xi
vendosjen e shqiptarëve në Itali dhe kontributin e tyre, ndonëse jashtë atdheut, në çështjen kombëtare.
Krahas tij, përmendim dhe studimin e Patricia Restas, “Popolo in camino: Le migracioni albanesi in
Italia”. Resta tregon për emigracionin e komunitetit shqiptar drejt Italisë. Sipas të gjitha të dhënave,
Resta pohon se eksodi i shqiptarëve drejt Italisë kalon në disa faza, nga vitet 1400 deri në vitet 1500.
Faza e parë u përket viteve 1460-1461 dhe e fundit rreth vitit 1520. Kolonitë më të mëdha italo-shqiptare
u formuan në Sicili, Kalabri, Bazilikatë. Kryesisht komuniteti arbëresh, sipas P. Restas, u vendos në
Piana degli Albanesi, Palazzo Adriano, Mezzojuso, Kontessa Entellina, etj. Në Kalabri, ky komunitet u
vendos në provincën e Kozencës, kryesisht në Spezzano Albanese, San Demetrio Korona, San Benedeto
Ullano, Frascineto, Lungro, Aquaformosa, etj. Rëndësi të veçantë në studimin tim rreth botës së gjerë
arbëreshe kanë luajtur dhe katër vëllimet “Le Diversita Arbereshe”. Vëllimet I ,II, III, kanë rëndësi
primare në pasqyrimin më nga afër të rolit të komunitetit arbëresh. Në vëllimin II, “I luoghi e gli
uomini” (Cozenca 2003), shkruar nga Xhuzepe Karlo Siçiliano, na jepen të dhëna me rëndësi rreth
emigracionit të arbëreshëve drejt Italisë, viteve kur emigruan, vendeve ku u vendos ky komunitet dhe
rolit të mjaft burrave të shquar arbëreshë. Krahas autorëve dhe veprave të lartpërmendura, në këtë
studim kam shfrytëzuar dhe mjaft vepra të studiuesve të tjerë, ndër të cilët Jub Kastrati “Jeronim De
Rada”, Nelver V. N.“Xhuzepe Garibaldi” (Prishtinë. 1969), Xhuliano Prokaçi “Historia e Italianëve”,
(Tiranë.2000), Xhuzepe Bandi “Të Njëmijtët: Kujtime për Garibaldin” (Tiranë 1974), libri i Josef Sëire
“Albania, The Rise of a Kingdom” (London, 1929), Lisimberti. P. – Todisco. A. “Puglia e Albania”,
(Brindisi.1992), Anselmo Lorecchio . “ Francesco Crispi ” Estrato dal periodico “La Nazione Albaneze
1923, Pietro Chiara. “L’Epiro gli albanesi e la lega”(Palermo1880), Rosalino Petrota “ Arbëreshtë në
Siqeli” (Tiranë 1941), Salvatore Petrota Mandala “ Italia e Albania” Michele Marchiano “L’ Albania e
l’opera di Girolomo De Rada”, Capitano Mario “Francesco Krispi e le sue memorie”, Michelangelo
Mendella “Agesilao Milano e la cospirazione antiburbonica”, etj. Një burim shumë të vlefshëm
dokumentar përbëjnë edhe përmbledhjet e dokumenteve dhe të fjalimeve të një personazhi të rëndësishëm
të periudhës që është objekt studimi. Bëhet fjalë për kujtimet në tre vëllime të ish kryeministrit italo-
shqiptar Françesko Krispi, si: “Francesco Crispi: Questioni internacionali“ (Milano,1913), “Francesco
Crispi: Politica estera” (Milano, 1912), “The Triple Aleance” ( London, 1913). Në këtë studim
voluminoz ka informacione të vlefshme dhe konsiderata për politikën e Italisë ndaj çështjes shqiptare në
fillim të shekullit të XX. Një tjetër studim me interes, i po këtij autori, është edhe libri “Italy and the
wider world 1860-1960” (London, 1996) ku trajtohen, veç të tjerash, edhe raportet e Italisë me
Perandorinë Osmane, sidomos në vitet e fundit të ekzistencës së saj. Një vepër me rëndësi është dhe ajo e
autores Aliza S. Wong “Race and the Nation in Liberal Italy, 1861–1911, Meridionalism, Empire, and
Diaspora”. Përmes këtij studimi, autorja na ndihmon të hedhim dritë mbi betejat e zhvilluara për
xii
arritjen e unitetit të Italisë, beteja në të cilat nuk mund të lihet pa përmendur roli i arbëreshëve. Shtypi i
kohës mbetet një tjetër burim me vlerë për ndriçimin sa më të plotë të kësaj periudhe. Rrethanat në të
cilat gjendej Shqipëria nën sundimin otoman, nuk lejuan që të dilte dhe të përhapej shtypi periodik
brenda vendit. Vetëm jashtë Shqipërisë u arrit që të krijoheshin periodikë, të cilët ngritën zërin përpara
Evropës, me qëllim që të bënin të njohur ekzistencën e kombit shqiptar dhe të drejtës e tij për të qenë
shtet i lirë dhe i pavarur. Gazetaria shqiptare luajti një rol të çmuar duke ndihmuar çështjen kombëtare.
