20
veprat e shkrimtarëve arbëreshë. Nga kjo diasporë, kanë dalë poetë dhe studiues të shquar , si Jeronim De
Rada, Vinçens Dorsa, Zef Skiroi, etj., të cilët mbeten figura të mëdha mendore politike dhe kulturore të
Rilindjes Shqiptare gjatë shekullit XIX.
151
Rilindja qe një epokë e zgjimit të ndërgjegjes kombëtare të
shqiptarëve, të formimit të shtetit dhe kulturës së tyre. Arbëreshët i dhanë kësaj kulture dhe lëvizjeje, jo
vetëm emrat e shquar të përmendur më lart, por dhe modelin e një letërsie e cila qe shtyllë e fortë
mbështetëse e lëvizjes politike për liri e pavarësi.
152
Gjatë shekujve XVIII dhe XIX, krahas letërsisë me
objekt fetar, iu dha rëndësi dhe veprave me karakter folkloristik, gjuhësor dhe politik. Nisi një lëvizje
kulturore letrare dhe politike që i hapi rrugë zgjimit kombëtar shqiptar. Me rëndësi ishte edhe puna e
arbëreshëve të Italisë, në shekullin XIX e në fillim të shekullit XX, në lëmin e studimeve shqiptare, sidomos
të folklorit, gjuhës e letërsisë shqiptare. Për mbledhjen e folklorit të arbëreshëve të Sicilisë e të Kalabrisë u
dallua një numër i madh mbledhësish, ndër të cilët më të shquarit qenë De Rada, Dhimitër Kamarda, Anton
Skura. Figurat më të shquara Xhorxho Guxeta (1682-1756), Paolo Maria Parrino (1710-1765), Nikollë Keta
(1742-1803), Xhuzepe Krispi (1781-1859), Jeronim De Rada (1814-1903), Françesko Krispi (1818-1901),
Dhimitër Kamarda (1821-1882), Vinçens Dorsa (1823-1885), Anselmo Lorekio (1843-1924), Xhuzepe
Skiroi (1865-1927) dhe shumë të tjerë, të cilët, përmes veprave të tyre letrare, historike, gjuhësore dhe
politike, bënë të njohur në të gjithë botën ekzistencën e kombit shqiptar.
153
Studiuesi i mirënjohur i
arbëreshëve të Italisë, K. Kamzi, i cili ka jetuar dhe punuar për një kohë jo të pakët në mjediset arbëreshe në
fillim të këtij shekulli, shkruan për ta:
― Të pajisur me një karakter të fortë, mbetën për gati pesë a katër shekuj shqiptarë me gjuhë, me
tradita e doke. Dhe këtë lidhje gjaku nuk e treguan vetëm duke ruajtur me më të madhin kujdes dhe
një qëndresë të rrallë, vetitë dhe karakteristikat e veçanta të racës sonë, por këtë dashurie shfaqën
dhe e treguan me shërbime të mëdha në letërsinë shqipe të Rilindjes sonë kombëtare… Shqiptari i
Sicilisë, i Kalabrisë, i Bazilikës, qëndronte besnik i patundur i traditave të racës së vet… E, me këtë
qëndresë e shpirt konservativ, u përpoq t`i bëjë ballë rrymave të ndryshme të jetës dhe ndikimit të
elementit të huaj, për të ruajtur bashkë cilësitë etnike të kombit shqiptar edhe një visar tjetër të
çmueshëm, gojëdhënat dhe këngët tradicionale të kohës së Skënderbeut, të cilat përbëjnë pasqyrën e
gjallë dhe më të vërtetë të dokeve të etërve tanë”.
