|
Рийазиййатчы алим
28
Nəriman Həsənzadə,
xalq şairi:
«Bizim Hamlet müəllimin Şekspirin Hamletindən daha
qətiyyətli, yaradıcı və qurucu olduğu fikri dolaşdı başımda
və onun şəninə bir şeir yarandı:
Şekspir dahidir şəksiz-şübhəsiz,
"Hamlet"i Hamletə bənzər yaratdı.
Lakin ləngimədi Borçalı prins,
Xəzər sahilində «Xəzər» yaratdı.
Hamlet müəllimin «Susma, danış, ay ana» şeiri anaya
həsr edilmiş ən səmimi əsərlərdən biridir».
Mövlud Süleymanlı,
yazıçı:
«İstanbul, Boğaziçi» şeirini oxudum, səmimi olaraq
deyim ki, dünyanın bütün ayrılıqlarını xatırladım.
Lalələr haqda çox şeirlər oxumuşuq, yəqin ki, hələ də
oxuyacağıq. Hamlet İsaxanlının bu dörd bənddən ibarət
olan «Lalə» şeiri əbədi olan BÖYÜK SÖZÜN ifadəsidir.
«Durnalar» şeirini oxuyanda M.V.Vidadinin, M.P.Va-
qifin «Durnalar»ını xatırladım. İstər-istəməz milli sərvətimiz
olan bu gözəl, klassik şeirlərlə yanaşı görün Hamlet İsaxan-
lının «Durnalar»ı necə yenidir, təsirlidir, fikir baxımından,
ifadə baxımından necə bu günündür».
Vidadi Babanlı,
yazıçı:
«Hamlet İsaxanlı şeir məclisinin şan-şöhrətli keçməsi
bizim üçün fərəhlidir. Biz fərəhlənirik ki, bizdən sonra sənətə
gələnlərin belə uğurları var».
Turac Atabaki,
tarixçi, tərcüməçi (Niderland):
29
«Hamlet İsaxanlı poeziyasını xarakterizə edən ifadə-
lərdən biri müasir sufizm ola bilər».
Hans Ahmed Schmide,
filoloq, tərcüməçi (Almaniya):
«Şeir kitablarınızı zövq və maraqla oxumağa başlamı-
şam. İlk varaqlayanda «Hacı oldun, çox mübarək!» adlı şei-
riniz xüsusilə diqqətimi çəkdi. Qələminizə sağlıq! Ümumiy-
yətlə, şeirlərinizi oxuyarkən bir daha mənə aydın oldu ki,
riyaziyyat ilə şeiriyyət arasında qəribə bir ünsiyyət var.
Mənə görə riyaziyyat dünyəvi elmlərlə elmi-ləduniyyətin
qovşağındadır. Dünya şöhrətli bir matematikçinin eyni za-
manda dərin duyğulu bir şair olmasını ayrı cür izah eləyə
bilmərəm».
Müzəffər Şükür,
şair:
«Hamlet İsaxanlı poeziyasında Şərq müdrikliyi ilə Av-
ropa düşüncəsi bir-birinə qovuşub».
Nijad Mikayılzadə,
fizioloq və dilçi:
«Ələ aldıqda aludə olub, birinci şeirdən son nöqtəsi-
nədək birnəfəsə oxumamış yerə qoymaq mümkün olmayan
şeir toplusu. Bu, Hamlet İsaxanlının «Təzadlar» kitabıdır.
«Səni sevdim çox sadəcə» şeiri Hamlet İsaxanlının ən
mürəkkəb hissləri ən sadə sözlərlə ifadə etmək bacarığını
əks etdirir.
Bir tərəfdən yumoristik xarakter daşıyan, digər tərəf-
dən isə islam dini terminologiyası ilə son dərəcə zəngin
olub, klassik şeir üslubunda yazılmış «Hacı oldun, çox mü-
barək!» şeiri xüsusi diqqətə layiqdir. Bu şeir müəllifin isla-
mın bütün adət-ənənə, qayda-qanun və mərasimlərinə dərin-
dən bələd olduğunu göstərir».
31
Brilliant Dadaşova,
əməkdar artist, müğənni:
«Təzadlar» – mənim ən çox sevdiyim və çox oxudu-
ğum, ayrılmaq istəmədiyim kitablardandır».
Kamran Nəzirli,
yazıçı və publisist:
«Hamlet İsaxanlının poeziyasında diqqəti çəkən əsas
cəhətlərdən biri də onun şeir üslubunun bənzərsizliyi, güclü
bədii duyumu vasitəsilə incə lirizm yaratmasıdır.
Onun şeirləri mövzusuna görə nə qədər müxtəlif olsa
da onları bir xətt birləşdirir, insanlıq sevgisi və məncə, şai-
rin xoşbəxtliyi də ondadır ki, bütün ziddiyyət və təzadlarına,
əzab-əziyyətlərinə və sevincinə baxmayaraq, o, bu sevgidən
doymur, bu sevginin yanğısıyla yaşayır.
Onun «Təzadlar»ında yaratdığı həyat lövhələri həm
böyük sevinci, həm də böyük kədəri eyni dərəcədə tərənnüm
edir. İnsanı heyrətə gətirən, onu sarsıdan və həm də onu
məmnun edən duyğular lirik sətirlərə dönür və əslində bu sə-
tirləri oxuyan adam onu özününkü hiss edir, doğma sayır».
Əziz Pünhan,
ilahiyyatçı:
«Riyaziyyatçı alimin poetik düşüncələri, zərif təbi ilə
yazdığı şeirlər müasir ədəbi prosesləri özündə ehtiva edə
biləcək qədər gücə malikdir.
Hamlet İsaxanlının yüksək intellektini, mədəniyyətini,
əxlaqını, nəcib təbiətini onun şeirlərində də görürük.
«Hacı oldun, çox mübarək!» şeiri Hamlet İsaxanlının
dini dünyagörüşünün yüksək olmasından xəbər verir. Həya-
tın müxtəlif sahələri ilə yanaşı dini məsələləri də ədəbi dillə
təsvir edən Hamlet İsaxanlı Həcc mərasimində ərəbcə ifadə
olunan sözləri olduğu kimi saxlamaq şərti ilə gözəl bir əsər
Dostları ilə paylaş: |
|
|