6-MAVZU: MOLEKULYAR MARKERLAR
Reja:
1. Molekulyar markerlar va ularning amaliyotlarda qo‘llanishi
2. Restriksion fragmentlarning uzunligi polimorfizmi (RFLP) markerlari
3. Oddiy takrorlanuvchi ketma-ketliklar (SSR) DNK markerlari sifatida
4. DNKning tasodifiy amlifikasiyasi polimorfizmi (RAPD)
5. Amplifikasiyalangan fragmentlar uzunligi plimorfizmi (AFLP)
6. DNK restriksiya fragmentlari polimorfizmi (CAPS va dCAPS)
Molekulyar markerlar?
• Molekulyar markerlar – irsiyatning standart qonunlari asosida bir avloddan
keyingi avlodga ko‘chib o‘tadigan, genomning spesifik regionlarini belgilovchi
aniq DNK ketma- ketliklari demakdir
• Ularning mavjudligi zamonaviy DNK texnologiyalari asosida aniqlanadi
va bu biron bir belgi bilan assosiasiyalangan (bog‘langan) genlar mavjudligidan
dalolat beradi.
Molekulyar markerlar va ularning amaliyotlarda qo‘llanishi. Molekulyar
markerlarning rivojlanishi uchun samaradorlik, natijalarning takrorlanishi va sarf
harajatlarning qisqarishi asosiy stimul bo‘ldi. Barcha molekulyar markerlar, ishlab
chiqarish va aniqlash usuliga qarab uchta asosiy guruxga bo‘linadi: 1) past
ko‘rsatkichli (RFLP kabi duragaylashga asoslangan) markerlar; 2) o‘rtacha
samaradorlikka ega markerlar, tasodifiy amplifikasiyalangan DNK polimorfizmi
(RAPD), amplifikasiyalangan fragment uzunligi polimorfizmi (AFLP) va
mikrosatellit (SSR) markerlarni o‘z ichiga olgan; 3) yuqori samarali (DNK
sekvenirlanishiga asoslangan yagona nukleotid polimorfizmi (SNP)) markerlari.
Sohada molekulyar markerlardan RFLP (ingl. Restriction Fragment Length
Polymorphism – restriksiyalangan fragment uzunligi polimorfizmi), PZR ga
asoslangan DNK markerlari xususan, AFLP (ingl. Amplified Fragment Length
Polymorphism – amplifikasiyalangan fragment uzunligi polimorfizmi), RAPD
(ingl. Random amplified polymorphic DNA - tasodifiy amplifikasiyalangan DNK
polimorfizmi), SSR (ingl. Simple Sequence Repeat – takrorlanuvchi oddiy ketma-
ketliklar), STS va EST-SSR kabi xilma-xil DNK markerlari va SNP markerlari
keng qo‘llaniladi.
Molekulyar markerlarning rivojlanishi uchun samaradorlik, natijalarning
takrorlanishi va sarf harajatlarning qisqarishi asosiy stimul bo‘ldi. Barcha
molekulyar markerlar, ishlab chiqarish va aniqlash usuliga qarab uchta asosiy
guruxga bo‘linadi:
1) past ko‘rsatkichli (RFLP kabi duragaylashga asoslangan) markerlar;
2) o‘rtacha samaradorlikka ega markerlar, tasodifiy amplifikasiyalangan
DNK polimorfizmi (RAPD), amplifikasiyalangan fragment uzunligi polimorfizmi
(AFLP) va mikrosatellit (SSR) markerlarni o‘z ichiga olgan;
3) yuqori samarali (DNK sekvenirlanishiga asoslangan yagona nukleotid
polimorfizmi (SNP)) markerlari. RAPD, AFLP va SSR markerlari tadqiqotchilar
tomonidan turli xil o‘simlik turlarida ishlatiladigan DNK markerlarining asosiy
turlari hisoblanadi. RAPD markerlari bir vaqtning o‘zida genomning turli
hududlaridagi polimorfik lokuslarni aniqlashning imkonini beradi. RAPD
markerlarida, DNK fragmentlari tasodifiy praymerlardan (odatda 10 nj) foydalanib
PZR reaksiyasi orqali amplifikasiyalanadi. Polimorfizm genom ketma-ketligidagi
o‘zgarishlar tufayli yuzaga keladi. RAPD markerlar tizimi qo‘llanilishi juda oson,
sekvens ma'lumotlari zarur emas va DNK juda kam miqdorda talab etiladi hamda
avtomatlashishga to‘liq javob beradi. Biroq, ushbu usul past takrorlanuvchanlikka
ega. RAPD markerlaridan g‘o‘zada ko‘plab maqsadlar uchun foydalanilgan
xususan, xilma-xillikni baholash, genom kartalashtirish, filogenetik tadqiqotlar,
populyasiyada genetik o‘zgaruvchanlik, DNK asosida molekulyar pasport yaratish
hamda tur ichi va turlar aro genotiplar o‘rtasidagi qarindoshlikni aniqlash.
