***
Bunun ardınca Salyan yazarlarından biri Xəlil Rza
Ulutürkün qardaşı Məhəmməd Xəlilbəylinin Əliağa Kürçaylı
haqqında yazdıqlarını ixtisarla verməyi məsləhət bildim.
Salyanın yetirmələri çoxdur. Bu haqda oxuyacaqsınız. Lakin
Xəlil Rza Ulutürkün, Ağacavad Əlizadənin, Oqtay
Rzanın, Əlisəmid Kürün və b. haqqında ətraflı yazıları
“Muğanın övladları” və digər kitablarımda oxuya bilərsiniz.
Məhəmməd Xəlilbəyli Əliağa Kürçaylını oxuyarkən öz
fikirlərini belə ifadə edir:
- Artıq, ikinci cahan savaşı qurtarmışdı. Çoxları aldıqları
«qara kağız»ların ağ yalan olduğuna inana-inana doğmala -
rının yolunu gözləyirdi. Söyüdlər tumurcuqlayırdı. Kürün
qoynuna sığınıb ondan həyat şirəsi əmən Muğan kəndlərinin
birinə ağrılı-acılı, fərəhli-sevincli bir yaz gəlirdi. Belə ovqatlı
günlərin birində axşamüstü Kürqaraqaşlı kəndində bir ana
qaynar suya bir az göyərti, beş-altı yarma dənəsi atıb, «şorba»
bişirirdi. Bir azdan talonla alınan çörək də ortalığa gələcək,
ana atasız qalmış balalarını yedizdirəcəkdi. Bu vaxt poç-
talyon həyətə gəlib «Kürçaylı»nı soruşdu. Ana suala sualla
cavab verdi:
- O kimdir, ay oğul?
- Bilmirəm, onunçün pul gətirmişəm. Axı, burada yaşayır.
- Burada mən yaşayıram, bir də uşaqlarım. Mənim oğlum
Kürqaraqaşlıdandır, Kürçaylı yox.
Bu danışığı eşidən Əliağa həyətə düşüb pulu alır və poç-
talyonu yola salır. Anasını başa salır ki, qəzetdə dərc olunmuş
şeiri üçün ona pul göndəriblər.
Zəkanın gücü
17
- Sən şair olmusan?
- Bilmirəm, ana.
Lakin bilir. Məhz bu inamın təsiri ilə sonralar «Fillər də
ağlayır» şeirində yazacaq:
Yox, təvazökarlıq tutmıır bu yerdə,
Şairəm, özü də yaxşısındanam
Bunu yüz yol deyib tənqidçilər də,
Məgər nadanam?
1947-ci il iyun ayının əvvəllərində Salyan dəmiryol
stansiyasının hesabdarı Əliağa Həsənağa oğlu Vəliyev o vaxt
rayon partiya komitəsinin birinci katibi işləyən Məmməd
Bağırovun kabinetinə çağırılır və belə bir teleqramla tanış
edilir.
«Gənc şair Əliağa Kürçaylını bir həftəlik çörək kartoçkası
ilə təmin edib, 1947-ci il iyun ayının 16-da Yazıçılar
İttifaqında keçiriləcək gənc yazıçıların birinci respublika
müşavirəsinə göndərməyinizi xahiş edirik.
Azərbaycan Yazıçılar İttifaqının sədri Səməd Vurğun»
Əliağa Kürçaylı tribunadadır. Çəkinə-çəkinə S.Vurğuna
müraciət edir.
- Danışım, ya şeir oxuyum?
- Şeir oxu, natiqimiz onsuz da az deyil.
Əliağa «İlk bahar çiçəyi» şeirini oxuyur:
Yadımdadır, güllələr şığıyıb keçən zaman,
Səni qanlı otların üzərindən dərdiyim,
O incə tellərini mərmilər biçən zaman
Sahib Sailov
18
Xatirə dəftərinin arasına sərdiyim.
Qayıtmışam cəbhədən, indi yenə bahardır.
Bitmisən çəməndə sən, ləçəklərin qan kimi.
Üzündə nə həyəcan, nə qorxu izi vardır,
Mən qorudum güllədən səni qəhrəman kimi.
