Sənaye inqilabı
311
bu peşəkarlar tərəfindən yaradılmışdır. Bu ənənə böyük potensial təşkil
edirdi. Maşınların hazırlanması üzrə ixtisaslaşmış ustalar yalnız çilingər,
dülgər, saatsazlar deyildilər. Əsrin əvvəlində Almaniyada fəaliyyət
göstərən ustalar heç də İngiltərə və Fransadakı ustalardan geri
qalmırdılar. Öncə optik və mexaniki cihaz hissələrinin düzəldilməsi ilə
məşğul olanlar sonralar böyük maşınların hazırlanmasında iştirak
edirdilər. Ustalar ilkin vaxtlarda xaricdən gətirilmiş maşınların
təmirində çalışmışdılar. Sonralar onlar bu maşınların əsasında yenilərini
düzəltməklə məşğul olmuşdular.
XV
ΙΙΙ
əsrin sonu və X
Ι
X əsrin ortalarında dağ-mədən, metallurgiya
və tekstil sənayesi, hər şeydən öncə manufakturalarda əldə edilmiş
peşəkarlıq alman maşınqayırmasının yaranma mənbələrini təşkil
edirdilər. Bu sahələrin inkişafının və onların bu günə kimi Almaniya
sənayesinin aparıcı sütunu kimi qalması, insanların gördüyü böyük
işlərin nəticəsidir. İnsanlarda bu gücü hərəkətə gətirmək üçün uzun vaxt
tələb olunmuşdur.
Almaniyada maşınqayırma sənayesinin inkişafı mərhələsində dövlət
böyük rol oynamışdır. O dövrdə, maşınqayırma sənayesinin böyük
maliyyə yardımına ehtiyacı olduğundan, dövlətin köməyi olmadan onun
inkişafını stimullaşdırmaq çətin idi.
Başqa dövlətlərdə geniş yayılmış kredit sistemindən fərqli olaraq,
Prussiyada hazır dəzgah və avadanlıqların alınmasına üstünlük verilirdi.
Bu məsələnin həll etmək ücün, Prussiya dövləti çatışmayan texniki
avadanlıq şəraitində aparıcı dövlətlərdən, əsasən isə İngiltərədən torna,
deşmə və yonma dəzgahlarını alaraq, sonra ölkə daxilində müəssisələrə
kirayə verirdi. 6 il istehsalatda tətbiq olunduqdan sonra onlar
müəssisələrin himayəsinə keçirdi. Əsas şərt ondan ibarət idi ki, bu
müddətdə maşınların istehsalda tətbiqi və əldə olunan innovativ
texnologiya haqqında informasiyanın maraqlananlar üçün açıq
qoyulması sübut edilsin. Dəzgahların borc verilməsi dəzgahqayırmanın
inkişafı üçün əsas istiqamətə çevrildi. Əgər dövlətin xaricdən dəzgah
almağında problem yaranırdısa, onda o, daxildəki müəssisələrdə dəzgah
Sənaye inqilabı
312
hazırlanmasını sifariş verirdi.