G‘o‘zada RAPD dan oqqanot, shira va kanalarga chidamli navlarni farqlab olish
uchun foydalanilgan.
G‘o‘zada erkak sterilligi geni uchun RAPD markeri (R6592) aniqlangan.
RAPD usuli g‘o‘za genotiplari o‘rtasidagi genetik aloqalarni baholashda, g‘o‘zada
birikish kartasini tuzish va stomatal (ustisa) o‘tkazuvchanlik QTL larini
identifikasiya qilishda foydalanilgan. AFLP markerlari yuqori darajada
takrorlanuvchanlik va yuqori sezuvchanligi bois kam o‘rganilgan yoki umuman
o‘rganilmagan genomlarga ega to‘qimalarning molekulyar genetikasini
o‘rganishda keng qo‘llaniladi.
Bu usul RFLP ning ishonchliligi va RAPD ning qulayligi bilan
uyg‘unlashtirilgan usul hisoblanadi. Jarayon oddiy uch bosqichni o‘z ichiga oladi:
1) genom DNKni kesish va oligonuleotid adapterni ulash;
2) restriksiya fragmentlarining oldindan va selektiv amplifikasiyasi;
3) amplifikasiyalangan fragmentning gel' elektroforez tahlili.
Polimorf fragmentlar gelda namoyon bo‘lishi yoki bo‘masligining
aniqlanishi bilan AFLP ni dominant marker tizimiga aylantiradi. Ushbu usul
avtomatlasha oladi va bir vaqtning o‘zida har bir tajriba bo‘yicha ko‘plab genetik
lokuslarni tahlil qilish imkonini beradi. AFLP har bir praymer uchun RFLP, SSR
yoki RAPD markerlariga qaraganda ko‘proq polimorf lokuslarni hosil qiladi.
AFLP genetik xilma-xillikni tadqiq etish, molekulyar pasportlash tadqiqotlari
hamda agronomik muhim, chigit va tola sifat belgilarini markerlashda samarali
vositadir. AFLP genom bo‘ylab tasodifiy va juda ko‘p tarqalganligi tufayli genlarni
kartalashtirish tadqiqotlarida katta ahamiyatga ega bo‘lgan uslub hisoblanadi.
AFLP va RAPD markerlaridan foydalanib, g‘o‘zaning birikkanlik kartasi
yaratilgan. AFLP markerlari shuningdek, g‘o‘zaning genetik xilma-xilligini
o‘rganish va g‘o‘za genetik kartasini boyitish uchun ishlatilgan. AFLP
markerlaridan tashqari g‘o‘za genomini tadqiq etishda SSR markerlaridan ham
keng foydalanilmoqda.
XXI asrga kelib SSR markerlari “Eng ommabop markerlar” ga aylandi. SSR
markerlari o‘ta takrorlanuvchan, yuqori darajada polimorf, RAPD va AFLP dan
farqli ravishda avtomatlashadi hamda aksariyat hollarda anonim markerlar
hisoblanmaydi. Bugungi kunda SSR markerlari molekulyar genetika va
seleksiyaning barcha sohalariga kirib keldi. Biroq, oxirgi paytlarda SNP
markerlarining sohaga kirib kelishi bilan, SSR markerlarining hukmronligi nihoyat
buzildi. Genomning har ikkala kodlaydigan va kodlamaydigan xududlarida juda
ko‘p tarqalgan nukleotidlarning ikki, uch, to‘rt yoki beshta tasodifiy takrorlari
mavjud.
Mikrosatellit markerlar genomning qisqa takrorlanuvchi DNK ketma-ketligi
asosida yaratilgan. Ushbu markerlarning lokuslari turlar bo‘yicha yuqori darajada,
taxminan 50% o‘tkazilishi mumkin. Qisqa takrorlanuvchan DNK ketma-ketliklari
ko‘p alleli, ko- dominant PZRga asoslangan molekulyar markerlar uchun asos
yaratadi va boshqa DNK markerlariga taqqoslaganda yuqori polimorf hisoblanadi.
