Dokumentat Standarde të Tenderit
detyrimet e palëve, termi do të ketë kuptimin që i ka dhënë botimi i fundit i Incotermave
botuar nga Dhoma Ndërkombëtare e Tregtisë.
13.2 Vendi i dorëzimit të Mallrave do të jetë sipas specifikimit të kontratës.
13.3 Koha e dorëzimit të Mallrave dhe data e përfundimit të Shërbimeve të lidhura me to do të
jetë sipas specifikimit në kontratë.
13.4 Dorëzimi i Mallrave duhet të bëhet gjatë orarit të punës me përjashtim të rastit kur kjo
kërkesë bie ndesh me ndonjë dispozitë të kontratës.
13.5 Kontraktuesi është i detyruar të njoftojë Autoritetin Kontraktor brenda një periudhe kohore
të arsyeshme për dorëzimin e Mallrave përpara arritjes së tyre.
Neni 14
Transportimi i Mallrave
14.1 Kontraktuesi është i detyruar të sigurojë ngarkimin dhe transportimin e Mallrave siç
kërkohet, me qëllim që të plotësojë afatet dhe kushtet e dorëzimit të specifikuara në
kontratë.
14.2 NëAurtoriteti Kontraktor është i detyruar të marrë Mallrat nga ndonjë mjet transporti apo
agjenci transporti, Kontraktuesi duhet të japë lajmërim paraprak të arsyeshëm për
transportin dhe t’i dorëzojë Autoritetit Kontraktor të gjitha dokumentat e nevojshme për
marrjen e Mallrave.
14.3 Nëse shitësi, [Kontraktuesi] është i detyruar t’i dorëzojë mallrat në mjetin e transportit në
një vend të specifikuar në kontratë, risku i humbjes kalon tek Autoriteti Kontraktor vetëm
kur mallrat i dorëzohen mjetit të transportit në vendin e specifikuar. Fakti se shitësi
[Kontraktuesi] është i autorizuar të mbajë dokumentat përfaqësuese të mallrave nuk
influencon në kalimin e rriskut.
Neni 15: Siguracioni
15.1 Me përjashtim të rasteve kur parashikohet ndryshe në kontratë, Kontraktuesi duhet të
sigurojë qëe Mallrat që do të dorëzohen sipas kontratës janë plotësisht të siguruara ndaj
humbjes ose dëmtimit gjatë transportit, magazinimit ose dorëzimit të tyre.
Neni 16: Verifikimi dhe Pranimi i Mallrave
16.1 Përpara pranimit, Autoriteti Kontraktor ka të drejtë të verifikojë, inspektojë dhe testojë
Mallrat. Këto veprime duhet të kryhen menjëherë pas dorëzimit të Mallrave. Kontraktuesi
ka të drejtë të marrë pjesë në këtë proces dhe të shqyrtojë raportet përkatëse të prërgatitura
nga Autoriteti Kontraktor ose agjentët e tij.
16.2 Autoriteti Kontraktor pranon ose refuzon Mallrat menjëherë pas dorëzimit duke njoftuar
me shkrim Kontraktuesin në lidhje me vendimin e tij për të pranuar ose refuzuar Mallrat.
Neni 17: Garancitë
102
Dokumentat Standarde të Tenderit
17.1 Kontraktuesi garanton se Mallrat janë të reja, të papërdorura dhe të modeleve të fundit dhe
se ato trupëzojnë përmirësimet e fundit në skicim dhe materiale, me përjashtim të rasteve
kur parashikohet ndryshe në kontratë.
17.2 Shitësi (Kontraktuesi) mban përgjegjësi për çdo defekt ose mospërputhje që ekziston në
momentin kur risku kalon tek Autoriteti Kontraktor, edhe kur defekti shfaqet pas këtij
momenti.
17.3 Shitësi (Kontraktuesi) mban përgjegjësi për mospëputhjen që verifikohet pas momentit të
treguar në paragrafin e mësipërm dhe që vjen nga mospërmbushja e ndonjë detyrimi, duke
përfshirë garancinë që Mallrat duhet të jenë të përshtatshme për përdorimin e tyre të
zakonshëm dhe specifik për një periudhë të caktuar kohe, ose se ato do të ruajnë cilësitë
dhe karakteristikat e caktuara.
17.4 Me përjashtim të rasteve kur parashikohet ndryshe në kontratë ose në ligj, Autoriteti
Kontraktor humbet të drejtën e tij për të kundërshtuar lidhur me të metat e sendit nëse ai
nuk i denoncon ato të shitësi (Kontraktuesi), duke specifikuar natyrën e tyre, brenda dhjetë
ditëve nga zbulimi i tyre.
17.5 Autoriteti Kontraktor s i mundëson Kontraktuesit të gjitha mjetet e nevojshme për të
inspektuar këto defekte.
17.6 Pas marrjes së këtij njoftimi, Kontraktuesi duhet të riparojë menjëherë ose të zëvendësojë
Mallrat defektoze ose pjesët e tyre pa pagesë shtesë për Autoritetin Kontraktor.
