Sahibkar qadin lar
Yüklə 1,75 Mb. Pdf görüntüsü
|
ʺAygünʺ kooperativi fəaliyyətinin ilk bir neçə il ərzində 410 nəfər qadına paltar biçmək və tikmək sənətini öyrətmişdi. Müəssisə o zaman respublikada bu sənət üzrə yeganə məktəb idi. 90-cı illərin sonlarından başlayaraq insanların geyimə, modaya münasibəti dəyişilir, daha çox ʺqərb dəbliʺ geyimlərə üstünlük verilir. Dövrün dəyişən tələblərini nəzərə alaraq Fatimət xanım şirkətin fəaliyyəti üçün yeni bir istiqamət seçir. Şirkət xalça toxuculuğu və bu sahədə ustaların yetişdirilməsi ilə məşğul olmağa başlayır. Ailə ənənələri əsasında bu qədim el sənətinin sirlərini bilən Fatimət bu sahədə işi uğurla idarə edir. Yalnız 3 nəfərələ işə başlayan müəssisədə indi 50-dən çox təcrübəli sənətkar çalışır. Xalçaçılıq sənəti üzrə hər il 40-50 tələbə yetişdirilir. Burda xalçalar qədim azəri ənənələri əsasında toxunur. Bunun üçün yun, təbii ipək və pambıq saplardan istifadə olunur. Şirkətin istehsal etdiyi xalçalar dünya ekspertləri tərəfindən yüksək qiymətləndirilmiş, dəfələrlə beynəlxalq səviyyəli sərgi və yarmarkalarda müxtəlif diplom və mükafatlara layiq görülmüşdür. ʺAygünʺ tədris-istehsalat müəssisəsi 1500 kvadrat metrlik bir ərazidə yerləşir. Burada emalatxanalar, tədris otaqları, təsərrüfat məqsədli otaqlar var. Fatimət xanımın biznes yolu çox çətin olub. ʺBizneslə məşğul olmaq asan deyil. Onun yüksəliş və tənəzzül dövrü olur . İş adamı riski görməli və ona hazır olmalıdır. ʺMən öz biznesimdə pillə-pillə yüksəlmişəm və hər bir pilləni adladıqca saysız-hesabsız çətinliklərlə üzləşmişəm. Hər şeyi özüm həll etməyə çalışmışamʺ – deyir. O, daxilən narahat, sakitlik bilməyən bir insandır. Nail olduğu onu qane etmir. Deyir ki, biznesi ilə bağlı böyük planları var. Müəssisəni genişləndirmək, daha çox insanı işlə təmin etmək, daha çox gəncə sənət öyrətmək arzusundadır. Lakin müəyyən çətinliklər, işin genişləndirilməsi ilə bağlı problemlər var. Yerli icra orqarlarının süründürməçiliyi, sahibkarlığın inkişafına yönəldilmiş fərmanlara yerlərdə əməl olunmaması, kredit verilməsinin ağır şərləri işin gedişinə mane olur. Maneələrə baxmayaraq Fatimət xanım yeni layihələr işləyib hazırlayır. Onun ʺXalçalar diyarıʺ layihəsinin əsas məqsədi Azərbaycanın bu qədim el sənətini bütün dünyada tanıtmaq və təbliğ etməkdir. Layihə müəssisənin istehsal gücünün artırılmasını, satış, marketinq şöbələrinin yaradılmasını nəzərdə tutur. Fatimət xanım BMT-nin Avropa üçün İqtisadi Komissiyası tərəfindən ʺAvropada 2002-ci ilin Ən yaxşı Qadın sahibkarıʺ nominasiyasına layiq görülmüşdür. 2003-cü ildə Cenevrədə ilin ən yaxşı qadın sahibkarı adlandırılmışdır. Fatimət xanım üçün həyat - çalışmaq, işləmək və mübarizə aparmaq deməkdir. Gənclik təravətini və gözəlliyini qoruyub saxlamış, yüksək enerjili bu qadın hələ gənc ikən həyat yoldaşını itirmiş, dörd övladını layiqincə tərbiyə edib boya-başa çatdırmış, hamısına ali təhsil vermiş, onları yaxşı mütəxəssis, hər şeydən əvvəl isə cəmiyyət üçün faydalı insan kimi tərbiyə etmişdir. Respublikamızda qadın sahibkarlığın inkişafında böyük rolu və əməyi olan iş adamı Fatimət Ağamirzəyevaya böyük uğurlar arzulayırıq!