Bu maliyyə siyasəti ilə parallel olaraq, maşınqayırma sənayesinin
ümumi inkişafı üçün bir çox tədbirlər görülmüşdür. Bu tədbirlər bir
tərəfdən yeni mütəxəssislərin hazırlanması, digər tərəfdən dünyada
maşınqayırmanın inkişafı üzrə baş verənlər haqqında biliklərin
yayılmasından ibarət idi. Beləliklə, Almaniyada texniki məktəblərin
yaranması prosesi sürətləndirilir. Bununla bərabər mühəndis, texnik və
müəssisə rəhbərlərinin xaricə təhsil məqsədilə getməsi üçün dövlət
müəyyən maliyyə yardımları edirdi. 1821
−
36-cı illər Almaniyanı texniki
məktəblərin yaranması dalğası bürüyür. Bu dövrdə bir çox böyük
şəhərlərdə sənaye və politexnik məktəbləri yaranmışdır:
1821.........Berlin
1825.........Karlsrue
1827.........Münxen
1822.........Drezden
1829.........Stuttqart
1831.........Hannover
1835.........Braunşvayq
1836.........Darmştadt
O da nəzərə çarpır ki, bu məktəblərin çoxu əyalət mərkəzlərində
yerləşmişdilər. Texniki məktəblərdə tədris edilən dərslər ümimiyyətlə
hazırlıq məqsədi daşıyırdı. Bunu Almaniya texniki ali məktəblərində
olan aşağı tədris pilləsi ilə müqayisə etmək olar. Məktəblərdə təşkil
olunan əsas texniki seminar və yığıncaqlar isə tədrisdə bu gün mövcud
olan yuxarı pillə ilə müqayisə edilə bilər. Bu pilləli təhsildə fransız
təhsil sisteminin təsiri olsa da, Almaniyada aşağı təhsil pilləsində
riyaziyyat və texniki fənlərdən çox humanitar fənlərin tədrisi daha güclü
idi. Texniki məktəblər əvvəldə tikinti və poçt sahəsində çalışan
məmurların hazırlanması ilə məşğul idilər. Sonralar texniki məktəblərdə
tədrislərdə parçalanma baş verir və bizə bu gün məlum olan mühəndislik
Sənaye inqilabı
313
fakültələri yaranmağa başlayır. Bunların arasında ən əsası mexaniki
texnologiya (bugünkü maşınqayırma) və kimya texnologiyası idi. Bu
fakültələrin açılması məktəblərin malik olduqları maliyyə vəziyətindən
asılı idi.
Texniki məktəblərin sənayeləşmə prosesinin gücləndirilməsində rolu
nisbi idi və təsir çox ləng gedirdi. Ona görə ki, məktəbləri qurtaranların
böyük hissəsi sənayedə yox, dövlət xidmətində çalışırdılar. Berlin
sənaye məktəbində təhsil alan şagirdlərin böyük hissəsinin başqa
məktəblərdən fərqli olaraq sənayeyə getməsində məktəbin direktoru
Vilhelm Boytun (alm. Wilhelm Beut) böyük rolu olmuşdur. Boytun
apardığı böyük izahat işləri ilə bərabər Berlində verilən tədris praktikaya
daha yaxın idi və burada başqa məktəblərdən fərqli olaraq nəzəri fənlər
az tədris olunurdu. Sənayeləşmə prosesinin güclənməsi nəticəsində
sonralar texniki məktəblərin hazırladıqları mütəxəssislərə tələbat artmış
və dövlətin bu sahəyə diqqəti daha da artmışdır [2.5].
XIX əsrin birinci yarısında maşınqayırmaya dövlət tərəfindən edilən
yardıma baxmayaraq, bu sahədə bütün dövləti bürüyən inkişafdan
danışmaq olmazdı. Bunun səbəbləri Almaniyadakı kiçik dövlətlər
arasında mövcud olan ziddiyətlər idi. 1834-cü ildə Almaniya kömrük
birliyi və sonra dəmir yolunun tikintisinin yaranması maşınqayırmanın
dinamik inkişafını reallığa çevirdi. İgtisadiyyatın inkişafı üçün yaranmış
məkan ilə güclənən, dəmir yolu tikintisi əsrin 30-cu illərindən
başlayaraq
sənayenin
stimuluna
çevrilmişdir.
Maşınqayırma
məhsullarına olan tələbat getdikcə artmaqda idi. Lokomotiv, vaqon,
siqnal qurğuları və bir çox başqa məhsullar lazım idi. Dəmir yolu
tikintisinin dinamikası ilə şərtlənən inkişaf nəticəsində maşınqayırmada
məhsul istehsalının həcmi kəskin artmışdır. 1842-ci ildə Avqust Borziq
tərəfindən ilk lokomotiv istehsal olunur (şəkil 2.49). 1854-cü ildə bu
müəssisəni artıq 500 lokomotiv tərk etmişdir. Dörd il sonra, 1858-ci ildə
firma özünün 1000-ci lokomotivini istehsal edir [2.29, 2.30].
Bu dövrdə yeni yaranan firmaların sayı da kəskin artmışdır.
1801
−
1850-ci illərdə Almaniyada 83 maşınqayırma firması yaranmışdır
Dostları ilə paylaş: |