239
ma yaxın olan) qohum-əqrəbaya, yetimlərə, yoxsullara və (pulu qurtarıb
yol
da qalan) yolçulara məxsusdur.”
362
Quran ayələrinə müraciət etməklə Əhli-beytin üstünlüyünü bir daha xatır-
ladan Əbul-Abbas sözlərinə belə davam etdi: “Ey insanlar! Allah, bizim vasitə-
mizlə insanları azğınlıqdan sonra hidayətə çatdırdı. Haqqı bizimlə üzə çıxardı.
On
lardakı fəsadı bizimlə düzəldib islah etdi. Alçaqları bizim vasitəmizlə ucalt-
dı. Nöqsanlığı tamamladı. Dağınıqlığı yığışdırdı. Nəhayət insanlar daha əvvəl
bir-
birləri ilə düşmən olduqları halda bir-birlərinə şəfqət göstərməyə, bir-birləri-
nə yaxşılıq etməyə başladılar. Allah, bu lütfünü bizlərə Hz.Muhəmməd (s) va-
sitəsilə bəxş etdi. Onun vəfatından sonra bu işi səhabələri icra etdi. Onlar öz ara-
larında məşvərət etdilər. Sonra Hərb oğulları ilə Mərvanilər bu mirasa atıldılar.
Bunu özlərinə götürüb öz aralarında böldülər. Haqsızlıq edərək haqq sahiblərinə
zülm etdilər. Allah da onlara bir müddət möhlət verdi. Sonra onların əllərin-
dəkini alıb bizə təslim etdi. Allah haqqımızı bizə qaytardı. Ümmətimizin işlərini
bizim vasitəmizlə yoluna qoydu. İdarəni bizə verdi. İslamiyyət işini bizim vasi-
təmizlə açdığı kimi bu işi yenə bizimlə yoluna qoyub düzəltdi. Ey Kufə xalqı,
siz bizim sevgimizin mərkəzisiniz. Dostluğumuzun mərkəzisiniz. Sizlər bizim
va
sitəmizlə insanların ən xoşbəxtləri olacaqsınız və insanlar arasında ən çox si-
zə qiymət verəcəyik. Aylıqlarınıza yüz dirhəm əlavə etdim. Hazır olun. Mən
çox qan tökücüyəm və məhvedici bir intiqamçıyam yəni, Səffaham.”
Xütbədən də məlum olduğu kimi Əbul-Abbas xəlifə olduqdan sonra özünə
“Səffah” ləqəbini götürmüşdür. “Səffah” sözü ərəb dilindən tərcümədə üç mə-
na verir: 1)
qan tökən; 2) bol bəxşiş verən; 3) yaxşı nitq söyləyən. Əbul-Abbas
xi
lafəti dövründə bu mənaların üçünü də doğrultmuşdur.
Əbul-Abbasdan sonra minbərə çıxan əmisi Davud ibn Əli belə dedi:
“Həmd Allaha məxsusdur. Düşmənlərimizi məhv edib mirasımızı bizə geri ve-
rən Allaha həmd olsun. Ey insanlar! Bu anda dünyanın qaranlıqları sıyrıldı.
Üzərindəki örtü açıldı. Göy və yer parladı. Xilafət günəşi üfüqdə doğdu.
Ey insanlar! Allaha and olsun ki, biz bu işləri qızıl-gümüş toplamaq, arxlar
qaz
dırıb qəsrlər tikdirmək üçün başlamadıq. Biz, haqqımızın əlimizdən alınması-
na qızaraq, əmi uşaqlarımız adına hirslənərək Əməvilərin sizinlə pis rəftar etmə-
lərinə, sizi alçaltmalarına, qənimət və sədəqələri sizə verməyib özlərinə götürmə-
lərinə dözməyərək bu işə girişdik. Allahın endirdiyi hökmlərlə sizə hökm etmək,
Allahın kitabı ilə rəftar etməyi qarşımıza məqsəd qoymuşuq. Allah Əməviləri və
Mərvaniləri etdiyi əməl və cinayətlərə görə cəzalandırdı. Onlar Allahın haram
buyurduqlarını halal bildilər. Zalımlar birliyi Allahın rəhmətindən uzaq olsun.!
Ey Kufəlilər, xəbəriniz olsun ki, Hz.Peyğəmbərdən (s) sonra bu minbərə
Hz.
Əlidən və hal-hazırda xəlifəniz olan Əbul-Abbasdan başqa xəlifə çıxma-
mışdır. Bunu da bilin ki, xilafət işi bizdə qalacaq, bizimlə davam edəcək və
son
da bizim tərəfimizdən Məryəm oğlu İsaya
(ə) təslim ediləcək. O zamana ki-
362
əl-Həşr surəsi, ayə 7.
