Ramiz Dəniz
Yüklə 3,47 Mb. Pdf görüntüsü
|
93 vurdu və silahını hazırlıqlı vəziyyətə gətirmək üçün geri çəkildi. Vəziyyəti belə görən Migel qılınclarını əlinə alaraq yamacın divarında gizləndi. Həmin yerdə aşağıdan yuxarı- ya kimi sarmaşıqlar bitirdi. Hücuma keçən aborigenlər onun yanından ötüb kapitangil ilə toqquşdular. Yamacın sol tərəfindən də təxminən on nəfərə yaxın araukan çıxaraq sahilə tərəf hücuma keçdilər. Çevik tərpənən konkistadorlar muşket və arbalyotlardan istifadə edərək elə ilkin toqquşma zamanı daha dörd düşməni sıradan çıxartdılar. Qraf Filipp hələ çayın ortasında olan zaman əsgərlərlə birlikdə yamacın üstünü nişan alaraq oradakı hədəfləri vurmağa başladı. Migel o dəqiqə başa duşdü ki, yamacın üstundə hindular var və onlar yuxarıda fəaliyyət göstərirlər. Çox güman ki, yuxarıda mövqe tutanlar ox atanlar idi. Migel sarmaşıqların arasından çıxanda gördü ki, Luis artıq beş-altı nəfərin yox, doqquz nəfərin əhatəsində döyu- şur və onlar demək olar ki, cavan zadəgandan beş-altı addım aralıda idilər. Migel nərə çəkərək pişik kimi onların üstünə şığıdı. Cavan zadəganın gözlənilməz hücumuna məruz qalan araukanlardan ikisi dərhal məhv edildi. Fürsətdən istifadə edən Luis, silahdaşının gözlənilməz hücumundan çaşqınlığa düşən düşmənin birini qılıncdan keçirdi. Belə olan halda araukanlar iki hissəyə bölünərək konkistadorların birləşməsinə maneəçilik törətdilər. Üç
94 nəfərə qarşı döyuşmək Migel üçün çətin deyildi. Elə ilkin toqquşma zamanı o, hücuma keçərək rəqiblərinə bir-birinin ardınca zərbələr endirməyə başladı. İş elə gətirdi ki, araukanın birinin əlindən silahı yerə düşdü və o, geri çəkil- məyə məcbur oldu. Migel isə hücumunu davam etdirərək, möhkəm zərbə ilə yaxında olan rəqibinin sağ əlini silah qarışıq biləyindən böldu. Elə oldu ki, qan duz Migelin üzünə sıçradı. Ağrıdan qeyri-insani səs çıxardan hindu sol əli ilə yaralı qolunu tutaraq döyuş meydanından uzaqlaşdı. Qan elə sıçramışdı ki, hətta Migelin sağ gözunə də dolmuş- du və o, hucumunu dayandırmalı oldu. Qarşısındakı düşmən isə qorxudan hətta hücuma keçmək istəmədi. Luisə qarşı döyüşən aborigenlər da geri çəkilməyə məcbur oldular. O, belə bir dönuşun olacağını gözləmirdi. Üstün- lüyü görən Luis cəld onların üzərinə hücum etmək istədi. Lakin Migel onun qolundan tutaraq mane oldu və bunu onunla izah etdi ki, divardan aralanan kimi yamacın üstündəki hindular çox asanlıqla onları ox ilə vuracaqlar.
95
VII fəsil. Araukanlar ciddi müqavimət göstərirlər
Çayın ortasında olan konkistadorlar hələ də yamacın üstündəki hədəfi ox ilə vururdular. Bundan əlavə on nəfərə yaxın atıcı çaya girib yoldaşlarına kömək əlini uzatmaq üçün o biri sahilə üz tutdular. Lakin sahili keçmək heç də asan deyildi. Bəzi adamlar özünü saxlaya bilməyib suya yıxılırdı. Buna baxmayaraq sahilin bu biri tayındakı və çayın ortasındakı atıcıların muşketləri böyük effekt verirdi. Atəşin altında tab gətirməyən araukanlar yavaş-yavaş geri çəkilməyə başladılar. Həmin ərəfədə qraf Filipp üç atıcı ilə artıq sahilə çıxmışdı. Hiss olunurdu ki, yamacın üstündəki araukanlar öz mövqelərini tərk etmişdilər. Artıq Migel ilə Luis üçün hücuma keçməyə əlverişli imkan yaranmışdı. Lakin Migel gördü ki, Luis arxadan ox ilə yaralanıb. O, yaralansa da hələlik ağrını hiss etmirdi. Hücuma hazırlaşan Migel üzünü ona tərəf tutaraq həyəcanla soruşdu: - Halın neçədir? Döyüşü davam etdirə bilərsən? - Arxadan atılan ox mənim kimi adamı dizləri üstə çökdürməlidir? - deyə Luis qeyri-müəyyən tərzdə dilləndi. - Mənim qolumdakı qüvvə hələ tükənməyib.
96 - Onda irəli! - deyə Migel qışqıraraq geri çəkilən hindulara arxadan hücum etdi. Elə çata-çatda Migel var qüvvəsi ilə arxadan rəqibinin başına qılınc ilə zərbə endirdi. Əvvəllər olduğu kimi bu dəfə də onun qurbanının başı tən ortadan yarıldı. Birinci qurban yerə yıxılmamış, həmin an cavan zadəgan ikinci qılıncını növbəti qurbanının böyrəyinə sancdı. Hindunun əynində köynək olmadığından yarasından çıxan qan fəvvarə kimi Migelin üstünə töküldü. Sanki aborigenlər iki tərəfdən mühasirəyə alınmışdılar. Həmin ərəfədə Luis də bir hindunu məhv etmişdi. Lakin araukanlar döyüşü dayan- dırmaq fikrində deyildilər. Onlar yamaca kimi geri çəkilə- rək konkistadorlara daha kəskin müqavimət göstərirdilər. Dörd nəfər hindu bu dəfə Migeli yamacın divarına tərəf sıxaraq, onu silahdaşlarından ayırmağa çalışdılar. Daha da cuşa gələn Migel bu döyüşə bütün bacarığını səfərbər etdi. Ona qarşı döyüşənlərin ikisi balta, o biri iki nəfər isə nizə ilə silahlanmışdı. Nizə ilə silahlananlar Migeli divara sıxışdırır, o biriləri balta ilə fasiləsiz zərbələr endirirdilər. Migel başa düşdü ki, qarşısındakı rəqiblər öz silahlarından çox bacarıqla istifadə edirlər. Onların döyüş təcrübəsi başqalarına nisbətən daha üstündür. Artıq bu ərəfədə daha üç atıcı sahilə çıxmışdı və onlar kapitan Xuanın başçılığı altında hücuma keçmişdilər. Qraf
Yüklə 3,47 Mb. Dostları ilə paylaş:
|