265
Musiqi. Opera. Balet
80
illiyi
OQTAY KAZIMOV
1932-2010
DEKABR
Oqtay Məmməd oğlu Kazımov 1932-
ci il dekabr ayının 27-də Astara şəhərində
anadan olub. Orta məktəbi Astarada
bitirən O. Kazımov A. Zeynallı adına orta
ixtisas musiqi məktəbinin Xor-dirijorluq
fakültəsinə daxil olur və burada Hacı
Xanməmmədovun sinfində təhsil alır.
Uşaqlıqdan musiqiyə meylli olan bəstəkar
musiqi məktəbində oxuyarkən, “Bəxtəvər
uşaqlar” adlı ilk mahnısını bəstələyir.
Musiqiyə olan məhəbbəti onu 1957-ci ildə
Üzeyir Hacıbəyov adına Konservatoriya-
ya gətirir. Burada Bəstəkarlıq fakültəsinə
daxil olub, Cövdət Hacıyevin sinfində
mükəmməl təhsil alır.
1966-67-ci illərdə Sumqayıt Musiqi
Texnikumunda müəllim, sonra isə dərs
hissə müdiri kimi fəaliyyət göstərmişdir.
Sumqayıtda çalışdığı illərdə o, “Ekspe-
riment” estrada orkestrini yaradır. Son-
ralar filarmoniyada musiqi redaktoru
vəzifəsində çalışır və həm də A. Zey-
nallı adına musiqi məktəbinin Xalq çal-
ğı alətləri fakültəsində dərs demişdir.
Bəstəkarın mahnıları uzun illər “Dan uldu-
zu” ansanblının repertuarında xüsusi yer
almışdır. Görkəmli bəstəkarın mahnılarını
R.Behbudov, Z.Xanlarova, Ş. Ələkbərova,
E.Axundov, F.Kərimova, Y.Rzazadə,
İ.Quliyeva, O. Ağayev, M. Bağırzadə və
digər korifey müğənnilər ifa etmişdilər.
Onun xalq çalğı alətləri üçün konsertləri,
Azərbaycanın Prezidenti H. Əliyevə həsr
etdiyi “Millətin oyaq gecəsi” vokal sim-
fonik poeması, “Qarabağ rapsodiyası”,
təntənəli üverturaları, 60-a qədər teatr
tamaşalarına bəstələdiyi musiqiləri (Aka-
demik Dram Teatrında səhnəyə qoyul-
muş “Büllur sarayda”, “Qılınc və qələm”,
“Fitnə”, “Ümid”, “Ədirnə fəthi” və s.),
Rus Dram Teatrında səhnələşdirilmiş
“Şeyx Sənan”, Kamera Teatrında səhnəyə
qoyulmuş “İtlər”, Musiqili Tamaşa Te-
atrında səhnələşdirilmiş “Qızıl toy”,
“Danabaş kəndinin əhvalatları”, “Dəli
dünya” operettaları dillər əzbəri olmuş,
müxtəlif səpgili mahnıları Azərbaycan
incəsənətinin məzmununa füsunkar töhfə
verməklə yanaşı tarixilik baxımından
əhəmiyyətliliyi ilə fərqlənmişdir.
Oqtay Kazımovun yaradıcılığı dövlət
tərəfindən yüksək qiymətləndirilmişdir.
1992-ci ildə Əməkdar incəsənət xadimi,
2006-cı ildə Azərbaycan Respublikası
Xalq artisti fəxri adı almış və Prezident
təqaüdünə layiq görülmüşdür.
Bütün ömrünü Azərbaycan musiqisi-
nin inkişafına həsr edən Xalq artisti 2010-
cu ilin avqust ayının 9-da 78 yaşında dün-
yasını dəyişdi.
Ə d ə b i y y a t
Süleymanova, R.
O.Kazıminin teatr musiqisi
[Mətn] : [Azərbaycan Res-
publikasının Əməkdar artisti
O. Kazıminin dram tama-
şalarına yazdığı musiqilər
haqqında] /Ruqiyyə Süley-
manova //Mədəni-maarif.-
2006.- №2.- S.51-54.
Агаев, А. До новых песен,
Октай Кязимов [Текст]
: [о композиторе] /Акиф
Агаев //Баку.- 1970.- 16
сентября.- С.3.
