7
müasir dağlıq relyefini, vulkanik yaylalarını (fəal vulkan püskürməsi və qalxma
nəticəsində), depressiyaların cavan inversion qırışıqlıq zonalarını yaradır.
Qobustanda,
Xəzərin
qərb
dayazlığında,
Qərbi
Abşeronda
palçıq
vulkanlarının fəaliyyəti olduqca güclənir.
Aşağıda Azərbaycanın böyük geomorfoloji vilayətlərinin neotektonikasının
qısa ümumi səciyyəsi verilir.
Baş Qafqazın cənub-şərq gümbəzvari neotektonik qalxması hələ neotektonik
mərhələdən xeyli əvvəllər, alp qırışıqlığı zamanı yaranmış strukturların mürəkkəb
kompleksindən ibarətdir. Neotektonik mərhələdən əvvəllər yaranmış uzununa və
bir neçə eninə tektonik qırılmalar sahənin strukturunu çox mürəkkəbləşdirir.
Neotektonik mərhələnin başlanğıcında (Sarmat əsrinin sonunda) hələ Baş
Qafqazın suayrıcı, yəni ən yüksək sahəsi dəniz səviyyəsindən cəmi 500-600 (800
m-ə qədər) yüksəkdə yerləşirdi. Qalan ərazi Sarmat dənizi suları altında idi. Həmin
dənizin çöküntüləri Şahdağda 3.500 m yüksəkdə (B.Ə.Budaqov), cənub yamacın
sıldırımlarında isə 1.000 m yüksəkdə (Diallı kəndi yaxınlığında, Ə.B. Məmmədov)
tapılmışdır. Sarmat əsrindən sonra Baş Qafqaz dağları çox güclü tektonik
qalxmaya məruz qalır, alt və orta pliosendə qısamüddətli fasilələrlə akçaqıl əsrinin
başlanğıcına qədər davam edir.
Akçaqıl əsrinin əvvəllərində Baş Qafqazda tektonik zəifləmə baş verir, dağları
eroziya və denudasiya xeyli alçaldır, dağətəyi sahələr böyük akçaqıl
transqressiyası suları ilə örtülür. Lakin akçaqılın axırından etibarən və xüsusilə
Abşeron əsrinin iknci yarısından Baş Qafqazda və onu əhatə edən tektonik
zonalarda tektonik qalxma özünü yenidən böyük bir güclə göstərir. Dağların şimal
yamacında akçaqıl çöküntüləri həmin hərəkətlər nəticəsində 1.600-1.800m, cənub
ə
təyində 1.000 m yüksəyə qalxmışdır, cənub-şərq yamacda akçaqıl əsrində sahil
zonasında yaranmış hamar səthlər isə ciddi deformasiyaya məruz qalmış və 800-
1.00 m-dən 1.500-1.600 m-ə qədər yüksəyə qalxmışdır. Cənub yamac çox dik
olduğundan burada cavan dövrlərin çöküntüləri və hamar səthləri yaxşı
saxlanmamışdır.
8
Baş Qafqaz dağları ilə Xəzər dənizi arasında yerləşən Qusar-Dəvəçi tektonik
ə
yilməsi (bu relyefinə görə maili düzənlikdir) neotektonikasına görə iki əsas
hissəyə ayrılır: 1-şimal-şərq (Xəzəryanı), 2-cənub-qərb. Əsasən Samur-Dəvəçi
ovalığını tutan şimal-şərq sahə bütün neotektonik mərhələ ərzində müxtəlif sürətlə
ə
yilməyə məruz qalmışdır və burada 2.000-3.000 m-dən artıq qalınlığı olan dəniz
və kontinental çöküntü qatı toplanmışdır. Ərazinin relyefi əsasən düzənlikdir.
Baş Qafqazın cənub-şərq periklinalında Qobustan-Abşeron neotektonik
sahəsi yerləşir. Bura həmçinin Xəzər dənizinin dayazlıq sahələri də daxildir.
Neotektonik mərhələdən əvvəl sahə intensiv çökməyə məruz qalmışdır. Ayrı-ayrı
sinklinal zonalarda tək məhsuldar qat çöküntülərinin qalınlığı 2.000-3.000 m-ə
çatır. Yuxarı pliosen və dördüncü dövrdə Qobustan –Abşeron sahəsində
diferensial qarışıqlı tektonik hərəkətlər güclənir. Sinklinal zonalarda çöküntü
toplanır, antiklinal zonalar isə qalxmaya, abraziya və denudasiyaya məruz qalır.
Qalxma, sahənin qərbində daha üstün olur, tektonik çökmə isə şərqində üstün olur.
