2
Bu hesabat Beynəlxalq Mediaya Dəstək (IMS) təşkilatının dəstəyi ilə ərsəyə gəlmişdir.
Hesabatda ifadə olunan fikirlər müəlliflərə məxsusdur və qəti surətdə donorun baxışlarını əks
etdirmir. Burada ehtiva olunan bütün təhlillərə və tövsiyyələrə görə RATİ məsuldur.
Üz qabığı fotosu:
Bakıda Türkiyənin Gezi Parkı aksiyalarına dəstək məqsədilə keçirilən dinc aksiyanın çəkilişi
zamanı Obyektiv TV reportyoru Rasim Əliyev polisin hücumuna məruz qalıb. 3 iyun, Bakı. ©
RATİ
Əlavə məlumat üçün RATİ-nin internet saytını
www.irfs.org
və Twitter hesabını
@IRFS_Azerbaijan
izləyin.
3
Mündəricat
1.
Giriş
1.1.
Ümumi məlumat
1.2.
Məqsəd
1.3.
Metodologiya və struktur
2.
Tövsiyələr
3.
Fəsil 1: Jurnalistlərə qarşı zorakılıq, şantaj və təzyiq
4.
Fəsil 2: Şəxsi həyatın toxunulmazlığı hüququnun məhdudlaşdırılması
5.
Fəsil 3: Qanundan istifadə etməklə ifadə azadlığının boğulması
6.
Fəsil 4: Jurnalistlərin, bloqçuların və hüquq müdafiəçilərinin həbsi
7.
Fəsil 5: Mediaya dövlət nəzarəti
8.
Fəsil 6: Onlayn ifadə azadlığı
9.
Nəticə
4
Giriş
1.1.
Ümumi məlumat
Bu hesabat Azərbaycanda ifadə azadlığının təşviqi və müdafiəsi sahəsində
fəaliyyət göstərən müstəqil qeyri-kommersiya təşkilatı- Reportyorların Azadlıq və
Təhlükəsizlik İnstitutunun (RATİ) nəşridir. RATİ 2006-cı ildə Beynəlxalq Mətbuat
Günündə iki Azərbaycanlı jurnalist tərəfindən, ifadə və mətbuat azadlığının
hökumət tərəfindən ciddi məhdudlaşdırılmasına cavab olaraq yaradılmışdır.
Təşkilatın fəaliyyəti Azərbaycanda ifadə azadlığı sahəsindəki problemləri müvafiq
beynəlxalq qurumların, ABŞ və Avropa rəsmilərinin diqqətinə çatdırmaqda
mühüm rol oynamışdır. RATİ 2007-ci ilin oktyabrından Beynəlxalq Söz Azadlığı
Mübadiləsi (IFEX) təşkilatının, 2012-ci ilin noyabrından isə Qlobal Şəbəkə
Təşəbbüsünün (Global Network Initiative) üzvüdür. RATİ-nin onlayn televiziya
kanalı Obyektiv TV 2013-cü ilin mayında “insanların həyatına real təsiri olan
əhəmiyyətli məzmun” hazırladığına görə nüfuzlu Bir Dünya Media Mükafatına
(One World Media Award) layiq görülüb.
1
Söz azadlığına dəstək və mətbuat azadlığına qarşı ən amansız tədbirlərə dərhal
reaksiya vermək RATİ-nin Azərbaycandakı fəaliyyətinin əsasını təşkil edir. Bu
hesabat RATİ-nin Azərbaycanda ifadə azadlığını qorumaq və təşviq etmək
strategiyasının bir hissəsini təşkil edir. Hesabatın nəşri Beynəlxalq Mediaya Dəstək
(IMS) təşkilatının dəstəyi hesabına mümkün olmuşdur.
RATİ bəyanatlar verməklə, müraciətlər etməklə, araşdırmalar aparmaqla, gündəlik
xəbərlər yaymaqla, mətbuat konfransları keçirməklə və jurnalistlərin hüquqları
barədə maarifləndirmə işləri aparmaqla Azərbaycanda söz azadlığının pozulması
hallarını araşdırır və bu pozuntular barədə məlumat verir. Öz fəaliyyətinin əsas
tərkib hissəsi kimi RATİ müntəzəm olaraq Azərbaycanda ifadə azadlığının durumu
barədə geniş hesabatlar hazırlayır.