154
Më konkretisht, rreth kontributit kulturor dhe politik të këtyre atdhetarëve shqiptarë, do të diskutohet
në vazhdimësi të punimit. Krahas figurave të lartpërmendura, shkrimtarë, poetë, studiues të tjerë arbëreshë
dhanë kontributin e tyre në ndërtimin e një fondi të pasur veprash letrare, poetike dhe gjuhësore. Përmes
151
Gjovalin Shkurtaj, ―Dialektologët shkodranë për të folmet dhe ligjërimet arbëreshe‖ në Shkodra , arbëreshët dhe
lidhjet shqiptaro-italiane, ―Studime shqiptare‖ nr. 20, Shkodër ( 2013): 149
152
Francesco Altimari, Fiorella De Rosa ― Akte të seminarit të III Ndër kombëtare për studimet e arbëreshëve :
(Rende- Lungro-Fraschineto- S. Basile, 18-21 Dicembre 1997), .21
153
Gaetano Petrotta, Letteratura Albanese e Italo-Albanese (Oficine Grafiche Carlo Ferrari:Venezia,1939), 25
154
Kol Kamsi, “Shqiptarët e Italisë‘ Leka, viti VI, Shkodër, 1934, 19
21
këtyre veprave, autorët nuk reshtin së shprehuri hapur dëshirën për një Shqipëri të lirë dhe të pavarur. Çdo
katund apo qendër arbëreshe ka pasur dhe ka përfaqësuesit e vet në fusha të ndryshme të kulturës dhe të
letrave. Vlen të përmendim një sërë emrash të shquar shkrimtarësh që formojnë një pjesë të lartë të historisë
letrare të Shqipërisë. Nga Mexojuso: Nikolo Filio, Xhovani Barbaçi, Nikolo Dragota, Onofrio Buko,
Athanasi Skiro, etj. Nga Kontesa Entelina: Nikolo Keta, Spiridone Lo Iakono, Alesandro Skiro, Françesko
Keta Skiro. Nga Palaxo Adriano: Paolo M. Parrono, Gavril Dara, Andrea Dara, Gavril Dara i Riu, Xhuzepe
Krispi, ipeshkv dhe professor i greqishtes në Universitetine Palermos, Nikolo Spata, Pietro Kiara, Emanuele
Bidera, Françesko Krispi Glaviano. Nga Piana Dei Greçi: Nikolo Brankato, Xhuzepe Borxhia, Xhuzepe
Kamarda, Xhorxho Kostandini, Kristina Xhentile, Xhovani Guxeta, Xhuzepe Muzakia, Francesko Parrino,
Xhovani Skiro, Vinçenzo Skiro, Gernaldo Beniçi dhe Dhimitër Kamarda.
155
Maqi (Macchia Albanese)
shquhet si vendlindja e burrave të shquar si Jeronim De Rada, Mikel Markianoi, Dhimitër Mauro, Vinçens
Dorsa, Bernard Bilota, Françesco Saluton. Shën Benedikti (San Benedeto Ullano) është vendi ku u
themelua kolegji arbëresh i Shën Adrianit, po njëkohësisht dhe vendi ku lindën burra të shquar si Arisritide
Manes, vëllezërit Rodota, Axhensilao Milano, etj. Nga ngujimet shqiptare në Sicili përmendim Hora e
Arbëreshëve (Piana deli Albanezi), e cila ishte vatër e hershme dhe e pashuar e arbëreshëve. Në këtë vend
lindën shkrimtarë dhe figura të mëdha të kulturës dhe letrave shqipe si Lekë Matrënga, Gjergj Guxeta, Zef
Skiro.
156
Ata dhanë një kontribut të rëndësishëm në ruajtjen e gjuhës dhe kulturës arbëreshe. Këtë e realizuan
duke punuar shumë përmes letërsisë arbëreshe. Veprat e tyre letrare patën rëndësi të madhe, sepse përmes
tyre, mundën të ruajnë gjuhën e ta përhapin atë duke bërë që kolonitë shqiptare në Itali të mos asimiloheshin.
Rezistenca shekullore e arbëreshëve lidh bashkë pasurinë kulturore që ishte, duke e ruajtur dhe zhvilluar më
tej. Shkrimtarët arbëreshë përpiqeshin që, përmes veprave letrare, të pasqyronin botën e bukur shpirtërore si
dhe ta zhvillonin atë, kurse, nga ana tjetër, të nxisnin dhe forconin dashurinë për atdheun. Një vepër e cila
pasqyronte të dy këto aspekte ishte vepra e Leke Matrengës, Dottrina Cristiana - E mbësuame e krështerë,
botuar në 1592 në Romë. Në letërsinë artistike, kontribut dhanë shumë autorë si: Jeronim De Rada,
Françesko Antonio Santori, Gavril Dara i Ri, Zef Serembe, Zef Skiroi etj. Këta autorë, si dhe të tjerë
bashkëkohorë, në veprat e tyre paraqitën ngjarje dhe problematika që lidheshin me të shkuarën dhe të
ardhmen.
Duke shfaqur momentet historike të së kaluarës, poetët arbëreshë përpiqeshin të evokonin të kaluarën
historike për të nxitur rritjen e ndërgjegjes kombëtare të popullit. Kjo vihet re dukshëm në evokimin e kokës
së artë të Skënderbeut, siç pasqyrohet në veprat e De Radës dhe Skiroit, ku bashkëpatriotët e tyre bënin
thirrje për fitore mbi realitetin e vështirë, duke besuar në rezistencën e individit. Përmes paraqitjes të
155
Petrotta, Arbëreshët e Siqelisë, 70
156
Shkurtaj, Shkodra , arbëreshët dhe lidhjet shqiptaro-italiane..., 150
Dostları ilə paylaş: |