Yuxarı pliosen-dördüncü dövrdə əyilmənin böyüklüyü Cənub-Şərqi Qobustanda
və Bakı arxipelağında 1.000-3.000 m arasında, qalxmanın böyüklüyü cənubi və
mərkəzi Qobustanda 200-500 m, qərbdə isə 600-800 m-ə qədərdir. Qobustan və
Abşeronun müasir strukturları və relyefi bilavasitə neotektonik hərəkətlərlə
bağlıdır. Ərazinin ən əlamətdar cəhətlərindən biri burada yuxarı pliosendə və
dördüncü dövrdə palçıq vulkanlarının fəaliyyətinin güclənməsidir.
Azərbaycanda neotektonik hərəkətlərin çox intensiv və diferensial şəkildə
baş verdiyi vilayət Kür dağarası çökəkliyidir. Neotektonik mərhələnin aşağı
sərhədi bu vilayətdə akçaqıl transqressiyasının başlandığı vaxtdan hesab edilir.
Ə
razinin müasir relyefi və cavan qırışıqlığı yuxarı pliosen-dördüncü dövrün
tektonik hərəkətləri ilə əlaqədar yaranmışdır.
Ceyrançöldə yerləşən Çatma qalxmasından başqa, Kür çökəkliyinin hər
yerində akçaqıl əsrində sürətlə əyilmə baş verir və dəniz suları ərazini örtür.
Çökəkliyin dağətəyi zonalarında dəniz çox dayaz olur və tez bir zamanda iri
qırıntılı allüvial-prollüvial qatların toplanması nəticəsində sahil xətti dağətəyindən
bir qədər geri çəkilir. Kür çökəkliyinin daxili və şərq sahələrində dənizdə narın
9
çöküntü qatları toplanır. Orta Kür çökəkliyində əyilmə Şərqi Kür çökəkliyinə
nisbətən daha sürətli olur. Burada akçaqıl çöküntülərinin qalınlığı 1.000 m-ə qədər
çatır. Şərqi Kür çökəkliyində və Xəzər dənizinin sahil dayazlığında bu 200-600 m
arasındadır.
Abşeron əsrində neotektonik hərəkətlərin xarakterində, sahə üzrə
diferensiasiyasında ciddi dəyişiklik olmur. Dəniz hövzəsi dağətəyindən xeyli geri
çəkilir, Qərbi Azərbaycanda Böyük Kür körfəzindən qərbə uzanan daha iki kiçik
körfəz (Ceyrançöl və İori körfəzləri) yaranır.
Abşeron əsrinin axırlarında tektonik hərəkətlər bir qədər fəallaşır, Ceyrançöl,
Acınohurda və Kür çökəkliyinin şərqində qırışıq strukturlar yaranmağa başlayır.
Lakin Bakı əsrində çökmənin və dəniz transqressiyasının yenidən üstün olması
nəzərə çarpır. Bakı dənizinin transqressiyası akçaqıl və Abşeron dənizləri
transqressiyasından bir qədər zəif olur. Ceyrançölün, Acınohurun şimal və orta
zonaları, Kiçik Qafqaz ətəyi maili düzənliklərin yuxarı zonası artıq dəniz suları ilə
örtülmür.
Xəzər və Xvalın əsrlərində isə dəniz transqressiyaları daha zəif olmuş və
özlərindən əvvəlki sahil xətlərini örtə bilməmişdir. Beləliklə, dördüncü dövrdə
neotektonik hərəkətlər nəticəsində Kür çökəkliyi daxilində dəniz getdikcə qərbdən
şə
rqə, özünün müasir konturuna tərəf sıxışdırılmışdır.
Dördüncü dövrdə daha kontrastlı tektonik hərəkətlər orta Kür çökəkliyində,
Şə
rqi Kür çökəkliyinin şimal-şərq zonasında olmuşdur. Bütün Ceyrançöl-
Acınohur zonasında bu dövrdə çox gərgin gedən qırışıqlıq hərəkətləri və ümumi
nisbi qalxma baş verir. Bunun nəticəsində Acınohurun maili düzənliklərində bir
sıra antiklinal və sinklinal strukturlar yaranır. Şimalda yerləşən antiklinallar daha
sürətlə qalxır. Nəticədə çökmədə olan Alazan-Əyriçay sinklinal depressiyası qapalı
formaya düşür, Kür ovalığından təcrid olunur.
Kiçik Qafqazın müasir tektonik planı neotektonik mərhələdən əvvəlki
dövrlərdə (paleogendə) yaranmışdır. Sonrakı geoloji əsrlərdə, xüsusilə oliqosen və
miosendə ərazi denudasiya nəticəsində çox alçalır, bəzi sahələrdə hətta zəif əyilir
və dəniz transqressiyasına məruz qalır.
Dostları ilə paylaş: |