30 /
Roman kimi hekayə
gəlib yerinə uzanıb yatdı. Yəni bütün bun-
ları yuxuda görürmüş.
O gündən yuxuya olan marağım birdə-
fəlik itdi. Hətta yuxu görmədiyimə sevin-
dim də. Nənəm öləndən sonra, sanki evi-
mizdə yuxu mövzusu da öldü bizim üçün.
Daha heç kim ya yuxu görmür, ya da yozan
olmadığı üçün yuxusunu danışmırdı. Yal-
nız hərdənbir atamla anamın gecə saatların-
da söhbətləşdiyini eşidirdim. Anam atama
deyirdi ki, əşşi yat, yuxudur da. Gecə yuxu
danışmazlar.
Beləcə, böyüdüm, tələbə oldum və yu-
xu mövzusu mənim üçün bitdi. Bir-iki dəfə
də istədiyim qıza onu yuxuda gördüyümü
deyib, uydururdum. Ürəyimdən keçənləri
yuxu kimi danışır, bununla da istədiyimi
ona çatdırırdım. Onun da xoşuna gəlirdi.
Beləcə, mən özüm də bilmədən arzularımı
yuxuya, yuxularımı arzuya çevirirdim.
Roman kimi hekayə
/ 31
***
Mən ona hələ də həqiqəti deməmiş-
dim. Çünki həqiqəti söyləməkdən qorxur-
dum. O, arvadını çox sevirdi. Hər dəfə on-
dan danışanda gözləri yaşarır, sanki mənim
də onu tanımağımı arzulayırdı. Elə hey
onun gözəlliyindən, saflığından, ona olan
sevgisindən danışırdı. Necə tanış olmaların-
dan, “Ərgənəkon prodakşn”ı necə yaratma-
larından söz açırdı. Amma hərdən durur,
əlini ürəyinin üstünə qoyur, sanki ağlaya
bilmək üçün gözlərini bərk-bərk sıxırdı:
− Bütün bu maliyyə imperiyasını yarat-
maqda məqsədim dünyanı idarə edən pula
32 /
Roman kimi hekayə
sahib olmaq idi. İdeallarım vardı. Düşünür-
düm ki, onları həyata keçirmək üçün böyük
imkanlara malik olmalıyam. Bacardım da...
Dünyanın tanınmış prodakşnlarını qarşım-
da diz çökdürdüm. İflasa uğratdım. Əvvəl-
cə hər şeyi Aycanımla birgə həyata keçir-
məyə başlasam da, prezidentlə görüşüm-
dən sonra böyük maliyyə dəstəyi aldım. Be-
ləcə, kəşfim biznesə, həm də böyük biznesə
çevrildi.
Bunları deyəndə yenə də gözləri yaşar-
mışdı. Sonra xəyallara daldı. Onu tanımadı-
ğımı düşünür, buna həm sevinir, elə sevin-
diyi qədər də təəssüflənirdi. Amma bilmirdi
ki, mən onun yaratdığı Tanrı evlərinin fəlsə-
fəsində böyümüşəm. Bilmirdi ki, bu gün
dünyanın ən böyük mükafatı olan “Tanrı
evi” mükafatının təşkilat qrupunun sədri-
yəm. Onun bir zamanlar, sadəcə Azərbay-
canda yaratdığı “Tanrı evləri” artıq şəbəkə-
yə çevrilmişdi. Baş ofisi Azərbaycanda olan
bir şəbəkəyə. “Tanrı evləri” ibadətgahının
mahiyyəti dünyanın müxtəlif dinlərindən
Roman kimi hekayə
/ 33
olan insanları bir damın altına yığmaq, bir
ideya ətrafında birləşdirmək idi. Bu, Əhməd
Yasəvinin, Vəli Bektaşinin, Mövlanə Cəla-
ləddinin, Yunis Əmrənin, Nəsiminin ide-
yaları üzərində qurulan ibadətgah idi. Am-
ma dinlərdən və təriqətlərdən fərqli olaraq,
bu ilahi məkanın və ideyanın peyğəmbəri,
mürşidi yox idi.
