Sənaye inqilabı
232
Sobalarda metal silindrlə işləyən üfürcəklərin tətbiqi, verilən
havanın bərabər paylanması nəticəsində məhsuldarlığı artırmışdır.
Dəmirə artan tələbat və onun emalında tətbiq olunan texnologiya
Böyük Britaniyada dəmir istesalının 1720-ci ildə 27 000t-dan 1791-ci
ilə qədər 90000 t-a yüksəlməsinə gətirib çıxarmışdır. İngilis dəmiri
bütün dünyaya ixrac olunmağa başlayır, əsasən Amerika böyük
miqdarda dəmir alırdı (şəkil 2.2). Dəmir məmulatlarına, artıq təkcə
silahlar yox, həm də maşın və maşın hissələri, mədən və metallurgiya
maşınları, sonralar isə lokomotovlər aid idilər [2.5].
Maşınlara artan tələbat XV
ΙΙΙ
əsrdə tökmə sənayesini yeni məsələlər
qarşısında qoymuşdur. Bürünc və ağacı getdikcə çuqun əvəz etməyə
başlayır. Yeni dövrün pioneri kimi Con Vilkinson (ingl. Jon Wilkinson)
dəmiri müxtəlif sahələrdə tətbiq etməyə çalışır. Bu dövrdə İngiltərədə
əldə edilən texniki nailiyyətlər Fransa, Belçika və Almaniyada da tətbiq
olunmağa başlayır.
Şəkil 2.2. İngiltərənin dünya dəmir istehsalında yeri.
Sənaye inqilabı
233
Metallurgiyanın sürətlə inkişafı kömürə olan təlabatı artırdığından
kömür istehsalının da artması baş vermişdir. İngiltərədə 1530-cu ildə
200000 t kömür istehsal olunduğu halda, 1650-ci ildə 1,5 milyon t,
1750-ci ildə isə bu rəqəm artıq 5 milyon t-a çatmışdır [2.5].
Dəmir filizlərinin əridilməsində böyük miqdarda kömürün lazım
olması və buxar maşınlarının geniş tətbiqi nəticəsində daş kömürə olan
tələbat daş kömürün hasilatını gücləndirmişdir. 1750-ci ildən 1850-ci ilə
qədər olan dövrdə Böyük Britaniyada daş kömür istehsalı 5 milyon
tondan 55 milyona qədər artmışdır [2.5].
İngiltərənin ticarət, tekstil, dəmir və eləcə də dəmir məmulatlarının
istehsalında əldə etdiyi uğurun kökündə, o dövrdə olkədə mövcud olan
ictimai-siyasi inkişaf dururdu. Avropanın başqa ölkələrinə nisbətən
İngiltərədə XVII əsrin ortalarında azad müəssisələrin fəaliyyəti üçün
münbit şərait yaranmışdır. Texnikanın inkişafı ilə bərabər, onun tətbiqi
zamanı hüquqların qorunması böyük əhəmiyyət kəsb edirdi. 1624-cü
ildə patentşünaslığın əsası sayılan “Monopoliyanın statusu”-da Kralın
yalnız ölkənin xeyri üçün ixtira edilən məhsullara və üsulların ilk
müəllifinə patent verə biləcəyi deyilir: “Patentlər gələcəkdə krallıq
daxilində 14 il və ya az vaxt müddətdə yalnız hər hansı istehsal üsuluna
və ya yeni üsulun həqiqi və ilk ixtiraçısına verilə bilər...Bu, o vaxt
quvvəyə minir ki, patent qanunlara zidd deyil və ya dövlətə xələl
gətirmir, belə ki, qiymətlərin qalxmasına səbəb olmur, ticarətə zərər
vurmur...”[2.6].
Bu qanunun XVII əsrdə qəbul olunmasına baxmayaraq, ixtiraçılar
onun aliliyindən yalnız XV
ΙΙΙ
əsrin sonunda tam istifadə edə bilmişlər.
Vaxtilə Göte ingilislər haqqında yazır: “Tanımaq və ixtira etməyi əldə
edilmiş ən dəyərli mülk kimi görürük. Ağıllı ingilislər onu bir patentlə
dərhal reallığa çevirdilər və bununla, bütün mübahisələrə son
qoydular...”
İngilislər sənayedə tekstil istehsalında başqalarından qabaq idilər.
Toxuculuq dəzgahlarında edilmiş təkmilləşdirmələr nəticəsində istehsal
kəskin artmışdır. Ancaq ipəyirən maşınların səviyyəsi çox aşağı idi. Bu,
Sənaye inqilabı
234
ümumilikdə tekstil istehsalını lazımi miqdarda sapla təmin edə
bilmədiyindən, istehsalın ümumi məhsuladrlığı bundan zərər çəkirdi.
