33
- Etikadan, əxlaqdan, mədəniyyətdən, tərbiyəvi məsələ-
lərdən başı çıxmayanlar açıq-aydın təhqirlərə keçir, ziyalı
təbəqəsi isə həmin yazıları alqışlayırlar. Bəzən mənə elə gə-
lir ki, mən Azərbaycanda yox, başqa bir ölkədə yaşayıram.
- Sağlam tənqid olsa, onda adekvat addımlar atmaq olar,
lakin təhqirlərə qarşı reaksiya versən, onda sən də onların
səviyyəsinə enmiş olacaqsan.
- Artıq birmənalı şəkildə bildirmək lazımdır ki, həmin
adamları, xüsusən də, mədəniyyəti olmayan, elementar
etika normalarından uzaq olan, şou-biznesə qatılanları pul
qudurtdurubdur. Camaat küçələrə düşüb özünə iş axtarır,
kimlər isə haram yollarla külli-miqdarda pul qazanır.
- Düz deyirsən, indiki zamanda halal pul ardınca gedən-
lər, min-bir əziyyətlə iş tapırlar. İş tapanda da, evlərinə az
miqdarda məvacib aparırlar. Mən elmlər namizədi olsam
da, iş yerindən qəpik-quruş alıram. Belə bir məvaciblə
ailəni saxlamaq olar? Mədinənin universitetdəki təhsil haq-
qını ödəmək üçün mən hər il müxtəlif banklardan kreditlər
götürürəm. Belə bir maddi sıxıntılıq nə vaxta qədər davam
edəcək? Elə götürək qardaşın Elşəni; o, pedaqoji universi-
tetdə oxuya-oxuya, təhsil haqqını ödəmək üçün imkanlı
şəxsin evində qarovulçuluq edir. Halbuki uşağa da aydındır
ki, Elşən təhsilini başa çatdırandan sonra pedaqoji fəaliy-
34
yətə başlayacaq və pedaqoqlara verilən maaşla o, nəinki
ailəsini, hətta özünü də dolandıra bilməyəcək.
- Ana, Elşən indi Zemfiranın bağındadır. O, şam
yeməyini yeyib, ya yox?
- Aparan olmayıbdır! – deyə Xədicə qətiyyətlə dilləndi
və ara vermədən mövzunu dəyişərək, ciddi halda sözünə
davam etdi. – Sənə yemək verəndə onun payını ayıraram.
- Yeməyə nə hazırlamısan? – deyə aclığını gizlədə
bilməyən oğul maraqlandı.
- Kartof qızartmışam. Təzə çörək almağa pulum çatmadı,
amma dünəndən qalan boyat çörəyimiz var.
- Yenə də kartof? – deyə Əliyusif məyus halda dilləndi.
- Yaxşıdır ki, evdə kartof var idi. Əks təqdirdə mən sizin
üçün, paketdə olan sup bişirəcəkdim.
- Qonşunun borcunu ödəsəydim, oradan heç olmasa, bir
toyuq alardım. Eybi yoxdur, iki gün də dözək, ondan sonra
evə ət də, toyuq da alaram. Şənbə günü baş redaktor mənə
pul verməlidir.
- Soğan, kərə yağı, düyü, quru çayımız da tükənibdir.
Soğan ilə quru çayı sən alarsan, qalan ərzaq mənim boynu-
ma. Dörd-beş günə göy-göyərtimiz də olacaq. Əkdiyim
şüyüt, keşniş, vəzəri, cəfəri artıq torpaqdan çıxıbdır.
35
Əli, hələ bu harasıdır? İşıq pulu üçün gəlmişdilər,
borcumuz 14 manatdır. Sabaha kimi pul ödənilməsə, onda
işığımızı kəsəcəklər.
- Çox güman ki, Məzahir bu gecə Elşənə maaş verəcək.
İnşaallah işıq pulunu sabah ödəyərik. – deyə müxbir ana-
sına təsəlli verdi, sonra bir qədər tərəddüd edərək, inamsız
halda dilləndi. - Belə yaşamaq olar? Kim isə pulunu havaya
sovurur, biz isə evə toyuq ala bilmirik. On gündən bir ət ala
bilsək, Allaha şükür edərik. Başa düşmürəm, Məzahir
həmin pulları necə qazanır?
- Məzahir müəllimin əti tökülsün, - deyə Xədicə hirslə
dilləndi. - qızı yaşda bir qadınla eyş-işrətlə məşğuldur.
- İndiki zamanda bir çox imkanlı adamlar belə bir çirkin
həyat tərzi sürürlər. Təki, həmin qadınlar, varidatının
yarısını onun yolunda xərcləyən adama sadiq olsunlar.
- Bu, onların problemidir. Yaxşı oğlum, aylar ötür, illər
keçir sən isə subaylığın daşını atmaq istəmirsən. Bir-iki il
də keçsə, sən 40 yaşına kimi evlənmək istəməyəcəksən.
- Ana, mənə elə gəlir, bu işdə tələsmək lazım deyil. Vaxt
gələcək, mən də evlənəcəm.
- Sənə dedim axı, bu məsələdə sən geciksən, onda 40
yaşına kimi subay qalacaqsan. Mən isə nəvə görmək istəyi-
rəm ki, təqaüdə çıxanda onların tərbiyəsi ilə məşğul olum.
36
- Bunun üçün mən kimi gəldi almalıyam? – deyə müxbir
anasına təəccüblə nəzər saldı. – İndiki zamanda buraya
gəlin gələcək qızın xasiyyətinə dərindən bələd olmasam,
evlənməyə dəyməz, çünki qısa zaman kəsiyində həmin
izdivac qırıla bilər. Mən isə istəmərəm ki, öz səhlənkarlğım
ucbatından ikinci dəfə ailə həyatı qurum.
- Guya, mən razıyam ki, sən yoldan keçən, tanımadığın
bir xanımı özünə həyat yoldaşı edəsən? Mənə ağıllı və
tərbiyəli, hər bir şeyə hörmətlə yanaşan bir gəlin lazımdır.
- Avropa mədəniyyətinin ardınca gedən bir cəmiyyətdə
mənim tələblərimə cavab verən bir qız tapmaq, həddindən
artıq müşkül bir işdir.
- Ailələrdə, xüsusən də, televiziya kanallarında bunu
müasirlik adlandıraraq, başlayırlar təbliğ etməyə. Məhz bu
səbəbdən bir çox gənclər həmin meyarlara uyğunlaşa
bilmədiyindən, başlayırlar boşanmağa. Hal-hazırda, yəni
ilbəil boşananların sayı astronomik surətdə artaraq, biabırçı
həddə çatır. Müasir həyata can atan qızlar ərə gedən kimi
istəyir ki, ayağının altında bahalı maşın, dəniz kənarında
bağ evi, şəhərin daxilində salınmış göydələnlərin birində
çoxmənzilli evi və rəngarəng geyim aksessuarları olsun.
- İsmətini qoruyan, həya-abırını güdən, böyüklərə
hörmətlə yanaşan bir qızı, yalnız damarında əsl ziyalı qanı
Dostları ilə paylaş: |