71
Tarixdə bu gün
BEYNƏLXALQ QADINLAR GÜNÜ
1910
MART
8 Mart Beynəlxalq Qadınlar Günü –
iqtisadi-ictimai və siyasi bərabərlik uğ-
runda mübarizədə qadınların Beynəlxalq
Həmrəylik günüdür. Beynəlxalq qadınlar
gününün bayram edilməsi Klara Setkinin
təklifi ilə 1910-cu ildə sosialist qadınla-
rın 2-ci Beynəlxalq Konfransında qərara
alınmışdır. İlk dəfə 1911-ci ildə Alma-
niya, Avstriya, İsveç və Danimarkada
keçirilmişdir. Rusiyada 1913-cü ildən,
Azərbaycanda isə 1917-ci ildən qeyd edil-
mişdi. 1914-cü ilədək Beynəlxalq qadınlar
günü martın müxtəlif günlərində keçirilir-
di. Beynəlxalq qadınlar gününün 8 martda
keçirilməsi Avstriya, Macarıstan, Alma-
niya, Niderland, Rusiya, ABŞ, İsveçrə və
s. ölkə qadınlarının öz həmrəylik günü-
nü məhz bu tarixdə qeyd edəndən sonra
ənənə halını aldı.
Türk etnoslarında, Azərbaycanda –
Oğuz ellərində qadın, ana müqəddəs sayıl-
mış, ona böyük ehtiram göstərilmişdir. Ana
haqqı tanrı haqqına bərabər tutulmuşdur.
Uzaq səfərdən yurda dönən oğul əvvəlcə
anasına təzim edib görüşməli, sonra isə
atasına yaxınlaşmalı idi. Azərbaycan qadı-
nı qəhrəmanlıq göstərmiş, hökmranlıq et-
miş, diplomat kimi fəaliyyət göstərmişdir.
Massaget hökmdarı Tomris torpaqlarımıza
qəsbkar yürüş etmiş Əhəməni hökmdarı II
Kiri məğlub etmişdir. Eradan əvvəl 65-66-
cı illərdə Azərbaycana hücum etmiş ro-
malılar döyüşdə həlak olanların içərisində
cəngavər geyimi olan çoxlu qadın meyiti
görərək heyrətə gəlmişdilər. Ağqoyunlu
hökmdarı Uzun Həsənin anası Sara xatın
qonşu dövlətlərin hökmdarı ilə danışıqlar
aparmış, siyasət və diplomatiya meydanın-
da onlara qalib gəlmişdir. İgid Tuti Bikə
Dərbəndi hiylə ilə tutmaq istəyən qardaşı-
nın kələyinə inanmamış, şəhəri mərdliklə
müdafiə edərək əri Fətəli xana sadiq qal-
mışdır. Bu gün Azərbaycanın birinci xa-
nımı, Heydər Əliyev fondunun prezidenti,
YUNESKO-nun xoşməramlı səfiri Meh-
riban xanım Əliyeva beynəlxalq miqyaslı
ictimai-siyasi xadim, təhsil və mədəniyyət
təəssübkeşi kimi fəaliyyət göstərir.
İkinci Dünya müharibəsindən son-
ra gender hüquqları problemi (cinslərin
bərabərliyi) aktual əhəmiyyət kəsb etdi.
Qadınların kişilərlə hüquq bərabərliyi
BMT-nin nizamnaməsində təsbit olun-
maqla beynəlxalq hüquqi normaya çev-
rildi. BMT-nin Baş Məclisi 1979-cu ildə
“Qadın Konvensiyası” adlı sənədi qəbul
etdi. Azərbaycan 1995-ci ildə bu sənədi
ratifikasiya etdi.
Azərbaycan qadını azadlıq əldə
etdikdən sonra sürətlə özü də inkişaf et-
miş və cəmiyyətin də inkişaf etməsinin
səbəbkarı, fəal iştirakçısı olmuşdur. Ona
görə də bu gün müstəqil Azərbaycan qa-
dınlarının problemi ondan ibarətdir ki,
onlara daha çox qayğı göstərilsin və onla-
rın qüvvəsindən daha da səmərəli istifadə
etmək mümkün olsun.
Tarixi sınaqlardan alnıaçıq, üzüağ çı-
xan Azərbaycan qadını bu gün müstəqil
respublikamızda demokratik cəmiyyətin
aparıcı üzvü kimi çıxış edir.
Bu gün Azərbaycan qadını doğma
torpaqlarımızın bir qisminin işğal altın-
da olduğu indiki dövrdə gəncləri vətənə
sədaqət ruhunda tərbiyə edərək, onla-
rı xalqa, cəmiyyətə layiqli övlad kimi
yetişdirmək sahəsində üzərinə düşən ağır
işi şərəflə yerinə yetirir.
Ə d ə b i y y a t
Adın şərəflidir sənin ey qa-
dın [Mətn]: (8 Mart qadın-
lar bayramı münasibətilə) //
Xalq qəzeti.-2006.-8 mart.-
S.3.
Bayramova, X. Azərbaycan
qadını ağlı və zəkasıyla
xalqımızı həmişə ucaldıb
[Mətn] /X.Bayramova //
Xalq qəzeti.-2006.-8 mart
.-S.3.
Əliyev, İ. Beynəlxalq Qa-
dınlar günü münasibətilə
Azərbaycan qadınlarına
təbrik [Mətn] /İ.Əliyev //
Azərbaycan.-2006.- 8 mart.-
S.1.
Торжественная
церемония во дворце
“Республика”
посвященная
Международному
женскому дню – 8 Марта
[Текст] //Бакинский
рабочий.-2001.-10 марта
.- С.1-2.
8