SSR markerlari o‘zlarining yuqori polimorfizmi tufayli molekulyar pasportlash,
genetik xilma-xillikning tahlili, molekulyar kartalashtirish va markerlarga
asoslangan seleksiyada juda muhim markerlar tizimi hisoblanadi. G‘o‘za
tadqiqotchilari takrorlanuvchi oddiy ketma-ketliklar (SSR)dan polimorfik va
xilma-xillik tahlillari, genetik kartalashtirish va assosiativ kartalashtirish
tadqiqotlarida foydalanishdi.
Bundan tashqari, SSR markerlaridan foydalanib g‘o‘zada qimmatli xo‘jalik
belgilariga genetik bog‘langan DNK markerlarini identifikasiya qilishda olimlar
tomonidan ko‘plab tadqiqotlar olib borilgan. Jumladan, Chengqi Li boshchiligidagi
bir gurux xitoy olimlari AQShlik hamkasblari bilan hamkorlikda g‘o‘zada
hosilning erta pishishiga javobgar bo‘lgan 54 ta QTL aniqlashdi hamda MAS
dasturida foydalanish uchun taqdim etishdi. Yana bir gurux xitoy olimlari Hantao
Wang va boshqalar tomonidan g‘o‘zaning SSD usulida yaratilgan 178 ta
rekombinant inbred liniyalari (RIL) yaratilab, ularda 644 polimorf lokuslardan
foydalanib genetik karta tuzildi. RILlar 8 ta turli muhitlarda fenotiplanib, 134 ta
QTL identifikasiya qilishdi. Tadqiqot natijasida shulardan 64 tasi tola sifatiga va
qolgan 70 tasi hosildorlikka aloqador QTL lar ekanligi aniqlandi.
Yagona nukleotid polimorfizmi (SNP) markerlarining tadqiqotlarda
fodalanilishi SSR markerlarining hukmronligiga yakun yasadi. Dastlab, inson
genomini tadqiq qilish jarayonida ishlab chiqilgan SNP markerlar tizimi o‘zining
universalligini namoyon etdi va bir turdagi individlar orasida genetik
o‘zgarishlarning eng keng tarqalgan shakli ekanligini isbotladi. Biallel' tabiatga ega
SNP markerlarining polimorfizm xususiyati SSR markerlarinikiga nisbatan
pastroqdir. Shunday bo‘lsada, SNP hududlari genomda ko‘p uchrashi va keng
tarqalganligi bois ushbu marker tizimining samaradorligi yuqori bo‘lib, asosiy
qulaylik tomoni yuqori darajada avtomatlashtirilganligidadir. Shu sababli ham
hozirgi kunda SNP markerlari, o‘simliklar molekulyar genetikasi va seleksiyasida
keng qo‘llanilmoqda. SNP markerlarining asosiy afzalliklari ularning
moslashuvchanligi, tezligi va iqtisodiy samaradorligi bilan birga ma'lumotlarni
boshqarishning qulayligi bilan bog‘liq.
Individual genomdagi yagona nukleotid farqlari (A, T, G va S) yagona
nukleotid
polimorfizmi
yoki
SNPlar
deb
yuritiladi.
Bu,
genomning
kodlamaydigan, kodlaydigan va genlar aro hududlarida bo‘lishi mumkin, shu
sababli nukleotidlar ketma-ketligidagi o‘zgarishlarga qarab genlarni aniqlashga
imkon beradi. SNP markerlari birikkanlikni kartalashtirish, kartaga asoslangan
klonlash va markerlarga asoslangan seleksiya uchun o‘zlarining yuqori darajadagi
polimorfizmi tufayli juda muhim vositaga aylandi. SNP larning ko-dominant
tabiati ushbu markerlarni allellarning gomozigota va geterozigota xolatini farqlash
imkoniyatini yuzaga chiqardi.
G‘o‘zada, Gossypium genomining nukleotid ketma-ketliklaridagi SNP
larning xilma-xilligini kuzatish, tavsiflash va kartalashtirish bo‘yicha ko‘plab
tadqiqotlar o‘tkazilgan. Halqaro hamkorlikda Illumina Infinium genotiplash tahlili
platformasi asosida 70 ming SNP chip ishlab chiqildi. Bu kabi yuqori samarali
platformalar seleksionerlar, genetiklar va boshqa tadqiqotchilar uchun g‘o‘za
genomni sekvenirlash tahlillarida, genetik va seleksion dasturlarda qimmatli manba
bo‘ladi. Barcha turdagi DNK markerlarini ishlab chiqish odatda ikki bosqichdan,
ya'ni markerlarni aniqlash hamda ularning ishonchliligini tekshirishdan iborat.
