Ramiz Dəniz
Yüklə 1,78 Mb. Pdf görüntüsü
|
- Bu səhifədəki naviqasiya:
- “Bağlı qapı açıl”
- “Relax”
53 yanından ötdü və çox getmədən ağacların içərisində təşkil olunan mini heyvanxanada ayaq saxladı. Burada da bir neçə turist öz uşaqları ilə birlikdə heyvanlara tamaşa edirdi. Ekzotik şəkildə təşkil olunan həmin heyvanxana adamı sanki vəhşi təbiətlə üzbəüz qoyurdu. Heyvanxananın bütün ətrafı sıx ağaclarla əhatə olunmuşdu. Belə bir istirahət hər bir turistə, xüsusən də, uşaqlara böyük bir ləzzət verirdi. İki saata qədər burada vaxtını keçirən Əliyusif, heç kiminlə ünsiyyət qurmadan, həmin cığır ilə üzü yuxarı mehmanxanaya tərəf yollandı. Əliyusif həddindən artıq yorğun olduğundan, elə qonaq otağındakı divanın üstündə yuxuya getdi. O, yorğun olsa da, yuxuda Ədalət Şükürovun meyxana ustası Vüqarla bir yerdə oxuduğu “Bağlı qapı açıl” mahnısının melodiyasını eşitməyə başladı. Mahnının sözləri Əliyusifə doğma gəldiyindən və bu duetdə iştirak edən müğənnilərin yarat- dıqları sintez onun xoşuna gəldiyindən o, eyforiyaya elə qapandı ki, sanki müxbir onların canlı konsertində iştirak edirdi. Çünki Azərbaycanda fəaliyyətdə olan müğənnilər- dən bir neçəsinə sidqi ürəklə və həsrətlə qulaq asırdısa da, onlardan ikisi elə Ədalətlə Vüqar idi. Səslənən mahnı Əliyusif üçün o dərəcədə doğma sayılırdı ki, o, bir anlığa səhnəyə yaxınlaşıb, onlara öz minnətdarlığını bildirmək istədi, lakin həmin an müxbir yuxudan ayıldı. 54 Divanda uzanan müxbirin gözləri açılır və həqiqətən də o, yuxuda səslənən mahnını, əyani surətdə eşitməyə başlayır. Bu mahnı sədası “Relax”ın aşağı hissəsində fəaliyyət göstərən diskotekadan gəlirdi. Əliyusif cəld yerindən qalxıb divarda asılan saata nəzər saldı. Saatın balaca əqrəbi 9 və 10 rəqəmləri arasında idi. Otağın işığı sönsə də, bayırdakı fənərlərdən içəriyə işıq şüaları düşür, otaqdakı qaranlığı əridirdi. Buna baxmayaraq o, otağın işığını yandırdı və oradan hamama gedib əl-üzünü yudu. İçəridə hava boğucu olduğundan müxbir otağın qapısını açıb, buranın xoş təravətli havasını udmağa başladı. Disko- tekadan gələn ritmik musiqi səsi, sərin mehin vasitəsilə mehmanxananın və kotteclərin ətrafını işğal altında saxla- yırdı. Əliyusif, üst-başını səliqə-səhmana salıb, administrato- run yanına getmək üçün qapıdan çıxmaq istəyirdi ki, birdən mobil telefonunun zəngi yenə də çalındı. O, nömrəyə baxıb düyməni basdı və “Salam ana, xoş gəlmisən” – dedi. O, həmsöhbətini dinləyəndən sonra ehtiramla: - Ana, siz şlaqbaumdan başlanan yol ilə düz gəlin, mən hamınızı 106 saylı kottecin yanında qarşılayacağam. Əliyusif mehmanxanadan çıxanda kotteclərin qarşısında- kı meydançanın turistlərlə dolu olduğunu gördü. Valideyn- 55 lərin nəzarəti altında olan balaca uşaqların səs-küyü, gülüş sədası bütün ətrafı bürümüşdü. Orada qurulan bilyard və tennis masalarının ətrafı adamlarla dolu idi. Ən çox adam uşaqlar üçün əyləncə mərkəzində təşkil olunmuş xüsusi aparatların qarşısındaydılar. “Vertolyot”, “Gəmi” və “Günəş” yelləncəkləri pullu olsa da, orada böyük növbələr yaranmışdı. Heç kimə nəzər salmayan müxbir 106 saylı kottecin tuşuna çatanda, anası ilə üzləşdi və salamlaşan kimi qonaqlarının harada olduğunu soruşdu. Bəlli oldu ki, anasının rəfiqəsi hər iki qızları ilə birlikdə, maşından geyim əşyalarını götürüb, özləri gələcəklər. Əliyusif anası ilə geriyə kottecə tərəf qayıtdı. O, nəzərdə tutulan kottecin qapısını açıb, aludəliklə dedi: - Ana, istirahət etmək üçün burada hər bir şey var. – o, hər bir şeyi anasına göstərəndən sonra sözünə davam etdi. - Əlavə nə isə lazım olsa, otaqdakı telefonla sifariş edərsən və yaxud da mənə xəbər verərsən. - Sən özün harada olacaqsan? – deyə Xədicə maraqlandı. - Bu kottecin böyründəki mehmanxananın ikinci mərtə- bəsində özümə yer tutmuşam. – deyə o, əli ilə qırmızı kərpicdən tikilmiş həmin binanı göstərdi. - Qonşumuz Arif müəllim də Ofeliya xanımla və başqa ailə üzvləri ilə 56 birlikdə mənim qaldığım mehmanxanadan bir qədər aralıda yerləşən 403 saylı kottecdə olacaqlar. - Çox gözəl, vaxtımız daha da şən keçəcək. Qənirə öz qızları ilə maşının yanındadırlar, onlar əl çantalarını götü- rüb bura gələcəklər. Bəlkə, onlara kömək edəsən? - Mənim orada görünməyim, yaxşı düşməz. Qənirə xanım elə başa düşər ki, mən onun qızlarına görə, onlara kömək edirəm. Həm də yükləri ağırdısa, onlara qolfmobil (mobilavto) kömək edəcək. Buradakı bütün yükləri qolf- mobil daşıyır. - Sən, mənim oğlum olduğun üçün, Qənirə elə fikirləş- məz. Əli, səninlə vacib söhbətim olacaq. Çalış gözdən itmə. - Narahat olma, mən üç gün burada olacağam. Redaksi- yadan “Relax”, Masallının “İsti-Su” müalicəvi istirahət kompleksləri ilə bağlı məqalələr yazmaq üçün sifarişlər almışam. - Əli, sən mənim üçün bəhanə axtarma. – deyə üzünə ciddi ifadə verən elmi xadim hökmlə dilləndi. – Sən mütləq şəkildə Qənirənin ay parçası kimi gözəl olan qızı ilə görüşüb, onunla tanış olmalısan. - Ana, mənə çöhrəsi ay parçası kimi gözəl olan qız yox, qəlbi bulaq suyu kimi şəffaf olan bir qız lazımdır. Jurnalist anasını bir daha içəridəki aksessuarlarla tanış edib, oradan birbaşa qaldığı mehmanxanaya yollandı. Yüklə 1,78 Mb. Dostları ilə paylaş:
|