17.7 Nëse pas marrjes së njoftimit, Kontraktuesi dështon në rregullimin e defektit brenda një
periudhe të arsyeshme, Autoriteti Kontraktor mund të ndërmarrë veprime për rregullimin e
nevojshëm, me shpenzimet e Kontraktuesit.
17.8 Në çdo rast, Autoriteti Kontraktor humbet të drejtën për të kundërshtuar për të metat e
sendit nëse ai nuk e ushtron të drejtën e tij brenda dy vjetësh nga data kur sendet i janë
dorëzuar atij, po qe se ky afat nuk bie në kundërshtim me kohëzgjatjen e garancisë
kontraktore.
17.9 Shitësi (Kontraktuesi) nuk mund të shfrytëzojë rregullat e parashikuara ketu nëse defektet
kanë të bëjnë me fakte të njohura prej tij ose që nuk mund të ishin të panjohura për të dhe
që nuk i janë vënë në dukje Autoritetit Kontraktor.
Neni 18: Çmimi i Kontratës
18.1 Çmimi i kontratës është çmimi i dhënë në ofertën e Kontraktuesit dhe i pranuar nga
Autoriteti Kontraktor.
18.2 Me përjashtim të rasteve kur parashikohet ndryshe në kontratë, çmimi i kontratës përfshin
kostot dhe tarifat, duke përfshirë taksat dhe tarifat doganore të lidhura me dorëzimin e
Mallrave, pagesa për transportin, sigurimin, instalimin, testimet, ngarkimin, shkarkimin,
udhëzimet, manualet dhe dokumentat në gjuhën e specifikuar dhe të nevojshme për
103
Dokumentat Standarde të Tenderit
përdorim të rrëgullt, mirëmbajtje dhe riparime të Mallrave. Vlera e taksave dhe tarifave
duhet të përcaktohet sipas legjislacionit përkatës, në fuqi 28 ditë para hapjes së ofertave.
Neni 19: Afatet e Pagesës
19.1 Çmimi i kontratës, duke përfshirë çdo pagesë paraprake, duhet të paguhet në kohë siç
specifikohet në kontratë.
19.2 Me përjashtim të rasteve kur parashikohet ndryshe në kontratë, pagesa duhet bërë në
monedhë Shqiptare. Kursi i këmbimit të monedhave të ndryshme do të jetë kursi i Bankes
së Shqiperise i fiksuar në ditën e dërgimit për botim të njoftimit të kontratës.
19.3 Me përjashtim të rasteve kur parashikohet ndryshe në kontratë, kërkesa e Kontraktuesit për
pagesë duhet t’i bëhet Autoritetit Kontraktor me shkrim. Për çdo kërkesë, Kontraktuesi
duhet të paraqesë origjinalin dhe kopjen së bashku me një listë të sendeve që përshkruan
Mallrat e dorëzuara dhe shërbimet e kryera.
19.4 Me përjashtim të rasteve kur parashikohet ndryshe në kontratë, pagesa për Mallrat do të
bëhet brenda 30 ditëve kalendarike nga dita që janë pranuar Mallrat ose nga dita e marrjes
së kërkesës për pagesë cilado të jetë më vonë.
19.5 Data e pagesës do të jete dita që fondet xhirohen nga llogaria e Autoritetit Kontraktor.
Neni 20: Vonesa në Bërjen e Pagesës
Në rast të verifikimit të vonesave në kryerjen e pagesave nga ana e Autoritetit Kontraktor,
megjithëse kontraktuesi ka përmbushur të gjitha detyrimet e tij në përputhje me kushtet e
kontratës, detyrimet e prapambetura dhe kamatëvonesat përkatëse do të kryhen në
përputhje me parashikimet e ligjit nr. 48/2014 “Për pagesat e vonuara në detyrimet
kontraktore e tregtare”.
Neni 21: Nryshimi i Ligjeve dhe Rregulloreve
21.1 Nëse pas datës së nënshkrimit të kontratës, ndonjë ligj, rregullore, urdhëresë, urdhër ose
procedurë me efektin e ligjit në Republikën e Shqipërisë hyn në fuqi, nxirret ose ndryshon
dhe ndikon kushtet, duke përfshirë datën e dorëzimit, ose çmimin e kontratës, kushtet ose
çmimi i kontratës do të rregullohen në atë masë sa Kontraktuesi është ndikuar në
përmbushjen e detyrimeve të tij sipas kontratës.
Neni 22: Forca Madhore
22.1 Kontraktuesi nuk mban përgjegjësi për humbjen e sigurimit të kontratës, dëmeve të
likuiduara ose ndërprerjen për mosplotësim, nëse dhe deri në masën që vonesa në zbatim
ose ndonjë dështim tjetër në zbatimin e detyrimeve të tij sipas kontratës vijnë si rezultat i
verifikimit te rasteve të Forcës Madhore.
22.2 Për qëllimet e këtij neni “Forcë Madhore” do të thotë një ngjarje jashtë kontrollit të
Kontraktuesit mbi fajin ose neglizhimin dhe e paparashikueshme nga ana e tij. Ngjarje të
104
Dostları ilə paylaş: |