27
Bəstəkar
266
Musiqi.Opera.Balet
85
illiyi
NƏRİMAN MƏMMƏDOV
1927
DEKABR
Nəriman Həbib oğlu Məmmədov
1927-ci il dekabr ayının 28-də Naxçı-
van şəhərində anadan olmuşdur. Hələ
kiçik yaşlarından musiqi vurğunu olan
N. Məmmədov Asəf Zeynallı adına
Bakı Musiqi texnikumunun Xalq çalğı
alətləri və musiqi nəzəriyyəsi şöbəsini
bitirmişdir. Elə bu illər xalq çalğı
alətləri üçün “Süita”sını bəstələyir.
Süita görkəmli bəstəkar və dirijor Səid
Rüstəmovun rəhbərlik etdiyi Xalq
Çalğı Alətləri orkestrinin ifasında
səslənib. O, təhsilini davam etdirərək
Ü. Hacıbəyov adına Azərbaycan
Dövlət Konservatoriyasının tarix-
nəzəriyyə, sonralar isə bəstəkarlıq
şöbələrini uğurla bitirmişdir. Burada
C. Hacıyevdən dərs almışdır.
N. Məmmədov 7 simfoniyanın
müəllifi olmuşdur. Bunlardan 2-si
proqramlı əsərlərindəndir. 3-cü sim-
foniya orqan üçün yazılmış və Riqa-
da müvəffəqiyyətlə səslənmişdir. 4-cü
simfoniya Hüseyn Cavidə, 7-ci simfo-
niya Xocalı faciəsinə həsr olunmuşdur.
Onun 7 konsertindən 4-ü fortepiano ilə
simfonik orkestr, 7-ci konsert fleyta ilə
orkestr üçün yazılmışdır. Fortepiano
üçün yazdığı konsertlərin ikisi Moskva
radiosunun fondunda saxlanılır. Bun-
dan başqa N. Məmmədov muğamları
instrumental və vokal-instrumental
şəklində nota salmış və çap etdirmiş-
dir.
Nəşr olunan muğamları “Azər-
baycan muğamları Çahargah və Huma-
yun” (Bakı, 1962), “Azərbaycan mu-
ğamları Bayatı-Şiraz və Şur”(Moskva,
1962),
“Azərbaycan
muğamla-
rı Rast və Şahnaz” (Bakı, 1963),
“Azərbaycan muğamları Segah-zabul
və Rəhab” (Bakı, 1965), “Azərbaycan
muğamı Çahargah” (Moskva, 1970),
“Azərbaycan muğamı Rast” (Moskva,
1978) və s. olmuşdur.
Azərbaycan incəsənətində mühüm
yer tutan bəstəkar N. Məmmədov
Azərbaycanın Əməkdar incəsənət xa-
dimi (1982), Azərbaycanın Xalq artis-
ti (2005), Naxçıvan Muxtar Respub-
likasının Əməkdar incəsənət xadimi
(1974), professor (2006) fəxri adları
almışdır.
Bəstəkar ADMM-də, AMEA-
nın Mİİ-da çalışmışdır. O, BMA-nın
Azərbaycan xalq musiqisinin tarixi və
nəzəriyyəsi kafedrasında çalışır.
Ə d ə b i y y a t
Muğamın nota salınması
tarixindən [Mətn] /Nəriman
Məmmədov //Vəfa.- 2004.-
№ 4.- S.9-14.
Bakıxanov, T. İstedad-
lı bəstəkar, qayğıkeş
müəllim [Mətn] : Nəriman
Məmmədov – 75 /Tofik Bakı-
xanov // Respublika.- 2003.-
14 yanvar.- S.5.
Керимов, С. Творческий
поиск, творческая
зрелость [Текст] : [о
композитора Наримана
Мамедова] / С. Керимов //
Баку.- 1984.- 10 апреля.-
С.3.
Садых-заде, Г. Памят
бережет историю
[Текст] / Н. Мамедова
“Умай” по мотивам
“Комсомольской” поемы
С. Вургуна] /Г.Садых-заде
//Советская культура.-
1982.- 27 августа.- С.4.
28
Bəstəkar