Agar DNK markerlari biron-bir belgiga birikkanligi tasdiqlansa, ular
qimmatli markerlar hisoblanadi. Bunday markerlar molekulyar genetika va
o‘simliklar seleksiyasining turli yo‘nalishlarida xususan, miqdoriy belgilar
gen/lokuslarini (QTL) kartalashtirish, noteng birikkanlik (ingl. Linkage
Dissiquilibrium - LD) asosidagi assosiativ kartalashtirish (AK), gen/QTL larni
klonlash, germoplazma xususiyatlarini baholash, genetik diagnostika, belgilarni
markerlarga asoslangan seleksiya (MAS) usuli orqali introgressiya qilishda
foydalanilishi mumkin. Tadqiqotchilar yuqorida ta'kidlab o‘tilgan markerlardan
foydalanishlari uchun, ularning rekombinasiyaga asoslangan genetik birikkanlik
kartalarini yaratish orqali xromosomalardagi joylashish tartibi aniq bo‘lishi lozim.
7- MAVZU: GENOMNING DNK DARAJASIDAGI TAHLILI
Reja
1. Genom DNK sini ajratish
2. Polimeraza zanjir reaksiyasi
3. Gel-elektroforez metodi
DNKni to‘qimalardan ajratish uchun hujayra organoidlari va
membranalarining bo‘laklari sentrifugalash uslubi yordamida homogenatdan
olinadi. DNKni to‘qimalardan ajratish jarayonida u parchalanadi. Olingan DNK
molekulalari dastlabki molekulalarga qaraganda ancha kichik, ammo ular yuqori
molukulyar massaga ega bo‘ladi. Bunday molekulalar tadqiqot uchun qulay emas
va ular yana parchalanishi kerak. Parchalanish uchun bakteriyalardan ajratilgan
restrikataza fermentlari ishlatiladi.
Genomning DNK darajasidagi tahlili 3 bosqichga bo‘linadi:
•
Ob'ektni tanlash
•
Tanlangan ob'ektga mos metodni tanlash
•
Natijalarni 3 takroriy tajriba asosida xulosalash
DNK tahlili qo‘llaniladigan sohalar
•
O‘simliklar va hayvonlar sistematikasi
•
Tibbiyotda (patogen mikroorganizmlar zararini kamaytirish)
•
Tibbiy diagnostika (tashxis qo‘yish)
•
Sud ekspertizada
•
Kriminalistikada
•
Idenfikasiyalanish (shaxsni aniqlash)
•
Arxeologiya, paleontologiya va etnogenetika
DNK ajratib olishning bir necha usullari mavjud:
•
Fenol-xloroformli usul
•
STAB usuli
•
Silikagelli usul
•
GuSCN + SiO2 li metod yordamida DNK ni ajratib olish.
STAV usuli. Bu usulni qo‘llab o‘simlik to‘qimasidan genom DNKsi ajratish
anchagina samarali va sifatlidir. Bu usulda barcha o‘simlik turlaridan DNK ajratish
mumkin bo‘lib, ishlatilayotgan reagentlar inson salomatligi uchun xavfsiz va
boshqa usullarga qaraganda arzon hisoblanadi va bir nechta bosqichda amalga
oshiriladi:
DNK ajratish uchun to‘qima tanlash. hujayralar soni kam va DNK miqdori
ko‘p bo‘ladiganlarini, imkon darajasida DNK to‘qimadan oson ajraladigan
shuningdek, hujayralari oqsillar, lipidlar yoki polisaxaridlar bilan to‘yinmagan
bo‘lishi kerak.
To‘qimalarni hujayra darajasigachaga parchalash. DNK to‘qimasini
hujayralar darajasigacha parchalash uchun uni farfor idishga solinadi va ustiga -
800C li suyultirilgan azot quyilib, chinni xovoncha yordamida eziladi.
Yirik molekulalarning ajralishi. Hujayra membranasi va uning yadrosini
eritish uchun 650C xaroratda 45 daqiqa davomida 2xCTAV bufferida inkubasiya
qilindi.
Oqsillardan tozalash. xloroform: izoamil spirti (24:1) aralashmasi qo‘shilib,
Sentrafuga qilinadi. Supernatant yangi probirkaga olinadi va ustiga (suyuqlikdagi
DNKni ivishi uchun) CTAV presipitasiya bufferidan qo‘shiladi.
