Redaktor: Nuranə Axundzadə
Yüklə 225,89 Kb. Pdf görüntüsü
|
- Film Fiction, 17 - 9 məşqlər edir. Bütün ay ərzində aktyor filmin ssenarisinin əsaslandığı komiksləri öyrənir, obrazının əsas cəhətlərini qeyd etdiyi gündəlik tutur. O, panika yaradan gülüş fikirləşir. Aktyorun öz dediyinə görə, rolu “böyük əzab-əziyyətlə” ərsəyə gətirib. Nəticədə isə çox parlaq obraz yaranır; mərhəmət və qorxu bilməyən manyak-qatil. Joker üçün sərhəd yox idi, o istədiyi hər şeyi edə bilərdi. Müsahibələrində Heath deyirdi; “Pislik hər insanda var. Özünü buna hazırlamaq adi şeylərə fokuslanmaq kimidir, məsələn çiy əti necə yediyini və onu sənin ağzınla, gözlərinlə nə etdiyini fikirləşmək kimi. Bunlar adi, kiçik obrazlardır, amma səni bir anda dəli edərək pisliyi hiss etdirə bilərlər” . “SOSİOPAT VƏ MUSİQİÇİ” Nolan, Ledger-ə hərəkətlərində tam azadlıq verdi, o, Joker obrazını istədiyi kimi başdan qura, hətta lazım gəldiyində ssenariyə də dəyişiklik edə bilərdi. Və yanılmadı da. Çox cəlbedici obraz alındı. Səs intonasiyalarını Heath yenə də Nicholson-dan götürdü. Joker-in davranışlarını isə iki qəhrəmandan aldı; kino obrazı – Malcolm Mcdowell-in “A clockwork orange” filmində mükəmməl yaratdığı sosiapat-qatil Alex-dən və real obraz – “Sex pristols” qrupunun pank-rokeri, 21 yaşında artıq dozada narkotik qəbulundan ölmüş Sid Vicious-dan. Bütün bu hərəkətlərə Ledger yeriyərkən səntirləməyi və bəzi xüsusi jestləri əlavə etdi. Nəticədə onun Joker-i 2009-cu ildə “Empire” jurnalının versiyasına görə, “100 ən böyük kinoqəhrəman” siyahısında 3-cü yeri tutdu. “KLOUN DƏHŞƏTİ” Yeni Jokerin xarici görünüşünü məşhur hollivud qrim ustası John Caglione Jr. yaratdı. Aktyorun çənəsinə və yanaqlarına qorxunc çapıqları yamsılayan taxma silikonlar qoyurlar. Dodaq boyası və başqa vasitələrin köməyilə silikonlara qrim çəkilir və bu da dartılmış ağız effektini verir. Belə acı gülüşü klounun ağardılmış üzü daha da önə çəkir. Heath-ın üzünə ağ, gözlərinin altına isə qara boya çəkilir. Son ştrix olaraq da boyanmış üzə su çilənirdi, qrimin, boyaların axması, yayılması üçün. Və psixopat obrazı hazır idi. Jokerin kostyumu, yəni çirkli, bənövşəyi pencək və geyimin tonunda parçadan əlcəklər, öz əsərlərində varlığın faciəsini təsvir edən ekspressionist-rəssam Francis Bacon-un əsərlərindən təsirlənərək yaradılmışdı. Filmdə rol almış məşhur britaniyalı aktyor Michael Ceine isə Ledgerin yaratdığı Joker haqda belə deyirdi: “Jack Nickolson ən yaxşı Joker idi və nə vaxtsa kiminsə onu ötüb keçəcəyi kimin ağlına gələ bilərdi ki? Və budur, Heath bunu etdi, o, fövqəladə bir şey yaratdı. O, Jack-dan tamamilə fərqli istiqamətdə getdi. Jack daha çox kloun idi, o, gülməli idi, sizi güldürə bilərdi. Heath isə real təhlükəli psixopat idi. Bizim onunla bir səhnəmiz vardı, o, liftlə gəlməli və basqın etməli