Sayalı xanım özü beynəlxalq təcrübənin öyrənilməsinə böyük əhəmiyyət verir.
Tez-tez beynəlxalq
tədbirlərdə iştirak edir, peşəkarlıq səviyyəsini artırmağa çalışır.
Fransada ,
Amerikada, Rusiyada, Türkiyədə, Misirdə beynəlxalq reklam məktəblərində
təcrübəsini artırıb.
2001-ci ilin noyabr ayında BMT-nin İqtisadi Komissiyası tərəfindən Cenevrədə
təşkil edilmiş Sahibkar qadınların Ümumdünya İqtisadi Forumunda Sayalı xanim 7
nəfərlik Azərbaycan nümayəndə heyətinə rəhbərlik edib. Bu barədə
o belə deyir:
ʺSahibkar qadınların ilk Ümumdünya İqtisadi Forumunun əhəmiyyəti böyük idi.
Forum yalnız dünyada qadın sahibkarlığın inkişaf etdirilməsinə dəstək olan
strategiyanın işlənib hazırlanması ilə kifayətlənmədi, tədbir həm də dünyanın müxtəlif
ölkələrindən olan işgüzar qadınların görüş yeri, faydalı əlaqələr yaradılması və təcrübə
mübadiləsi aparmaq üçün unikal bir fürsət oldu.ʺ
Sayalı xanımın fikrincə bu gün Azərbaycanda sahibkarlığın inkişafı üçün münbit
şərait - qanunvericilik və təhsil bazası yaradılmışdır. Biznes sahələrinin
liberallaşdırılması və bu işə ictimai qurumların cəlb olunması biznesin gələcək inkişafı
haqqında aydın təsəvvür yaradır.
Bu sahədə problemlərə gəlincə Sayalı xanım bu barədə böyük təəssüf hissi ilə
danışır: ʺBakıda fəaliyyət göstərən 81-ə qədər reklam şirkətinin reklam bazarında
işlərinin təşkil edilməsi və hüquqların qorunması üçün hələ də tam təminat yoxdur,
ölkədə reklam fəaliyyətini tənzimləyən ʺReklam haqqındaʺ Qanun, dövlət nəzarət
sisteminin təkmilləşdirilməsi və sahibkarlığın inkişafı sahəsində süni maneələrin
aradan qaldırılması haqqında Prezident fərmanlarına lazımınca əməl olunmur. Bütün
bu problemlərin aradan qaldırılması, sahibkarlığın inkişafı üçün yeni bank sisteminin
qurulması, uzunmüddətli və faizsiz ^rec itlərin verilməsi, sahibkarlığa qarşı vəzifədən
sui-istifadə və ya rüşvətxorluq hallarının qarşısının alınması ilə Azərbaycanda reklam
biznesinin və ümumiyyətlə, sahibkarlığın yüksək inkişafına nail olmuş
olarıq.ʺ
Sayalı xanım vaxtının əsas hissəsini biznesə sərf etsə də qayğıkeş ana, yaxşı evdar
xanımdır. ʺDüzdür, biznesə daha çox vaxt sərf edirəm. İş insana depresiyadan uzaq
olmağa kömək edir, onu mənən zənginləşdirir və güclü edir. Bununla belə uşaqların
tərbiyəsi ilə məşğul olmağa, onlara diqqət göstərməyə çalışıram. Oğlanlarım Orxan və
Sinan Türk litseyində təhsil alırlar. Hər dəfə onlar haqqında xoş sözlər eşidəndə çox
sevinirəm. Orxan mənim işimə çox böyük maraq göstərir. Yəqin ki, bu iş bizim ailə
biznesimizə çevriləcəkʺ.
Hafizə Quliyeva
ʺElçinʺKəndli Fermer Təsərrüfatının rəhbəri
Yaxşı bir peşə sahibindən, işinin ustasından söhbət düşəndə, adətən həmin
adamın hələ uşaqlıqdan bu işə meyl etdiyini yazırlar. Bəlkə, bu doğurdan da belədir?
Ancaq təsadüfün insan həyatında, taleyində oynadığı rolu qiymətləndirməmək də
düzgün olmazdı. Bəzən elə məhz təsadüf insanın həyatında həlledici rol oynayırʺ, onun
yolunu müəyyən edir, həyatda yeganə yerini tapmağa səbəb olur.
Xoşbəxt bir təsadüf nəticəsində həyatda doğru yerini tapmış insanlardan biri
ʹElçinʺ KFT-nin rəhbəri Hafizə Quliyevadır.
