Risk nədir?

Risk nədir?

Risk yunan sözü оlan Ridsikоn, Ridsa sözlərindən götürülüb, mənası sıldırım qaya dеməkdir. İngilis dilinin izahlı lüğətində isə “risk”- “təhlükə yarada biləcək vəziyyət”, “gözlənilməz xoş olmayan hadisənin baş verməsi ehtimalı” kimi verilmişdir.

Risk - dəyər kəsb edən hər hansı bir əmlakın, vəsaitin, vaxtın və s. itirilmə ehtimalıdır.

Risk, arzuolunmaz bir hadisənin başvermə, yaxud gözlənilən bir hadisənin baş verməməsi ehtimalıdır.

Risk, neqativ nəticələnə biləcək hər hansı hərəkət, yaxud hərəkətsizliklərdir.

Risk, hər hansı bir işin, hərəkətin nəticəsinə 100% dəqiqliklə əmin olmadıqda meydana çıxır.

Risk – qaçılmaz seçim şəraitində qeyri-müəyyənliyin qarşısının alınması məqsədilə atılmış addımdır. Bu zaman gözlənilən nəticəni, uğursuzluğu, məqsəddən yayınmanı kəmiyyət və keyfiyyətcə ölçmək mümkündür.

Risk İdarəetmə Planını Necə Yaratmaq olar?

Risklərin idarə edilməsi müxtəlif qurum və səviyyələrdə müxtəlif üsul və yanaşmalarla tətbiq olunan idarəetmə vasitəsidir. Risklərin idarə edilməsi holdinq səviyyəsində, şirkət/müəssisə səviyyəsində, şirkət və ya qurumda strateji səviyyədə və əməliyyat səviyyəsində müxtəlif məqsədlər üçün tətbiq edilir. Prinsipcə, risklərin idarə edilməsi həm yuxarıdan aşağıya (sahiblik səviyyəsindən biznes bölməsinə), həm də aşağıdan yuxarıya (biznes bölməsindən holdinq səviyyəsinə) qədər planlaşdırılmalı və icra edilməli olan bir prosesdir. bölmələr və şirkətlər. Digər tərəfdən, risklərin idarə edilməsinin əsas prinsipləri səviyyəsindən və əhatə dairəsindən asılı olmayaraq dəyişmir.