Toxuculuqda edilən irəliləyiş bu çatışmamazlığı kompensasiya edə
bilmirdi.
Yalnız XV
ΙΙΙ
əsrdə mütərəqqi ipəyirən maşınların ixtirasından sonra
toxuma və ipəyirmə arasındakı məhsuldarlıq fərqi nisbətən zəifləyir və
bu 1750
−
1770-ci illərdə pambıq ixracını 10 dəfə artırır. 1764-cü ildə
Ceyms Harqrivs (ingl. James Hargreaves) tərəfindən ixtira edilmiş
maşın bir neçə sapı eyni zamanda əyirə bilirdi. Su çarxı ilə işləyən
ipəyirən maşın 1768-ci ildə Riçard Akrayt (ingl. Richard Arkwright)
tərəfindən layihələndirilmişdir (şəkil 2.3).
1784-cü ildə Edmend Kartvrayt (ingl. Edmund Cartwright) tərəfindən
düzəldilmiş toxucu maşın texniki cəhətdən işləsə də, sürəti çox aşağı
olduğundan iqtisadi çəhətdən əlverişli deyildi. Toxucu maşınlarının
növbəti təkamülü, 1822-cil ildə Modsli məktəbinin yetirməsi Roberts
tərəfindən düzəldilmiş mexaniki idarə sistemi ilə təchiz olunmuş
ipəyirən maşınla əldə
edilmişdir.
Sapların hazırlanma-
sında əldə edilən texniki
inkişaf
yeni
dövrün
qədəm qoymasına gəti-
rib çıxarmışdır. Əl əmə-
yi maşınlar tərəfindən
sıxışdırılmağa başlayır.
İngilis
sənayesində
tekstil sənayesinin rolu
və vacibliyi ümumiy-
yətlə maşınqayırmanın
inkişafını
müəyyən
etmişdir.
Şəkil 2.3. İpəyirən maşın.
Sənaye inqilabı
235
Maşınla istehsala keçid maşınların hazırlanmasını ilk şərt kimi
qoyurdu.
XVIII əsrdə incə texnikanın çatdığı yüksək səviyyə tekstil
sənayesində əldə edilən ixtiralar üçün əlverişli baza yaratmışdır. Vaxtı
ilə, saatların düzəldilməsi istiqamətində tanınmış mühəndislər Arkvayt,
Kay və Fulton başqa mühəndislərlə birlikdə toxuculuq üçün lazım olan
maşınların hazırlanması ilə məşğul olmuşlar.
Müxtəlif növ tekstil maşınlarının hazırlanması və tətbiqi müasir
maşınqayırmanın yaranması və inkişafında oynadığı rol təkzib
olunmazdır. Müxtəlif konstruksiya, material və ötürmələrin tətbiqi
nəticəsində yaranan çox variantlılıq ilə əlaqədar olaraq böyük həcmdə
tekstil maşınlarının istehsalı maşınqayırma qarşısında böyük tələblər
qoyurdu. Bu məhsullarla birlikdə buxar maşınlarına getdikcə artan
tələbat maşınqayırmanın inkişafına daha da təkan verməkdə idi.
Buxar maşını, ümumiyyətlə sənaye inqilabı üçün simvol rolunu
oynayır. Bu maşının ixtirası və inkişafı dağ-mədən sahəsində əldə
olunmuş texniki addımdan irəli gəlirdi. Mədənlərdə getdikcə artan
deşmə dərinliyi üçün su enerjisi artıq kifayət etmədiyindən, daha da
effektiv maşınların ixtirası və tətbiqinə ehtiyac yaranmışdır.
İlk tətbiq oluna bilən buxar maşını 1711-ci ildə Nyukomen (ingl.
Newcomen) tərəfindən, Otto fon Kuerike (alm. Otto von Quericke),
Hugens, Papin və Saverinin elmi və praktiki işlərinin nəticələrinə
əsaslanaraq düzəldilmişdir [2.2]. 1654-cü ildə alman alimi Otto fon
Kuerike Maqdeburq şəhərində göstərmişdir ki, kolba daxilinə
presslənmiş hava mexaniki iş yaratmaq qabiliyyətinə malikdir. 1680-ci
ildə Hugens barıtla apardığı eksperimentlə kolbanı hərəkətə gətirmişdir.
1690-cı ildə Denis Papin barıt əvəzinə su buxarından istifadə edərək
kolbanı sıxılmış hava ilə yox, buxar ilə hərəkət etdirmişdir. Papinin
maşını, igitisadi və texnoloji problemlər nəticəsində praktikada tətbiqini
tapa bilməmişdir.
1698-ci ildə ingilis mühəndisi Tomas Saveri (ingl. Thomas Savery)
sıxılmış hava və buxarla işləyən maşın düzəldir. Bu maşının dağ mədən-
Dostları ilə paylaş: |