandan sonra Azərbaycan çox
böyük mənfəət görəcəkdir. “Beləliklə,
bu il proqram üzrə bütün işlər yüksək
səviyyədə aparılmışdır və əminəm ki,
bu nəhəng transmilli layihə vaxtında
istifadəyə veriləcəkdir. Eyni zamanda,
bu il bizim yeni qaz yataqlarımızdan
çıxarılacaq qazın həcmi də müəyyən
edilmişdir və beləliklə, “Cənub” Qaz
Dəhlizini qidalandıracaq layihələr ara-
sında təkcə “Şahdəniz” layihəsi deyil,
eyni zamanda, “Abşeron” qaz yatağı da
olacaqdır”, - deyə dövlətimizin başçısı
bildirib.
2016-cı ildə ölkəmizin beynəlxalq
mövqelərinin daha da möhkəmləndi-
yini qeyd edən Prezident İlham Əliyev
deyib: “Bizim dostlarımızın sayı artıb,
bizi istəməyən qüvvələr, bizə qarşı vax-
taşırı kampaniyalar aparan qüvvələr isə
siyasi səhnədən gedirlər. Azərbaycan
beynəlxalq təşkilatlarda böyük uğurlar
qazana bilmişdir”.
Dövlətimizin başçısı İslam Əmək-
daşlıq Təşkilatı, Qoşulmama Hərəkatı
çərçivəsində Ermənistan-Azərbaycan,
Dağlıq Qarabağ münaqişəsi ilə bağlı
çox vacib sənədlərin qəbul edildiyi-
ni bildirib. Vurğulayıb ki, Ermənis-
tan-Azərbaycan, Dağlıq Qarabağ mü-
naqişəsinin həlli xarici siyasətimizin
əsas prioritetidir.
“Deyə bilərəm ki, bizim siyasi və
diplomatik mövqelərimiz il ərzində
daha da möhkəmlənmişdir. Qondarma
“Dağlıq Qarabağ” qurumunu heç bir
ölkə tanımır və tanımayacaq. Münaqişə
Azərbaycanın ərazi bütövlüyü çərçi-
vəsində öz həllini tapmalıdır. Bunun
başqa yolu yoxdur. BMT Təhlükəsizlik
Şurasının dörd qətnaməsi icra edilmə-
lidir. Status-kvonun qəbuledilməzliyi
haqqında artıq həm bu məsələ ilə bağ-
lı fəaliyyət göstərən həmsədr ölkələrin
prezidentləri, eyni zamanda, ATƏT və
digər qurumların rəhbərləri dəfələrlə
bəyanatlar vermişdir”, - deyə Prezident
İlham Əliyev qeyd edib.
Müstəqilliyimizin 25 illiyini qeyd
etdiyimiz bayram ilində Azərbaycan
Ordusu daha da gücləndi. Tarixi qələ-
bəmiz olan aprel döyüşləri isə Azərbay-
can Ordusunun gücünü nümayiş etdir-
di. Aprel ayının ilk günlərində erməni
silahlı qüvvələrinin növbəti təxribatının
qarşısını alan ordumuz düşmənə sarsı-
dıcı zərbələr vurdu və 1994-cü ildən bu
günə qədər ilk dəfə Azərbaycan işğal
edilmiş torpaqların bir hissəsini işğalçı-
lardan azad etdi. Ağdərə, Füzuli, Cəb-
rayıl rayonlarının işğalçılardan azad
edilən minlərlə hektar torpağı indi or-
dumuzun tam nəzarəti altındadır.
“Azərbaycan xalqı, Azərbaycan əs-
gəri, zabiti əsl qəhrəmanlıq göstərmiş-
dir. Bizim bayrağımız bu gün Ağdərə,
Füzuli, Cəbrayıl rayonlarının işğaldan
azad edilmiş torpaqlarında dalğala-
nır. Azad edilmiş torpaqlarda olarkən
Azərbaycan bayrağı altında mən bir
daha demişdim ki, Azərbaycan xalqı
və Azərbaycan dövləti öz torpağında
ikinci erməni dövlətinin yaranmasına
heç vaxt icazə verməyəcəkdir. Aprel
döyüşləri bizim şanlı tariximizdir. Ap-
rel döyüşləri bizim tarixi qələbəmizdir.
Bu qələbə münaqişənin həllini yaxın-
laşdırır”, - deyə Prezident İlham Əliyev
vurğulayıb.
2016-cı ildə idman sahəsində də
möhtəşəm uğurlara imza atıldı. İdman-
çılarımız mötəbər beynəlxalq turnirlər-
də 297-si qızıl, 250-si gümüş, 290-nı isə
bürünc olmaqla ümumilikdə 837 medal
qazandılar. Əvvəlki illə müqayisədə də
medalların sayında artım var. Belə ki,
2015-ci ildə bu rəqəm 823 olub.