O, 1960-cı il yanvarın 30-da Lənkəran rayonunun Verasul kəndində anadan olub
1977-ci ildə orta məktəbi bitirib. O, uşaqlıqdan həkim olmağı arzulayırdı. Buna görə də
sənədlərini Azərbaycan Dövlət Tibb İnstitutuna verir, lakin 2 il dalbadal müsabiqədən
keçə bilmir. Özünü başqa yerdə sınamaq məqsədilə Krasnodar Politexnik İnstitutunun
Bakı Filialının subtropik bitkilərin texnologiyası fakültəsində imtahan verir və qəbul
olunur. Əvvəlcə sənədlərini geri götürmək istəyir, lakin sonra nə isə ona mane olur.
Bəlkə də bu ʺnə isəʺ həmin xoşbəxt təsadüf idi ki, sonra ona həyatda öz yerini
tapmaqda kömək etdi.
İki il oxuduqdan sonra İnstitutun Bakı filialının bağlanması ilə əlaqədar təhsilini
Gürcüstanın Suxumi şəhərində davam etdirir, 1986-cı ildə çay istehsalı üzrə
mühəndis-texnoloq ixtisası ilə ali məktəbi bitirir.
Təhsilini qiyabi aldığı üçün əmək fəaliyyətinə hələ tələbə ikən 1982-ci ildə
başlayıb, əvvəl Lənkəran şəhər 3№-li, 1985-ci ildən 1№-li çay fabrikində mühəndis-
texnoloq işləyib. Çay istehsalı sahəsində bacarıqlı mütəxəssis kimi fərqlənib. Bəlkə də
bu sənətə gəlişi heç də təsadüfi deyildi. Qocaman Talış dağlarının ətəklərində yerləşən
doğma kəndi subtropik zona olduğundan ata-babaları hələ qədimdən çay becərməsi ilə
məşğul olmuşdular. Burada o, 1999-cu ilə kimi fəaliyyət göstərir.
Bu dövrdə köhnə təsərrüfat sisteminin dağılması, keçmiş müttəfiq respublikaları
arasında qarşılıqlı sıx əlaqələrin pozulması iqtisadiyyatın bir çox sahələri kimi, çayçılıq
sənayesini də iflic vəziyyətinə saldı. Çay istehsal edən fabriklərin işi dayandı, çay
plantasiyaları başlı-başına qaldı. Ömrünün böyük bir hissəsini çay sənayesinə həsr
etmiş Hafizə xanım məhv edilmiş çay plantsiyaları haqqında ürək ağrısı ilə danışırdı.
ʺÇay təkcə nemət deyil, həm də böyük bir sərvətdir. Bu sərvət hər diyara nəsib
olmamışdır. Çayı yetirən torpağa nadir iqlim, həssas əmək gərəkdir. Lənkəran torpağı
belə bir diyardır. Sən bu torpağı sev, torpaq da səndən bərəkətini əsirgəməzʺ - deyir.
Rayonda ilk dəfə olaraq çay sahələrini bərpa etmək ideyası ilə çıxış edir, bu
qiymətli məhsulun ənənəvi şöhrətini özünə qaytarmaq istəyir.
1999-cu ildə 15 hektar çay sahəsi alır. Bir çox çətinliklərlə üzləşməsinə
baxmayaraq, öz daxili imkanları hesabina işə başlaya bilir və ʺElçinʺ KFT-nı yaradır.
Təsərrüfatın fəaliyyət istiqaməti çaybecərmə - sahələrin şumlanması, çay kollarının
bərpa edilməsi, çayın yığılıb təhvil verilməsidir. Təsərrüfatda 35 nəfər adam çalışır.
İldə 15 ton çay yığılır və müqavilə əsasında Lənkəran şəhər 1№-li çay fabrikına
təhvil verilir.
Təsərrüfat bir sıra problemlərlə üzləşir. Bu, əsasən suvarma işlərinin aparılması və
çay sahələrinin mühafizəsi ilə bağlı çətinliklərdir. Bu problemlərin öhdəsindən gəlmək
üçün maliyyə qurumlarından kredit almaq niyyətindədir.
Əgər maliyyə vəziyyəti imkan verərsə daha çox çay plantasiyalarını bərpa etməyi,
bundan başqa kənddə heyvandarlığı inkişaf etdirməyi planlaşdırır.