159
gjeografike e Shqipërisë, me një afërsi relativisht të madhe me Italinë dhe Austro-Hungarinë, si dhe
pozita e rëndësishme në Ballkan e në Adriatik, e bënte atë një vend mjaft të lakmuar nga dy
superfuqitë. Synimi i politikës italiane ishte të kthente Adriatikun në një liqen italian. Për Italinë,
çështja shqiptare reduktohej te porti i Vlorës dhe ishulli i Sazanit, që kontrollonte ngushticën e
Otrantos, nga e cila varej siguria dhe liria e saj në Adriatik. Projekti i Italisë tregonte hapur interesat
e saj për t`u zgjeruar drejt Adriatikut e Jonit. Për realizimin e qëllimeve të saj, në dhjetëvjeçarin e
parë të shekullit XX, Italia intensifikoi aktivitetin e vet në tokat shqiptare, në kuadrin e politikës së
―depërtimit paqësor‖. Synimet e politikës italiane binin ndesh me interesat e monarkisë dualiste
austro-hungareze. Austro-Hungaria dëshironte që Durrësi dhe Vlora t`i mbeteshin Shqipërisë, që ajo
të mund të gëzonte liri veprimi në Adriatik e që Shqipëria, si një vend josllav, të mund të përdorej si
barrierë kundër shovinizmit. Ajo donte që pjesa veriore të ishte brenda shtetit shqiptar sepse, në këtë
mënyrë, bllokohej dalja e sllavëve në detin Adriatik. Synimet austriake cenonin luftën çlirimtare të
popullit shqiptar kurse, pas dashamirësisë ndaj popullit shqiptar, fshihej synimi i saj për vendosjen e
një protektorati në Shqipëri. Austria mbështeste autonominë e Shqipërisë në rast të rënies së
Perandorisë Osmane, por nën protektoratin e saj. Nga ana tjetër, Italia përkrahte parimin e
kombësisë në rastin e shkatërrimit të Turqisë, megjithatë interesi i saj kryesor ishte që Shqipëria të
mos binte në duart e Austro-Hungarisë. Dëshira për rritjen e ndikimit në Shqipëri nxiste më shumë
rivalitetin austro-italian, një ―depërtim paqësor‖ në Shqipëri dhe një shtim të ndikimit. Nëpërmjet
shtimit të shkollave, Italia donte të rriste ndikimin e gjuhës e të kulturës së saj në Shqipëri. Kjo do të
përgatiste truallin për të vendosur kontrollin mbi Shqipërinë. Të njëjtën politikë ndoqi dhe Austria
duke favorizuar shtrirjen e ndikimit të saj në Shqipëri.
Pavarësisht mendimeve pro e kundra ndaj qëndrimeve austriake dhe italiane, në Shqipëri
atdhetaret shqiptarë forcuan lëvizjen kombëtare dhe asnjëherë nuk u pajtuan me këto synime.
Arbëreshët, krahas aktiviteteve letrare dhe politike, kontribuuan në favor të çështjes kombëtare
shqiptare edhe përmes manifestimeve, memorandumeve, njëkohësisht edhe përmes krijimit të
komiteteve dhe shoqërive politike atdhetare. Aktiviteti i tyre ka qenë sa individual dhe kolektiv.
Nga vitet 1895-1897 u themeluan disa komitete dhe shoqëri politike nga komuniteti arbëresh në
Itali. Në korrik të vitit 1895, u organizua një mbledhje në kolegjin kishtar të Shën Adrianos në San
Demetrio Korone, ku lindi një komitet i përkohshëm i kryesuar nga De Rada, i përbërë nga
Konforti, nga priftërinjtë Anton Argondica e Anxhel Ferrari, me pranimin e kryemurgut Luixh
Lauda e të dr. Agostin Ribeko. Në 9 prill 1987 u themelua në Napoli një komitet politik shqiptar
nën kryesinë e Markezit d‘Auletta. Organ i komitetit ishte ―La Nuova Albania‖. Një tjetër komitet i
rëndësishëm që punoi në favor të çështjes kombëtare, ishte Komiteti i Aksionit i krijuar nga një grup
160
të rinjsh revolucionarë të kryesuar nga prof. Xhuzepe Beniçi. Një rol të rëndësishëm në
veprimtarinë pro lëvizjes kombëtare shqiptare dhe njëkohësisht si nxitëse e thirrjeve për ndihmë
drejtuar politikës italiane, luajti Shoqata Kombëtare Shqiptare, e udhëhequr nga Anselmo Lorekio.