DNK suspenziyasini RNK dan tozalash. RNKaza fragmenti qo‘shilgan
yuqori tuzli buffer bilan qayta ishlanadi.
DNK molekulalarini cho‘ktirish. 96% li etil spirti qo‘shiladi. DNK
spirti bilan ikki marotaba yuviladi.
Polimeraza zanjiri reaktsiyasi (PZR) Ba‘zi tadqiqotlar uchun juda ko‘p
miqdordagi yaxshi tozalangan yuqori molekulyar og‘irlikdagi DNK juda
muhimdir. PCR usuli DNKning in vitro kichik qismlarini tanlab sintez qilishga va
3-4 soat ichida o‘rganilayotgan fragmentning bir necha million nusxasini olishga
imkon beradi. DNK ob‘ektlari sifatida qon, to‘qima biopsiyasi, so‘lak, siydik,
amniotik suyuqlik va boshqalarni ishlatish mumkin.
Polimeraza zanjir reaksiyasi (PZR). Polimeraza zanjir reaksiyasi (PZR)
metodi molekulyar biologiyada juda muhim o‘rin tutib, ushbu usul 1983- yili
Koliforniyadagi Setus kompaniyasining bioximigi Keri Myullis tomonidan kashf
etilgan. Bu kashfiyoti uchun Keri Myullis 1993-yilda Nobel mukofotiga sazovor
bo‘lgan. Bu usulning yaratilishiga DNK polimeraza fermentining yaratilishi sabab
bo‘lgan. Ushbu ferment PZR metodi bo‘yicha boradigan analiz jarayonlarini
katalizlaydi va nazorat qiladi. Bu fermentning muhim ahamiyati shundaki, u
issiqlikka chidamli bo‘lib, ancha yuqori haroratda ham o‘z faolligini yo‘qotmaydi.
Uning faolligini namoyon qiluvchi optimal temperatura 72S.
PZR analizi 3 ta bosqichda amalga oshadi:
DNk ni ajratib olish
DNK fragmentlarining amplifikasiyasi
DNK amplifikal mahsulotlarining deteksiyasi. Pzr natijasida DNK zanjiri
fragmentining kopiyasi olinadi. Spesifik aniq organizmlar uchun shunaqa aniq bir
uchastkalarni qidirish talab etiladi.
PZR jarayoni quyidagi bosqichlarda amalga oshadi.
PZR mexanizmi
Pzr metodining mohiyati
•
Test sistemalar-DNK amplifikasiyalarini tuzishda odamdagi bakteriya
va viruslarni, turli patogenlarni aniqlash uchun xizmat qiladi.
•
Ko‘pgina patogen bakteriyalar uchun PZR metodi effektli hisoblanadi.
Laboratoriyalarda bakteriyalar miqdori ko‘paytiriladi. Bunda avval DNK ning
kerakli qismlari tanlab olinib kerakli miqdorgacha ushbu metod yordamida
ko‘paytiriladi.
•
DNK chipi-genetik mutasiyalar yoki siljishlarni aniqlash uchun
maxsus chip, kasalliklarni aniqlash hamda shu kasallik belgilarini o‘zida saqlovchi
genetik kartalashtirilgan DNK ning aynan nusxasi ko‘chirilgan maxsus
laboratoriyalarda ishlab chiqilgan mikrochip ko‘rinishidagi qurilma.
•
SNP lex nukleotid polimorfizmi-genotiplarni tahlil qilish uchun
polimeraza zanjir reaksiyasi va kapillyar elektroforezdan foydalanishdir.
•
Dnk mikrolizasi metodi-Dnk molekulalarini shisha, plastmassa yoki
silikon platformasida tashkil etish. Ko‘p sonli DNK fragmentlari tuzilmasi maxsus
DNK chiplardagi ma'lumotlar bilan tekshiriladi.
Ajratilgan genom DNK si va PZR tahlilini gel'-elektroforez usulida
tekshirish.
Dastlab namunalarning DNK konsentratsiyasi 0,9 % li agaroza gelida, aniq
(25 ng/μl) konsentratsiyali lyambda (λ) fagining DNKsiga taqqoslanib, gel'
elektroforez usuli yordamida aniqlanadi. So‘ngra, PZR amplifikasiya mahsulotlari
3,5 % agaroza gelida tekshiriladi. Gellar etidium bromid yordamida bo‘yaladi va
ultrabinafsha nuri ta'sir ettirilib, Alpha Imager gel- hujjatlashtiruvchi qurilmada
suratga olinadi.
Dostları ilə paylaş: |