TA‟LIM SIFATI MONITORINGINI TASHKIL
ETISH VA
O‟TKAZISHDA XALQARO PISA BAHOLASH DASTURIDAN
FOYDALANISH
Reja :
1. PISA tadqiqotlari haqida umumiy ma'lumotlar
2. PISA tadqiqotining o‘ziga xos xususiyatlari
3. PISA dasturining o‘ziga xosligi
4.PISAni boshqarish
5.Qaysi tashkilot yoki jamoalar PISA ortida turadilar?
6.Tadqiqotni o‘tkazish jarayoni
Bugun mamlakatimizda ta'lim sifatini baholashda yangicha
monitoring tizimini xalqaro baholash dasturlari yordamida aniqlash va
qiyoslashga asoslangan tizim shakllanmoqda. Ta'lim
sifatini baholash
bo„yicha xalqaro tajribalarni o„rganish, mavjud tizim bilan qiyosiy va
har tomonlama
tahlil qilish, tegishli yo„nalishdagi xalqaro va xorijiy
tashkilotlar, agentliklar, ilmiy-tadqiqot
muassasalari bilan yaqindan
hamkorlik qilish, ta'lim sifatini baholash bo„yicha xalqaro loyihalarni
joriy qilish, zamon talablariga javob beradigan munosib milliy baholash
tizimini takomillashtirish muhim sanaladi.
Xalq ta'limi tizimidagi muammolardan biri o„quvchilar bilimini
baholash tizimi yo„qligidir. Shu bois ta'lim sifatini aniqlash uchun bir
necha tashqi manbalar ma'lumoti o„rganilib, xalqaro tajribalar
amaliyotga joriy etilgan holda shaffof hamda ob'ektiv baholash
mezonlari yaratilmoqda.
Shuni ta'kidlash lozimki Avstraliya ta'lim tadqiqotlari kengashi
PISA uchun yangi mamlakatlar, shu jumladan O„zbekiston uchun
qo„shimcha metodik va konsul'tativ ko„mak berish, PISA tadqiqotlarini
amalga oshirishni qo„llab-quvvatlash, so„rovlarni amalga oshirish,
imkoniyatlarni tahlil qilish, salohiyatni oshirish va loyihani amalga
oshirish rejalari, milliy loyihalarni ishlab chiqish va amalga oshirishda
ko„maklashish, milliy sifat nazorati va dasturlarini qo„llab-quvvatlash
maqsadida IHTT tomonidan biriktirildi hamda ushbu tashkilot bilan
hamkorlik aloqalari yo„lga qo„yildi.
PISA 2021 tadqiqotlarini tashkil
etishga oid faoliyat doiralari,
baholash instrumentlari, o„quvchilarni yetkazib berish tizimining
integral dizayni, namunalar olish, tarjima va lingvistik sifatni ta'minlash,
savolnomalarni moslashtirish, so„rovnomalar o„tkazish, ochiq-oydin
javoblarni
kodlashtirish, ma'lumotlarni boshqarish umuman olganda
2019 yilda sinov materiallari ishlab chiqildi, 2020yil sinov
materiallarini moslashtirish ishlari olib boriladi,
unga tayyorgarlik
holatini tahlil qilish maqsadida milliy darajada baholashlar, 2020 yil
PISA sinov baholashlari va 2021 yilda asosiy baholash tadqiqotlari
bo„lib o„tishi belgilangan. Mazkur yillardagi olingan tahlillar natijalari
2022 yilda yakunlanadi va xalqaro hisobotlar tayyorlanadi.
Umumiy o„rta ta'lim maktablari xalqaro tadqiqotlarga tayyorgarlik
darajasini o„rganish va amaliy tavsiyalar berish maqsadida,
Malaka
oshirish instituti tomonidan 2020 yil davomida xalqaro tadqiqotlarga
mos, o„quvchilarning ijodiy fikrlash salohiyatlarini aniqlashga qaratilgan
sinov materiallari bazasini shakllantirilmoqda va Respublikamiz
hududlaridagi
maktablarda
tayyorgarlik
sinovlarini
o„tkazish
rejalashtirilmoqda. Mazkur sinovlar kamchiliklarimizni tahlil qilish va
ularni yaxshilash bo„yicha taklif va tavsiyalar ishlab chiqish imkonini
berdi.
PISA tadqiqotlarining grafigiga binoan, sinov bosqichi 2020 yilda
mart-iyun' oylarida 6 hafta yoki 42 kalendar' kuni oralig„ida o„tkazilishi
belgilangan bo„lib, unda Milliy markaz
xalqaro pudratchilar bilan
hamkorlikda 28 ta maktablardan 71-72 nafardan jami kamida 1992 nafar
o„quvchilar tasodifiy tanlanib, tadqiqotlarga qamrab olinishi
rejalashtirilgan edi.