Këtë rol e përforcoi botimi i gazetës ―Kombi Shqiptar‖ ose ―La Nazione Albanese‖. Në 13 korrik të
1902, në Palermo u krijua Shoqata e Shqiptarëve të Sicilisë së bashku me mjaft komitete e
nënkomitete në koloni të ndryshme të Kalabrisë dhe Sicilisë. Këto komitete ishin formuar me një
qëllim të përbashkët, për të ndihmuar në luftën për çlirimin kombëtar të Shqipërisë. Në vitin 1900,
revoltat në Shqipëri u thelluan, atëherë u pa si i nevojshëm dërgimi i vullnetarëve italianë në
mbështetje të tyre. Projekti mori hov në vitin 1904, vit në të cilin Garibaldi ftoi figurat më të
rëndësishme të kolonive në një mbledhje në Romë, më 24 mars 1904, ku formoi Këshillin e
Shqiptarëve të Italisë (Consiglio Albanese d‘Italia). Ismail Qemali, në 1900, nxori një program
politik për Lëvizjen Kombëtare. Në këtë program, ai paraqiste idenë e konsolidimit të Kombësisë
Shqiptare, afirmimin e shqiptarëve si komb më vete, si dhe njohjen e identitetit kombëtar në arenën
ndërkombëtare. Veprimtarisë së komiteteve arbëreshe i shtoheshin dhe komitetet Pro Patria nën
drejtimin e R. Garibaldit, që luajtën një rol të rëndësishëm në mbledhjen e fondeve që do të
shërbenin në favor të lëvizjes kryengritëse shqiptare. Krahas komiteteve, një rol me rëndësi në këtë
periudhë në propagandimin pro çështjes shqiptare, luajti dhe shtypi shqiptar në Itali. Një përpjekje e
rëndësishme ishte edhe organizimi i italo-shqiptarëve në shoqatën Pro Albania nën drejtimin e
Riçoti Garibaldit. Kjo shoqatë synonte të realizonte ndërhyrje në Shqipëri përmes forcave
vullnetare, në mbështetje të lëvizjes kryengritëse shqiptare. Nga ky bashkëpunim pritej të realizohej
një kryengritje e përgjithshme e, më pas, shpallja e pavarësisë. Kontributi erdhi dhe nga shqiptarët e
diasporës në Greqi, Rumani, Egjipt, Shtetet e Bashkuara, etj. Lëvizja kombëtare shqiptare në vitet
1910-1912, u zgjerua dhe thellua shumë. Në këto vite, Shqipëria u gjend përballë lëvizjeve të
shumta në mbarë vendin. Lufta e armatosur e shqiptarëve hyri në një fazë të re të zhvillimit të saj,
që paraqet një periudhë të rëndësishme për historinë e Lëvizjes Kombëtare Shqiptare, pasi përbën
kulmin e saj.
Kjo periudhë u shoqërua me Revolucionin Xhonturk, ngjarje e rëndësishme e vitit 1908 jo
vetëm për Perandorinë Osmane, por dhe gjithë çështjen lindore në përgjithësi. Por qeveria
xhonturke mori masa që ishin shumë larg premtimeve të saj para Revolucionit. Kjo solli që
vështirësitë ekonomike të shtoheshin dhe të bëheshin shkak i rritjes së pakënaqësisë të përgjithshme
dhe acarimit të luftës politike. Përballë shtimit të presionit centralizues, shqiptarët shfaqen
pakënaqësitë e tyre duke shpërthyer në një varg kryengritjesh e rebelimesh në vitet 1909-1912.
Kryengritjet shqiptare ishin një mundësi e artë për politikën italiane të kësaj periudhe për t‘i dhënë
Dostları ilə paylaş: |