Ötən il respublikamızda fəaliyyət
göstərən federasiyalarla birlikdə ölkə-
mizdə 200-dən çox yarış təşkil olundu,
Azərbaycan 52 beynəlxalq turnirə yük-
sək səviyyədə ev sahibliyi etdi.
XXXI Yay Olimpiya Oyunlarına
əvvəlki olimpiadalarla müqayisədə
daha geniş tərkibdə – idmanın 18 növü
üzrə 56 idmançı (57 lisenziya) ilə qa-
tıldıq. Bu, ötən Olimpiya Oyunları ilə
müqayisədə 4 idman növü çox idi. Tri-
atlon, kamandan oxatma, velosiped və
kanoe-slalom üzrə yarışlarda ilk dəfə
təmsil olunduq. “Rio-2016”da 18 (1
qızıl, 7 gümüş və 10 bürünc) medal
qazandıq. Medalların sayına görə Azər-
baycan komandası 14-15-ci yerləri bö-
lüşdü. Bu göstərici üzrə yığma koman-
damız Avropa ölkələri arasında 7-ci,
keçmiş Sovet İttifaqı respublikaları ara-
sında 2-ci, müsəlman ölkələri arasında
isə 1-ci yeri tutdu.
Sentyabrda Rio-de-Janeyroda təş-
kil olunan XV Yay Paralimpiya Oyun-
larında 24 idmançımız cüdo, atletika,
pauerliftinq, üzgüçülük, güllə atıcılığı
və kamandan oxatma yarışlarında mü-
barizə apardılar. Komandamız 1 qızıl, 8
gümüş və 2 bürünc olmaqla ümumilik-
də 11 medal əldə etdi. Paralimpiya yığ-
mamız medalların ümumi sayına görə
iştirakçı ölkələr arasında 33-cü, Avro-
pa ölkələri arasında 16-cı, müsəlman
ölkələri sırasında 6-cı, MDB ölkələri
arasında isə 3-cü yerdə qərarlaşdı.
Ötən ilin iyununda Azərbaycan
növbəti mötəbər yarışa – Formula-1
Avropa Qran-prisinə yüksək səviyyədə
ev sahibliyi etdi. Dünyanın ən məşhur
Formula-1 pilotlarının ölkəmizdə bir
araya gəlməsi Azərbaycanın idman
uğurunun növbəti təntənəsi idi.
Formula-1 yarışının ölkəmiz üçün
əhəmiyyətini yüksək qiymətləndirən
Azərbaycan Prezidenti İlham Əliyev
deyib: “Formula-1 yarışının keçirilməsi
bir daha ölkəmizin qüdrətini göstərdi.
Çünki Formula-1 yarışının keçirilməsi
hər bir ölkəyə nəsib olmur, hər bir ölkə
bu məsuliyyəti öz üzərinə götürə bilmir
və çətinlik çəkir. Ancaq biz bu yarışı da
uğurla keçirmişik. Formula-1 yarışının
Azərbaycanda keçirilməsinin ölkəmi-
zin dünyada tanıdılması üçün müstəs-
na əhəmiyyəti vardır. Beş yüz milyon
tamaşaçı auditoriyası olan bu yarışa
bütün qitələrdə baxmışlar və şəhəri-
mizin gözəlliyini, insanlarımızın qo-
naqpərvərliyini bütün dünya görübdür.
Təsadüfi deyil ki, biz də bunu nəzərdə
tuturduq, planlaşdırırdıq ki, bu yarışdan
sonra ölkəmizə gələn turistlərin sayı
dəfələrlə artacaq və artıb”.
Keçən il Azərbaycanda keçirilən
ən mötəbər yarışlardan biri də 42-ci
Ümumdünya Şahmat Olimpiadası
oldu. Sentyabrın 1-14-də “Baku Crystal
Hall”da təşkil olunan olimpiadada 181
kişi və 142 qadın komandası mübarizə
apardı. Bu, iştirakçı ölkələrin sayına
görə olimpiada tarixində rekord göstə-
rici idi. Azərbaycan Şahmat Olimpiada-
sında üç qadın və üç kişi komanda ilə
təmsil olunurdu.
Gələn il Bakı IV İslam Həmrəyli-
yi Oyunlarına, Formula-1 Azərbaycan
Qran-prisinə, qadınlar arasında voley-
bol üzrə Avropa çempionatının final
mərhələsinə ev sahibliyi edəcək. İslam
Həmrəyliyi Oyunlarında dörd minədək
atlet idmanın 21 növü üzrə yarışlarda
mübarizə aparacaq.