İnsan yaranandan özü üçün Tanrı axta-
rışındadır. Tanrı çox yaradıcıdır, çünki in-
san kimi mürəkkəb mexanizmə sahib özü-
nəbənzər bir varlığı yaratdı. Lakin onun ya-
ratdığı bu varlıq daha da yaradıcı olaraq,
müxtəlif obrazlarda özü üçün Tanrı uydur-
du, necə ki dinləri uydurmuşdur. Bu Tanrı
məfhumunun yaradılma prosesi min illər
çəkdi. Aşılandı, aşılandı və sonda sonuncu
böyük dinin təqdimatında daha mükəmməl
formada ortaya çıxdı. Tanrı insanın yaradı-
cılıq qabiliyyətini o qədər zəngin etmişdir
ki, onun təxəyyülünün məhsulları bir-birin-
dən maraqlı və əsrarəngizdir. Əvvəllər hər
qəbilənin Tanrısı var idisə, sonralar bu anla-
34 /
Roman kimi hekayə
yış millətlərin adı ilə təqdim edildi. Hətta
Tanrı anlayışı da təmərküzləşmişdi. Sonra-
lar üç böyük dinin timsalında bir-birindən
fərqlənən Tanrı modeli yaranmışdısa, bir az
sonra isə o dinlərin təriqətlərə və məzhəb-
lərə bölünməsi nəticəsində Tanrı daha da
rəngarəng olmuşdu. Hərə öz donunu gey-
dirdiyi Tanrısını digərlərinə sırımağa çalı-
şırdı. Düzdür, bu böyük dinlərin təqdim
etdiyi Tanrı tək idi və mütləq hakim idi. La-
kin heç bir dinin təqdim və tərif edə bilmə-
yəcəyi Tanrı anlayışı şəxslərə görə fərqlə-
nirdi. Artıq hər kəs öz içində öz tanrısını ta-
pır, ona inanırdı. Adamlar fərqli düşüncəyə
sahib olduğu qədər də Tanrı modeli vardı.
Kimisi öz modelinə aşiq olub onu başqala-
rına da təbliğ edir, kimisi isə öz içindəki ilə
yaşayırdı. Həqiqət isə yenə birdir. Tanrının
bir olduğu kimi. Lakin bir həqiqətdən do-
ğan milyonlarla həqiqət tanrıçaları var. Belə
bir nəticəyə gəlmək olar ki, insanın elmi
inkişaf etdikcə onun təsəvvür etdiyi Tanrı
anlayışı da inkişaf edir. Ən qədim insan
Roman kimi hekayə
/ 35
təfəkküründəki Tanrı anlayışı ilə indiki in-
sanın təsəvvüründəki Tanrı anlayışı arasın-
dakı inkişaf prosesi davam etməkdədir. İn-
san inkişaf etdikcə, elmə yiyələndikcə onun
Tanrı anlayışı da inkişaf edir. Tanrının tərifi
hər bir insanın düşüncəsinə görə dəyişir. Bu
da Tanrının təkliyindən yox, çoxluğundan
xəbər verir. Həqiqəti isə yalnız və yalnız
Yaradan bilir.
Bilgə də öz inandığı Tanrısını insanlara
təqdim edir, milyonları birləşdirib bir həqi-
qət kimi təqdim etməyə çalışırdı. Amma o
nə peyğəmbərlər kimi etdi, nə də təriqət
başçıları kimi... O sadəcə vicdanının səsinə
qulaq asaraq öz milyonlarını şərt qoymadan
insanların birliyinə xərclədi. Bu əməllərinə
görə o sadəcə Buddaya bənzəyə bilərdi.
Çünki Budda da digər peyğəmbərlərdən
fərqli olaraq var və mülkünü buraxıb in-
sanlığı xilas etmək üçün yollara çıxmışdı.
Amma Bilgə ondan da fərqlənirdi. Heç bir
yerdə yeni bir din, yeni bir ideya, yeni fikir
gətirirəm demirdi. Onun Tanrı evləri fərqli
Dostları ilə paylaş: |