Sənaye inqilabı
229
Sənaye
sıçrayışından
əvvəl İngiltərədə kənd təsərrüfatında
məhsuldarlığın artması nəzərə çarpırdı. Bu, əhalini stabil ərzaq
məhsulları ilə təmin etdiyindən, 1740-cı ildən əsrin sonuna kimi əhalinin
sayı 5 milyondan 9 milyona qədər artır. Əhalinin sayının kəskin artması
kənd təsərrüfatı məhsullarına olan tələbatı və bu sahəyə olan marağı
artırmışdır. Böyük miqdarda iri müəssisələrin yaranması nəticəsində
texnikanın tətbiqi də intensivləşməyə başlayır. Bu arada pambıq emalı
sənayesində əl əməyinə olan ehtiyac əvvəlki səviyyədə olaraq qalırdı.
XV
ΙΙΙ
əsrin əvvəlində tekstil İngiltərə sənayesində ixrac malı olaraq
əsas yer tuturdu. Əhalinin sayının sürətlə artımı nəticəsində tekstil
istehsalı da getdikcə artmağa başlayır. Hələ XV
ΙΙΙ
əsrdə İngiltərədə
pambıq, Hindistan pambığı ilə rəqabətə girə bilmədiyi halda, XV
ΙΙΙ
əsrdə toxuculuq sahəsində yeni texnikanın tətbiqi və Amerikadan
gətirilən yeni növ pambığın tətbiqi nəticəsində yüksək keyfiyyətdə
tekstil mallar hazırlamaq mümkün olmuşdur. 1780-1850-ci illərdə
pambıq materialının qiymətinin aşağı düşməsi, daxili və xarici bazarın
güclənməsi nəticəsində tekstil sənayesi, əsasən isə pambıq sənayesi
sənayeləşmənin əsas mühərrikinə çevrilmişdir.
Bu vaxt, əsasında yüksək mexanikləşmə dərəcəsi duran əl əməyindən
maşın işinə keçid baş verir. Tətbiq olunan maşınlar, öz mürəkkəbliyi və
qabariti ilə mühəndisləri çətin məsələlər qarşısında qoyurdu. Çünki, bu
maşınların adi üsullarla hazırlanması mümkün deyildi. Yalnız yeni
alətlərin və dəzgahların tətbiqi ilə maşınların hazırlanmasında
gözlənilən dəqiqlik və məhsuldarlığı əldə etmək mümkün idi.
Bu dövrdə yeni maşınların tətbiqi, yolların çəkilməsi və
maşınqayırmanın başqa sahələri əhatə etməsi dəmirə olan ehtiyacı
kəskin artırmışdır.
XV
ΙΙΙ
əsrin ortalarına qədər dəmir istehsalı yalnız ağac kömürün
köməyi ilə əldə oluna bilirdi. Bununla bağlı kütləvi istehsalın tətbiqi
problemlər yaradırdı. Dəmir hissələrinin hazırlanması üçün o, yüz
illərdən bəri məlum olan “yenilətmək” üsulu ilə döyülə bilən hala
gətirilirdi. Bu yolla əldə olunmuş dəmir döymə və yayma üsullarının kö-
Sənaye inqilabı
230
məyi ilə lazımi formaya salınırdı.
Dəmirin hazırlanmasında köklü dəyişiklik, çiy dəmirin emalında
tətbiq olunan ağac kömür əvəzinə daş kömürlə işləyən sobaların
Abraham Darbi (ingl. Abraham Darby) tərəfindən ixtira edilməsi ilə baş
verir. 1740-ci ildə yeni sobaların tətbiqi nəticəsində, dəmir istehsalında
məhsuldarlığın köklü surətdə artırılmasına nail olunmuşdur. O, ondan
əvvəlki mühəndislərin təcrübələrindən istifadə edərək proses zamanı daş
kömürün özünü yox, onun emal olunmuş məhsulunu - koksu tətbiq edir.
O, prosesin fiziki, kimyəvi xüsusuyyətlərini araşdırmış, texnoloji
faktorları nəzərə almış, kokslaşdırma prosesinin texnologiyasını
təkmilləşdirmiş və ərintidən şlakın çıxarılması üçün əlavə materialların
qatılmasını təyin etmişdir. Darbi tərəfindən edilmiş yenilik uzun
müddət onun sexindən kənara çıxa bilməmişdir. Yalnız 1747-ci ildə
başqa əritmə sexləri də koksun tətbiqinə başlayırlar. Bu sürətlə
yayılmağa başlayır. 1796-cı ildə İngiltərədə sonuncu ağac kömürlə
işləyən soba mövcud idi [2.3, 2.4].
Koksun tətbiqi sobaya verilən havanın intensivliyinin artmasını tələb
edirdi. Bu problemi aradan qaldırmaq üçün Darbi hava üfürcəklərini
işlətmək üçün Nyukomenin buxar maşınını tətbiq edir. Buxar maşını,
üfürcəklərin valına bərkidilmiş su çarxını hərəkət etdirmək üçün nasosla
quyudan suyun çıxarılmasında tətbiq edilirdi. Buxar maşının kiçik gücə
malik olması səbəbindən, onun birbaşa su çarxına birləşdirilməsi
mümkün deyildi.
Tigel poladının alman mühəndisi Benyamin Huntsman tərəfindən
ixtirası da eyni tarixi əhəmiyyətə malik idi. Adi poladlardan düzəldilmiş
alətlərin kəsicilik qabiliyyəti çox aşağı olduğundan, onlar alətlərə
qoyulan tələbləri ödəmirdilər. XV
ΙΙ
əsrin ortalarına qədər Almaniya
İngiltərəyə alət istehsalı üçün material göndərirdi. Bununla bərabər
yüksək keyfiyyətli İsveç poladını uzun müddət ağac kömürdə
qızdırmaqla
emal
edirdilər.
Almaniyada
yaradılmış
bu
üsul
“sementləşdirmə” adlanırdı. Sonralar bu üsulla alınmış poladı daha da
saflaşdıraraq “Shearsteel”, yəni kəsici polad hazırlanmışdır. Bu polad-
Sənaye inqilabı
231
lardan ilk növbədə kəsici alətlər hazırlanırdı [2.3].
Metallurgiya sahəsində daha bir yenilik, dəmirin kömür alovunda
termiki emalı idi. 1760-cı ildən Vud (ingl. Wood) qardaşları tərəfindən
tətbiq olunan, çəndə kömürlə dəmirin emalı üsulu mövcud olmasına
baxmayaraq, 80-ci illərdə dəmir külçələrin təxminən yarısı əridilkməklə
istehsal olunurdu. 1784-cü ildə İngiltərədə Kort (ingl. Cort) tərəfindən
ixtira edilən “Pudlinq” üsulu ilə döyülən poladların effektiv istehsalı baş
verir [2.5].
Pudlinq prosesinin mahiyyəti ondan ibarət idi ki, ərinti proses zamanı
şlakla birlikdə qaşıq vasitəsilə qarışdırılır və bu zaman dəmirin
tərkibində olan başqa birləşmələr şlakdakı oksigenlə birləşərək ərintidən
ayrılırlar (şəkil 2.1).
Şəkil 2.1. Pudlinq üsulu ilə işləyən soba.
Dostları ilə paylaş: |