idi. Mən onu məşqlərdə görməmişdim və o, liftdə peydə olanda elə inanılmaz idi ki, mən mətnimin sözlərini unutdum. Məni ölümcül qorxutdu” . “SON SÖZ” Heath o qədər obrazın içinə hopur ki, filmin təqdimatından sonra aktyorda psixi pozğunluqların yaranması barədə xəbərlər yayılır. Öz müsahibəsində çəkilişlərdən sonra sutkada cəmi 2 saat yata bildiyini deməsiylə Heath özü bu şayiələri gücləndirir. Məhz buna görə də aktyorun pərəstişkarları 2008-ci ilin 22 yanvarında onunla baş verənləri birbaşa Joker roluyla əlaqələndirirlər. Lakin çəkiliş meydançasında
- Film Fiction, 17 - 10 Let’s put a smile on that face! - Film Fiction, 17 - 11 aktyorla birgə işləyənlər bunun əksini deyirdilər. Məsələn, Ledgerin “The Imaginarium of Doctor Parnassus” filmindəki partnyoru Christopher Plummer onun çəkilişlər zamanı daim şən, söhbətcil olduğunu, onlarla sevimli serialını və qızı Matildanı müzakirə etdiyini deyirdi. Eynilə Christopher Nolan da Ledgerin çəkilişlərdə skate sürdüyünü və hər şeyin normal olduğunu deyirdi və bunları “The Dark Knight”ın Batman-ı Christian Bale də təsdiqləyərək bildirmişdi ki, Ledgerin ölümünə onun Jokeri oynamasının təsiri olduğu fikrini “absurd və axmaq” sayır. Nə olursa olsun, Joker Heath Ledgerin sonuncu bitmiş işi olaraq qalır, üstündən 1 il və 1 ay keçəndən sonra aktyora “ən yaxşı ikinci plan aktyoru” nominasiyasında Oscar qazandırır. YARIMÇIQ QALAN “THE IMAGINARIUM OF DOCTOR PARNASSUS” ... Ledgerin sonuncu rolu da eynilə öz yerini arxivlərdə möhkəmlədə bilərdi; aktyorun ölümünə qədər rejissor Terry Gilliam onun iştirakıyla materialın sadəcə yarısını çəkə bilmişdi. Bu kadrlar filmin tam montajı üçün kifayət etmirdi, lakin çəkiliş qrupu çıxış yolunu tapır. Belə ki, süjetə edilən dəyişikliyə görə, Heath-ın qəhrəmanı Tony, Doctor Parnassus-un sehirli güzgüsündən keçərək xarici görkəmini tamamilə dəyişir. Nəticədə Heath-ın əvəzinə bu rolu Johnny Depp, Colin Farrell və Jude Law oynamışlar. 22 yanvar 2008-ci ildə aktyorun cəsədini onun xadiməsi aşkarlayır. Ledgeri öz yataq otağında, çarpayının yanında, heç bir həyat əlaməti olmadan aşkar etmişdilər, çarpayıya bitişik kiçik masada isə müxtəlif preparatlar vardı. İstintaqı aparanlar o dəqiqə işgəncə ilə öldürmə versiyasını rədd edirlər; otaqda savaş, mübarizə izi olmur. İntihar ilə bağlı versiyalar da öz təsdiqini tapmır. Mənzildə tapılan bütün preparatlar həkim reseptilə aktyorun istifadə etdikləri dərmanlar idi. İşin sonunda ekspertlər Ledgerin ölümünün bədbəxt hadisə olması qənaətinə gəlirlər. Heath Ledgerin ölüm səbəbi istifadə etdiyi ağrıkəsici maddələrin, yuxu həblərinin və antidepressantların istifadə dozasının aşırı olması olur. Heath Ledger öz doğma şəhəri olan Pertdə dəfn olunur. Dəfn mərasimi 9 fevral 2008-ci ildə keçirilir.
Yüklə 225,89 Kb. Dostları ilə paylaş:
|