240
mi xilafət bizim ailədən kənara çıxmayacaqdır. Bizə verdiyi möhnətlərə və bizi
seçdiyi üçün al
əmlərin Rəbbi Allaha həmd olsun”.
Bundan sonra Əbul-Abbas ilə əmisi Davud ibn Əli minbərdən enərək hö-
ku
mət evinə getdilər və günortaya qədər xalq ona beyət etdi. Kufə kənarında
özü
nə ordugah quran Səffah şəhərə əmisi Davud ibn Əlini hakim buraxdı.
Əbul-Abbasın Əməvilərdən intiqam alması
Əhli-beytin intiqamını Əməvilərdən almağı qarşılarına məqsəd qoyan
Abba
silər dərhal bunu həyata keçirməyə başladılar. Buna əsasən xəlifə Əbul-
Ab
bas Əməvilərin kökünü kəsmək üçün fəaliyyətə başladı. Əməvilərin iki
qoşun birliyi Abbasiləri narahat edirdi. Bu qoşunun biri Əməvi xəlifəsi II
Mərvan ibn Məhəmmədin başçılığı altında əl-Cəzirədə, digəri isə Yezid ibn
Ömər ibn Hübeyrənin başçılığı altında Vasitdə toplanmışdı. Əbul-Abbas
əvvəlcə əmisi Abdullah ibn Əlini II Mərvan ibn Məhəmmədin üzərinə gön-
dərdi. 750-ci ildə Böyük Zab çayı sahilində baş verən döyüşdə Əməvi ordusu
məğlub edildi və xəlifə II Mərvanın başı Kufəyə Abbası xəlifəsi Əbul-Abbas
Səffahın hüzuruna göndərildi. Əbul-Abbas əməvi xəlifəsi II Mərvanın başını
gö
rəndə səcdəyə gedərək Allaha həmd etdi: “Allaha şükr ki, səndən və sənin
nəslindən intiqamımı aldım. Hüseyn ibn Əlinin əvəzində 200 nəfər əməvini
qətlə yetirdim. Zeyd ibn Əlinin əvəzinə xəlifə Hişamın sümüklərini qəbirdən
çıxarıb yandırdım. Qardaşım İbrahimin əvəzində isə Mərvanı öldürdüm. Daha
ölüm
dən qorxum yoxdur.”
363
Əməvi xəlifəsi II Mərvanın ölümündən sonra Abbasi vəziri Əbu Sələmə,
Yezid ibn Ömər ibn Hübeyrənin üzərinə Həsən ibn Qəhtəbə ilə Əbu Cəfər
Mənsuru göndərdi. Yezid ibn Ömər uzun müddət Vasit şəhərini müdafiə etsədə
sonda xəlifə Mərvanın ölüm xəbərini eşitdikdə təslim oldu. Lakin qısa müddət
sonra Yezid ibn Ömər ibn Hübeyrənin nüfuzundan qorxan Əbul-Abbas onu
ailəsi ilə birlikdə edam etdirdi.
364
Əbul-Abbasın hakimiyyət illəri demək olar ki, Əməvilərin axtarılması və
məhv edilməsi ilə bağlıdır. Əməvilərdən yalnız bir nəfər “Daxil” ləqəbli Əb-
dür
rəhman ibn Müaviyə ibn Hişam Əndəlusa qaçaraq gələcəkdə Kordova əmir-
li
yi kimi tanınacaq dövlətin əsasını qoydu.
365
Əməvilərin tam məğlubiyyətindən sonra Əbul-Abbas ilk Abbasi vəziri olan
Əbu Sələmə Həfs ibn Süleyman Xəllalı 750-ci ildə Əbu Müslimin əli ilə qətlə
ye
tirdi. Tarixi mənbələrə əsasən Əbu Sələmənin qətlinə səbəb xilafəti Abbasi-
lərdən alıb Əhli-beytə qaytarmaq istəməsi olmuşdur. Hətta bu məqsədlə
363
Tarixi-
Təbəri, IV cild, səh-280-356; Tarixi-Yəqubi, II cild, səh-340-351; Tarixi-Məsudi, III
cild, səh-257-265; Tarixi ibn Əsir, V cild, səh-416-430.
364
Tarixi ibn Əsir, V cild, səh-437-442; Tarixi-Yəqubi, II cild, səh-353-354.
365
Tarixi-
Yəqubi, II cild, səh-354-357; Tarixi ibn Əsir, V cild, səh-429-432; Tarixi-Təbəri, IV
cild, səh-356.