2013-cü ilin birinci yarısında hakimiyyət ölkədə qalan azsaylı tənqidi səsləri
susdurmaq üçün misli görünməmiş təzyiqlərə əl atdı. 2012-ci ildə Bakıda
keçirilmiş Avroviziya Mahnı Müsabiqəsi və İnternet İdarəçilik Forumu zamanı
ölkəyə artan beynəlxalq diqqətin zəifləməsinin fonunda bu tədbirlər zamanı ölkə
haqqında acı həqiqətləri ifşa edən şəxslər sərt cəza tədbirləri ilə üzləşib. İndi isə,
oktyabr prezident seçkiləri yaxınlaşdıqca, hökumət azad düşüncəni boğmaq üçün
daha qətiyyətli görünür.
Bu hesabat 2013-cü ilin yanvarın 1-dən iyunun 30-a qədərki dövrdə Azərbaycanda
ifadə azadlığının vəziyyətini təhlil edir. Bu dövrdə, hökumət dinc etirazları
dağıtmaq üçün həddən artıq güc tətbiq edib, diffamasiya cəzasının internetdə
1
http://bit.ly/14PsMcv
5
yayılan məzmuna da tətbiq olunmasını nəzərdə tutan reqressiv qanunvericilik
aktları qəbul edib və tənqidi fikirlərinə görə jurnalistləri, bloggerləri, və hüquq
müdafiəçilərini həbs etməyə davam etdirib. İyun ayının sonuna qədər 26 jurnalist
hücuma məruz qalıb və ifadə azadlığı hüququnu həyata keçirməkləri ilə bağlı
olaraq yeddi jurnalist, bir bloqçu və iki hüquq müdafiəçisi həbsdə qalıb.
1.2.
Məqsəd
Bu hesabatı hazırlamaqda RATİ-nin məqsədi:
Ölkədə ifadə və mətbuat azadlığı və informasiya əldə etmək hüququ ilə bağlı
real vəziyyəti qiymətləndirmək;
Söz azadlığının pozulması halları barədə yerli və beynəlxalq tərəfdaşları
məlumatlandırmaq və onları islahatların təşviqinə
cəlb etmək;
Qabaqcıl beynəlxalq təcrübəni təbliğ etmək, və hüquq pozuntusu hallarının
aradan qaldırılması və ölkədə ifadə azadlığı durumunun yaxşılaşdırılması
məqsədilə konkret addımların atılması üçün tövsiyələr vermək, olmuşdur.
1.3. Metodologiya və struktur
Bu hesabat masaüstü və yerində aparılmış araşdırmalar, müsahibələr, məhkəmə
proseslərinin monitorinqi, media monitorinqi, daxil olan sorğuların və şikayətlərin
təhlil olunması, RATİ-nin “jurnalistlərin təhlükəsizliyi üçün yaradılmış qaynar
xətti”nin statistikası və qanuni yolla əldə olunmuş digər informasiyaların əsasında
hazırlanmışdır. RATİ personalı bu hesabatı yerli və beynəlxalq ifadə azadlığı
ekspertləri ilə məsləhətləşmələr aparmaqla hazırlamışdır.
Hesabat altı fəsildən ibarətdir və RATİ-nin diqqət yetirdiyi aşağıdakı əsas sahələri
əhatə edir: ifadə azadlığı üçün konstitusional, siyasi və hüquqi mühit; jurnalistlərə
qarşı törədilmiş cinayətlərə görə cəzasızlıq, jurnalistlərin və digər media
nümayəndələrinin fəaliyyət mühiti.
Şəxsi toxunulmazlıq hüququnun pozulmasından tənqidçi jurnalistlərə qarşı bir
təzyiq forması kimi istifadə olunduğu üçün, bu hesabata ilk dəfə olaraq şəxsi
toxunulmazlıq hüququnun məhdudlaşdırılması, xüsusilə də jurnalistlərin izlənməsi
ilə bağlı ayrıca bir fəsil daxil edilib.
Giriş hissənin ardınca, hesabat RATİ-nin Azərbaycan hökumətinə ölkədə söz
azadlığının pisləşməkdə olan durumunun yaxşılaşdırılması üçün tövsiyələrini
təqdim edir. Hesabatın birinci fəsli jurnalistlərə qarşı zorakılıq halları, şantaj və
təzyiqin digər formalarını araşdırır. İkinci fəsil şəxsi həyatın toxunulmazlığı
hüququnun məhdudlaşdırılması hallarını nəzərdən keçirir. Üçüncü fəsildə ifadə
azadlığının hüquqi yolla boğulmasının vasitələri öz əksini tapmışdır. Dördüncü
fəsil ifadə azadlığı ilə bağlı hazırkı və son zamanlar baş vermiş tutulma və həbs
halları barədə məlumat verməklə, hökuməti tənqid edən şəxslərin həbsindən bəhs