Arbëreshë si Jeronim De Rada, Anselmo Lorekio, Terenc Toçi, Zef Skiroi, etj., kontribuuan duke e bërë
të njohur çështjen kombëtare shqiptare në arenën ndërkombëtare. Këtë e realizuan duke u bërë
nismëtarë në krijimin e organeve të pra të shtypit shqiptar në Itali. Nga ana kronologjike, sipas të
dhënave që kemi deri sot, njihet si organ i parë i shtypit shqiptar gazeta “L’Albanese d’Italia”
(Arbëreshi i Italisë). Kjo gazetë doli në Napoli më 23 shkurt 1848. Në krye të saj qëndronte figura e
Jeronim De Radës, rilindas i shquar i kohës.
Jeronim de Rada botoi një nga organet e shtypit më me rëndësi të kohës, të quajtur “Flamuri i
Arbërit”, i cili u botua në Kalabri në vitet 1883-1887 në dialektin e arbëreshëve të Kalabrisë dhe italisht.
De Rada përmes “Flamurit të Arbërit”, i bëri të njohur Evropës se ekzistonte një komb shqiptar, i cili ka
pasur një histori, gjuhë, traditë historike, e si rezultat, kishte mjaft të drejtë të aspironte për lirinë dhe
pavarësinë e tij. Krahas gazetave të lartpërmendura, me nismën e poetit arbëresh Xhuzepe Skiroi, u
botua në 1887 në gjuhën shqipe (Gjuhën arbëreshe të Italisë së Jugut) dhe pjesërisht italisht, Revista
“Arbëri i ri”. Një gazetë tjetër me rëndësi ishte “La nazione Albanese” me drejtuesin e saj Anselmo
Lorekio. Shtypi i kohës na tregon edhe një herë që ka dhënë kontributin e tij në fushën shoqërore,
kulturore dhe politike gjatë periudhës së Rilindjes kombëtare shqiptare. Një grup dokumentesh me
rëndësi janë edhe ato në Arkivin e Shtetit Shqiptar. Duke shqyrtuar këto dokumente është bërë e mundur
krijimi i një pasqyre sa më të qartë të problemeve të kohës. Ndër to mund të veçojmë dokumentet e
shoqatës “Pro Patria” në Itali, shoqatë e cila u përpoq të organizonte nacionalistët shqiptarë në Itali me
qëllim që të arrihej krijimi i shtetit të pavarur shqiptar.
Objektivi i këtij studimi është të tregojë rreth botës së larmishme të arbëreshëve. Do të trajtohet
gjerësisht kontributi i mjaft figurave të rëndësishme arbëreshe në të gjitha fushat pa harruar rolin e
rëndësishëm që patën në mbrojtjen e çështjes kombëtare. Por jo vetëm kaq, ky studim do thellohet dhe në
trajtimin e marrëdhënieve shqiptaro-italiane. Synimi është që të vërë në dukje ndihmesën e ndërsjellë që
kanë e i kanë dhënë dy popujt njëri-tjetrit. Njëkohësisht, do të vërë në dukje se cilat ishin interesat e
Italisë kundrejt Shqipërisë, ndaj të cilës ajo ndërmori një politikë të jashtme aktive, e udhëhequr nga
Françesko Krispi. Pse diaspora arbëreshe u bë një faktor me rëndësi në formulimin e qëndrimeve
politike të shtetit Italian ndaj Shqipërisë dhe çështjes shqiptare në tërësi. Pikërisht këtë pyetje dhe shumë
Dostları ilə paylaş: |