ʺTAKİ Distributon ʺ şirkətinin prezidenti
Bakının mərkəzi küçələrindən birində yerləşən ofisə daxil oluram. Sadə və səliqəli otaqda məni qarşılayan gənc gözəl qızla aramızda dərhal ünsiyyət yaranır. Yaşı az olsa da, iş qabiliyyətinə, bacarığına söz ola bilməz. Axı böyük bir şirkətə rəhbərlik etmək elə də asan iş deyil. Söhbət yeni azərbaycanlılar nəslinin nümayəndəsi - respublikanın gənc qadın sahibkarı Nərminə Abdınbəyovadan gedir. Nərminə 1976-ci il iyulun 6-da Bakı şəhərində anadan olub. Orta təhsilini Bakı şəhər 46 №-li məktəbdə alıb. 1993-97-ci illərdə Bakı Dövlət Xarici Dillər Universitetində təhsil alıb. Əmək fəaliyyətinə hələ tələbə ikən başlayıb, bir sıra iri xarici şirkətlərdə tərcüməçi işləyib. 1998-ci ilə Nərminə xanım təhsilini təkmilləşdirmək üçün bir neçə aylıq Londona gedir. Qayıtdıqdan sonra ʺTaki Distributonʺ (Parfums de France) Fransa - Azərbaycan Birgə Müəssisəsində marketinq üzrə menecer işləməyə başlayır. İşlədiyi ilk qündən bacarığı, işgüzarlığı ilə seçilir, kollektivin etimadını qazanır. Onun bu xüsusiyyətlərini nəzərə alan Fransa tərəfinin təkidi ilə o, 2000-ci ildə ʺTaki Distributonʺ Şirkətinin prezidenti təyin edilir. ʺTaki Distributonʺ MMC parfümeriya və kosmetika məhsullarının alqı-satqısı ilə məşğuldur. Dünyanın 50-dən artıq - Estee Lauder, Lancome, Nina Ricci, Christian Dior, Aramis, Kenzo, Versace və s. kimi məşhur fransız, italyan, alman və ingilis şirkətlərinin rəsmi və ekskluziv distribyutorudur. Şirkət respublikada 14 Parfums de France mağazalar şəbəkəsinə malikdir. Həmçinin cəmiyyətin bilavasitə özünə məxsus 5 mağazası fəaliyyət göstərir. Bu yaxınlarda şirkətin daha bir mağazası işə başlayıb. Nərminə xanım deyir ki, şirkətin realizə etdiyi məhsullara tələbat yüksəkdir, müştərilərin sayı getdikcə artır. Bu isə əhalinin alıcılıq qabiliyyətinin yüksəldiyini və ölkədə iqtisadi vəziyyətin yaxşılaşdığını sübut edir. Müəssisənin üzləşdiyi əsas problem kadr məsələsi: yüksək ixtisaslı kadrların seçimidir. Hazırda şirkətdə 37 nəfər işçi çalışır. Kollektivin 50%-i gənclərdir. Mütəxəssisləri şirkət özü yetişdirir. Əsasən də marketinq üzrə mütəxəssislər təhsillərini artırmaq üçün xarici ölkələrə göndərilir və iş təcrübəsi öyrənirlər. Nərminə xanım yeni layihələr üzərində çalışır. Bunlardan biri Bakı şəhərində gözəllik salonunun açılması ilə bağlıdır. Bu salon Avropanin qabaqcıl və tanınmış salonları tipində təşkil ediləcəkdir. Burada çalışacaq mütəxəssislər inkişaf etmiş Avropa ölkələrində təcrübə keçəcəklər. İstifadə edilən kosmetik xammal məhsulları həmin ölkələrdən gətiriləcək, əsasən də Lancome firmasının məhsullarından istifadə ediləcək. Bundan əlavə Nərminə xanım yeni aparıcı dünya şirkətlərinin distribyutorluğunu götürmək arzusundadır. Nərminə xanım, qadın üçün, xüsusilə də sizin kimi gənc bir qadın üçün sahibkarlıq fəaliyyəti ilə məşğul olmaq çətin deyil ki? Bəzən sahibkarlıqla məşğul olan qadınların müxtəlif maneələr, xüsusilə də cinsi ayrı-seçkiliklə üzləşdiyini eşidirəm. Yəqin ki, bu barədə mənim bəxtim gətirir. Axı Yüklə 1,75 Mb. Dostları ilə paylaş:
|