Bir çətən külfəti dolandırmaq üçün işləməyə məcbur olan
9-cu sinif şagirdinə S.Vurğunun verdiyi zəmanət və xeyir-
dua onu poeziyanın böyük və məşəqqətli yoluna çıxardı və
Əliağa Kürçaylı şair adını şərəflə doğrultdu.
Ə.Kürçaylı həm məhsuldar, həm də yaxşı yazan şairlərdən
idi. Bir-birinin ardınca kitabları nəşr olunmağa başladı. «Ari -
fin bacısı» (1953), «Salam gələcək illər» (1954), «Səfərə
çıxıram» (1956), «Gözəllik» (1958), «Cavabsız məktublar»
(1960), «Nargindən əsən külək» (1961), «Şeirlər» (1963),
«Əsmər və Zəfər» (1964), «Durnalar cənuba uçur» (1967),
«Seçilmiş əsərləri» (1969), «Yollarda axtar məni» (1970),
«Həyatın dolayları» (1973), «Dünya ovcumdadır» (1976),
«Bütövlük» (1978), «Ülkər» (1978), «Qəlbin sıxılsa əgər»
(1981) orijinal kitabları, Sergey Yeseninin «Şeirlər və poe-
malar» (1978), A. Dantenin «İlahi komediya» (1973) tərcümə
kitabları çap olunur.
Yaddaşımdan seçmələr:
- 1967-ci ildə Sergey Yeseninin yubileyi münasibətilə in-
diki N.Tusi adına APU-da görüş vardı. Görüşdə o dövrün
demək olar ki, bütün tanınmış yazıçıları iştirak edirdilər.
Yığıncağı Azərbaycan KP MK-nın katibi Şıxəli Qurbanov
aparırdı. Şairlər, tənqidçilər, vəzifə adamları bir-bir çıxış edir,
Zəkanın gücü
19
öz şeirlərini oxuyur, mübahisələr edirdilər. S.Yeseninin özü
və tərcüməçisi Əliağa tamam unudulmuşdu. Gözlənilmədən
o, mikrofona yaxınlaşdı, qəzəblə dedi:
- Yenə də ehtiraslar qızışdı, Yesenin yaddan çıxdı...
1976-cı ildə o zaman 2№-li orta məktəbin direktoru
işləyən rəhmətlık Ağaməmməd Mirzəyev mənə zəng vurdu
ki, Əliağa Kürçaylını Salyana görüşə dəvət edib. Görüşün
vaxtını-vədəsini müəyyənləşdirib, əlaqədar təşkilatlara xəbər
verdik. Səhnəyə çıxanda xəcalətimdən bilmədim şairin üzünə
necə baxım. Zalda ancaq məktəb uşaqları var idi. Ancaq
Əliağa özünü o yerə qoymadı. Elə həvəslə danışır, şeir oxu -
yurdu ki, yavaş-yavaş mənim də necə deyərlər, qırışığım
açılmağa başladı. Görüşün aparıcısı kimi marağı artırmaq
məqsədi ilə uşaqların adından suallar yazıb ona verməyə
başladım. Çox həvəslə, ətraflı cavablar verirdi. Gəlib yerində
oturanda qulağıma pıçıldadı:
- Bəsdi, daha sual yazma.
Sözün həqiqi mənasında ikinci dəfə xəcalət təri məni
basdı. Demə, şair gözündən heç nəyi gizlətmək mümkün
deyilmiş.
Əliağanı tanıyanlar ondan söz düşəndə bir ağızdan
deyirlər: «Allah rəhmət eləsin, yaxşı insan idi».
Bəli, o, əvvəl insan idi, sonra şair idi.
1988-ci ildə şairin anadan olmasının 60 illik yubileyini
rayonun ictimaiyyəti təntənəli şəkildə qeyd elədi.
Dəvət edilmiş qonaqlardan Rəfiqə Hüseynovanın çıxışı
xüsusilə yadımda qalıb:
- Müəyyən səbəblər üzündən görkəmli ədəbiyyatşünas
Sahib Sailov
20
Dostları ilə paylaş: |