Azərbaycanda sosial-iqtisadi inki-
şaf sahəsində əldə olunan uğurlar, ya-
radılan infrastruktur və maliyyə poten-
sialı, yeni iqtisadi reallıqlar ölkəmizdə
uzun bir dövrü əhatə edən keyfiyyətcə
yeni iqtisadi inkişaf strategiyasının iş-
lənib hazırlanmasını obyektiv zərurətə
çevirib. Prezident İlham Əliyevin söz-
ləri ilə desək: “Biz artıq neftdən sonrakı
dövrə qədəm qoymuşuq. Demək olmaz
ki, neft və qaz erası bitib. Sadəcə, biz bu
faktoru kənara qoymalıyıq və öz iqtisa-
di strategiyamızı elə formalaşdırmalı-
yıq ki, sanki bizdə neft və qaz yoxdur”.
Bu baxımdan “Milli iqtisadiyyat və
iqtisadiyyatın əsas sektorları üzrə Stra-
teji Yol Xəritəsinin başlıca istiqamətlə-
ri” haqqında Azərbaycan Respublikası
Prezidentinin 2016-cı il 16 mart tarix-
li Sərəncamı fundamental bir inkişaf
proqramı olmaqla ölkəmizin əməli
cəhətdən yaxın illərdə davamlı inki-
şaf modelinə keçid konsepsiyası kimi
dəyərləndirilməlidir.
Strateji Yol Xəritəsində bütünlükdə
milli iqtisadiyyatın və onun əsas sektor-
larının idarə olunması və tənzimlənmə-
sinin təkmilləşdirilməsi ilə bağlı konk-
ret istiqamətlər müəyyənləşdirilib.
2020-ci ilədək olan dövr üçün
müəyyən edilmiş strateji məqsədlərə
nail olunması nəticəsində Azərbay-
canda 2020-ci ildə real Ümumi Daxili
Məhsulun 400 milyon birbaşa və 205
milyon dolayı olmaqla, ümumilikdə
605 milyon manat artacağı və 10 min
900 birbaşa və 8 min dolayı olmaqla,
18 min 900 yeni iş yerinin yaradılacağı
proqnozlaşdırılır.
Strateji Yol Xəritəsi çərçivəsində
nəzərdə tutulmuş tədbirlərin icrası üçün
təxminən 3 milyard 160 milyon manat
investisiya vəsaiti tələb olunur. Bu isə
müvafiq texniki-iqtisadi əsaslandır-
malar aparıldıqdan sonra dövlət-özəl
maliyyələşdirmə mənbələri hesabına
təmin ediləcək.
Azərbaycan dövləti qarşıya qoy-
duğu məqsədlərə, qəbul etdiyi bütün
proqramların, layihələrin yerinə ye-
tirilməsinə həmişə tam nail olub. Bu
baxımdan bu tarixi strateji sənədin də
uğurla reallaşacağına heç bir şübhə ola
bilməz. Çünki Strateji Yol Xəritəsində
reallaşması nəzərdə tutulan tədbirlər,
qarşıya qoyulan hədəflər, məqsədlər re-
aldır, ölkəmizin mövcud potensial im-
kanlarına əsaslanır.
Xalqımız Yeni ilə yeni arzular,
ümidlər və daha böyük qələbələr sorağı
ilə qədəm qoyub.
Prezident İlham Əliyevi “Zama-
nı qabaqlayan ağırtəbiətli mükəmməl
şəxsiyyət və siyasətçi” kimi xarakterizə
edən “Rossiya seqodnya” Beynəlxalq
İnformasiya Agentliyinin baş direktoru
Dmitri Kiselyov deyib: “Hesab edirəm
ki, İlham Əliyev üçün ən qiymətli və
ən əziz meyar onun ölkəsi üçün qarşı-
ya qoyduğu məqsədlərə çatmaqdır. Bu,
müstəqil Azərbaycan, varlı Azərbay-
can, məğrur Azərbaycan və dinc Azər-
baycandır”.
Hər birimizin ürəyindən xəbər
verən bu gözəl sözlərə təkcə bir əlavə-
miz var: “Qoy bu müqəddəs yolda
2017-ci ili ölkəmizdə “İslam Həmrəyli-
yi İli” elan edən dövlətimizin başçısına
Tanrı özü yardımçı olsun!”
Rasif TAHİROV
A Z
R B A Y C A N
X Z R D N Z G M
L Y
И
ИЧИ И И
13 yanvar 2017-ci il № 1-4 (9095)
3
İllƏR BİZİ YAşADIR, BİZ İllƏRİ
PReZİDent İlHAM ƏlİYevİn Ən BöYük ARZUSU MüStƏqİl AZƏRBAYcAn,
vARlI AZƏRBAYcAn, MƏğRUR AZƏRBAYcAn vƏ Dİnc AZƏRBAYcAnDIR