Sağlamlıq hür şey deyil, lakin hər şey sağlamlıqsız heç nədir

 
164 
uyğun miqdarda bal tökmək lazımdır. Bu şirəni gündə 3 dəfə bir 
çay qaşı ilə içmək olar. Əhvalmız dərhal yaxşılaşacaq. 
Portağal,  yaxud  limonla  qatışan  balın  isə  öz  tə'yinatı  var. 
Bu  sadə  dərman  vitaminlər  kompleksi  ilə  zəngin  olduğu  üçün 
maddələr  mübadiləsini  yaxşılaşdırır.  Hazırlamaq  üsulu  belədir: 
bir    portoğalı  və  yaxud  limonu  qabığı  ilə  bərabər  maşından 
keçirib,  horraya  döndərmək  və  üstünə  bal  tökmək  (hər  kəsin 
zövqüno uyğun), 12 saat saxlamaq. Gündə 3 çay qaşığı içmək. 
Bəli, bal təkcə şirin və dadlı qida deyil, böyük loğmandır, 
şəfa  mənbəyidir.  Min  dəfə,  milyon  dəfə  təəssüflənirik  ki,  gözəl 
Təbiəti,  arıçılığın  inkişaf  etdirilməsi  üçün  əlverişli  şəraiti  olan 
Azərbaycanda  təmiz  bal  tapmaq,  həm  də  münasib  qiymətə 
tapmaq  -  müşkül  məsələdir.  Halbuki  bal  yüzlərlə  dərmanı  əvəz 
etməyə qabirdir! 
Bəs  süd  haqqında  nəyi  bilmək  vacibdir?  Birmənalı 
deyirəm:  süd  içməyin!  Yaxşısı  budur  qatıq  çalın,çünki  qatıq 
məhsulları  qara  ciyərin  fəaliyyətini  yaxşılaşdırır,orqanizmin 
müqavimətini  artırır,  onu  infeksiyalı  xəstəliklərə  qarşı  davamlı 
edir. Qatıqda və qatıq məhsullarında orqanizm üçün lazım olan 
bütün  amin  turşuları  mövcuddur.  Qatıq  məhsullarından  ürək, 
böyrək  və  əsəb  xəstəliklərini  sağaltmaq  üçün  istifadə  edirlər. 
Onların  tərkibində  kalsium  duzu,  dəmir,  mis,  kobalt  vardır. 
Digər birləşmələrə nisbətən tez həzm olunur və qana tez sorulur. 
Qatıq məhsulları həm də ona görə qiymətlidir ki, mə'də-bağırsaq 
traktında potogen mikroorqanizmlərin inkişafına mane olur. 
Kəsmiyi  hökmən  bitki  qidaları  və  qoz-fındıqla  bir  vaxtda 
yemək faydalıdır: 2 xörək qaşığı kəsmiyə 1 çay qaşığı bitki yagı, 
yaxud  1-2  qaşıq  qoz-fındıq  ləpəsi  qatmaq  və  tərəvəz  salatı  ilə 
birlikdə yemək çox faydalıdır. Amma bir şərtlə: kəsmik də, digər 
qatıq  məhsulları  da  köhnə  olmasın.  Xatırladıram:  qatıq 
məhsulları və qatığın özü 24 saatdan sonra öz keyfıyyətini itirir. 
DİETANIN  YENİ  MƏRHƏLƏSİ 
Artıq  siz  dietanın  hazırlıq  mərhələsini  keçmisiniz  və 
psixologiyanızda  müəyyən  dəyişiklik  baş  verib.  İndi  siz 
dünənəcən  ən  dəyərli  qida  növü  saydığınız  ətə,  yağa,  duza 

