Ramiz Dəniz
Yüklə 1,78 Mb. Pdf görüntüsü
|
17 - Səni başa düşmək çətin deyil. – Əliyusif məyus olan dostuna təsəlli verməyə çalışdı. - Özün də çox yaxşı bilir- sən ki, mənəviyyatımız təcavüz altındadır. Bunu edənlərin əksəriyyəti isə özəl televiziyada çalışan redaktorlardır. - Ümumilikdə belə fikir yürütmək olmaz. – deyə İslam müxbirlə razılaşmadı. - Bir çox istedadı olmayan qız müğənnilər, - Əliyusif dərindən ah çəkərək aludəliklə dilləndi. - heç kimə məhəl qoymadan, qız ləyaqətini qorumadan öz həmkarları ilə davaya çıxır, əsl sənətkarlarla dil-dil ötür, irad eşidən kimi qışqır-bağır salır, son nəticədə isə tamaşaçılar qarşısında bəyan edirlər ki, onlardan yaxşı mahnı ifa edən yoxdur. - Onlar belə etməklə iştirak etdikləri verilişlərin reytin- qini qaldırırlar. – deyə restoran müdiri istehza ilə dilləndi. – Şou qalmaqalı, müğənnilərin həyasızlıqları, prodüsserlərin əsas məqsədi sayılır. Belə bir üsulla onlar özlərini tanıtmaq istəyirlər. Qəribə olsa da, onlar belə bir üsulla öz ətraflarına böyük auditoriya toplamağa müvəffəq olurlar. Əli, sən çox sadəlövh adamsan. Səsi olmayan, müğən- nilik istedadından bir əsər-əlamət olmayan səhnə xəstələri, özlərini cəmiyyət arasında necə tanıtsınlar? Bunun başqa yolu var? 18 II fəsil. Jurnalist səmimi söhbətlər içərisində İbrahimin düşdüyü vəziyyətdən hali olan müxbir istəmir- di onu artıq sorğu-suala tutsun. Lakin mənəviyyatla bağlı söhbəti yarımçıq qoymaq fikirində olmadı. O, bir qədər ara verəndən sonra ehtiramla dedi: - İbrahim, bax sən, bu restoranı işlədirsən və əyani surətdə görürsən ki, bəzi qadınlar pula görə, şan-şöhrətə görə, bütün həya-abırını, ismətini itirib, imkanlı adamlarla hansı hoqqalardan çıxırlar? Bariz nümunə fəvvarənin yanında oturan, özündən müştəbeh halda razı olan, həmin başıboş qadındır. O, şan-şöhrət naminə və camaatı özünə cəlb etmək üçün bütün ismətini itiribdir. - Onların hərəkətlərinin bəzi məqamlarını söyləsəm tük- lərin biz-biz durar. Bəzi müğənnilərimiz, artıq həya-abırla- rını itiriblər. Sanki onlar həyanın nə olduğunu bilmirlər. - Bax, mənim bağ qonşum özünü yanındakı yaşlı kişiyə şirin edərək, istədiyi hər bir şeyi ona aldırır və paralel ola- raq başqa bir kəslə ona xəyanət edir. Məni bir şey düşün- dürür, təbiətən xəsis olan Məzahir, necə olur ki, bu qədər bahalı şeyləri yanındakı yüngül xasiyyətli qadına alır? - Sən elə bilirsən ki, o, aldığı bağı, maşını həmin qadının adına salır? – İbrahim Zemfiranı qeyri-adi baxışlarla süzə- 19 süzə arxayınlıqla dilləndi. - Əminəm ki, bu belə deyil. Vaxt gələcək, qızın etdiyi xəyanətin üstü açılacaq və sənin qon- şun hər şeyi onun əlindən alıb, yenidən onu lüt qoyacaq. Mən şəxsən, bir neçə müğənni kimi özünü tanıdan qızlar tanıyıram ki, sponsorlar onların bədənindən istifadə edən zaman, istədikləri şeyləri onlara alır, lakin zinhara gəldikdə, daha doğrusu onlardan doyandan sonra aldıqlarını geri alıb, özləri üçün başqa ağıldan kəm, yaraşıqlı qızlar axtarırlar. - Deyirəm axı, necə olur, imkanlı ailələrdən çıxmayan cavan qızlar, xüsusən də, şou-biznesə qatılanlar, qısa müddət ərzində 100 min dollarlıq maşınlar əldə edir və televiziya vasitəsilə yaşadıqları evləri və istifadə etdikləri aksessuarları nümayiş etdirirlər. - Birmənalı şəkildə demək lazımdır ki, - deyə şair təəssüf hissilə dilləndi. - güclü valideyn nəzarəti altında olmayan cavan qızlar qiymətli əşyaların qarşısında tab gətirməyib, öz ləyaqətlərini, namuslarını çölə atırlar və tanışları yanında pozğun qız kimi tanınmağa başlayırlar. İş ondadır ki, bütün bu biabırçılığın sonu görünmür. Bu sözlərdən sonra araya ölü sükut çökdü. İbrahimin fəvvarənin o biri tərəfində əyləşən müğənnini qeyri-adi baxışlarla süzməsi, Əliyusifin diqqətinə səbəb oldu. Lakin buna baxmayaraq, müxbir hələlik susmağa üstünlük verdi. 20 Beləliklə, onlar söhbət edə-edə çörəklərini yedilər və İbrahimin işarəsi ilə ofisiant masanın üstünü yığışdırıb, lakin çaxır şüşəsinə toxunmadan hər üç dosta çay gətirdi. Bu vaxt restoran müdirinin mobil telefonu zəng çaldı. O, bir qədər danışandan sonra “gəlin restorana, burada söhbət edək” – deyərək, telefonu söndürdü. İbrahim dedi: - Bir azdan mənim yanıma biznes sahəsində əməkdaşlıq etdiyim tanışlarım gələcək. Burada olsanız, sizi onlarla tanış edərəm. - Bunun üçün vaxtım olmayacaq, mən turistlərin yanında olmalıyam. – deyə müxbir dostunun təklifinə heç bir əhə- miyyət vermədən, ciddi halda dilləndi. - Yaxşı, bəs, Günel ilə əlaqən necədir? Deyirdin ki, bu yaxınlarda toy edəcək- sən. Toy gününü təyin etmisən, ya yox? Bu sözlər, sanki İbrahimin kefinə soğan doğradı. O, bir qədər fikirə getdi və başını aşağı salaraq, qarşısındakı çayı içməyə başladı. Bir anın içərisində İbrahimi hirs boğdu. Əliyusif o dəqiqə başa düşdü ki, dostu hansısa problemlə üzləşibdir. Lakin bütün bu sıxıntıya baxmayaraq, restoranın sahibi özündə güc tapıb hüznlə dedi: - Necə ki, Natəvan ilə, eləcə də Günel ilə bizim izdivacımız baş tutmadı. Hətta yaxın adama belə inanmaq olmur. Özün bilirsən də, mən Günelə necə inanırdım? Yüklə 1,78 Mb. Dostları ilə paylaş:
|