Ramiz Dəniz
Yüklə 1,78 Mb. Pdf görüntüsü
|
21 İbrahimin sözlərindən başa düşmək olardı ki, Güneldən də qabaq onun istədiyi qız olubdur. İlk nişanlışı Natəvan adlı bir qız idi. Toya az qalmış İbrahim görür ki, qız sol çiyninə döymə, sifətini dartıraraq ağzını böyütdürübdür. Bu hərəkətə görə, ailələr arasında qalmaqal yaransa da, İbrahim nişan üzüyünü geri alır. Ondan sonra onu imkanlı ailədən çıxmış Günel adlı bir qız ilə nişanlayırlar. Bu məsələdə İslamın susması ondan xəbər verirdi ki, o, İbrahimin problemi ilə tanışdır. Məhz buna görə də şair sadəcə olaraq onlara qulaq asmağa başladı. - Çaşıb, Güneli xəyanətdə ittiham edərsən, ha? – deyə Əliyusif diqqətini dostuna yönəldərək, şübhə ilə soruşdu. – O, dəmir iradəli və sənə sonsuz məhəbbəti olan bir qızdır. - O, mənə sadiq olsa da, hərəkətləri xoşuma gəlmədi. - Axı, aranızda nə baş veribdir? - Günel mənə xoş görünmək üçün həftədə iki dəfə gözəllik salonuna gedirdi. Onun Hicran adlı saç ustası vardı. Bir neçə dəfə mən özüm, Güneli həmin gözəllik salonuna aparıb, elə qapının ağzından geri qayıtmışam. Bir dəfə onun ardınca gözəllik salonuna gedəndə Hicranın kim olduğunu görüb dəhşətə gəldim. O, Günelin üzünü makiyaj edəndə mən, hamının yanında qızı sillələdim. 22 - Kimi sillələdin, Güneli, yoxsa Hicranı? – müxbir anlamağa çalışdı. - Sənə dedim axı, qızı. – deyə İbrahim qeyri-müəyyən tərzdə dilləndi. - Mən də soruşuram hansı qızı? - Əlbəttə ki, Güneli. Sən demə Hicran kişi imiş. - Nə? – deyə Əliyusif təəccübdən yerindəcə donub qaldı. – Günelin saç ustası kişi imiş? - Mən də elə bilirdim ki, Hicran qadındır. Sən demə Günel kişi stilistinin yanına gedib, onun qulluğundan istifa- də edirmiş. Təsəvvür edirsən, o, imkan yaradırmış ki, hə- min arvada oxşayan kişi qırığı onun sir-sifətini əlləşdirsin. - İbrahim, Günelgilin ailəsi, müəyyən mənada Avropa mədəniyyətinə inteqrasiya edibdir, onlar üçün kişi stilistinin və yaxud saç ustasının yanına getmək adi hal sayılır. - Avropa mədəniyyəti bir çox ailələrin evini yıxır. Mən bilsəydim ki, o, kişi stilistinin yanına gedir, öz ailəmi elçiliyə onların qapısına heç vaxt göndərməzdim. İbrahim növbəti dəfə çaxır içib, damağına siqaret qoydu. Bu söhbətdən onun qanı qaralmışdı. Çünki Günelin hərə- kəti və ondan aralanmaq restoran müdirinə yaman pis təsir göstərmişdir. - Qardaş, onda sənin evlənmək məsələn təxirə salınır? – deyə müxbir yerini rahatlayıb qayğı ilə soruşdu. 23 - Heç bilmirəm, nə cavab verim. Atamla, anam elə hey deyirlər ki, evlən. Öz istədiyim qıza isə məhəl qoymaq istəmirlər. - Keçmiş nişanlından başqa sənin istədiyin var? – deyə Əliyusif təəccübləndi. - Əlbəttə yox, mən söz gəlişi deyirəm. Onu bildirmək istəyirəm ki, valideynlərim öz istədikləri namizədi sırımağa çalışırlar. - İbrahim, İslam da deyir ki, ailə qurmaq istəyirsənsə, mütləq valideynlərinin xeyir-duası olmalıdır. Əks halda sən, hətta pulun olsun belə, xoşbəxt olmayacaqsan. Məhz buna görə də sən, valideynlərinin təklif etdiyi xanımla ailə həyatı qurmalısan. - Valideynin arzusu ilə mənim ürəyimin istəyi üst-üstə düşməlidir. Sən heç bilirsən, onlar mənə necə qızlar təklif edirlər? Təklif olunan qızlar imkanlı şəxlərin övladları olsalar da, onlar tamamilə mənim zövqümə uyğun deyillər. İş ondadır ki, mənə təklif olunan qızları sən görəndə, qorxub qaçarsan. Düzdür, onların hamısı imkanlı ailələrdən çıxıblar. Birinin dodaqları silikonla şişirdilib, o birisinin ağzı qulaqlarına kimi elə dartılıb ki, sanki işgəncələrə məruz qalıb, digərinin sifəti dartılaraq eybəcər hala salınıb, başqasının gözləri kəsilərək açılır və üstəgəl yarpaq boyda süni kipriklər qoyulub. Bütün bunlara baxmayaraq, onlar o 24 qədər kosmetika sürtürlər ki, sifət quruluşu qorxunc şəkilə düşür. Mən başa düşə bilmirəm, nəyə görə cavan, gözəl qızlar özlərini belə eybəcər hala salırlar? İndi de görüm, mən elə bir qızlarla necə ailə həyatı qura bilərəm? Axı, mənim valideynlərim bilməlidirlər ki, həmin qızlar azər- baycanlı qadın simasından uzaq olan bir adamlardır. Elə bir qızlarla təməli möhkəm olan bir ailəni yaratmaq mümkün deyil. Gec-tez xasiyyətimiz tutmayacaq və həmin ailə dağılacaq. Məhz buna görə də mən nə özümü, nə də mənə gələn qızı bədbəxt etmək istəmirəm. - Elədirsə, sən bütün bunları valideynlərinə deməlisən. Onlar da hər şeyi nəzərə alıb, orta məxrəcə gəlməlidirlər. - Elə bilirsən, mən bu haqda onlarla söhbət etməmişəm? Dəfələrlə! Amma onlar qulaq asmaq belə istəmirlər. Mənim valideynlərimi yalnız bircə şey maraqlandırır, o da ki, pul. Qızlar imkanlı ailələrdən olduqları üçün atamla anam məni bədbəxt etmək istəyirlər. Atamın maliyyə vəziyyəti xeyli pisləşibdir. O, xəbərdar- lıq edir ki, imkanlı qız ilə ailə qurmaq mənim özümə xeyir- lidir. Gələcəkdə hər hansısa bir layihəni həyata keçirsəm, qızın ailəsi mənə köməklik göstərsin. Müxtəlif nazirliklərdə çalışan yüksək vəzifəli şəxslərin qızları da mənə təklif olunur və atam qətiyyətlə bildirir ki, bu mənim qayınatamın işlədiyi nazirlikdə yüksək vəzifəyə sahib olmağıma kömək Yüklə 1,78 Mb. Dostları ilə paylaş:
|