---

 
165 
şirniyyata,  çörəyə  və  s.  daha  əvvəlki  kimi  səcdə  etmirsiniz. 
Bilirsiniz  ki,  bunların  heç  biri  cansağlığına  xidmət  etmir,adamı 
gümrah saxlamır,ona enerji  vermir.Amma bir çox ağır xəstəlik- 
lərin  yaranması  məhz  bu  qidalarla  sıx  bağlıdır.Qətiyyətli  olun, 
dietanın  yeni  və  həlledici  mərhələsinə  tərəddüdsüz  keçin.  İlk 
günlər  daima  aclıq  hissi  keçirəcəksiniz,  hətta,  başınız  gicəllənə 
bilər,  müəyyən  zəyifiik  hiss  edəcəksiniz.  Qorxmayın  və  geri 
çəkilməyin!  İrəli,  ancaq  irəli-sağlamlığa  doğru,  xəstəliklər 
üzərində  tam  qələbəyə  qədər  irəli!  Dəqiq  bilin  ki,  2-3  həftə 
ərzində  düzgün  qidalansanız,  əvvəlki  qüsurlardan  çox  asanlıqla 
yaxa  qurtaracaqsınız,  dietanın  şəfaverici  qüdrətini  hiss 
edəcəksiniz.  Amma  unutmayın:  hələ  sağlam  deyilsiniz,  hələ  ilk 
addımı atıbsınız. 
Arıqlamaqdan,  zahiri  görkəminizin  pisləşməsindən,  dost-
tanışın «niyə bu günə qalmısan» deməsindon utanmayın, dözün, 
müvəqqəti haldır. Bilin: bədəninizdə təzələnmə prosesi başlayıb, 
12-14  ay  ərzində  bütün  hüceyrələrinizin  yeniləşməsi  (regene-
rasiya)  baş  verəcək.  Canımızdakı  bütün  xəstəliklər,  qorxaq  tula 
kimi,  dabanına  tüpürüb  qaçacaq,  özünə  rahat,  isti  yuvanı 
başqalarının-qarınquluların,  tənbəllərin  və  acizlərin  cismində 
axtaracaq.  Çünki  onlar  üçün  nə  bağırsaqda,  nə  də  qanda  qida 
“anbarı” qalmayıb.Mənə inanın: bu,baş verəndə özünüz özünüzü 
tanımayacaqsınız,özünüz özünüzə heyran qalacaqsınız. O zaman 
dahi  Nişiyə  rəhmət  oxumağı  və    sağlam  həyat  tərzini 
Azərbaycanda  qızğın  təbliğ  edən  bu  bəndənizə  “sağ  ol” 
deməyi  unutmayın. 
İndi  isə  icazə  verin  sizi  daha  bir  dəyərli  alimlə,  ötəri  də 
olsa, tanış edim.Görkəmli İsveçrə alimi professor Birher-Benner 
özünün  çox  qiymətli  dieta  sistemini  yarım  əsr  tədqiqat 
apardıqdan sonra yaratmışdır. Onu diqqətinizə təqdim edirəm. 
4  gün  dalbadal  çiy  tərəvəz,  meyvə,  şülul,  göy-göyərti, 
meyvə  qurusu  (axşamdan  isladın,  suyunu  da  için),  qoz-fındıq 
(püstə,  badam,  şabalıd),  tumlar,  yarpaq  dəmləmələri,  yaşıl  çay, 
bal,  bitki  yağı  (1-2  çay  qaşığı),  kartof  şirəsi  qəbul  edin  (vacib 
deyil  ki,  bunların  hamısını  bir  gündə  yeyəsiniz).  Bişmiş  xörək 
yeməyin! Dözə bilməyənlər 100 qram qurudulmuş çovdar çörəyi 
yesin.  Bu  dörd  gündə  dilinizə  ət,  balıq,  yumurta,  kolbasa,  ağ 

---

 
166 
çörək,  xəmir  xörokləri,  şorba,  ət  suyu  (bulyon),  şokolad,  halva, 
şirniyyat, konfet, spirtli içkilər və bu qəbildən olan digər qidaları 
vurmayın, papiros çəkməyin. 
           5-ci  gün  -  eyni  şeylər.  Bir  parça  gündə  qurudulmuş  qara 
çörək («suxarı») əlavə etmək. 
6-cı  gün  -  həmin  şeylər.  Günorta  2-3  dənə  suda  bişmiş 
kartof (duzsuz) əlavə etmək. “Püre” kimi də yemək olar. 
7-ci gün - eynən. Əlavə 2 «suxarı» və 0,5 litr qatıq. 
8-ci gün – eynən. Əlavə - 1 yumurta sarısını çiy içmək. 
           9-cu gün - həmin şeylər.         
10-cu  gün  -  həmin  şeylər.  Əlavə -  1 çay  qaşığı kərə  yağı 
və  2  xörək  qaşığı  kəsmik  (1  çay  qaşığı  bitki  yağı  ilə 
qarışdırmaq). Bu menyunu 4 gün davam etdirmək. 
15-ci  gündə  100  q  soyutma  ət  (həftədə  2  dəfədən  çox  
olmasın)  yemək olar.  
Həftədə 2 dəfə 1-ci günün rejimini təkrar etmək. 
Damarları təmizləmək üçün limonla sarımsağm qarışığını 
içmək  faydalıdır.  Bir  limonu  qabığı  ilə  birlikdə  ət  maşınından 
keçirmək  və  1  baş  sarımsağı  horra  halına  salıb,  ikisini  də  şüşə 
qaba tökmək, 60 ml su əlavə etmək, 3-4 gün saxlamaq, süzmək, 
hər gün ac qarnına 50 ml qəbul etmək. Bunun üçün 4 kq limon 
tələb olunur. Bu içki damarları təmizləməklə yanaşı, immuniteti 
də  gücləndirir,  üstəlik-orqanizmi  çox  qiymətli  A,  B,  S 
vitaminləri ilə təchiz edir. 
Hər dieta bir konkret məqsədə xidmət etməlidir. Məsələn, 
«qurucu  dieta»  -  fiziki  inkişaf  üçündür.  O,  boy  atan  uşaqlara, 
hamilə  qadınlara  və  sağalmaqda  olan  xəstələrə  daha  çox 
gərəkdir.  Bu  dieta  zülalların,  karbohidratların,  mineralların, 
vitaminlərin  zəngin  olmasını  tələb  edir.  «Köməkçi  dieta»  -
minerallarla,  vitaminlərlə  və  karbohidrat-larla  zəngin  olmahdır. 
Lakin zülalsızdır. Yaşlılara gərəkdir. «Müalicəvi  dieta» (yaxud 
təmizləyici  dieta)  minerallarla  və  vitaminlərlə  zəngindir,  lakin 
nişastadan,  şəkərdən  və  yağlardan  məhrumdur.  Xroniki 
xəstəliklərin müalicəsində əvəzsizdir. 
Agah  olun:  xəstəni  çox  qüvvətli  yeməklər  yeməyə 
məcbur  edən  «xeyirxahlar»  onun  son  gününü  yaxınlaşdırır. 
Xəstəyə «güclü» qida yox, aclıq lazımdır. Naturopat alimlər tam 

---